گنیز ورلڈ ریکارڈ رکھنے والی ٹی ایم مشین -درہ خنجراب

 گنیز ورلڈ ریکارڈ رکھنے والی یہ اے ٹی ایم مشین دنیا کی بلند ترین کیش مشین چین اور پاکستان کے درمیان خنجراب پاس سرحد پر واقع ہے-سوست برانچ کے منیجر خنجراب میں بنے اے ٹی ایم کو کیش سے بھرنے کے لیے سخت موسم، دشوار پہاڑی گزرگاہوں اور بار بار لینڈ سلائیڈنگ کا مقابلہ کرتے ہوئے باقاعدگی سے سرحد تک سفر کرتے ہیں -خنجراب پاس پر بنی دنیا کی بلند ترین اے ٹی ایم جہاں پہنچنے کے لیے بادلوں سے گزرنا پڑتا ہےہم دنیا کی بلند ترین ’کیش مشین‘ (یعنی اے ٹی ایم) کی طرف جا رہے تھے جو پاکستان کے شمالی صوبہ گلگت بلتستان میں چین اور پاکستان کے درمیان خنجراب پاس کی سرحد پر واقع ہے۔  برف سے ڈھکی قراقرم کی چوٹیوں کے درمیان بنی سڑک خنجراب نیشنل پارک سے گزرتی ہے جہاں پاکستان کے قومی جانور مارخور کے علاوہ برفانی چیتے بھی دیکھے جا سکتے ہیں۔

 

   سوال یہ ہے کہ ا س دور دراز  اور بلند پہاڑی علاقے کے بیچ میں ایک اے ٹی ایم کیوں لگایا گیا ہے؟2016 میں نیشنل بینک آف پاکستان کی طرف سے تعمیر کی گئی، شمسی توانائی اور ہوا سے چلنے والی اے ٹی ایم مشین اس سرحدی کراسنگ کے اردگرد رہنے والے رہائشیوں، سرحدی فوجیوں اور سیاحوں کے کام آ رہی ہے۔کسی دوسرے اے ٹی ایم کی طرح ہی کام کرتی ہے۔ اسے نقد رقم نکالنے، یوٹیلیٹی بلوں کی ادائیگی اور انٹر بینک فنڈ ٹرانسفر کرنے کے لیے استعمال کیا جا سکتا ہے۔بے شک  اوپر پہنچنے پر آکسیجن کی کمی کا مسلہ ہوتا ہے لیکن اوپر پہنچنے کے بعد علاقہ کی دلداری سب بھول جانے پر مجبور کر دیتی ہے  نیشنل بینک آف پاکستان (این بی پی) کی طرف سے سنہ 2016 میں بنائے گئی، شمسی اور ہوا کی توانائی سے چلنے والی یہ اے ٹی ایم مشین اس سرحدی کراسنگ کے اردگرد کے رہائشیوں اور سرحدی فوجیوں کی محدود تعداد کے کام آ رہی ہے۔ سیاح اس اے ٹی ایم میں جانا ایک اعزاز سمجھتے ہیں، اور یہاں سے رقم نکالنے کی ایسی تصویریں لیتے ہیں جو ’کولڈ ہارڈ کیش‘ کے فقرے کو نئے معنی دیتی ہیں۔

دنیا کی بلند ترین کیش مشین چین اور پاکستان کے درمیان خنجراب پاس سرحد پر واقع ہےجنوبی افریقہ سے آئی ریٹائرڈ پرنسپل عائشہ بیات، جو اپنے شوہر کے ساتھ چھٹیوں پر آئی تھیں نے مزاحیہ انداز میں کہا ’میرا اکاؤنٹ فریز ہے۔‘ انھوں نے بتایا کہ ’ہم ایک ایسے ملک سے آئے ہیں جہاں ہمارے پاس بھی پہاڑی سلسلے ہیں۔۔۔ لیکن ایسا کچھ نہیں ہے۔ میں خوبصورت نظارے دیکھ رہی ہوں۔‘

بیات کے شوہر فاروق نے کہا ’ایفل ٹاور کی طرح تاریخی نشانیوں کا ہونا ضروری ہے۔ یہ باقی علاقے کو دیکھنے کا بہانہ بن جاتی ہیں۔‘لیکن اس تاریخی نشانی کی تعمیر کوئی چھوٹا کارنامہ نہیں تھا۔ اور نہ ہی اسے فعال رکھنا آسان ہے۔اس اے ٹی ایم کی نگرانی کرنے والی افسر شاہ بی بی نے بتایا کہ اس منصوبے کی تکمیل میں تقریباً چار ماہ لگے۔ قریب ترین این بی پی بینک سوست میں ہے جو یہاں سے 87 کلومیٹر دور ہے۔سوست برانچ کے منیجر زاہد حسین چوٹی پر بنے اس اے ٹی ایم کو رقم سے بھرنے کے لیے سخت موسم، دشوار پہاڑی گزرگاہوں اور بار بار لینڈ سلائیڈنگ کا مقابلہ کرتے ہوئے باقاعدگی سے یہاں تک کا سفر کرتے ہیں۔انھوں نے بتایا کہ ’اوسطاً 15 دنوں کے اندر یہاں سے تقریباً 40-50 لاکھ روپے نکالے جاتے ہیں۔

‘اس دوران بی بی ریئل ٹائم ڈیٹا مانیٹر کرتی اور سوست برانچ کو فراہم کرتی ہیں۔ انھیں سیٹلائٹ کنیکٹیویٹی، سولر پاور بیک اپ، نقد رقم واپس لینے اور پھنسے کارڈز (پچھلے سال تیز ہواؤں نے اے ٹی ایم کو عارضی طور پر بند کر دیا) سے متعلق ہنگامی صورتحال سے بھی نمٹنا ہے۔بی بی نے بتایا ’زمین پر موجود ایک شخص کو اے ٹی ایم تک پہنچنے اور مرمت کرنے میں تقریباً دو سے ڈھائی گھنٹے لگتے ہیں۔‘کچھ لوگ ایسے دور دراز مقام پر اے ٹی ایم کی افادیت پر سوال اٹھاتے ہیں۔ لیکن حسین کہتے ہیں کہ ’ہم ان لوگوں کو بھول جاتے ہیں جو ہماری سرحدوں کی 24/7 حفاظت کرتے ہیں۔ وہ تعداد میں معمولی ہو سکتے ہیں، لیکن وہ ایک بڑے پارک میں رہتے ہیں اور ان کے پاس اپنے پیاروں اور خاندان والوں کو اپنی تنخواہیں منتقل کرنے کا کوئی دوسرا ذریعہ نہیں ہے- برانچ کے منیجر خنجراب میں بنے اے ٹی ایم کو کیش سے بھرنے کے لیے سخت موسم، دشوار پہاڑی گزرگاہوں اور بار بار لینڈ سلائیڈنگ کا مقابلہ کرتے ہوئے باقاعدگی سے سرحد تک سفر کرتے   ہیں -بختاور نے مجھے بتایا ’صرف پچھلے چند گھنٹوں میں، میں نے تین خواتین کو آکسیجن دی ہے۔ کل سات تھیں۔‘وہ کہتے ہیں کہ چڑھائی پر آنے سے پہلے اگر آپ نے تیل والا یا زیادہ کھانا کھایا ہے تو اس سے آپ کی حالت خراب ہو گی۔انھوں نے یہ بھی دیکھا ہے کہ سیاحوں کے لیے ایک بڑی پریشانی ان کا کارڈ پھنس جانا ہے، حالانکہ انھوں نے اندازہ لگایا کہ کسی دوسرے اے ٹی ایم کی طرح ایسا یا تو کسی دن بہت بار ہوتا ہے یا شاذ و نادر ہی ہوتا ہے۔کارڈ پھنس جائے تو پھر آپ کو یہاں کے شدید موسم میں کم از کم دو گھنٹے انتظار کرنا پڑتا ہے یا اگلے دن دوبارہ واپس آنا ہوتا   ہے ، بختاور نے مسکراہٹ کے ساتھ کہا ’اسے دوبارہ حاصل کرنے کا آسان سفر نہیں ہے۔‘تاہم بینک مینیجر زاہد کے لیے یہ خنجراب پاس اے ٹی ایم پر کام کرنے کے شوق کا حصہ ہے۔ اپنے کام کی اہمیت جانتے ہوئے اور اس حوالے سے شدید دباؤ کے باوجود وہ کہتے ہیں ’میں ان شاندار قدرتی مناظر پر بنی ٹیکنالوجی کے پیراڈائم شفٹ کا حصہ بننا اپنی خوش قسمتی سمجھتا ہوں۔‘

سنو جاناں ! مجھے تم سے ایک بات کہنی ہے

 

   سنو جاناں 

مجھے تم سے ایک بات کہنی ہے 

اور وہ بات تم کو یاد رکھنی ہے '

