شمع گل تا بو ت(روہڑی سکّھر)ہم تمھارے پاس تا قیامت آئیں گےامام حسین علیہ السّلام

 

تحریر و تلخیص ۔۔سیدہ زائربسم اللہ الّرحمٰن الرّحیم ،

نحمد ہ ونصلّی علٰی رسولہ الکریم واٰلہ الطّیبین الطا ہرین ۃ

میں اپنی تحریر کے آغاز پر ہی  سکھّر روہڑی (پاکستا ن) کے ان تمام  افرادکا شکریہ ادا کرنا چاہتی ہوں جن کی مساعی کی

 بدولت ‘‘اور دنیا کے انگنتمومنین کو عشق حقیقی کے متوالوں کی سچّی داسوںنتان سننے اور بزات خود دیکھنےکو ملی یو ٹیوب

 پر سب کچھ سننے اور دیکھنے کے بعد میں نے فیصلہ کیا کہ اس عشق خودکی سچّی داستان کو حرف حرف لکھ کر پیش کر سکوں تو

 اسے اپنی قسمت کی عین سعادت سمجھوں گی۔ میں پاکستان کےشہروں میں صرف لاہور ،کوئٹہ ،نوابشاہ ،حیدر آباد سے

 واقف ہوں جہاں میں جا سکی ہوں لیکن امام مظلوم کے اس معجزاتی تابوت کی یو ٹیوب پر زیارت کے بعد میرے دل میں

 پاکستان جا کرزیارت کرنے کی ایک لگن دل میں جاگ اٹھی ہے۔

اسی شہر کی شاہی مسجد میں حضور پاک 'سیّد المرسلین صلّی اللہ علیہ وآلہ وسلّم کا موئے مبارک جلوہ گر ہےاور اسی

 خصوصیت کی بناء پر یہ خطّہ ءارض بے شمار ولیو ں ،بزرگو ں،اورعاشقان  محمّد و آ ل محمّد صلّی اللہ علیہ واٰ لہ وسلّم کا محبوب ترین

 خطّہ رہا ہے یہاں قلندر لال شہباز اور شاہ عبداللّطیف بھٹائ کی اورانگنت بزرگان دین کی چلّہ گاہیں اورآستانے  موجود ہیں

 جو زائرین کے لئے کشش کا باعث ہیں برّصغیر اپک وہند میں سندھ کے علاقے کو یہ شرف حاصل رہا ہے کہ دین اسلام کی

 روشنی یہاں سے داخل ہوئ اور پھر پورے برّصغیر کو اس روشنی نے اپنی پاکیزہ کرنو ںسے منوّر کیا اور سند ھ کو باب الاسلام

 کے لقب سے سرفراز کیدر حقیقت دین اسلام کی روشنی محمّد بن قاسم سے پہلے ہی خانواد ہء آل رسول صلّی اللہ علیہ واٰلہ

 وسلّم کی اس خطّہ ارض پر ہجرت سے شروع ہو چکی تھی

 اس کی ابتدا   ءاس طرح سے ہوئ کہ ساتویں صدی ہجری میں امام

 علی نقی علیہ اسّلام کی نسل سےایک بہت بڑے عالم و زاہد و متّقی صاحب کشف وکرامت بزرگ امیر سیّد محمّد مکّی ابن سیّد

 محمد شجاع 640 ء میں مشہد مقدّس سے تشریف لائے اور اپنےاجداد اور حضرت امام حسین علیہ السّلام کی سنّت کے

 مطابق یہان کے حاکم سےزمین خریدی اور اس زمین پر جا گزیں ہو گئے۔

یہان آپ نے مدرسہ اور  مسجد تعمیر کروائ اور اسی مدرسے اور مسجد سےتبلیغ دین اور ترویج اسلام و درس وتدریس کا

 سلسلہ شروع کیا ،ان کی رحلت کے بعد ان کے فرزندحضرت خطیب سید صدرالدّین نے بھی اپنے والد کی طرح درس

 وتدریس کا یہ سلسلہ قائم رکھّا   خطیب سید صدرالدّین کا جائے مدفن سکھراور  روہڑی کے درمیان جزیرہ نما ء قلعہ بکھّر

 میں واقع ہے ۔درس وتدریس کا یہ سلسلہ ارتقاء کی منازل طے کرتے ہوئے دین اسلام کی پناہ میں انگنت بھٹکے ہوؤں کو

 سیدھی راہ دکھاتے ہوئے آ گے بڑھتا رہا ,اگر دیکھا جائے تو سندھ کے علاقے میں تعزئیےداری و عزاداری کی ابتداء اسی

 شہر سے ہوئ اور یہ سلسلہ پھیلتا ہوا سندھ کے دیگر علاقوں میں پھیلا اور عوام و خواص کو حق و باطل کے اس خونیں

 اوراندوہناک واقعے کی تفصیل معلوم ہوئی۔اس وقت روہڑی شہر میں ماہ محرّم میں نکلنے والے تابوت کے لئے لے بتایاجاتا

 ہے کہ 1000ھجری میں یہاں پر  حضرت سید محمّدامیر مکّی کی پشت سے ایک بچّےنے جنم لیا ،یہ بچّہ آگے چل کر اپنے

 اجداد کی مانند بزرگ ،ولی ثابت ہوامحمد شریف اپنی ابتدائ عمر سے ہی غم حسین علیہ ا لسّلام میں سوگوارواشکبار رہا کرتے

 تھے اور انہو ں نے عزادارئ امام مظلوم کو ہی اپنامقصد حیات بنا لیا تھا اسی اشکباری کے سبب ان کانام محمّد شریف کے

 بجائےمور شاہ یعنی رونے والا پڑ گیا

اسی مودّت امام حسین علیہ السّلام میں ہونے کی بناء پر وہ ہر سال پیدل روضہ امام حسین علیہ اسّلام کی زیارت کو جایا کرتے

 تھے اورا س سفر میں ان کے کچھ خاص رفقاء بھی ساتھ ہوتے تھے ان رفقاء میں  ایک کھبّڑ فقیر بھی تھے جو ہمیشہ مور شاہ

 کے ہمراہ سفر کےساتھی ہوتے تھے-یاد رہے کہ کھبّڑ فقیر بھی سادات النّسل بزرگ تھے جنہوں عشق امام میں اپنے

 آپ کو امام عالی مقام کا گیا گزرا یعنی کھبّڑ فقیر کا نام دیا تھا اور ان کا اصل نام پس منظر میں چلا گیا اور وہ کھبّڑ فقیر کے نام سے

 معروف ہوئے-کہتے ہیں کہ  مور شاہ  جب ضعیف العمری میں داخل ہوئے اور محرم آنے پر زیارت کربلا کو حسب

 معمول پا پیادہ روضہ اما م عالی مقام پر پہنچے تب مور شاہ نے امام حسین علیہ السّلام سے  گزارش کی یا امام علیہ السّلام میں اب

 ضعیف ہو گیا ہوں مجھے آپ اب اپنے پاس رکھ لیجئے -

جواب میں مولا حسین نے فرمایا کہ میرے فرزند تم تمام عمر ہماری زیارت کو آتے رہے اب تم جا وہم تمھارے پاس

 خودآئیں گے اور تا قیامت آئیں گے-اما م عالی مقام کا جواب سن کرمور شاہ  واپس عازم سفرہوئے اور روہڑی پہنچ کر تمام

 رفقاء کو بتایا کہ امام عالی مقام ہمارے مہمان ہوں گے -اب محرم کا مہینہ شروع ہونے کو تھا تب دو افراد مور شاہ کا پتا پوچھتے

 ہوئے ان کے گھر آئے اور انہوں نے بتایا کہ ہم عراق شہر کر بلا سے آئے ہیں ہمارا تعلّق قبیلہ بنی اسد سے ہے اور ہمارے

 پاس وہ امانتیں محفوظ تھیں جو قبیلہ بنی اسد  کو پہلی بار مقتل میں لاشہ ہائے شہداء کی تدفین کے موقع پر ملی تھیں لیکن  اب

 ہمیں حضرت امام حسین علیہ ا لسّلام کی جانب سے بشارت ہوئی ہے کہ ہم یہ امانتیں آپ کے سپرد کر دیں  پھر بزرگوں نے

 تعزئے کا نقشہ اورامانتیں مور شاہ کو دیں اور کہا کہ اس تعزئے کا نقشہ وہ ہے جو قبیلہ بنی اسد کی لوگون نے پہلی مرتبہ امام

 مظلوم کی قبر پر سائے کے لئے بنایا تھا پھر ان دونو ں بزرگ حضرات نے کچھ عرصے روہڑی میں سیّد مور شاہ کے ہمراہ

 قیام کیا، اور تعزئے کربلا کے حوالے سے کچھ اور بھی سینہ بہ سینہ راز ان کےگوش گزار کئے ،ان میں وقت اور دن کا تعین

 بھی تھا ان دو بزرگوں میں سےایک کا انتقال ہوگیا جن کا مدفن سید مورشاہ کے مزار کےبرابر میں  روہڑی میں ہے اور

 زیارت خاص و عام ہے۔

اور دوسرے بزرگ عراق کربلا روانہ ہو گئےیہ ساری امانتیں  اور احکامات ملنے کے بعد جب پہلی مرتبہ محرّم الحرام کاآغاز

 ہوا تو سیّد مورشاہ نےبتائے ہوئے طریقے اور نقشے کے مطابق 8 محرّم الحرام کے دن اور 9 محرّم الحرام کی درمیانی رات کو

 تعزئے کربلا کا کام  مسجد  میں شروع کیا اورحکم امام کےمطابق علاقے کے مومنین کو دعوت بھیجی گئ کہ صبح نمازفجر سے

 پہلے تعزئے

 کربلا برامد ہوگااندر مسجد کربلا میں سیّد مورشاہ اپنے رازدار ساتھیوں کے ہمراہ پردے میں بحکم امام تعزئے کے کام میں

 مشغول رہے اور مسجد کے باہر مومنین تمام رات گرئہ و زاری کرتے رہےجس وقت تعزئہ کربلا کے برآمد ہونے کا

 وقت ہوا تو اسوقت تعزئے کے راستے کی تمام شمعیں گل کر دی گئیں اور یہ معجزانہ تعز یہ دروازے کے بجائے دیوار کے

 اوپر خودبخود بلند ہوا  پھر نیچے آ یاجس کو سوگوارمومنین نے یا حسین یا حسین کی صدائین بلند کرتے ہوئے  اپنے کاندھوں پر

 اٹھا لیاجب تعزیہ ء پاک آ گے بڑھ کر اسوقت کے باشرع عالم،مجتہد،،سیّد حیدر شا ہ حقّانی کے استانے کے نزدیک پہنچا تو

 ان کے کانوں میں یا حسین ،یا رسول کی صدائیں آنی شروع ہوئین تو وہ اپنی عبادت چھوڑ کر اپنے بیٹون سمیت باہرآئے

 اور تعزیہ کربلا ئے معلٰی میں حضرت امام حسین علیہ السّلام کی زیارت سےمشرّف ہوئےاور اما مت کی تجلّی دیکھ کر والہانہ

 انداز مین اپنی عباء و قباء اتار دی اورتعزیہ پاک علیہ السّلام کو کاندھا دیا اور گریہ کنان ہو کرعرض گزار ہوئے یاامام پاک علیہ

 اسّلا م آپ میرے قریب سے گزر کر جا رہے ہیں میری دعوت قبول فرمائیں ، ،جس کے جواب میں امام حسین علیہا لسّلام

 نے مورشاہ کی جانب اشارہ کیا اور فرمایا کہ ہم مورشاہ کے مہمان ہیں آپ ان سے رجوع کریں

مورشاہ نے فرمایا ابھی ہماری کھبّڑ فقیر کی جانب روانگی ہے شام کوآ پ کےمہمان ہوں گے9 محرم الحرام فجر سے پہلے

 رات کے اندھیرے میں تعزیہ پاک کھبّڑ فقیر کے استانے پر پہنچا اور دوپہر تک قیام کیا۔کھبّڑ فقیر کے آستانے سے

 رخصت ہو کر یہ تابوت بہ شکل جلوس شام کو حیدرشاہ حقّانی کے آستانے پر پہنچا تو حیدر شاہ حقّانی تمام جلوس کے شرکاء کی

 اورامام عالی مقام کی میزبانی کا شرف حاصل کیا جب سے لے کر آج تک یہ تعزیہ پاک امام عالی مقام اسی طرح سے برامد

 ہورہا ہئےیہ جلوس شاہی بازارکے مقام پردرگاہ موئے مبارک کے گیٹ پر پہنچتا ہے تو سلامی کی رسم ادا کیجاتی ہئے اور اس

 وقت عاشقا ن امام آہ فغاں کی صدائین بلند کرتے ہوئے امام مظلوم کو پرسہ دیتے ہیں بعد از سلامئ رسول پاک صلّی اللہ

 علیہ واٰ لہ وسلّم یہ جلوس اشکبار آنکھون سے ٹھٹھ بازار سے گزرکر وچھوڑا کے مقامپر پہنچتا ہے جہاں ایک دردناک منظر

 نظر آتا ہے یہاں شاہزادہ قاسم اورشاہزادہ علی اکبر کے تابوت  تعزیہ کربلا سے جدا کرنے کی رسم اداکی جاتی ہے یہ منظر

 دیکھتے ہوئے عزاداران امام عالی مقام بے تابانہ پرسہ پیش کرتے ہیں -کربلا کے دونوں شہزادوں کے تابوتوں کی جدائ اس

 بات کا اظہار ہوتی ہے کہ سرور دیں مظلوم امام اب تنہا ہو گئے یہاں پر عوام کا ٹھاٹھیں مارتا سمندر یا حسین کی بلند آواز میں

 گریہ و زاری کرتا ہے اور ماتم کرتا ہے یہاں سے امام عالی مقام کا تا بوت روہڑی کے میدان کربلا لایا جاتا ہے جو شام عاشور

 تک وہی قیام کرتا ہے اور ہزارہا ماتم دار اور غیر ماتم دار جو امام کے چاہنے والے اپنے اپنے طریقہ پر امام مظلوم کو پرسہ دیتے

 ہیں -

امام عالی مقام نے اپنے اور اپنے مٹّھی بھر خاندان کے اور کچھ جان نثار صحابہ کے ہمراہ اپنی جانوں کا نذرانہ دے کر اپنے نانا

 کے دین مبین کو بچا لیا

۔۔۔۔۔۔۔۔۔۔

 

شداد کی جنّت کا احوال

 

کہتے ہیں شدّاد اور شدید کے باپ کے پاس بہت دولت تھی باپ نے اپنے بعد دونوں بیٹوں میں وہ دولت تقسیم کر دی -لیکن قسمت نے دوسرے بھائ کے ساتھ یاوری نہیں کی اور وہ جلدی مر گیا اب دوسرے بھائ کی دولت بھی شدّاد کو مل گئ-دولت کی فراوانی  نے شدّاد کو مغرور اور خود سر بنا دیا -اس قوم کو ان کے دادا کی طرف منسوب کرکے ان کو عادِ اِرم بھی کہا جاتاہے۔ اپنے شہر کا نام بھی انھوں نے اپنے دادا کے نام پر رکھا تھا۔ ان کا وطن عدن سے  متصل تھا۔ان کی طرف حضرت ہُودؑ مبعوث کیے گئے تھے احقاف میں بسنے والی اس قوم نے بہت ترقی کی۔ اللہ تعالیٰ نے اس قوم کوغیرمعمولی قدوقامت اور قوت عطا فرمائی تھی۔ ان میں ہر شخص کا قد کم از کم بارہ گز کا ہوتا تھا۔ طاقت کا یہ حال تھا کہ بڑے سے بڑا پتھر جس کو کئی آدمی مِل کر بھی نہ اٹھا سکیں، ان کا ایک آدمی  ایک ہاتھ سے اٹھا کر پھینک دیتا تھا۔ یہ لوگ طاقت و قوت کے بل بوتے پر پورے یمن پر قابض ہوگئے۔نے بہت ترقی کی۔ اللہ تعالیٰ نے اس قوم کوغیرمعمولی قدوقامت اور قوت عطا فرمائی تھی۔ ان میں ہر شخص کا قد کم از کم بارہ گز کا ہوتا تھا۔ طاقت کا یہ حال تھا کہ بڑے سے بڑا پتھر جس کو کئی آدمی مِل کر بھی نہ اٹھا سکیں، ان کا ایک آدمی  ایک ہاتھ سے اٹھا کر پھینک دیتا تھا۔ یہ لوگ طاقت و قوت کے بل بوتے پر پورے یمن پر قابض ہوگئے۔

 شدّاد نے اپنے بھائی شدید کے بعد سلطنت کی رونق و کمال کو عروج تک پہنچایا۔ دنیا کے کئی بادشاہ اس کے باج گزار تھے۔ اُس دور میں کسی بادشاہ میں اتنی جرأت و طاقت نہیں تھی کہ اس کا مقابلہ کرسکے۔ اس تسلط اور غلبہ نے اس کو اتنا مغرور و متکبر کردیا کہ اس نے خدائی کا دعویٰ کردیا۔ اُس وقت کے علما و مصلحین نے جو سابقہ انبیا کے علوم کے وارث تھے، اسے سمجھایا اور اللہ کے عذاب سے ڈرایا تو وہ کہنے لگا، جوحکومت و دولت اور عزت اس کو اب حاصل ہے، اس سے زیادہ اللہ تعالیٰ کی عبادت کرنے سے کیا حاصل ہوگا؟ جو کوئی کسی کی خدمت و اطاعت کرتا ہے، یا تو عزت و منصب کی ترقی کے لیے کرتا ہے یا دولت کے لیے کرتا ہے، مجھے تو یہ سب کچھ حاصل ہے، مجھے کیا ضرورت کہ میں کسی کی عبادت کروں؟ حضرت ہُودؑ نے بھی اُسے سمجھانے کی کوشش کی لیکن بے سُود۔