کہ تم خوابوں میں میرے اس طرح 

نہیں آیا کرو

تمھارے یوں چلے آنے سے

ہوتا ہے یہ 

کہ خواب میرے  ٹوٹ جاتے ہیں 

اور نیند آنکھوں سے میری پھر روٹھ جاتی ہے 

اور میرے دل کے شوالے میں

  وہ پجارن جاگ جاتی ہے

جو تمھارے پیار کے چرنوں کی داسی تھی 

پھر پجارن ایک کہانی کہہ سناتی ہے 

ہاں گلابی رنگ برساتی کہانی 

یاد ہے تم کو؟

وہ افسانہ بھی تم کو یاد تو ہوگا ؟

جسے ہم خود ادھورا چھوڑ کر بچھڑے

اس افسانے کو دہراتے ہوئے 

بھیگتی جاتی  ہیں آنکھیں خود بخود میری

پھر تم اپنا ہاتھ شانے پر میرے 

رکھ کے مجھ سے کہتے ہو 

سنو خود کو سمجھا لو

اپنے دل کو بہلا لو 

مگر  میں کیا بتاوں یہ

مجھے

خود کو سمجھانا نہیں آتا 

پجارن کو منانا بھی نہیں آتا 

اور پجارن کو منانے میں 

میں خود بھی  ٹوٹ جاتی ہوں 

زائرہ عابدی 

 

زمانہ قدیم کا فقید المثال 'ما ہر ریاضی ' وتعمیرات ''ارشمیدس"

 اس کے والد، ایک ماہر فلکیات تھے جن کو فیڈیاس کے نام سے جانا جاتا تھا، اور یہ خیال کیا جاتا ہے کہ اس کا خاندان اعلیٰ طبقے میں شمار کیا جاتا تھا، یا ممکنہ طور پر اشرافیہ میں، کیونکہ وہ اسے تعلیم کے لیے اسکندریہ بھیجنے کے متحمل تھے۔ ارشمدیسی کا پہلا موجودہ حوالہ پولی بیئس  کے مسودات سے اخذ کیا گیا ہے،  ایک یونانی ماہر تعمیرات، فقید المثال معمار اور موجد تھا جسے زمانہ قدیم کا سب سے عظیم ریاضی دان مانا جاتا ہے اور جنہیں اب تک کی انسانی تاریخ کے سب سے بلند رتبہ ماہران ریاضی میں شمار کیا جاتا ہے۔ ان کے سر کئی ایجادات کا سہرا رکھا گیا ہے جو آج بھی مستعمل ہیں (جیسے ارشدمیدیس پچی: سکریِو) اور اسے ریاضی اور ریاضی کی طبیعیات کا باوا آدم بھی کہا جاتا ہے۔انہوں نے یونانی زیر تسلط سسلی کے شہر سیراکیوز (سرقوسہ) میں آنکھ کھولی، اور انہوں نے اپنی ساری زندگی وہیں گزاری بجز کچھ عرصے کے جو انہوں نے تعلیم کی پیاس بجھانے کی خاطر اسکندریہ، مصر میں گزارا۔  سکندریہ میں گزارا گیا وقت ا رشمیدیس کے بارے میں کہا جاتا ہے کہ انہون نے ایسے فلکیاتی آلات ایجاد کیے جو سورج، چاند اور سیاروں کیے مقامات اور حرکات کی شناخت کر سکتے تھے۔ارشمیدیس کی زندگی کے بارے میں تقریباً کچھ معلوم نہیں ہے سوائے اس کے کہ وہ سائراکیز، سسلی میں پیدا ہوئے تھے، جو اس وقت اس خطے کا حصہ تھا جسے میگنا گریشیا ("گریٹر یونان یا یونان عظیم") کہا جاتا تھا، جو کہ جنوبی اٹلی میں یونانی نوآبادیات کے ذریعے آباد کیے گئے علاقوں کے لیے رومی اصطلاح ہے

پولی بیئس نے  غالباً ارشمیدیس کی زندگی کے بارے میں معلومات کو حذف کر دیا یا انہیں   تحریر کرنا اس قدراہم نہ سمجھا کیونکہ ایک ارشمیدیس کی زندگی پر ایک سوانح عمری پہلے ہی شائع ہو چکی تھی جو اب تاریخ کے دھارے میں کہیں   گم ہو گئی ہے۔اس کے والد نے اسے اسکندریہ بھیجا جو اس وقت بطلیما خاندان (۳۲۳ تا ۳۰ قبل مسیح) کے زیر سایہ ایتھنز کا مقابلہ کرتے ہوئے ایک دانشورانہ مرکز کے طور پر ترقی کر رہا تھا۔ اسکندریہ میں، اس کی دوستی سائرین کے ایراتوسٹینیز اور ساموس کے کونون سے ہوئی، جو شہر کے معروف ترین دانشوران تھے۔ کونن ایک معزز ماہر فلکیات اور ریاضی دان تھا، اور ایراسٹوتھینز اسکندریہ کی لائبریری کا سربراہ اور ایک جامع علوم پر دسترس رکھنے والا معلم تھا جس نے سب سے پہلے زمین کے احاطے کا تخمینہ لگایا۔ ،ہ (جسے اینٹیکیتھرا ڈیوائس بھی کہا جاتا ہے) کے بارے میں خیال کیا جاتا ہے کہ یہ دنیا کا پہلا اینالاگ کمپیوٹر ہے۔ یہ آلہ، ۱۹۰۱ میں یونانی جزیرے اینٹیکیتھراسے دریافت ہوا، جو دوسری صدی کے اواخر/پہلی صدی قبل مسیح کا ہے اور اسے سورج، چاند اور سیاروں کی پوزیشن کا حساب لگانے کے لیے استعمال کیا جاتا تھا۔ یہ آلہ بابل اور مصری فلکیاتی اصولوں پر انحصار کرتا تھا لیکن اس میں یونانی حروف تہجی کے حروف استعمال کیے گئے تھے اور اسے یونان میں تیار کیا گیا تھا۔ کرینک کو موڑ کر، کسی نے ایک پوائنٹر کو منتقل کیا، جو چاند کے مرحلے، سیاروں کے مقام کو دکھانے کے لیے جگہ پر کلک کرتا ہے، اور چاند گرہن کا حساب بھی لگا سکتا ہے۔ارشمیدس اس آلے کے موجد کے طور پر صرف ایک امیدوار ہے کیونکہ اس کا انتساب نیسیا کے رہائشی ابرخش (دور حیات ۱۹۰ تا ۱۲۰ قبل مسیح) اور دیگر افراد سے بھی کیا گیا ہے۔ تاہم، ارشمیدس کی اسی طرح کی ایجادات کے بارے میں سیسرو کے ذکر کی تصدیق اسکندریہ کے ریاضی دان پاپس (دور حیات ۲۹۰ تا ۲۵۰ عیسوی) نے بھی کی ہے، جس نے دعویٰ کیا کہ ارشمیدس نے ایسے آلات کی تعمیر اور تیاری کے بارے میں ایک کتاب لکھی تھی۔ 

 ارشمیدیس نے  اپنے پیشرو  کو اس قدر تعظیم کی نگاہ سے  دیکھا  کہ انہوں نے اپنے کام دی میتھڈ (ضوابط اصول ریاضیات کو ان سے منسوب کر دیا۔ارشمیدس کا سکرو (پیچ) ایک سلنڈر (اُسطوانہ) تھا جس میں ایک مڑا ہوا بلیڈ تھا جو اوپر کی طرف گھومتا تھا جب ایک کرینک (چکر دھنی)سے گھمایا جاتا تھا اور یہ طریقہ کار آج بھی مستعمل ہےیہ امر یہاں اس قدر قابل ذکر اور قابل توجہ نہیں ہے کہ آیا کہ وہ واقعی ہی اینٹیکیتھرا ڈیوائس کا خالق تھا یا نہیں، لیکن اس کی حیثیت ارشمیدس اسکرو کے موجد کے طور پر ہمیشہ قائم رہے گی، جو پانی کو نچلی سطح سے اوپر تک کھینچنے کا ایک ذریعہ ہے۔ جیسا کہ حجم،ارشمیدس کی زندگی سے متعلق بہت سی کہانیوں اور روایات منسوب ہیں، اسی طرح ارشمیدس سکرو کی ایجاد کا محرک بننے والے حالات و واقعات سے بھی ایسی ہی روایات منسوب کی جاتی ہیں، لیکن ایک بات تو مسلم ہے، اور وہ یہ کہ ان سب مفروضہ جات میں جہاز کے نچلے حصے سے پانی کے اخراج کا مسئلہ موجود تھا۔