 چناں چہ اس نے اپنے افسروں میں سے ایک سو معتبر افراد کو بلایا۔ ہر ایک  کو ایک ہزار آدمیوں پر مقرر کیا اور تعمیر کے سلسلے میں ان سب کو اپنا نکتہ نظر اور پسند سمجھا دی۔ اس کے بعد پوری دنیا میں اس کام کے ماہرین کو عدن بھجوانے کا حکم دیا۔ ع  پھر ان بنیادوں کو سنگِ سلیمانی سے بھروادیا۔ جب بنیادیں بھر کر زمین کے برابر ہوگئیں تو ان پر سونے چاندی کی اینٹوں کی دیواریں چنی گئیں۔ ان دیواروں کی بلندی اس زمانے کے گز کے حساب سے سو گز مقرر کی گئی۔ جب سورج نکلتا تو اس کی چمک سے دیواروں پر نگاہ نہیں ٹھہرتی تھی۔ یوں شہر کی چاردیواری بنائی گئی۔

اس کے بعد چار دیواری کے اندر ایک ہزار محل تعمیر کیے گئے، ہر محل ایک ہزار ستونوں والا تھا اور ہر ستون جواہرات سے جڑاؤ کیا ہوا تھا۔ پھر شہر کے درمیان میں ایک نہر بنائی گئی اور ہر محل میں اس نہر سے چھوٹی چھوٹی نہریں لے جائی گئیں۔ ہر محل میں حوض اور فوارے بنائے گئے۔ ان نہروں کی دیواریں اور فرش یاقوت، زمرد، مرجان اور نیلم سے سجادی گئیں۔ نہروں کے کناروں پر ایسے مصنوعی درخت بنائے گئے جن کی جڑیں سونے کی، شاخیں اور پتے زمرد کے تھے۔ ان کے پھل موتی ویاقوت اور دوسرے جواہرات کے بنواکر ان پر ٹانک دیے گئے۔ شہر کی دکانوں اور دیواروں کو مشک و زعفران اور  عنبر و گلاب سے صیقل کیاگیا۔ یاقوت و جواہرات کے خوب صورت پرندے چاندی کی اینٹوں پر بنوائے گئے جن پر پہرے دار اپنی اپنی باری پر آ کر پہرے کے لیے بیٹھتے تھے۔ جب تعمیر مکمل ہوگئی تو حکم دیا کہ سارے شہر میں ریشم و زردوزی کے قالین بچھا دیے جائیں۔ پھر نہروں میں سے کسی کے اندر میٹھا پانی، کسی میں شراب، کسی میں دودھ اور کسی میں شہد و شربت جاری کردیا گیا۔بازاروں اور دکانوں کو کمخواب و زربفت کے پردوں سے آراستہ کردیا گیا اور ہر پیشہ و ہنر والے کو حکم ہوا کہ اپنے اپنے کاموں میں مشغول ہوجائیں اور یہ کہ اس شہر کے تمام باسیوں کے لیے ہر وقت ہر نوع و قسم کے پھل میوے پہنچایا کریں۔

 شداد اور اس کی جنت کا انجام

معتبر تفاسیر میں لکھا ہے کہ بادشاہ اور اس کے لشکر کے ہلاک ہوجانے کے بعد وہ شہر بھی لوگوں کی نگاہوں سے اوجھل کردیا گیا۔ مگر کبھی کبھی رات کے وقت عدن اور اس کے اِردگرد کے لوگوں کو اس کی کچھ روشنی اور جھلک نظرآجاتی ہے۔یہ روشنی اُس شہر کی دیواروں کی ہے۔ حضرت عبداللہؓ بن قلابہ جو صحابی ہیں، اتفاق سے اُدھر کو چلے گئے۔ اچانک آپ کا ایک اونٹ بھاگ گیا، آپ اس کو تلاش کرتے کرتے اُس شہر کے پاس پہنچ گئے۔ جب اس کے مناروں اور دیواروں پر نظر پڑی تو آپ بے ہوش ہو کر گِر پڑے۔ جب ہوش آیا تو سوچنےلگے کہ اس شہر کی صورتِ حال تو ویسی ہی نظر آتی ہے جیسی نبی کریمؐ نے ہم سے شداد کی جنت کے بارے میں بیان فرمائی تھی۔ یہ میں خواب دیکھ رہاہوں یا اس کا کسی حقیقت سے بھی کوئی تعلق ہے؟ اسی کیفیت میں اٹھ کر وہ شہر کے اندر گئے۔ اس کے اندر نہریں اور درخت بھی جنت کی طرح کے تھے۔ لیکن وہاں کوئی انسان نہیں تھا۔ آپؓ نے وہاں پڑے ہوئے کچھ جواہرات اٹھائے اور واپس دمشق  آئے اور لوگوں سے سارا ماجرہ بیان کیا جو ان کے ساتھ پیش آیا تھا، پھر اس کی ساری نشانیاں بتائیں کہ وہ عدن کے پہاڑ کی فلاں جانب اتنے فاصلے پر ہے۔

 ایک طرف فلاں درخت اور دوسری طرف ایسا کنواں ہے اور یہ جواہرات و یاقوت نشانی کے طور پر میں وہاں سے اٹھا لایا ہوں۔ پھر اہلِ علمحضرات سے وہاں کے لوگوں نے رجوع کرکے اس بارے میں معلومات حاصل کیں کہ کیا واقعی دنیا میں ایسا شہر بھی کبھی بسایا گیا تھا جس کی اینٹیں سونے چاندی کی ہوں؟ علما نےبتایا کہ ہاں قرآن میں بھی اس کا ذکر آیا ہے۔ اس آیت میں ”اِرم ذات العماد۔“ یہی شہر ہے۔ مگر اللہ تعالیٰ نے اس کو لوگوں کی نگاہوں سے چھپا دیا ہے۔ علما نے بتایا کہ حضرتؐ صلّی اللہ علیہ واٰلہ وسلّم  نے یہ بھی فرمایا ہے کہ میری امت میں سے ایک آدمی اس میں جائے گا اور وہ چھوٹے قد، سرخ رنگ کا ہوگا، اس کے ابرو اور گردن پر دو تل ہوں گے، وہ اپنے اونٹ کو ڈھونڈتا ہوا اس شہر میں پہنچے گا اور وہاں کے عجائبات دیکھے گا اور یہ نشانیا ں چشم دید گواہ عبد اللہ بن قلابہ میں موجود تھیں ۔ زرا زمین میں چل پھر کر تو دیکھو ہم نے کیسی کیسی قوموں کو ہلاک کر مارا-  قومِ عاد کی بداعمالیوں کے سبب جب انھیں تباہ کردیا گیا تو حضرت ہُود علیہ  السّلام بحکم اللہ تعالِی  نزول عذاب سے پہلے ہی حضر موت کی طرف مراجعت کر گئےتھے۔ ۔ حضرت ہوُدؑ علیہ السّلام کی وفات یہیں پر ہوئی۔

القران

اونٹ رے اونٹ تیری کون سی کل سیدھی(پا رٹ 2)

 

جن بچوں کو دودھ کا ذائقہ پسند نہیں ان کے لئے چاکلیٹ اور اسٹابیری فلیور میں بھی موجود ہے۔ اونٹنی کا دودھ پسندکرنے والے ایک گاہک علی حیدر کا کہنا ہے کہ وہ اور ان کے اہل خانہ ہفتے میں ایک دو بار یہ دودھ ضرور پیتے ہیں۔اونٹنی کے دودھ کی بڑھتی ہوئی ڈیمانڈ کا حال یہ ہے کہ آپ کو مختلف چیزوں کی خریداری کامفت مشورہ دینے والی ایک بڑی ویب سائٹ ’او ایل ایکس ڈاٹ کام‘ پر بھی اس کے اشتہارات مل جائیں گے۔ انہیں اشتہارات میں سے ایک اشتہار میں یہ دعویٰ بھی کیا گیا ہے کہ وہ خالص دودھ فروخت کرتے ہیں جبکہ مارکیٹ میں گائے، بھینس اور بکری کے دودھ کی ملاوٹ والا اونٹنی کا دودھ بھی ملتا ہے۔

سعودی عرب، صومالیہ، کینیا، آسٹریلیا اور امریکہ میں بھی چرچے

کراچی سے بڑے پیمانے پر دبئی اور دیگر خلیجی ممالک اور پھر وہاں سے پاکستان فوڈ اسٹف درآمد اور برآمد کرنے والی فرم ثمرہ فوڈ اسٹف کے مالک طارق اسلم اور منیجر محسن نے وائس آف امریکہ کو بتایا ’اس وقت سب سے زیادہ اونٹنی کا دودھ پیدا کرنے والے ممالک میں سعودی عرب اور صومالیہ سرفہرست ہیں، جبکہ کینیا، آسٹریلیا اور امریکہ میں بھی اونٹنی کے دودھ کی ڈیمانڈ بڑھ رہی ہے۔‘طارق اسلم کا کہنا ہے کہ پاکستان میں صرف اونٹنی کا دودھ ہی مشہور نہیں ہو رہا، بلکہ اس دودھ سے بنی اشیا جیسے چاکلیٹس اور دیگر فلیورڈ پروڈکس کی ڈیمانڈ میں بھی اضافہ ہو رہا ہے۔ اب تو مقامی تاجروں کوغیر ممالک سے بھی آرڈرز ملنے لگے ہیں۔البتہ کچھ حد درجہ نفاست پسند افراد کھلے عام اور بغیر کسی احتیاطی تدابیر کے اور پلاسٹک کی عام بوتلوں اور تھیلوں میں دودھ کی فروخت کو’ان ہائی جینک‘ قرار دے رہے ہیں۔ کچھ مبصرین کو اس کی قیمت پر اعتراض ہے ۔ ان کا کہنا ہے کہ 200روپے لیٹر اونٹنی کا دودھ پینے سے بہتر ہے مچھلی یا اسی قسم کی کوئی اور خوراک کھالی جائے۔ ان کے بقول ’ویسے بھی یہ ایسے دام ہیں جو ایک عام اور غریب آدمی کی برداشت سے باہر ہیں۔ غریب آدمی تو 75روپے کلو کا بھینس کا دودھ لیتے ہوئے بھی ہچکچاتا ہے۔‘