ان روایات سے سب سے مشہور روایت یونانی مصنف ناکراٹس کے اتھیناؤس کا بیان کردہ ہے، جو بتاتا ہے کہ کس طرح ہئیرو دوم نے ارشمیدس سے اس کے لیے ایک بہت بڑا جہاز ڈیزائن کرنے کی درخواست کی، ایک ایسا جہاز جو کسی جاگتی آنکھ نے نہ دیکھا ہو اور جو کسی فعال کان نے نہ سنا ہو، شاید ایسا جو کہ چشم تخیل میں بھی نہ آسکے۔ جو کہ بطور سوار جہاز، ایک شاہانہ نمونہ کے فرائض انجام دے سکے، اور بیک وقت ضرورت پڑنے پر جنگ میں ایک مضطوط اور توانا عنصر کے طور پر بھی۔ ارشمیدس نے اس وقت تک کی انسانی تاریخ کا سب سے بڑا اور عظیم الشان جہاز تیار کیا، اور اس کا نام سیراکوزیا رکھا گیا، اس جہاز میں افروڈائٹ دیوی کے لیے ایک وسیع مندر، باغات، ایک جم، ریاستی کمرے، اور دیگر سہولیات موجود تھیں، ۱۹۰۰ سے زیادہ مسافروں، عملے، اور فوجیوں کے لیے کافی جگہ موجود تھی، اور جنگی میناروں کے ساتھ ساتھ ایک تختے پر بہت عظیم الجثہ منجنیق بھی نسب تھی۔ یہ جہاز ارشمیدس کے منصوبے کے مطابق تیار گیا تھا لیکن پھر اچانک ہی دیکھا گیا کہ جہاز کی اس قدر جسمات اور وزن کی وجہ سے جہاز کی بیرونی سطح سے کثیر مقدار میں پانی کا اخراج ہو رہا تھا۔

ارشمیدس کا سکرو (پیچ) ایک سلنڈر (اُسطوانہ) تھا جس میں ایک مڑا ہوا بلیڈ تھا جو اوپر کی طرف گھومتا تھا جب ایک کرینک (چکر دھنی)سے گھمایا جاتا تھا اور یہ طریقہ کار آج بھی مستعمل ہے ۔ سلنڈر کے ایک سرے کو پانی میں رکھ کر اور کرینک کو موڑ کر پانی کو کھینچ کر جہاز سے خارج کیا جاتا تھا۔ یہ طریقہ کار آج بھی دنیا بھر میں متعدد حوالوں سے استعمال ہوتا ہے۔ سیراکوزیا نے صرف ایک بار سمندری میدان پر قدم رکھا، اور یہ سفر سیراکیوز سے اسکندریہ تک کا تھا، جہاں اسے بطلیموس سوم یورگیٹیس     کو تحفے کے طور پر پیش کیا گیا، لیکن اس کے بعد اس عظیم الشان اور قوی المرتبت جہاز کا نصیب کیا بنا،یہاں تاریخ ہمیں خاموش دکھائ دیتی ہے کہا جاتا ہے کہ ارشمیدس نے فلکیات کے موضوع پر مختلف النوع تحریرات مسودات تیار کئے، جن کا حوالہ بعد میں آنے والے مصنفین اور محققین نے دیا، لیکن ان میں سے کوئی بھی مسودہ وقت کے گرداب سے بچ نہ سکا سوائے سینڈ ریکنر (حاسب ریت) کے، جس کی مدد سے ارشدمیس نے کائنات کے حجم کا حساب لگایا

 

پھر ایک نئ ڈنکی نے ڈ بویا

 

 کیا کوئ  نوجوان اس  حقیقت کی تہہ تک پہنچ سکتا ہے کہ ایک ماں اس کو جنم دینے سے لے کر جوانی حد تک پہنچانے کی منزل آنے تک کتنے مراحل سے  گرتی ہے  -اور وہ اپنی اس قیمتی جان کا سودا کتنی آسانی سے کر لیتا ہے -ان کو نہیں  معلوم ہے کہ سمندر برد ہونے سے بچ جانے والے جب میتوں کی شکل میں واپس آتے ہیں تو زمین کی آ غوش میں سو جاتے ہیں لیکن وہ ماں زندہ لاش بن کے جیتی ہے جس نے اس کو جنم دیا تھا -اس کے اہل خانہ مدتوں اپنے پیارے کا داغ دل میں لئے  گم  سم   رہتے ہیں -یو نان میں پاکستانی سفیر عامر آفتاب قریشی نے کہا ہے کہ کشتی حادثے میں اب بھی درجنوں پاکستانی لاپتا ہیں جن کے بچنے کی امیدیں بہت کم ہیں جب کہ حادثے میں جاں بحق پاکستانیوں کی لاشیں سفارتخانہ اپنے خرچ پر پاکستان بھیجے گا۔یونان میں میڈیا سے گفتگو کرتے ہوئے پاکستانی سفیر کا کہنا تھا کہ کشتیوں کو حادثہ ضرورت سے زیادہ افراد سوار ہونے کی وجہ سے پیش آیا، جس کشتی میں پاکستانی سوار تھے اس کے اندر پہلے شگاف پڑا اور پھر ڈوب گئی۔انہوں نے کہا کہ لیبیا سے غیر قانونی طریقے سے جانے والی 5 کشتیوں پر پاکستانی سوار تھے، جس کشتی پر سوار تھے اس کا نہ انجن ٹھیک تھا نہ واکی ٹاکی اور نہ ہی  کشتی کا ناخدا کشتی پر تھا جب کہ متاثرہ کشتیوں میں پاکستانی بچے بھی تھے۔ان کا کہنا تھا کہ بچوں کو خود باہر بھیجا جارہا ہے جو سنگین مسئلہ ہے،

پاکستانی سفیر  کا کہنا ہے  کہ  ان کی  پاکستانی  والدین سے درخواست ہے کہ اپنے بچوں کو ایسے خطرناک سفر پر نہ بھیجیں۔پاکستانی سفیر نے کہا کہ کشتی پر 80 سے زائد پاکستانی سوار تھے، کتنا افسوسناک ہےکہ یہ لوگ نامعلوم جگہ پر ہزاروں فٹ گہرے سمندر میں ڈوب گئے -انہوں نے کہا کہ حادثے میں اب بھی درجنوں پاکستانی لاپتا ہیں، جن میں کم عمر بچے بھی شامل ہیں، جائے حادثہ پر ریسکیو آپریشن جاری ہے تاہم لاپتا افراد کے بچنے کی امیدیں کم ہیں۔ان کا مزید کہنا تھا کہ اس حوالے سے بنائی گئی کمیٹی کو ہدایت کی گئی ہے کہ وزیراعظم کو رپورٹ پیش کرے، جو لوگ اس مکروہ کاروبار میں ملوث ہیں انہیں کیفر کردار تک پہنچایا جائے۔خیال رہے کہ چند روز قبل یونان کے جنوبی جزیرے گاوڈوس کے قریب کشتی الٹنے کے بعد لاتعداد  تارکین وطن ڈوب کر ہلاک جب کہ کئی لاپتا ہوگئے --

’اپنے کم عمر  بیٹے کو اُس کی ضد کے ہاتھوں مجبور ہو کر غیرقانونی راستے سے یورپ بھجوانے کا فیصلہ کیا تھا۔ ہمارے علاقے میں کام کرنے والے ایجنٹ گاؤں کے درجنوں لڑکوں کو یونان اور اٹلی بھجوا چکے تھے۔ میرا بیٹا کچے ذہن کا تھا جو اُن کی باتوں میں آ گیا اور ہمیں بار بار یہی کہتا تھا کہ اگر آپ نے مجھے یورپ نہیں بھجوانا تو میں گھر چھوڑ دوں گا۔‘سعودی عرب میں روزگار کے سلسلے میں مقیم جاوید اقبال اب اپنے اُس فیصلے پر بُری طرح پچھتا رہے ہیں کہ جب 13 سالہ بیٹے کی ’ضد‘ کے ہاتھوں مجبور ہو کر انھوں نے غیرقانونی طریقے سے اسے یورپ بھجوانے کا فیصلہ کیا۔پاکستان کے دفتر خارجہ نے غیرقانونی تارکین وطن کے تین کشتیوں پر سوار ہو کر یورپ پہنچنے کی کوشش کے دوران یونان میں پیش آئے حادثے کے نتیجے میں پانچ پاکستانی شہریوں کی ہلاکت کی تصدیق کی ہے۔

 اور ان پانچ افراد میں جاوید کے 13 سالہ بیٹے محمد عابد بھی ہیں۔یونان میں موجود سفارتخانے کے حکام کے مطابق فی الحال پانچ ہلاکتوں کی تصدیق ہوئی ہے جبکہ 47 پاکستانی شہریوں کو ریسکیو کر لیا گیا جنھیں اب یونان کے حراستی مرکز میں رکھا گیا ہے۔ حکام کے مطابق اگرچہ اس حادثے کے دوران لاپتہ ہونے والی پاکستانی شہریوں کی اصل تعداد کا تو علم نہیں تاہم یہ درجنوں میں ہو سکتے ہیں۔سعودی عرب سے بی بی سی اُردو سے بات کرتے ہوئے جاوید اقبال نے بتایا کہ وہ صوبہ پنجاب کے ضلع سیالکوٹ کی تحصیل پسرور کے رہائشی ہیں اور فرنیچر کے کاریگر ہیں۔ جاوید کے چار بچے ہیں جن میں محمد عابد تیسرے نمبر پر تھے۔عابد کے چچا کی جانب سے بی بی سی اُردو کو عابد کا ب فارم اور پاسپورٹ بھی بھیجا گیا جس میں اُن کی تاریخ پیدائش 20 اگست 2011 ہے اور یوں اُن کی عمر محض لگ بھگ 13 سال چار ماہ بنتی ہے۔