دس کروڑ ڈالر کا بزنسا-اقوام متحدہ کے ذیلی ادارے برائے خوراک و زراعت کی ایک رپورٹ کے مطابق دنیا بھر میں اونٹ کے دودھ سے بنی مصنوعات کی کمرشل ویلو میں اضافہ ہورہا ہے ۔ اونٹنی کا دودھ اب آمدنی کا ایک بڑا ذریعہ بنتاجارہا ہے۔ ادارے کے اندازے کے مطابق دنیا بھر میں پچھلے سال تک اونٹ کے دودھ کی مصنوعات کا حجم 10بلین ڈالر تھا۔

کینیا میں ’کیمل ملک شیک‘ بھی پاپولر-لندن سے شائع ہونے والے اخبار ’گارجین‘ نے اپنی حالیہ رپورٹ میں لکھا ہے کہ کینیا میں اونٹنی کے دودھ کا شیک بہت زیادہ پسند کیا جانے لگا ہے، جبکہ کینیا کی کافی انڈسٹری بھی رفتہ رفتہ اونٹنی کے دودھ سے بنی مصنوعات پر انحصار بڑھا رہی ہے۔اونٹنی کے دودھ پر یورپی ماہرین کی تحقیقات -ہالینڈ میں ماہرین تحقیقات کررہے ہیں کہ تاریخی طور پر فائدہ مند سمجھا جانے والا اونٹنی کا دودھ کیا واقعی کئی بیماریوں سے لڑنے کی تاثیر رکھتا ہے-مصر میں جزیرہ نما سنائی کے بدو زمانہ قدیم سے یقین رکھتے ہیں کہ اونٹنی کا دودھ تقریباً تمام اندرونی بیماریوں کا علاج ہے۔ ان کا خیال ہے کہ اس دودھ میں جسم میں موجود بیکٹیریا ختم کرنے کی صلاحیت ہے۔

اقوام متحدہ کے ادارہ برائے خوراک و زراعت کی ایک رپورٹ کے مطابق روس اور قزاقستان میں اکثر ڈاکٹر اونٹنی کا دودھ کئی مریضوں کے علاج کے لیے تجویز کرتے ہیں۔بھارت میں اونٹنی کا دودھ یرقان، ٹی بی، دمہ ، خون کی کمی اور بواسیر کے علاج کے لیے استعمال کیا جاتا ہے۔اور ان علاقوں میں جہاں اونٹنی کا دودھ خوراک کا باقاعدہ طور پر حصہ ہے وہاں لوگوں میں ذیابیطس کی شرح بہت کم پائی گئی ہے۔ہالینڈ میں 26 سالہ فرینک سمتھس وہ پہلے شخص ہیں جنہوں نے باقاعدہ طور پر اونٹوں کی کمرشل فارمنگ کا کام شروع کیا۔ ان کے والد مرسل اعصابی امراض کے ماہر ڈاکٹر ہیں۔ انہوں نے شعبہ صحت کے اپنے ساتھیوں کو اس تحقیق کے لیے تعینات کیا کہ وہ یہ جان سکیں کہ ان کے بیٹے کی تیار کردہ مصنوعات کتنی فائدہ مند ہیں۔صرف تین ہی سال کے عرصے میں ان کے کام نے مختلف حلقوں میں اتنی دلچسپی پیدا کردی کہ شعبہ صحت کی جانب سے ان کے لیے باقاعدہ فنڈنگ شروع کردی گئی۔ڈاکٹر سمتھس کا کہنا ہے کہ اس دودھ میں اتنے فائدے ہیں کہ یہ یورپ کی صحت افزا خوراک کا حصہ بن سکتا ہے۔ ’اور ہم یہی کرنے کی کوشش کررہے ہیں‘۔

انہوں نے اپنی تحقیق کے بارے میں بتایا کہ ہسپتال میں ذیا بیطس کے مریضوں کو گروپوں میں تقسیم کرکے گائے یا اونٹنی کا دودھ باقاعدہ طور پر پلایا گیا اور پھر ان کے شوگر لیول کی جانچ کی گئی جس سے اونٹنی کے دودھ کی افادیت ظاہر ہوئی۔ انہوں نے مزید بتایا کہ اس سلسلے میں وسیع تر تحقیقات کی جارہی ہیں۔یورپ میں اونٹوں کی درآمد بھی منع ہے-انہوں نے اپنی کمرشل فارمنگ کا آغاز تین اونٹوں سے کیا تھا اور اب ان کے پاس 40 اونٹ موجود ہیں۔ اگرچہ اس کام کے شروع کرنے میں انہیں کئی مشکلات کا سامنا رہا۔ان کا کہنا ہے کہ یورپ میں اونٹوں کی فارمنگ شروع کرنا ایک مشکل کام تھا کیونکہ عرب ممالک کے برعکس یورپی یونین اونٹوں کو گائے، بکری وغیرہ کی طرح کا پیداواری جانور نہیں تسلیم کرتی۔ اس لیے انہیں حکومت سے خصوصی اجازت حاصل کرنی پڑی۔ یورپ میں اونٹوں کی درآمد بھی منع ہے۔ اور پھر اونٹوں کا دودھ دوہنے کا بھی مسئلہ تھا۔

فرینک سمتھس کا دعوٰی ہے کہ انہوں نے اونٹوں کا دودھ نکالنے والی دنیا کی پہلی مشین ایجاد کی ہے۔

انہیں شروع میں اپنی مصنوعات کے خریدار ڈھونڈنے میں بھی مسائل درپیش تھے۔ ابتدا میں انہوں نے اپنی مصنوعات مساجد کے باہر تقسیم کرنا شروع کیں جہاں مراکشی اور صومالیائی مسلمان اپنے ممالک میں اس خوراک کے عادی تھے۔ آہستہ آہستہ ان کی مصنوعات کی مانگ بڑھتی گئ-اونٹنی کا دودھ افریقی ملک کینیا کے مر کزی علاقوں میں ہمیشہ سے بہت زیادہ استعمال کیا جاتا رہا ہے۔ تاہم اب اس کی افادیت کی شہرت کینیا کے دارالحکومت نیروبی تک پہنچ چکی ہے۔ ایک اندازے کے مطابق اس وقت دنیا بھر میں فروخت ہونے والی اونٹ کے دودھ سے تیار کردہ اشیائے خورد و نوش کی تجارت سے سالانہ 10 بلین ڈالر کی آمدنی ہوتی ہے۔ کینیا سے تعلق رکھنے والی حلیمہ حسین کے بقول، ’اونٹ گائے سے کہیں بہتر ہے۔ یہ قحط سالی کے دور میں بھی بچ جاتا ہے جبکہ گائیں دم توڑ دیتی ہیں۔ اس طرح میں اونٹ سے ہمیشہ منافع کما سکتی ہوں۔ میں اپنی چند گائیوں کو فروخت کر دوں گی اور مزید اونٹ خرید لوں گی‘۔ حلیمہ کے خاندان کے پاس اس وقت 120 گائیں موجود ہیں۔

اونٹ کے دودھ کا پنیر نہایت مفید اور ذائقہ دار ہوتا ہے

شمال مشرقی افریقہ کے بہت سے علاقوں کی طرح کینیا کے مرکزی علاقے میں بھی گزشتہ برسوں کے دوران غیر متوقع قحط سالی کے واقعات میں اضافہ ہوا ہے۔ اس قحط سالی کے نتیجے میں گائے کے دودھ میں کمی اور اونٹ کی قدر و قیمت میں غیر معمولی اضافہ دیکھنے میں آ رہا ہے۔ مشرقی کینیا کے صوبے ایسیولو میں حلیمہ حسین اور دیگر 63 خواتین نے مقامی سطح پر باہمی اشتراک سے اونٹ کے دودھ کا کاروبار شروع کیا۔ انہوں نے حال ہی میں روزانہ تین ہزار سے لے کر پانچ ہزار لٹر تک اونٹ کا دودھ نیروبی اور اس کے گرد و نواح کے علاقوں کی مارکیٹوں کو فراہم کیا۔

دُبئی میں اونٹنی کے دودھ کی تشہیر-- اونٹنی کے دودھ کی حفاظت اور پیکنگ کے لیے دُبئی میں ایک ملک پلانٹ لگایا گیا ہے