 حادثے میں 47 پاکستانی شہریوں کو ریسکیو کر لیا گیا تھا جو اب یونان کے ایک حراستی مرکز میں ہیں  ہمیں نہیں پتا تھا کہ جسے وہ منزل سمجھ رہا تھا وہ یورپ نہیں بلکہ موت ہے‘جاوید اقبال نے بتایا کہ ’عابد سے بڑا بھائی اور بہن تو سکول جاتے ہیں، لیکن عابد نے سکول جانا چھوڑ دیا تھا اور بس یہی کہتا تھا کہ ملک سے باہر ہی تو جانا ہے تو پڑھ لکھ کر کیا کرنا۔ میں نے اسے کہا کہ میرے پاس سعودی عرب آ جاؤ، لیکن اس کی یہی رٹ تھی کہ اسے یورپ جانا ہے

۔پیر سید نصیر الدین نصیرؒ -ایک خورشید تاباں

 

 خانقاہی  نظام  امن 'اور سکون   اور علم و حکمت کی   دانائ  اور  باطنی بینائ تقسیم کرتے رہنے کا  مکمل اور  شفاف نظام ہے  -زمانہ  اس بات  کا گواہ ہے کہ تقسیم ہند کے بعد پاکستان کے حصے  میں جو صاحبان شریعت و طریقت  آئے ان میں پیر مہر علی شاہ جیسے نمائیندہ  و جان نشین      ان کے اجداد و سلف تھے  اولاد در اولاد کی کڑیاں جوڑتے ہوئے  یہ سلسلہ  بالآخر  پیر سید نصیر الدین نصیر  رحمۃ اللہ علیہ تک آ پہنچا  14-نومبر1949ء کو سرزمینِ گولڑہ شریف پر  آپ  کی ولادت باسعادت ہوئ  - ابتدائی تعلیم آستانہء عالیہ گولڑہ شریف کے علم ومعرفت کے روح پرور ماحول میں اپنے بزرگوں کی سرپرستی میں حاصل کی۔فنِ قراَت وتجوید میں استادالقّراء حضرت قاری محبوب علی لکھنوی سے کمال حاصل کیا۔ درسی  کتب نامور مدرس حضرت مولانا فتح محمد گھوٹوی سے پڑھیں    جبکہ   بخاری شریف،مسلم شریف اور فنون کی بعض اہم کتب ،معروف کتاب’’ مہرِ منیر ‘‘کے مؤلف حضرت مولانا فیض احمدؒ سے پڑھنے کا شرف حاصل کیا۔

آ پ  اپنے دادا جان کے لئے فرماتے ہیں  کہ  دادا  حضور    حضرت سید غلام محی الدین المعروف بابوجی نے   میری  باطنی تربیت کا  خاص اہتمام کیا تھا  -حضرت پیر سید نصیر الدین نصیرؒ خود حضرت بابو جی سرکارؒ کے بارے ارشاد فرماتے ہیں کہ’’بلا شبہ آپؒ کی قدر افزائیوں اور خصوصی نوازشات نے مجھے علم وادب کے میدان میں آگے بڑھنے اور اپنے پاؤں پر کھڑا ہونے کا حوصلہ بخشا۔‘‘آپؒ نے حقیقی معنوں میں مسندِ سجادگی پر بیٹھنے کے تمام تر تقاضوں کو کماحقہ پورا کیا۔آپؒ روائتی سجادہ نشین نہ تھے بلکہ مجددِ ملت مہر علی شاہؒ کی روحانیت ومعرفت اور علم وسلوک کی انمول دولت کے حقیقی وارث ہونے کے ناطے’’نکل کر خانقاہوں سے ادا کر رسمِ شبیری‘‘کا عملی ثبوت پیش کیا۔سلسلہ چشتیہ تونسویہ کے روحانی پیشوا حضرت خواجہ صوفی جمال الدین تونسویؒ المعروف دیوانہء سرکار(خانقاہ دارالجمال،دیپال پور)بھی پیر سید نصیر الدین نصیرؒ کی اسی رسم شبیری کا تذکرہ اپنی مجالس میں بڑے فخر کیساتھ کیا کرتے تھے اور اگر کبھی کوئی آپؒ کے آستانہ پر مرید ہونے کے لیے آتا تو آپؒ اکثراسے پیر سید نصیر الدین نصیرؒ کی خدمت میں بھیج دیتے اور اسے فرماتے کہ’’ پیر سید نصیر الدین نصیرؒ کو میرا سلام کہنا اور انہیں عرض کرنا کہ مجھے دیپال پور سے صوفی جمال الدین دیوانہ نے آپؒ کے دستِ شفقت پر بیعت ہونے کیلئے بھیجا ہے۔

‘یاد رہے کہ صوفی جمال الدین تونسویؒ وہ ہستی ہیں کہ جنہیں 1994ء میں دورانِ حج مدینہ شریف میں ’’سنہری جالیوں‘‘کے سامنے پیر سید نصیر الدین نصیرؒ کی موجودگی میں حضورِ اقدسﷺنے خصوصی طور پرایک خوبصورت’’تسبیح‘‘ عطا فرمائی،جو آپؒ کے تبرکات میں محفوظ ہے ۔پیر سید نصیر الدین نصیرؒ ،موجودہ دور کے خانقاہی نظام سے مطمئن نہ تھے ۔پیر سید نصیر الدین نصیرؒ کی زندگی کا ایک ایک لمحہ دینِ اسلام کی بے لوث خدمت اور عشقِ مصطفےٰﷺ سے مزین تھا۔بین الاقوامی اسلامی یونیورسٹی اسلام آباد میں پیر سید نصیر الدین نصیرؒ کی یاد میں ہونے والے ریفرنس کے موقع پر پڑھا جانے والا سید مزمل حسین کے مضمون سے لی گئیں چند سطور پیشِ خدمت ہیں۔’بہت سے لوگوں نے کہا کہ ۔۔۔خورشید چھپ گیا ہے ستارے اداس ہیں۔۔۔ان کا یہ کہنادرست دکھائی دیتا ہے ۔پیر سید نصیر الدین نصیرؒ کو سورج سے تشبیہ دی جاسکتی ہے۔کیوں؟۔۔۔اس لیے کہ انہوں نے روائتی خانقاہی نظام سے منسلک رہتے ہوئے اپنی دنیا آپ پیدا کی۔انہیں سورج سے اِس لیے تشبیہ دی جاسکتی ہے کہ اِن کی کرنیں ہر سُو پڑیں۔وہ ایک پیرزادے تھے چاہیے تو یہ تھا کہ اِس نظام میں رہ کر زندگی گزار دیتے،لیکن انہوں نے سوچا کہ میں پیر تو ہوں لیکن ذرا منفرد پیر بننے میں کیا حرج ہے؟

انہوں نے بھی تو اپنے وقت کے سب سے بڑے فتنے جس کی زد براہِ راست ختم نبوت کے عقیدے پر پڑی تھی،کا بھر پور محاسبہ کیا تھا۔پیر مہرعلی شاہؒ نے بھی تو شاعری کا سہارا لیا تھا اور اپنے پیغام کو لافانی بنا دیا تھا اور پیر سید نصیر الدین نصیرؒ نے بھی شعوری طور پر اِسی راہ پر سفر کیا ۔پیر سید نصیر الدین نصیرؒ کی نظر نے اچھی طرح دیکھ لیا تھا کہ اُن کے زمانے کا ایک فتنہ امتِ مسلمہ میں افتراق کا ہے ۔اور اُن کے زمانے کا دوسرا بڑا فتنہ اُمت کے دلوں سے حبِ رسولﷺ کو ختم کرنا ہے۔پیر سید نصیر الدین نصیرؒ نے اپنی زندگی انہی دو فتنوں کے سد باب کیلئے صَرف کردی۔انہوں اس کیلئے تقریرو تحریر کا بھر پور استعمال کیا۔اللہ تعالیٰ نے اِنہیں جو وجاہت عطا فرمائی تھی اِس کا استعمال کیا اور بھرپور انداز میں اُمت کے اتحاد کی بات کی ۔انہوں نے حبِ رسولﷺ کو مزید پختہ کرنے کیلئے اپنی زبان اور قلم کا خوب استعمال کیا۔پیر سید نصیر الدین نصیرؒ ایسے افراد کے پاس بھی چلے جایا کرتے تھے جن کے باعث انہیں شدید تنقید کا سامنا کرنا پڑتا تھا،لیکن مجال ہے کہ ان کے جذبے میں کمی آئ ہو-حضرت پیر سید نصیر الدین نصیرؒ اپنے والدِ محترم حضرت غلام معین الدین المعروف بڑے لالہ جیؒ کے 1997ء میں وصال کے بعد مسندِسجادگی پر جلوہ افروز ہوئے۔اور تا دمِ واپسیں ،اس شان سے مسند نشین رہے کہ جس کی مثال بہت کم ملتی ہے،اور پھر 13 فروری 2009 میں اس خورشید تاباں نے  دائمی حیا ت کی جانب سفر اختیا ر کیا اور گولڑہ شریف کی دامن میں خاک کی چادر اوڑھ کر سو گئے-آسماں تیری لحد پر شبنم افشانی کرے آمین  