دریں اثناء اونٹنی کے دودھ کی بڑھتی ہوئی مانگ کا اندازہ لگاتے ہوئے یورپی ملک ہالینڈ کی ایک تنظیم  نے، جو نیروبی میں خواتین کو اونٹنی کا دودھ فروخت کرنے میں مدد فراہم کرتی ہے، تجویز پیش کی ہے کہ ایسیولو میں ایک ایسی Milk Bar کھولی جائے، جہاں مہمانوں کو اونٹنی کے دودھ سے تیار کردہ اشیائے خورد و نوش سے لطف اندوز ہونے کا موقع مل سکے۔

ایک جرمن باشندے ہولگر مارباخ نے ’وائٹل کیمل مِلک‘ کے نام سے ایک فرم کھولی ہے، جو دہی، آئس کریم اور اونٹ کے دودھ سے بنی دیگر اشیاء تیار کرتی ہے۔ مارباخ کی کمپنی اس وقت کینیا کی سپر مارکیٹوں کے علاوہ لاطینی امریکہ، جنوبی افریقہ اور متحدہ عرب امارات کو اپنی مصنوعات فروخت کر رہی ہے۔ اس جرمن تاجر کے بقول، ’ترقی یافتہ معاشروں میں اونٹنی کے دودھ کی مانگ بہت زیادہ ہے‘۔ ان کا کہنا ہے کہ اگر انہیں سیاسی اور انتظامی مسائل کا سامنا نہ ہو تو یہ اونٹ کے دودھ سے تیار کردہ مصنوعات کو بہت بڑی بڑی منڈیوں تک پہنچا سکتے ہیں۔

اقوام متحدہ کے ادارہ برائے خوراک و زراعت FAO کے مطابق اونٹ کے دودھ میں وٹامن سی کی مقدار تین گنا زیادہ ہوتی ہے۔ یہ فولاد، Unsaturated Fetty Acids اور وٹامن بی سے بھی بھرپور ہوتا ہے۔   غذائی ماہرین اس بات پر متفق ہیں کہ اونٹنی کے دودھ کے غیر معمولی فوائد ہیں۔ بہت سے تاجروں کا ماننا ہے کہ اونٹنی کا دودھ سونے جیسی قدر و قیمت کا حامل ہے، جسے یورپی ممالک کو برآمد کرنے سے بے حساب منافع ہو سکتا ہے۔

اونٹنی کا دودھ کشتکیائی گروہ سے تعلق رکھنے والے افراد میں ہمیشہ سے مقبول تھا۔ یہ گروہ قدیم زمانے میں دریائے نیل کے نزدیک واقع مقام کش میں آباد تھا اور کشتکی زبان بولا کرتا تھا۔ ان افراد کا تعلق افریقی اور ایشیائی زبانیں بولنے والے عظیم خاندانوں سے تھا۔ یہ زبانیں خصوصاً ایتھوپیا اور صومالیہ میں بولی جاتی ہیں۔

میں نے اس مضمون کی تیّاری میں   اپنی معلومات  کے علاوہ  بی بی سی  سے اور مزید انٹر نیٹ سائٹس سے مدد لی ہے 

 کہتے ہیں اونٹ خواب میں دیکھو تو بڑا صدقہ دو

 

 

 

 

اونٹ رے اونٹ تیری کون سی کل سیدھی(پا رٹ 1)

 

 

بڑی مشہور کہاوت ہے

اونٹ رے اونٹ تیری کون سی کل سیدھی-لیکن یہی بے کل کا جانور ہمارے لئے کتنا فائدہ رساں ہے   آئیے دیکھتے ہیں-سال 2014جون کے مہینے میں پاکستان کے سفر  میں کراچی شہر میں ایک بلکل انوکھی بات دیکھنے میں جو ملی وہ یہ تھی کہ اونٹ جو پہلے ساحلِ سمندر پر ہی دیکھنے کو ملتے تھے وہ میں نے آئ آئ چندریگر روڈ پر نمائش چورنگی پر دیکھے جہاں اونٹنی کا تازہ دودھ لینے کے لئے خریداربرتن ہاتھوں میں لئے لائن لگائے ہوئے اپنی باری پر دودھ لے رہے تھے --اور لبِ سڑ ک بڑے بڑے بینر لکھے ہوئے لگے ہوئے تھے، یہاں اونٹی کا تازہ دودھ دستیاب ہے-شامیانے کے اندر کئ اونٹنیا ں موجود تھیں اور دودھ'' دوھ'' کر فراہم کیا جارہا تھا ،اس کے علاوہ شہر میں کچھ اور مقامات پر اونٹنی کے دودھ کے ترغیبی اشتہارات بھی دیکھے ،

درا صل ہم شہری لوگ شہر کی ہما ہمی میں اپنے اسلاف کی بہت سی باتوں کو نظر انداز کر بیٹھے ہیں  اس لئے  نئ چیز کو قبول کرنے میں ہمارا زہن کچھ وقت لے لیتا ہے ،مجھے خوشی اس بات کی ہے کہ اب صرف کراچی کا نہیں بلکہ پورے پاکستان سمیت دنیا بھر کے متعدد ممالک کا ہے جہاں اونٹنی کے دودھ کی ڈیمانڈ میں مسلسل اضافہ ہورہا ہے-جہاں اونٹ  صحرائ زندگی بسر کرنے والوں کے لئے ایک نعمتِ غیر مترقّبہ ہے وہیں اونٹنی کا دودھ بھی نعمت ِ بیش بہا سے کم نہیں قیمتی فوائدکاحامل اونٹنی کا دود ھ جو بہترین غذا بھی ہے٬ دوا بھی ہے اورساتھ ہی شفا بھی  ہے  اور سب سے بڑھ کر سنّتِ نبئ کریم  حضرت محمّد صلّی اللہ علیہ واٰلہ وسلّم  ہے ،امام جعفرِ صادق علیہ السّلام نے طبِّ  صا دق مین کئ جگہ شفاء کے لئے اونٹنی کا دودھ تجویز کیا ہے

 اللہ کریم نے  ہم انسانوں کی فلاح کے لئے کیا کچھ عطا کیا ہے ،زرا دکھئے  بکری کے دودھ کی خاصیت الگ  بھینس کے دودھ کی خاصیت الگ  گائے کے دودھ کے لئے مولا علی علیہ السّلام فرماتے ہیں گائے کے گوشت میں  بیماری ہے اور اس کے دودھ میں شفاء ہے اور خالقِ رحیم نے ننّھے مولودون کا رزق  ماں کے سینے پر دودھ کا دستر خوان سجا کر دے دیا   ،اگر کسی سبب سے بچّہ ماں کے دودھ سے محروم ہے تو اس کا نعم البدل بکری کا دودھ رکھّا ہے  بکری کا دودھ نا ملنے کی صورت میں گائے کا دودھ استعمال کرنے کی تاکید ہے ،چھوٹے بچّوں کے لئے بھینس کے دودھ کی بابت کہا گیا ہے کہ یہ دودھ بچّوں کے لئے بیماریوں کا سبب بنتا ہے-اس میں کوئی شک نہیں کہ طبی اعتبار سے اونٹنی کا دودھ بےشمار فوائد کا حامل ہے-قرآن پاک میں اللہ تعالٰی نے اونٹ کی ساخت پر غور کرنے کو اور اس سے نصیحت حاصل کرنے کی تاکید ہے ہمارے پیارے نبی حضورِ پاک حضرت محمّد صلّی اللہ علیہ واٰلہ وسلّم بہت شوق سے اونٹنی کا دودھ استعمال کرتےتھے  -اونٹ ایک ایسا جانور ہے جو کہ صحرا کے سخت ترین موسم میں بھی کئی دن بغیر کھائے پئے گزارنے کی صلاحیت رکھتا ہے اور  اس کے کوہان جو ٹھوس چربی سے بھرے ہوئے ہوتے ہیں قحط اور خشک سالی کے موسم میں بھی اپنی اس چربی سے  دودھ کی پیداواری صلاحیت برقرار رکھتے ہیں –ا

ور یہ حیرت انگیز بات ہے شدید خشک سالی کے دوران جب پانی کی کمی واقع ہوجاتی ہے تب اس کے دودھ میں ایسی حیرت انگیز کیمیائی تبدیلیاں آتی ہیں جو وہاں بسنے والے افراد کی غذائی ضروریات کو پورا کرنے کے کام آتی ہیں۔اونٹ صحرا کی شدید گرمی میں اپنے جسم میں پانی کا ذخیرہ کرنے کی صلاحیت رکھتا ہے اور یہ پانی عمل تبخیر کے ذریعے کم سے کم اس کے جسم سے خارج ہوتا ہے جب اونٹ کو پانی کی کمی کا سامنا ہو تو اس وقت بھی اس کے دودھ میں پانی کی خاصی مقدار خارج ہوتی ہے اس کے ساتھ ساتھ دوسرے نمکیات جیسا کہ سوڈیم کلورائیڈ کی مقدار دودھ میں 10 ملی ایکولنٹ فی لیٹرسے بڑھ کر 23 ملی ایکولنٹ فی لیٹر تک پہنچ جاتی ہے ۔یاد رہے کہ یہ نمک انسان کی جسمانی ضروریات کے لیے بہت ضروری ہے خاص طور پر صحرا جہاں پر گرمی کی وجہ سے پسینے کا اخراج زیادہ ہو، پسینے کے ساتھ ساتھ سوڈیم کلورائیڈ بھی ہمارے جسم سے خارج ہوتا ہے نمکیات کی یہ کمی ہمارے جسم میں کئی بیماریوں کا موجب بن سکتی ہے تو اس صورتحال میں اونٹنی کا دودھ استعمال کر کے سوڈیم کلورائیڈ کی کمی کا مقابلہ کیا جا سکتا ہے ۔

اونٹنی کے دودھ میں وٹامن سی کی خاصی مقدار پائی جاتی ہے جبکہ یہ وٹامن گرمی اور خشک سالی کے دنوں میں اونٹ کے دودھ میں اور زیادہ بڑھ جاتا ہے- وٹامن سی قوت مدافعت کو بہتر کرنے میں استعمال ہوتا ہے شدید گرمی کے موسم میں وٹامن سی دھوپ کی حدت اور لو لگنے سے بھی بچاتا ہے۔ اونٹنی کے دودھ میں وٹامن سی 23 ملی گرام فی لیٹر ہوتا ہے ۔اونٹنی کے دودھ میں وٹامن، نمکیات، پروٹین اور چکنائی کی ایک خاصی مقدار موجود ہوتی ہے-عام طور پر چھوٹے بچوں میں دودھ سے ایک خاص قسم کی الرجی اور اسہال کی سی شکایت پائی جاتی ہے- لیکن اونٹنی کے دودھ کے استعمال سے یہ الرجی بچوں میں نا ہونے کے برابر ہوتی ہے اس لیے چھوٹی عمر کے بچوں میں اونٹنی کے دودھ کا استعمال اس شکایت کے قابو پانے میں مفید ثابت ہوتا ہے۔

ذیابیطس کے مریضوں کے لیے بھی اونٹنی کا دودھ قدرت کی جانب سے عطا کردہ کسی انمول تحفے سے کم نہیں کیونکہ اس میں انسولین کی خاصی مقدار موجود ہوتی ہے جو گائے کے دودھ کے مقابلے میں کافی زیادہ ہے انسولین ایک ہارمون ہے جو ذیابیطس کے مریضوں میں کم مقدار میں بنتا ہے اور انہیں یہ ہارمون دوائیوں کی شکل میں لینا پڑتا ہے۔ ذیا بیطس کے ان مریضوں میں اونٹنی کے دودھ کا استعمال ایک شافی علاج کے طور پر اکسیر ہے ۔

 زمانہ قدیم سے ہندوستان میں وید ک طریقہ علاج کے طور پر اونٹنی کا دودھ یرقان ، اطحالِ تلی ، ٹی بی، دمہ اور بواسیر کے امراض کے علاج میں ادویاتی طور پر استعمال ہوتا آرہا ہے۔ اونٹنی کے دودھ میں پائے جانے والے نیوٹرسیوٹیکل اجزاء میں سب سے اہم لیکٹو فیران ہیں جو یرقان کے مریضوں میں جگر کی حالت کو بہتر بنانے کے لیے بہت مفید ہے ۔یرقان اور جگر کے کینسر کی حالت میں جگر کی فعالی حالت بہت کمزور ہو جاتی ہے اس صورت میں اونٹنی کا دودھ جگر کی نشو ونما اور اس کو کارآمد بنانے میں مفید سمجھا جاتا ہے۔اس کے علاوہ اونٹنی کے دودھ میں کولیسٹرول کی بھی ایک مناسب مقدار پائی جاتی ہے جو کہ دل کے امراض میں مبتلا مریضوں کے لیے غذائی متبادل ہے، اونٹنی کے دودھ میں ٹی بی کا جرثومہ نہ ہونے کے برابر ہے جبکہ گائے اور بھینس کے دودھ میں یہ پایا جاتا ہے اگر اونٹنی کا دودھ غذائی متبادل کے طور پر استعمال سے اس مہلک اور متعدی مرض س بچا جا سکتا ہے ۔

 اونٹنی کا دودھ ایک بہترین قبض کشا دوائی کے طور پر بھی استعمال بھی کیا جاتا ہے، اونٹنی کا دودھ اگر تازہ اور گرم حالت میں استعمال کیا جائے تو یہ اسہال کی سی کیفیت پیدا کرتا ہے۔اونٹنی کا دودھ انسانی جسم میں موجود متعدد بیماریوں کیخلاف قوت مدافعت پیدا کرتا ہے اور انسان کو متعدی اور مہلک امراض سے بچانے میں مفید سمجھا جاتا ہے۔ اونٹنی کا دودھ اگر ایک بیمار آدمی کو پلایا جائے تو اس سے وہ نہ صرف شفا یاب ہو گا بلکہ یہ دودھ اس کی ہڈیوں کی بڑھوتری میں بھی مددگار ثابت ہوگا۔ماہرین کے مطابق اونٹ کا مدافعتی نظام دوسرے جانوروں کی نسبت زیادہ مضبوط واقع ہوا ہے اسی لیےاونٹنی کے دودھ کے استعمال سے انسان کے مدافعتی نظام پر بھی نہایت اچھے اثرات مرتب ہوتے ہیں اور اس میں بیماری کے مقابلے کی قوت آتی ہے۔ کینسر کے مریضوں کے لئے یہ قوت نہایت اہم کردار ادا کرتی ہے اور علاج میں معاون بھی ثابت ہوتی ہے۔

ایڈز کے مریضوں کے لئے نعمت:

عالمی ادارے خوراک کی رپورٹ کے مطابق روس، قزاقستان اور بھارت میں ڈاکٹرز اونٹنی کے دودھ کا استعمال بڑھانے پر زور دے رہے ہیں، جبکہ افریقہ میں ایڈز کے مریضوں کے لئے اسے نعمت قرار دیا جا رہا ہے۔اونٹنی کے دودھ سے تیار کی جانے والی مصنوعات:اونٹنی کے دودھ سے بننے والی مصنوعات میں پنیر ، قلفی، گلاب جامن اور دوسرے بہترین آئیٹم لذید ہونے کے ساتھ ساتھ غذائیت سے بھی بھرپور ہوتے ہیں۔ اونٹنی کے دودھ سے بننے والی پنیر خاصی لذید ہوتی ہے اور اس کی مانگ مشرق وسطی اور یورپی ممالک میں کافی زیادہ ہے ہمارے ملک میں بھی بیکری سازی کی صنعت میں اونٹنی کا دودھ مٹھائیاں بنانے کے لیے بہترین نعمل البدل قرار دیا جاتا ہے-کراچی میں ان دنوں جس طرف بھی جائیے ایک نہ ایک دکان ایسی ضرور مل جائے گی جہاں آپ کو بڑے بڑے حروف میں ’اونٹنی کا دودھ‘ لکھا مل جائے گا۔

فریسکو چوک برنس روڈ، گرومندر، تین ہٹی، گلشن اقبال، لکی اسٹار صدر۔۔۔نمائش چورنگی غرض کہ شہر کے بیچ و بیچ آپ کو ایک نہیں متعدد دکانوں پر اونٹنی کا دودھ بکتا مل جائے گا۔

اونٹنی کے دودھ کی ایسی ہی ایک دکان کے مالک عمر فاروق کا کہنا ہے ’سال 2013ء سے اونٹنی کے دودھ کی ڈیمانڈ میں تیزی آرہی ہے۔ پہلے شہر میں خال خال جگہوں پر ہی ایک یا دو دکانیں تھیں مگر اب شہر کے تقریباً ہر حصے میں اونٹنی کا دودھ بک رہا ہے۔‘فریسکو چوک پر واقع ’مرحبا کیمل ملک‘ شاپ پر ٹھنڈے دودھ کی بوتل کا مزہ لینے والے جبار نے وی او اے کو بتایا: ’اونٹنی کا دودھ ہیلتھ سپلیمنٹ کے طور پر استعمال ہو رہا ہے۔ کھانے میں موجود تمام غذائیت ہے اس میں۔‘اسی دکان کے مالک نے تو یہاں تک دعویٰ کردیا کہ ’اونٹنی کا دودھ ماں کے دودھ کا اصل نعم البدل ہے۔‘انہوں نے پوچھنے پر بھی اپنا نام ظاہر نہیں کیا۔ لیکن انہوں نے اونٹنی کے دودھ سے دور ہونے والی جن بیماریوں کے نام لئے ان کی فہرست بہت طویل ہے۔ ان کا دعویٰ ہے کہ اونٹنی کا دودھ ’غذا ۔۔دوا ۔۔ اور شفاء ہے‘۔ان کے بقول، یہ کینسر، ہیپا ٹائٹس، ڈائبٹیس، کولیسٹرول، پتھری، ٹی بی، لقوہ، فالج، دمہ، ڈینگی، جلدی امراض، گردوں کا سکڑنا، دل کی شریانوں میں چکناہٹ اور ہڈیوں کا بھربھرا پن سمیت تقریباً دو درجن بیماریوں کا قدرتی علاج ہے۔

شہید امجد صابری کی یاد میں

 

  شہید امجد صابری کی یاد میں

بھر دو جھولی میری یا محمد لوٹ کر میں نا جاوں گا خالی

سر اصغر کا صدقہ 'غم اکبر کا صدقہ'شہ لولاک کا صدقہ 'رسول پاک کا صدقہ

عشق اہلبیت کی شراب طہوّرپئے ہوئے -یہ آواز مرحوم و مغفور بین الاقوامی شہرت یافتہ قوّال غلام فرید صابری کی تھی -غلام