مری زندگی تو فراق ہے وہ ازل سے دل میں  مکیں  سہی  

وہ نگاہ شوق سے دور ہیں رگ جاں سے لاکھ قریں سہی

ہمیں جان دینی ہے ایک دن وہ کسی طرح وہ کہیں سہی

ہمیں آپ کھینچے دار پر جو نہیں کوئی تو ہمیں سہی

غم زندگی سے فرار کیا یہ سکون کیوں یہ قرار کیا

غم زندگی بھی ہے زندگی جو نہیں خوشی تو نہیں سہی

سر طور ہو سر حشر ہو ہمیں انتظار قبول ہے

وہ کبھی ملیں وہ کہیں ملیں وہ کبھی سہی وہ کہیں سہی

نہ ہو ان پہ جو مرا بس نہیں کہ یہ عاشقی ہے ہوس نہیں

میں انہیں کا تھا میں انہیں کا ہوں وہ مرے نہیں تو نہیں سہی

مجھے بیٹھنے کی جگہ ملے مری آرزو کا بھرم رہے

تری انجمن میں اگر نہیں تری انجمن کے قریں سہی

ترے واسطے ہے یہ وقف سر رہے تا ابد ترا سنگ در

کوئی سجدہ ریز نہ ہو سکے تو نہ ہو مری ہی جبیں سہی

مری زندگی کا نقیب ہے نہیں دور مجھ سے قریب ہے

مجھے اس کا غم تو نصیب ہے وہ اگر نہیں تو نہیں سہی

جو ہو فیصلہ وہ سنائیے اسے حشر پر نہ اٹھائیے

جو کریں گے آپ ستم وہاں وہ ابھی سہی وہ یہیں سہی

اسے دیکھنے کی جو لو لگی تو نصیرؔ دیکھ ہی لیں گے ہم

 وہ ہزار آنکھ سے دور ہو وہ ہزار پردہ نشیں سہی

!BlogThis

خاموش قاتل کاربن مونو آکسائڈ

  خاموش  قاتل کہلانے والی گیس کاربن مونو آکسائیڈ ایک بے رنگ  بے  مز  ہ گیس ہے جس کو   سونگھا یا چکھا نہیں جا سکتا۔ اس کا  حملہ  دل، دماغ اور پھیپھڑوں کے لیے زیادہ سے زیادہ  مہلک ثابت ہوتا ہے۔ بند جگہ میں جیسے گھر یا گاڑیوں میں کاربن مونو آکسائیڈ کی  معمولی مقدار انسانی جانوں کے  زیاں  کا باعث    ہوتی ہے۔یہ ایک زہریلی گیس ہےکاربن مونو آکسائڈ گیس یا سیال پٹرولیم گیس کے نامکمل طور پر جلنے کی وجہ سے پیدا ہوتی ہے۔آپ اس کی بو محسوس نہیں کر سکتے ہیں اس کا رساؤ صحیح سے نہ لگائے گئے، ٹھیک طور سے مرمت نہ کیے گئے یا ناقص دیکھ بھال کیے گئے گیس کے آلات نیز باد کشوں، چمنیوں اور مسدود سوراخوں سے ہو سکتا ہے۔یک الارم آپ کی زندگی بچا سکتا ہے۔ 

یہ ایک خاموش قاتل ہےکاربن مونو آکسائڈ کو سانس کے ذریعہ اندر لینے سے، چاہے تھوڑی ہی مقدار میں، آپ کے جسم میں آکسیجن کی گردش رک جاتی ہے۔ اگر آپ کو گیس کی بو محسوس ہو یا آپ کو کاربن مونوآکسائڈ کے زہریلے پن کا شبہہ ہو، تو  گیس ایمرجنسی سروس کو فوری طور پر کال کریں۔طویل مدت میں، اس کی وجہ سے آپ کی صحت کو سنگین نقصان لاحق ہو سکتا ہے اور یہاں تک کہ آپ کی موت بھی واقع ہو سکتی ہے۔امریکی ادارے کنزیومر پروڈکٹ سیفٹی کمیشن کا کہنا ہے کہ کاربن مونو آکسائیڈ کی ہلکی مقدار سے سر میں درد، تھکان، سانس لینے میں کمی، متلی، چکر محسوس ہو سکتے ہیں لیکن زیادہ مقدار انسانی جسم میں جانے سے قے، اعصاب کے توازن کا بگڑنا، ہوش کھونا اور موت واقع ہو جانا شامل ہے۔اندرونی کمبشن انجنوں سے چلنے والی مصنوعات اور آلات جیسے پورٹیبل جنریٹر، کاریں، لان کی گھاس کاٹنے والی مشینیں اور پاور واشر وغیر بھی کاربن مونو آکسائیڈ پیدا کرتے ہیں۔

موٹر گاڑیوں میں کاربن مونو آکسائیڈ اگزاسٹ کے نظام میں لیک کی وجہ سے پیدا ہو سکتے ہیں یا پھر اگر کسی وجہ سے اخراج کا نظام بند ہو جائے تو یہ گاڑی کے اندر آنے لگتے ہیں۔اس سے بچنے کے لیے کیا کریں؟اسی لیے عام طور پر منع کیا جاتا ہے کہ گاڑیوں کا ایئر کنڈیشنر چلا کر اور تمام دروازے بند کر کے نہ سوئیں کیونکہ لیکیج کی صورت میں یہ عمل مہلک ہو سکتا ہے۔عام حالات میں بھی یہ مشورہ دیا جاتا ہے کہ کاربن مونو آکسائیڈ زہر سے بچنے کے لیے آپ کار کے اخراج کے نظام کی سال ں ایک بار ضرور جانچ کرائیں۔ و آن نہ کریں، ہمیشہ دروازے کھول دیں تاکہ تازہ ہوا مل سکے۔اور اگر آپ گاڑی کے پچھلے دروازے (ٹیل گیٹ) کو کھولیں تو کار کی کھڑکیوں اور شیشوں کو بھی کھول دیں تاکہ ہوا باہر نکلتی رہے کیونکہ اگر صرف پچھلا دروازہ کھلا ہو گا تو عین ممکن ہے کہ اگزاسٹ سے نکلنے والی گیس کار کے اندر کھنچی چلی آئے۔

جہاں تک مری کا معاملہ ہے اس میں یہ دیکھا گیا ہے کہ گاڑیاں برف میں اتنی زیادہ پھنسی ہوئی ہیں کہ سائلنسر کا منھ تک بند ہو جانا بعید از قیاس نہیں۔ اس کے علاوہ باہر کی سردی سے بچنے کے لیے گاڑی کے انجن کا آن رکھنا بھی فطری نظر آتا ہے۔ایسے میں کاربن مونو آکسائیڈ کا گاڑی میں پھیل جانا اور گاڑی کے اندر کی فضا کا زہر آلود ہو جانا فطری ہو جاتا ہے۔کملیش سنکھ تاؤ لکھتے ہیں کہ ’مری میں جو ہوا وہ غلطی ہم عام طور پر دہراتے ہیں۔ ٹھنڈ سے بچنے کے لیے کار کے ہیٹر کو آن رکھتے ہیں۔ برف کی تہیں اگزاسٹ کو بند کر دیتی ہیں۔ اگزاسٹ کی گیس کار کے کیبن میں بھر جاتی ہے۔‘’کاربن مونوآکسائیڈ کا زہر میٹھا اور اس کی رفتار دھیمی ہوتی ہے اور اس کے شکار کو پتا بھی نہیں چلتا اور انسان موت کی آغوش میں چلا جاتا ہے۔