 فرید دنیا سے جانے سے پہلے ہو بہو اپنا جان نشین امجدصابری کے وجود میں چھوڑ گئے-

امجد صابری نے بڑی نامساعد فضاوں میں سانس لی لیکن وہ بے باک  مردِ  حق تھا  ،اس کا گھر بار تھا ، وہ اپنوں میں پرائوں میں  ہر جگہ

 مسکرتا ہوا دیکھا جاتا تھا   اس کے چھوٹے چھوٹے بچّے تھے اس کو معلوم تھا کہ  وہ جس راستے کا انتخاب کر چکا ہے وہ اس کو سوئے دار

 لئے جارہا ہے    لیکن   اس  نے یہ بھی  جان لیا تھا یہی راستہ   حق   کا راستہ  ہے اس لئے  اس نے اللہ کے آگے  اپنا سر تسلیم خم کئے رکھّا   اور

 بالآخربہشتِ بریں کا انتخاب     کر کے   اپنے پیچھے  لاکھوں نہیں اپنے کروڑوں  مدّاحوں کو سوگوار چھوڑ گیا  وہ فرزندِ کراچی  ہی نہیں وہ

 فخرِ پاکستان تھا   مدّاح رسول صلّی اللّہ  علیہ واٰلہ وسلّم ہونے کے ساتھ ساتھ وہ عاشقِ  اہلِبیت  باپ کا عاشقِ اہلبیت  بیٹا تھا  اس کا مکمّل

 گھرانہ  عاشقانِ اہلبیت  گھرانہ تھا اور ہے ،،تمام دنیا میں  اس کی آواز کی باز گشت موجود ہے اور رہے گی

اس نواسے کا صدقہ عطا ہو جس نے سجدے میں گردن کٹا دی

اللہ اس مردِ حق کی  مغفرت فرمائے اور  جنّتِ اوُلٰی کے بلند تر درجہ میں اس کو اپنی رحمت کے سائے تلے رکھّے آمین

*امجد صابری کی والدہ کا بیان*

امجد صبح سحری کے پروگرام سے واپس آیا تو میں نے اُس کو آواز دے کر اپنے پاس بلایا اور پروگرام میں رونے کی وجہ پوچھی تو اُس

 نے بے ساختہ کہا کہ ’’اماں دل بہت اداس ہورہا ہے‘‘۔ میں نے اُسے اپنے پاس بلایا اور اُس کے سر پر ہاتھ پھیرتے ہوئے پوچھا

 کہ کیا بات ہے مُنے تم اتنے بڑے ہوگئے کہ اماں سے باتیں چھپاؤ گے۔یہ بات سنتے ہی اس کی آنکھوں میں آنسو جھلکے اور کہنے لگا

 امی بس دل بہت عجیب ہورہا ہے اور پتہ نہیں بس اللہ خیرکرے ، آپ فکر نہ کریں انشاء اللہ کل تک سب ٹھیک ہوجائے گا بس اپنا

 خیال رکھیں ، آپ کو اپنے پوتے پوتیوں کی خوشیاں دیکھنی ہیں۔ یہ کہتے ہوئے وہ مسکرایا اور مجھے تسلی دے کر اپنے کمرے کی

 طرف چلا گیا۔

مگر نہ جانے کیوں میرا دل بہت عجیب سا ہوگیا ، ایسا لگ رہا تھا کہ کلیجہ باہر آجائے گا، میں اُس کے کمرے میں گئی اور امجد کو آواز دی

 کہ امجد بیٹا ذرا بات سُنو ، وہ کمرے سے باہر آیا تو کہنے لگا اماں خیریت تو ہے کیوں پریشان ہورہی ہیں ؟ وہ میرے پاس آیا اور مجھے

 میرے کمرے میں لے کر گیا اور مجھے تسلیاں دینے لگا۔ میری جب گھڑی پر نظر پڑی تو صبح کے 8بج گئے تھے میں نے اُس کو بولا

 کہ جاؤ تم سوجاؤ ، تمھیں صبح جلدی اٹھنا ہے اور پھر پورا دن مصروف رہو گے۔

اُس نے مسکراتے ہوئے کہا اماں ایک دو دن کی بات ہے پھر تو بس سکون کی نیند سونا ہے، ساری تھکن دور ہوجائے گی اور یہ جو

 آپ میری فکر کرتی ہیں نا اس کی عادت ختم کردیں ، یہ کہہ کر اُس نے میری آنکھیں بند کروائیں اور اپنے کمرے میں چلا گیا، اُس

 روز وہ اپنی حمد “کرم مانگتا ہوں ، عطاء مانگتا ہوں “مستقل گنگناتا رہا۔جاتے جاتے مجھ سے پوچھنے لگا اماں یہ مغفرت کا عشرہ چل رہا

 ہے نا ؟ میں نے کہا ہاں تو کہنے لگا اللہ ہماری عبادتوں کو قبول کرے اور ہم سب کی مغفرت کا اعلان کردے، آمین ۔۔ صبح میری

 جب 11 بجے کے قریب آنکھ کھلی تو امجد اٹھا ہوا تھا اور کمرے کے ایک کونے میں بیٹھا ہوا تھا، میں نے اُس سے طبیعت پوچھی تو

 کہنے لگا جی ابھی تو ٹھیک ہے۔

اپنے بچوں کو اٹھایا اور کہا کہ مجھے دادا کا کلام ’’لوٹ کر میں نہ جاؤں گا خالی‘‘ سناؤ ، جس پر میرے پوتے نے کہا کہ بابا آج نہیں کل

 سنا دوں گا آج میرا دل نہیں چاہ رہا، جس پر اُس نے بے ساختہ جواب دیا کہ “ابھی بابا فرمائش کررہے ہیں اور تم نہیں سنُا رہے پھر

 جب تمھارا سنانے کا دل چاہے گا تو میں نہیں سنوں گا‘‘۔

بس اسی اثناء ظہر کی اذان ہوئی اُس نے فرمائش پر لال کرُتا نکلوا کر پہنا، نمازادا کرکے کہیں کام سے جانے کی تیاری کرنے لگا، میں

 نے نماز سے فارغ ہوکر اُس سے پوچھا بیٹا کہاں جارہے ہو، تو اُس نے برجستہ جواب دیا کہ ’’ابا کے پاس ‘‘میں نے کہا صبح سے کیا

 فالتو بکے جارہا ہے، تو ہنستے ہوئے کہنے لگا اماں فکر نہیں کرو میں واپس ضرور آؤں گا، میں نے اُسے نکلتے ہوئے تاکید کی کہ زیادہ

 دھوپ میں مت نکلنا گرمی بہت زیادہ ہے، تو کہنے لگا امی گاڑی سے نہیں اتروں گا اب خوش ہوجائیں۔

یہ کہتے ہوئے اُس نے اجازت لی اور اپنے بھائی کے ہمراہ کسی کام سے روانہ ہوگیا، اس دوران میرا دل مستقل گھبرا رہا تھا،

 دوپہرگھرپرلائٹ نہ ہونے کے سبب پڑوسی نے اطلاع دی کہ امجد کی گاڑی پر فائرنگ ہوئی ہے اور تھوڑی ہی دیر میں اُس کے

 انتقال کی خبر ملی تو میں نے خدا سے دعا کی کہ اللہ کرے یہ خبر جھوٹی ہو مگر کچھ ہی دیر میں اس خبر کی تصدیق ہوگئی۔اس بات کے

 ساتھ شہید کی والدہ کا بندھن ٹوٹ گیا اور وہ زاروقطار رونے لگیں، جھریوں والے ہاتھوں سے اپنے منہ کو چھپایا اور ہچکیوں کے

 ساتھ یہ کہا کہ ’’امجد اپنے بابا کے پاس چلا گیا‘‘ ۔ وہ مجھے اکیلا چھوڑ کر چلا گیا اسی اثناء میں کمرے میں بیٹھے ایک بزرگ نے کہا کہ

 امجد مرا نہیں ہے بلکہ وہ آج سے زندہ ہوا ہے، اب ہر گھر میں امجد کاذکر ہوگا کیونکہ میرا بیٹا شہید ہوا ہے۔

 خدائے زوالجلال والاکرام تمھاری لحد پر ہفت آسمان کا سایہ فگن کرے آمین

 

 

 

حضرت نوح علیہ السّلام اور جُھّگِی کی بڑھیا

حضرت نوح   علیہ السّلام کی بستی کی ایک ضعیف اور غریب خاتون

 آپ کے اوپر ایمان لے آئ تھی ،ایک روز اس نے دیکھا کہ حضرت نوح علیہ السّلام ایک بڑی کشتی بنا رہے ہیں تو آپ کے پاس چلی آئ اور کشتی کی بابت سوال کیا حضرت نوح علیہ السّلام نے اسے بتایا کہ جب کشتی تیّار ہو جائے گی تب اللہ طوفان بھیجے گا