‘پاکستان میں نیشنل ہائی ویز اینڈ موٹروے پولیس کے انسپکٹر جنرل انعام غنی نے لکھا ہے کہ ’خدا نہ کرے اگر آپ کی کار برف میں پھنس جائے تو اور آپ کا انجن چل رہا ہو تو آپ کھڑکی کو ہلکے سے کھول کر اگزاسٹ سائلنسر پائپ سے برف صاف کر دیں۔‘’برف کی قبر میں دھنس گیا تھا، خوش قسمت تھا بچ گیا‘ جبکہ ڈاکٹر فہیم یونس نے لکھا کہ ’مری ہونے والی اموات ٹھنڈک سے ہوئی ہیں یا کاربن مونو آکسائیڈ کے زہر سے؟‘انھوں نے مزید لکھا: ’کاربن مونو آکسائیڈ بے رنگ اور مہلک ہے۔ اگر رکی ہوئی کار برف میں دھنس جاتی ہے تو اگزاسٹ (سائلنسر) بند ہونے سے کار میں سوار کی جلد موت واقع ہو سکتی ہے۔‘انھوں نے لکھا ’یہ سب کاربن مونو آکسائیڈ کے زہر سے مرے ہیں اور اس کی وجہ ہوا کا  گزر نا ہونا، انجن کا چلتے رہنا اور سائلنسر کا منھ بند ہونا ہے۔ اگر لوگوں نے صرف ذرا سی کھڑکی کھلی رکھتے تو۔‘پوری دنیا میں برف پڑنے سے پہلے تنبیہ جاری کی جاتی ہے کہ اس علاقے میں موسم کبھی بھی خراب ہو سکتا ہے اس لیے گھر میں رہیں لیکن مری میں الرٹ جاری کرنے میں بہت دیر کر دی گئی۔اس بارے میں ماہر ماحولیات توفیق پاشا معراج نے بی بی سی کی سحر بلوچ کو بتایا کہ برفباری کی صورت میں انتظامیہ کو سب سے پہلے مری جانے والی سڑکیں بند کرنی چاہیے تھیں۔

کاربن مونو آکسائڈ کی تباہ کاریا ں پارٹ 2

 

 پورے 21 سال کے بعد پاکستان آیا تھا...... وہ گویا ہوا.

 . اپنے دیس.اپنے وطن ... اپنے بچوں کو پاکستان دکھانے..... اپنے حمزہ اسد اور گل کو لے کر....... خالی ہاتھ واپس جارہا  ہوں....... ہرا بھرا آیا تھا.... اجڑ کر جارہا ہوں.... مسلسل اپنے ہاتھ آگے کئے دیکھ رہا تھا... آپ بیٹھ جائیں پلیز..... عملے کے ایک فرد نے اسے کہا.... نہیں....... مجھے کچھ ہونے لگتا ہے...... 20 سال کے کا حمزہ تھا اور 9 سال کا اسد....... بیٹی میری 17 سال کے کی ہے... تین  بچے... کل کائنات....... یہاں لاہور میں بھائ کے بیٹے کی شادی تھی.... میرے بچوں نے پاکستان دیکھنا تھا.... دادا دادی سے ملنا تھا... اور خود مجھے اپنے پیاروں سے ملنا تھا.... سو سب کو لیے چلا آیا..... مہندی کی رات تھی...... محفل جمی ہوئ تھی... رات کا ایک پہر گزر گیا تو میرے بچے جو جلد سونے کے عادی ہیں... دونوں بیٹے سیڑھیوں سے اوپر والے کمرے میں چلے گیے.... لائیٹ گیی ہوئ تھی سیڑھیاں جہاں شروع ہوتی ہیں وہاں جنریٹر نصب تھا جو چل رہا تھا......بیٹی بیگم اور میں نیچے رت جگے کی محفل میں تھے..... لائیٹ آئ اور گئی....... لڑکیاں بالیاں ٹپے گاتی رہیں.... سب وہیں نیچے جس کو جہاں جگہ ملی سو گئے.... صبح سب اٹھے... مگر میرے بچے..... وہ پھوٹ پھوٹ کر رونے لگا.... میرے بچے نہیں جاگے... جنریٹر کی گیس لیک ہوتی رہی..... اوپر کمرہ بھر گیا

 ایک بچے کی لاش برآمد کمرے میں اور دوسرے کی سیڑھیوں پر ملی......... ساتھ ہی سٹوری بک بھی....... کاربن مونو آکسائیڈ میرے بچوں کو کھا گئی.... انہیں پتہ بھی نہ چلا.... ایسی میٹھی نیند سلادیا....... میں خالی ہاتھ کہاں جارہا ہوں...... اپنے بچوں کی... اپنے حمزہ اور اسد کی لاشیں لے کر جارہا ہوں... وہ بار بار بار اپنے ہاتھ آگے کر رہا تھا اور کہتا جارہا تھا.... آنسو ہم سب کے رخسار بھگو چکے تھے.... ایسا کوئ حرفِ تسلی نہیں سوجھ رہا تھا جو اس تڑپتے ہوئے باپ کے زخموں پر رکھا جائے......... آپ نے تدفین یہیں کیوں نہ کی... کسی نے بےارادہ سوال کرلیا..... اسے دیکھ رہے ہیں آپ.... اس نے سرخ آنکھوں سے اپنی بیوی کی طرف سے اشارہ کیا.... ایسی نہیں تھی وہ.... پاگل بھی نہیں ہے... ڈاکٹر ہے ڈاکٹر.

.......... لیکن ماں ہے... کیسے لخت جگر یہاں چھوڑدوں.... وہیں دفن کریں گے.... قبر پہ جاکر باتیں تو کرلیا کریں گے.. وہ ہچکیوں سے رورہا تھا....... ساتھ ہی بیٹی بھی سامنے روتی نظر آرہی تھی لیکن ماں.... وہی گھمبیر چپ..... ایک آنسو نہیں ٹپکا... اسکا.... کچھ نہیں کھایا......... بس بمشکل پانی کے چند قطرے............ وہ باتیں کرتا رہا... سب دلجوئ کرتے رہے... جہاز منزل کے قریب پہنچنے کو تھا........ میں مستقل اس ماں کو ہی دیکھتی اور پوچھتی رہی تھی.......... لڑکی ماں کا ہاتھ تھام کر اٹھی اور اسے ریسٹ روم لے گئی.... باہر نکلی تو وہ آکر کھڑی ہوگئی...... ہم آمنے سامنے تھے میں اسے دیکھ رہی تھی اور وہ مجھے.......... میرے حمزہ اور اسد اچانک اس نے چیخ ماری اور مجھ سے لپٹ کر بلند آواز میں رونا شروع کردیا.. اسکے بین دل چیر رہے تھے.... چپ ٹوٹ گئی تھی..... وہ بے ہوش ہونے کو تھی... جہاز میں ڈاکٹر کی اناؤنسمنٹ شروع ہوگئی........ اسے سیٹ پرلٹا دیاگیا اور طبی امداد دے دی گی...مسافروں میں کئی ڈاکٹر مل گئے.

..... شوگر لیول ڈاؤن تھا سو ٹریٹمنٹ دے دیا گیا...... جہاز کچھ ہی دیر میں منزل مقصود پر اتر گیا اور سب سے پہلے وہیل چیئر منگا کر اس خانوادے کو جہاز سے د لاسوںآنسوؤں اور دعاؤں کے ساتھ رخصت کیا گیا....... مانچسٹر میں وہ تین دن بہت بھاری گزرے... اور پھر کافی عرصے تک یہ واقعہ ایک فلم کی طرح زہن میں چلتارہتا....اور میں سب سے کے بچوں اور اپنے بچوں کے لیے دعائے خیر کرتی کہ خدا ہر ناگہانی سے بچائے وقت کی گرد نے اس واقعہ کو دھندلا دیا تھا لیکن نوبیاہتا جوڑے کی وادئ ہنزہ میں ہوٹل میں قیام کے دوران ہیٹر کی گیس لیک ہونے سے ہونے والے ناگہانی حادثے اور ان کی جواں مرگی نے اس واقعے کو پھر سے تازہ کردیا... دل بھاری ہے اور آنکھیں اشکبار.

.....کبھی وہ مسافرفیملی یاد آتی ہے تو کبھی ان نوجوان بچوں کے والدین کا خیال آتا ہے جنہیں میں نے نہیں دیکھا لیکن ایک ماں ہونے کے ناطے جان سکتی ہوں کے بچے کیسے ارمانوں سے پال کر جواں کئے جاتے ہیں.... اور موت کا ظالم پنجہ جب کسی بھی بہانے سے ان کو چھین کے تو قرار آنا کتنا ناممکن ہے وہ تو خوش نصیب ہیں ہم کہ ہمیں غم حسین ع جیسی دولت نصیب ہے کہ جب کوئ غم کا اظہار پہاڑ ٹوٹتا ہے تو ہم مصائب حسین ع اور مصائب ِ محمد ص و آل محمد ص کو یاد کرتے روتے اور اپنا غم غلط کرتے ہیں.......... پروردگار سے دعا ہے کہ کہ مرحومین کے درجات بلند فرمائے اور جوار معصومین ع میں جگہ عطا فرمائے شفاعت امام حسین علیہ السلام نصیب ہو اور ان کے اعزہ و اقربا...... ان کے لواحقین بالخصوص والدین کو صبر و سکون اور اس صدمے کو جھیلنے کی ہمت اور حوصلہ عطا فرمائے.......ہر ماں کا کلیجہ ٹھنڈا رہے اور ہم سب کے بچوں کو.. اولادوں کو نوجوانوں کو پروردگار ہر طرح کی ناگہانی آفات سے بچائے... نگاہ بدو حسد سےمحفوظ اور اپنے حفظ و امان میں رکھے آمین بحق معصومین 

کاربن مونو آکسائڈ کی تباہ کاریاں

  ابھی  حال ہی میں کچھ  سچی اور دلدوز  کہانیا ں منظر عام پر آئیں ہیں اس لئے شعور ی بیداری کی نیت سے  کچھ  باتیں اپنے ریڈرز سے شئر بھی کی ہیں  نئ کہانی تو کراچی کی ہے جس میں ایک لڑکی اپنے بہنوئ کے ساتھ ریلیشن شپ میں تھی اور وہ دونوں  بند گیراج میں   کار کے اندر  گیس کی  لیکیج سے مر گئ  جبکہ بہنوئ کو بے ہوشی کی حالت میں نکا ل لیا گیا -اسغفراللہ -دوسری خبر ہے گوجرانوالہ کے ایک گھر کے بند  گیراج میں  موجود ایک  کار سے ایک نوجوا ن  لڑکی اور  نوجوان کی لاشیں برامد ہوئیں جو کہ کار میں  گیس   بھر جانے کے سبب دم گھٹنے سے ہلاک ہو چکے تھے    اب جو تحریر میں پیش کرنے جا رہی ہوں  یہ میں نے کچھ  مہینے پہلے انٹر نیٹ سے اپنے ڈرافٹس میں محفوظ کی تھی کیونکہ اتنی دلخراش تحریر کو پرنٹ کرنے کے لئے بھی ہمت چاہئے تھی لیکن  پے در پے گیس لیکیج حادثات نے مجھے مجبور کیا کہ شعوری بیداری کے لئے  بوجھل تحریر  کو  قارئین کے لئے پیش کرنا بہتر رہے گا - یہ تحریر ایک فضائ میزبان کی جانب سے لکھی گئ ہے جس کا نام مجھے نہیں معلوم اس  لئے مصنفہ  میری معذرت  قبول کر لیں

فلائیٹ لاہور سے مانچسٹر جارہی تھی جب میں نے اس فیملی کو جہاز کے دروازے پر دیکھا... دراز قامت اور صحت مند پختہ عمر کا مرد اور درمیانے قد کی قدرے سانولی مگر پرکشش خاتون انتہائ سوجی ہوئ سرخ آنکھوں کے ساتھ ایک نوجوان لڑکی کا ہاتھ تھامے ہولے ہولے چلتی ہوئ.... جب میں نے ان کے ہاتھوں سے بورڈنگ پاس لیا تو اس کا خاتون کی آنکھوں کی وحشت اور چپ نے مجھے سہما دیا...... وہ اپنی نشست کا پوچھ کر آگے بڑھے اوراکانومی کلاس میں بالکل جہاز کے دروازے کے ساتھ والی نشست 21A'21B'21C پر بالترتیب کچھ اس طرح بیٹھ گئے کہ مرد کھڑکی کے ساتھ اور خاتون درمیان میں جبکہ لڑکی خاتون کے ساتھ بیٹھی تھی.... اور خاتون کا ہاتھ اس کے ہاتھ میں تھا.... اور وہی گہری چپ.... مرد نے نشست کو پیچھے کر کے آنکھیں موند لیں تھیں.... میں چاہتے ہوئے بھی ان پر سے نظریں نہیں ہٹا پارہی تھی.... گوکہ ایک معمول کی طرح اپنے فرائض کی انجام دہی میں میکانکی انداز میں مصروف تھی.

.. جہاز کے دروازے بند ہوئےمقررہ وقت پر جہاز نے اڑان بھری اور اپنی منزل کی طرف سے رواں دواں ہوگیا... پرواز شروع ہونے کے اور جہاز کے فضا میں سیدھا ہوتے ہی حفاظتی بند کے نشانات بجھنے کے بعدجہاز کا عملہ مستعدی سے مسافروں کی سہولیات کے سامان بہم پہنچانے میں مصروف ہوجاتا ہے اور اسکے ساتھ ہی طویل دورانیے کی پرواز پروقت کو جلد ہی مدِ نظر رکھتے ہوئے طعام فراہم کیا جاتا ہے تاکہ مسافر کھانے سے فارغ ہوکر آرام کریں...... جہاز میں گہماگہمی شروع ہوچکی تھی لیکن وہ تینوں ساکت بیٹھے تھے.... کھانا پیش کرتی ہوئ فضائ میزبان نے مہربان مسکراہٹ کے ساتھ ان سے ان کی سامنے والی کھانے کی میز کھولنے کی درخواست کی..نیم دراز مرد نے آنکھیں کھولی اور سیدھا ہوئے سپاٹ آواز میں کہا.... ہمیں کچھ نہیں چاہیے....علاوہ بلیک کافی اور وہ بھی صرف مجھے..... اور انہیں... فضائ میزبان نے اس کی بیوی اور بیٹی کی طرف سے استفہامیہ نظروں سے دیکھتے ہوئے سوال کیا....عورت جوکہ ایک گھمبیر چپ کے ساتھ کسی بے جان مجسمے کی طرح بیٹھی تھی اور بیٹی کا ہاتھ مستقل اس کے ہاتھ میں تھا.... یہ کچھ نہیں لیں گی...... مرد نے ان کی طرف سے جواب دیا اور پھر آنکھیں موند کر نیم دراز ہوگیا.

... فضائ میزبان آگے بڑھ گئی.... یا وحشت...... کیا مسئلہ ہے ان کے ساتھ..... میں نے پھر مرد کے انتہا سے زیادہ تھکے ہوئے چہرے پر نظر کی اور پھر عورت کی سنسان بے جان اور وحشی سرخ آنکھوں اور سپاٹ چہرے پر سے میری نظر لڑکی پر گئی تو وہاں موسم بدل چکا تھا.... لڑکی کی آنکھوں سے ٹپ ٹپ آنسو ماں کے ہاتھ پر گر رہے تھے اور وہ آہستہ آہستہ ماں کو کچھ سمجھانے کی کوشش کررہی تھی..... سرخ ناک اور لرزتے ہوئے ہونٹ..... ہاتھوں میں کپکپاہٹ.... لیکن عورت پر کوئ اثر نہیں تھا..... اس کا ہاتھ لڑکی کے ہاتھ میں مستقل تھا اور وہ ہولے ہولے سہلا رہی تھی..... مگر دوسری طرف وہی ظالم چپ..... ہونٹ سختی سے ایک دوسرے میں پیوست.... آنکھیں ویران..... لڑکی نے ماں کی جیکٹ اتاری... اسکی نشست کو آرام دہ کیا... اور ایک کمبل مانگ کر اسے اوڑھا دیا..... اور پھر اس کا ہاتھ اپنے ہاتھ میں بیٹھ گئی.... وہ شاید ماں کو سلانے کی کوششوں میں تھی...تمام مسافر طعام سے فارغ ہو چکے تھے اور جہاز کی لائیٹیں مدھم کردی گئی تھیں..... کیسے پوچھوں کہ کیا مسئلہ ہے.

... مجھے سب کچھ عجیب لگ رہا تھا اسی اثنا میں بزنس کلاس سے سینئر پرسر نے آکر مجھ سے کہا... 21 ABCکے مسافروں کا کیا حال ہے...... آپ لوگ ان کا خیال رکھیے گا....وہ اپنے بچوں کی ڈیڈباڈی لاہور سے مانچسٹر لے کر جارہے ہیں.میں سن ہوگئی..... میری سمجھ میں ان کے روئیے آگئے..... عمومی طور پر ایسے کیسسز کے بارے میں میں پہلے بتا دیا جاتا ہے لیکن ان کو خود کو بھی بہت بعد میں معلوم ہوا تھا.... عملہ مزید مستعد ہوگیا کہ ان کا خیال رکھا جائے لیکن مرد آنکھیں موندے بے حس و حرکت نیم دراز تھا جب کہ خاتون مستقل خاموش خلاؤں میں گھور رہی تھیں.... لڑکی مستقل چپکے چپکے رورہی تھی...... ان کا درد سمجھ میں آیا تو سب کے دل بھاری ہوگئے...... پانی لے جاکر دیا..... اور کھانا کھلانے کی کوشش کی گئی مگر سب بے سود...... مرد نے منع کردیا کہ دونوں خواتین کو ان کے حال پہ چھوڑ دیا جائے اور خود اٹھ کر جہاز کے دروازے کے پاس کھڑا ہوگیا....... مجھے گھٹن محسوس ہورہی ہے... میں کچھ دیر یہاں کھڑا ہوجاؤں.... اس نے عملے سے اجازت چاہی... جی ضرور..... سب رنج بھی بٹانا چاہتے تھے...... اسے سننا چاہتے تھے.....  