اور جو شخص اللہ  پر ایمان لا چکا ہوگا اس کواس کشتی میں بیٹھنے کی اجازت ہو گی-بڑھیا نے پوچھا کیا مجھے بھی آپ کشتی میں بٹھائیں

 گے حضرت نوح علیہ السّلام نے فرمایا -ہاں ضرور کیونکہ تم ایمان والی ہو

اب بڑھیا روزانہ حضرت نوح علیہ السّلام کے پاس اپنی کپڑوں کی گٹھری اٹھا کر آ جاتی تھی اور سوال کرتی کہ کیا کشتی تیّار ہو گئ-

ایک دن جب بڑھیا نے آ کر اپنا سوال دہرایا -اللہ کے نبی کشتی تیّار ہو گئ ؟کیا میں اپنا سامان لے آوں تو حضرت نوح علیہ السّلام نے

 فرمایا تم ابھی اپنے گھر پر آرام کرو جب کشتی تیّار ہو جائے گی تب میں تم کو خود بلانے آجاوں گا-بڑھیا واپس چلی گئ ادھر کچھ عرصہ

  میں کشتی تیاّ ر ہو گئ

 کشتی نوح اور طوفان ::

 آپ نے کشتی میں درندوں، چرندوں اور پرندوں اور قسم قسم کے حشرات الارض کا ایک ایک جوڑا نر ومادہ سوار کرا دیا اور خود آپ

 اور آپ کے تینوں فرزند یعنی حام، سام اور یافث اور ان تینوں کی بیویاں اور آپ کی مومنہ بیوی اور ۷۲ مومنین مرد و عورت کل

۸۰ انسان کشتی میں سوار ہو گئے اور آپ کی ایک بیوی ”واعلہ” جو کافرہ تھی، اور آپ کا ایک لڑکا جس کا نام ”کنعان” تھا، یہ

 دونوں کشتی میں سوار نہیں ہوئے اور طوفان میں غرق ہو گئے۔بالآخر کشتئ نوح علیہ السّلام چھ مہینہ تک برستے پانی کے درمیان

 چلتی رہی پھر آپ کی دعاء سے پانی زمین نے نگل لیا اور کشتی ٹہر گئ تب آپ کو یادآیا کہ بڑھیا کو تو وہ اپنے ساتھ لے جا نا ہی بھول

 گئے تھے -

یوں تو اللہ تعالیٰ نے حضرت نوح علیہ السلام کو دوسو برس پہلے ہی بذریعہ وحی مطلع کردیا تھا کہ آپ کی قوم طوفان میں  آپ کے گھر

 کے تنور سے پانی ابلنا شروع ہوگا۔ چنانچہ پتھر کے  تنور سے ایک دن صبح کے وقت پانی ابلنا شروع ہو گیا -حضرت نوح علیہ السلام

 کی بعثت سے قبل قوم  ہدایت کے رستے سے ہٹ چکی تھی۔  اس زمانے میں پانچ بزرگ جو اللہ کی توحید کے پرستار تھے جن کے نام

 یہ ہیں: وَدْ، سواع، یغوث، یعوق، نسر، جب یہ فوت ہوئے تو لوگوں نے ان کی قبروں پر نشان کھڑے کر دیئے۔پھران لوگوں

 نے ان اہل قبور کو مشکل کشا اور حاجت روا بنا کران سے مرادیں مانگنی شروع کردیں۔ اور شرک کی دلدل میں دھنستے ہی چلے گئے

 تو اللہ تعالیٰ نے حضرت نوح علیہ السلام کو ان لوگوں کی اصلاح کے لیے مبعوث فرمایا۔ آپ کمرکس کر میدان میں آئے اور

 مشرکوں کو سمجھانا شروع کیا۔ نوح علیہ السلام کا ذکر قرآن مجید میں کئی جگہ پر آیا ہے بلکہ ایک مکمل سورت (سورت نوح ) آپ

 کے نام سے منسوب بھی ہے۔ اسی سورت میں ذکر ہے کہ آپ دن رات مشرکوں کو شرک سے باز آجانے اور ایک اللہ کے آگے

 جھکنے کی دعوت میں ایک کر دیئے۔ ابلیس بھی اپنے لاؤ لشکر سمیت تو پہلے ہی موجود تھا نے آپ کی تبلیغ سے ان لوگوں کو دور رکھنے

 میں توانائیاں صرف کر دیں۔ نوح علیہ السلام جب مشرکوں کو وعظ فرماتے تو وہ لوگ اپنے آپ کو کپڑوں میں لپیٹ لیتے۔ کانوں

 میں انگلیاں ڈال لیتے مگر آپ اللہ کی توحید سنانے سے باز نہ آئے حتی کہ مشرک انگلیوں پر کپڑے لپیٹ کر کانوں میں ٹھونس

 لیتے۔ نوح علیہ السلام نے صدیوں تک لوگوں کو سمجھایا۔ مشرک آپ کی تکذیب کرتے رہے۔ رب العالمین نے قوم نوح پر

 بارش روک لی۔ ان کی عورتوں کو بانجھ کر دیا، مویشی ہلاک ہو گئے، اب نوح علیہ السلام نے قوم کو استغفار کا حکم دیا تاکہ مشکلات

 ختم ہوں، سورت نوح کی آیت نمبر 10اس پر شاہد ہے سرکش قوم اپنے کفر و شرک پر اڑی رہی۔  المختصر جب نوح علیہ السلام قوم

 کو نو سو پچاس سال تک دن رات سمجھانے کے بعد مایوس ہو گئے۔

حضرت نوح علیہ السلام ساڑھے نو سو برس تک اپنی قوم کو خدا کا پیغام سناتے رہے مگر ان کی بدنصیب قوم ایمان نہیں لائی بلکہ

 طرح طرح سے آپ کی تحقیر و تذلیل کرتی رہی اور قسم قسم کی اذیتوں اور تکلیفوں سے آپ کو ستاتی رہی یہاں تک کہ کئی بار ان

 ظالموں نے آپ کو اس قدر زدو کوب کیا کہ آپ کو مردہ خیال کر کے کپڑوں میں لپیٹ کر مکان میں ڈال دیا؛ مگر آپ پھر مکان

 سے نکل کر دین کی تبلیغ فرمانے لگے۔ اسی طرح بار ہا آپ کا گلا گھونٹتے   -با لآ خر ا للہ پا ک نے   ا  س  قو م کو  ہلا ک کر ديا

کراچی ٹوکینیڈا/ سفر میں حضر ہے

سفربریمپٹن سے مسی ساگا

جب میرے پاس کرنے کے لئے کچھ کام نہیں ہوتا ہے تب میں گھر سے باہر جاتی ہوں

 -مجھے بسوں میں سفر کرنا اچھّا لگتا ہے -سفر کے دوران میں بہت سے لوگوں سے ملاقات

 بھی ہوتی ہے اور کچھ نا کچھ والنٹئر بھی کرنے کو مل جاتا ہےمیں ہمیشہ بڑے خاندان میں

 رہتی آئ تھی - ھما را خاندان بہت سے رشتے داروں کا تھا -بڑی  سسرال ملی ہم سب مل

 جل کر پیار محبّت سے رہتے تھے 'لیکن مقدّر کے کھیل بھی عجیب ہوتے ہیں اس عمر میں

 جب مجھے ضرورت ہے  بہت سے  میرےاپنے رشتے داروں کی میں تنہا ہو گئ ہوں 'مگر

 خوش رہنا ہے اللہ یہی چاہتا ہے-

کچھ میرا والنٹئر ورک -میں واک کرنے مال گئ تھی –واک ختم کر چکی تب ایک بنچ پر بیٹھ گئ میں نے سامنے دیکھا -

ایک لڑکی اپنے دو بچّوں کے ساتھ شاپ سے باہر آرہی تھی جڑواں بچّوں کی گاڑی کے ساتھ بڑا بچّہ تین برس تک کا اور چھوٹا سال بھر کا لگ رہا تھا لڑکی نے جیسے ہی چھوٹے بچّے کو دوسری جانب کی پرام میں بٹھا یا بڑے بچّے نے اس کی پٹائ شروع کر دی لڑکی نے بڑے بیٹے کو منع کیا لیکن وہ چیخ چیخ کر رونے لگا اور ساتھ ساتھ اپنے بھائ کو مارنے بھی لگا -میں پھر لڑکی کے پاس پہنچی اور میں نے کہا اگر تم چاہو تو میں تمھارے ساتھ چلتی ہو ں اور تمھارے سوٹ کیس میں پکڑ لوں گی-وہ بہت خوش ہوئ اور میں نے اس کے دونوں سوٹ کیس اپنے دونو ں ہاتھوں میں پکڑ لئے اس -نے بتایا کہ اس کے شوہر کو اس کیجاب کی طرف سے اچانک لندن جانے کا نوٹس آیا ہے  اور شوہر کے پاس شاپنگ کرنے کا بلکل وقت نہیں تھا اس لئے وہ خود گھر سے نکل آئ ہے-پھر میں نے اس کے سوٹ کیس اور پرام  پیچھے  رکھوائی لڑکی جاتے جاتے بہت ممنون نظروں سے مجھے دیکھ رہی تھی -پھر ہم نے ایک دوسرے کو مسکراتے ہوئے خدا حافظ کہا اور میں اپنے گھر واپس آ گئ