فیو میگیشن سانحہ - ڈیفینس خیابان سحر کراچی

 

  چند روز ہوئے کہ کراچی  کے علاقے ڈیفینس خیابان سحر میں رہائشی ایک خاندان بڑے المیہ سے دو چار ہوا -اس دن گھر کے مالک  ڈاکٹر ضیاء الدین  نے اپنے گھر  کو  فیومیگیٹ  کروایا  اور  پھر رات کو یوں ہوا کہ سب سے پہلے ان کا   سب چھوٹا بیٹا چل بسا  اس کے بعد اس سے بڑی شائد سات سال یا اسی کے آس پاس عمر کی بیٹی چل بسی جبکہ سب سے بڑا بیٹا  ونٹیلیٹر پر چلا گیا  پولیس ذرائع کے مطابق گھر سے ملنے والے بے ہوش افراد میں ڈاکٹرضیاء الدین شیخ، انکی اہلیہ اور 4 بچے شامل ہیں۔ ڈاکٹر ضیاء الدین شیخ سرسید اسپتال قیوم آباد کے مالک ہیں۔ مردہ حالت میں ہسپتال لائے جانے والے  5 سالہ بچے کی شناخت معین الدین کے نام سے ہوئی۔اس خاندان کو المیہ سو چار کرنے والی وہ ٹہری جو  گھر میں استعمال کی گئ تھی تو دوسری جانب   دوا کا اثر زائل ہوئے بغیر  گھر میں  رہنا  بھی خطر ناک ثابت ہوا -ہر زی شعور کو معلوم ہونا چاہئے کہ کیڑے مار  دوائیں ہر طرح سے مہلک ہوتی ہیں  -اور یہ  دوائیں  نظام تنفس  کے زریعہ سب سے پہلے پھیپھڑوں کو  گلا دیتی ہیں  اور انسان کی موت زراسی دیر میں وقع ہوجاتی ہے-

زہریلے مضر اثرات ہونے کی علامات:کسی بھی ذریعہ سے اگر کوئی کیڑے مار دوا جسم میں داخل ہو جائے، تو اس کے مضر اثرات فوری طور پر ظاہر ہونا شروع ہو جاتے ہیں۔۔ مضر اثرات کی بڑی بڑی علامات درج ذیل ہیں۔کپکپاہٹ ٭: سر درد  ٭بلڈ پریشر میں کمی : متلی، قے ٭: کمزوری٭پیٹ میں درد اور  اینٹھن :  ٭: بہت پسینہ آنا ٭: ٭: سانس کا مشکل سے آنا ٭:   :اگر کسی شخص میں کیڑے مار دوا کے مضر اثرات کی علامات ظاہر ہونا شروع ہوں تو فوری طور پر درج ذیل ہدایات پر عمل کریں۔-1متاثرہ شخص کو فوراً دوا سے اور جس جگہ اس کا چھڑکائو کیا گیا ہو، وہاں سے دور لے جائیں۔ -2اس کے جسم سے دوائی آلود کپڑے اتروا دیں تاکہ جسم پر دوا کے اثرات ختم یا کم ہوجائیں۔ -3اس کے جسم کو پانی سے اچھی طرح دھولیں۔ -4اگر اس کا سانس بند ہو گیا ہو تو مصنوعی طریقے سے منہ در منہ اس کا سانس جاری کرنے کی کوشش کریں۔ -5مریض کو قریبی ہسپتال پہنچانے کا بندوبست کریں۔ خصوصی احتیاطی تدابیر:-1فیومیگیشن کے بعد کم سے کم تین دن گھر میں رہائش اختیار نہیں کی جائے۔   -4ابتدائی طبی امداد (فرسٹ ایڈ) کا بندوبست لازمی ہے تاکہ اس کے فوراً بعد کسی ہسپتال کے ایمرجنسی وارڈ میں پہنچایا جا سکے۔

-5 ان کیمیائی دوائوں کا چھڑکائو کرنے کے بعد کم سے کم تین دن وہاں رہنے سے گریز کرنا چاہئے  …اب یہ خبر ملاحظہ کیجئے ٭جامعہ    کراچی مرکز برائے کیمیا اور حیاتیاتی علوم نے رپورٹ کمشنر کراچی کو پیش کردی-روزنامہ    ایکسپریس کے مطابق جامعہ کراچی کے بین الاقوامی مرکز برائے کیمیا اور حیاتیاتی علوم کے سربراہ اقبال چوہدری نے ہلاکتوں پر ابتدائی رپورٹ کمشنر کراچی کو پیش کردی جس میں بتایا گیا ہے کہ 90 فیصد شواہد اور تجزیے سے ثابت ہوا کہ تمام ہلاکتیں زہریلی کٹھمل مار دوا ایلومینیم فاسفائیڈ سے ہوئیں، متاثرہ کمرے سے اس دوا کی کافی مقدار ملی۔یعنی  کھانے سے کوئ زہر ان کے جسموں میں نہیں گیا  لیکن ہلاکتوں کے پیش نظر  وزیراعلیٰ سندھ نے واقعے کا نوٹس لے لیا۔ سندھ فوڈ اتھارٹی نے کھانوں کے سیمپل اور ہوٹل میں موجود زائد المعیاد کولڈڈرنک کی بوتلیں اور جوس کے ڈبے قبضے میں لے لئے جبکہ پولیس نے ہوٹل کو سیل کردیا۔

 متاثرہ خاندان کا تعلق کوئٹہ پشین سے ہے جو جمعرات کی شب ہی کراچی پہنچا تھا اور ہوٹل میٹروپول کے قریب واقع گیسٹ ہاﺅس قصر ناز میں ٹھہرا تھا جہاں انہوں نے صدر میں واقع ریسٹورنٹ نوبہار سے پارسل میں بریانی منگوا کر کھائی رات گئے اچانک بچوں ان کی ماں اور پھوپھی کی حالت خراب ہوگئی اور پانچ بچوں ڈیڑھ سالہ عبدالعلی‘ 4 سالہ عزیز‘ 6 سالہ عالیہ‘ 7 سالہ توحید اور 9 سالہ صلویٰ نے دم توڑدیا اس دوران بچوں ان کی ماں بینااور پھوپھی کو آغا خان اسپتال پہنچایا گیا جہاں بینانے بھی دم توڑ دیا اندوہناک واقعے کے بعد اطلاع ملنے پر پولیس موقع پر پہنچی اور مرنے والوں کی نعشوں کو پوسٹ مارٹم کے لئے جناح پہنچایا دوسری طرف سندھ فوڈ اتھارٹی نے بھی صدر میں واقع ریسٹورنٹ میں کارروائی کی سندھ فوڈ اتھارٹی کے چیئرمین امجد لغاری کے مطابق ریسٹورنٹ میں موجود دیگوں سے باسی بریانی برآمد ہوئی جبکہ زائد المعیاد جوس کے ڈبے‘ کولڈ ڈرنک کی تین درجن سے زائد بوتلیں ناقص تیل اور دیگر کھانوں کے سیمپل بھی قبضے میں لے لئے گئے 

فوڈ اتھارٹی کی رپورٹ کے مطابق متاثرہ خاندان کوئٹہ سے کراچی پہنچا اور صدر کے ایک گیسٹ ہاؤس   میں قیام کیا جبکہ متاثرہ خاندان نے کوئٹہ سے کراچی سفر کے دوران خضدار اور حب میں کھانا بھی کھایا رپورٹ میں بتایا گیا ہے کہ متاثرہ خاندان نے کراچی پہنچنے پر پارسل بریانی لی اور گیسٹ ہا ؤس کے کمرے میں کھائی اور بریانی کھانے کے بعد خاتون نے الٹیاں کرنا شروع کیں اور ان کے شوہر انہیں ہسپتال لے گئے دوسری جانب وزیراعلیٰ سید مراد علی شاہ نے کمشنر کراچی کو ہدایت کی ہے کہ وہ بچوں کے والدین سے خود جاکر ملیں اور اگر وہ واپس کوئٹہ جانا چاہتے ہیں تو ان کیلئے بندوبست کیا جائے وزیراعلیٰ سندھ نے کہا کہ واقعے پر دلی صدمہ ہوا بچوں کے والدین کی تکلیف محسوس کر رہا ہے ان کے ساتھ انصاف ہوگا۔ وزیر بلدیات سندھ سعید غنی نے سندھ اسمبلی میں اظہار خیال کرتے کہا ہے کہ یہ بات سامنے آئی ہے قصر ناز میں کیڑے مار پا ؤ ڈر ڈالا گیا تھا فیملی نے زمین پر بیٹھ کر کھانا کھایا تھا ہو سکتا ہے اس  پاؤڈر کی وجہ سے یہ واقعہ ہوا ہو ممکن ہے کھانے کی وجہ سے ہی کچھ ہوا ہو۔ ایکسپریس کے مطابق جامعہ کراچی کے بین الاقوامی مرکز برائے کیمیا اور حیاتیاتی علوم کے سربراہ اقبال چوہدری نے ہلاکتوں پر ابتدائی رپورٹ کمشنر کراچی کو پیش کردی جس میں بتایا گیا ہے کہ 90 فیصد شواہد اور تجزیے سے ثابت ہوا کہ تمام ہلاکتیں زہریلی کٹھمل مار دوا ایلومینیم فاسفائیڈ سے ہوئیں، متاثرہ کمرے سے اس دوا کی کافی مقدار ملی۔