پاڑہ چنار قتل عام -مکمل منصوبہ بندی کے ساتھ ہوا

 

 جمعرات 22 نومبر 2024ء کو ضلع کرم میں لوئر کے علاقے اوچت میں کانوائے میں شامل  200مسافر گاڑیوں پر مسلح افراد کی جانب سے حملہ کیا گیا جس کے نتیجے میں 44 افراد جاں بحق ہو گئے جن میں معصوم بچے بھی شامل ہیں  جبکہ ایک پولیس اہلکار سمیت   62 افراد کے زخمی ہونے کی اطلاعات ہیں۔پولیس حکام کے مطابق پارا چنار سے پشاور جانے والے کانوائے میں شامل مسافر گاڑیوں کو نشانہ بنایا گیا اور عینی شاہدین کا کہنا ہے کہ گاڑیوں پر خود کار ہتھیاروں سے فائرنگ کی گئی۔جبکہ راستے میں موجود  مسجد سے شر پسند فائرنگ  اور پتھراؤ کر رہے تھے حکام نے بتایا کہ واقعہ میں زخمی ہونے والوں میں 3 خواتین بھی شامل ہیں جبکہ ایک خاتون سمیت 5 افراد کی لاشیں علی زئی پہنچادی گئی ہے ۔پولیس اور ہسپتال ذرائع کے مطابق پاراچنار سے مسافر گاڑیوں کا کانوائے پشاور جا رہا تھا اسی طرح پشاور سے مسافر گاڑیوں کا کانوائے پاراچنار جا رہا تھا جونہی 200 گاڑیوں کا یہ قافلہ لوئر کرم کے علاقے مندوری چار خیل اور اوچت کے علاقے میں پہنچا تو وہاں پر مسلح افراد نے مسافر گاڑیوں پر حملہ کیا جس کے نتیجے میں 44  افراد جاں بحق اور  62 مسافر  زخمی ہو گئے ہیں۔حملہ تقریباً ایک گھنٹے تک جاری رہا اور اس دوران ہلکا اور بھاری ہر قسم کا اسلحہ استعمال کیا گیا۔قافلے کے  آگے ایک فیلڈر گاڑی تھی، ایک راکٹ اس گاڑی کو آ کر لگا اور زور کا دھماکہ ہوا اورگاڑی اپنے مسافروں سمیت  تباہ ہو گئٍ

جاں بحق افراد میں ایک نو سالہ بچی  دو شیر خوار بچوں سمیت 7 خواتین بھی شامل ہیں۔2 خواتین سمیت 12 زخمیوں کو سی ایم ایچ ٹل پہنچایا گیا ہے جبکہ 16 زخمی تحصیل ہسپتال علیزئی لائے گئے ہیں۔طوری بنگش قبائل کے رہنما بنگش کا کہنا ہے کہ اب بھی علاقے میں درجنوں کی تعداد میں مسافر پھنسے ہوئے ہیں فورسز فوری طور پر کاروائی کر کے ان کو محفوظ طریقے سے علاقے سے نکالیں اور زخمیوں کی جان بچانے کے لیے بھی فوری اقدامات کیے جائیں ۔قبائلی رہنما جلال بنگش اور علامہ تجمل حسین نے واقعے کی شدید مذمت کی ہے اور کہا ہے کہ گزشتہ ڈیڑھ ماہ سے وہ حکومت سے آمد و رفت کے راستے محفوظ بنانے کی التجا کر رہے ہیں اور ایک لاکھ سے زائد افراد نے دو ہفتے قبل پارا چنار سے پشاور اسلام آباد کے لیے احتجاج کے طور پر امن واک کیا جس کے بعد کانوائے شروع کی گئی تا ہم آمدورفت کے راستے محفوظ بنانے کے لیے موثر اقدامات نہیں اٹھائے گئے جس کی وجہ سے اس قسم ناخوشگوار اور افسوسناک واقعات پیش آ رہے ہیں۔صدر مملکت کا اظہار افسوس-صدر مملکت آصف علی زرداری نے واقعے کی شدید مذمت کرتے ہوئے قیمتی جانی نقصان پر اظہار افسوس کیا-اپنے پیغام میں انہوں نے کہا کہ نہتے مسافروں پر حملہ انتہائی بزدلانہ اور انسانیت سوز عمل ہے، معصوم شہریوں پر حملے کے ذمے داران کو کیفر کردار پہنچایا جائے۔صدر مملکت نے زخمی افراد کو بروقت طبی امداد کی فراہمی اور ذمے داران کے خِلاف کاروائی کی ضرورت پر زور دیا۔

وزیر اعظم کی مذمت-وزیرِاعظم شہباز شریف نے واقعہ کی مذمت کرتے ہوئے خواتین اور بچوں سمیت متعدد افراد کے جاں بحق ہونے پر اظہار افسوس کیا اور جاں بحق افراد کے بلندی درجات اور اہلخانہ کیلئے صبر کی دعا کی۔شہباز شریف نے حملے میں زخمی افراد کو بہترین طبی سہولیات فراہم کرنے اور حملہ آوروں کی نشاندہی کر کے قرار واقعی سزا دلوانے کی ہدایت کی۔ان کا کہنا تھا کہ امن دشمنوں نے معصوم شہریوں کے قافلے پر حملہ کیا جو حیوانیت ہے، ان کا مزید کہنا تھا کہ تخریب کار ایسی بزدلانہ کاروائیوں سے قوم کے حوصلے پست نہیں کر سکتے، شہریوں کا خون بہانے والے شرپسند مسلمان تو کیا انسان کہلانے کے بھی لائق نہیں۔وزیر داخلہ کی مذمت-وفاقی وزیر داخلہ محسن نقوی نے واقعہ کی مذمت کرتے ہوئے قیمتی انسانی جانوں کے ضیاع پر گہرے دکھ اور افسوس کا اظہار کیا اور جاں بحق افراد کے لواحقین سے دلی ہمدردی و اظہار تعزیت کیا۔محسن نقوی کا کہنا تھا کہ معصوم لوگوں کو نشانہ بنانے والے  کسی رعایت کے مستحق نہیں۔ان کا مزید کہنا تھا کہ تمام تر ہمدردیاں جاں بحق افراد کے لواحقین کے ساتھ ہیں۔وزیر اعلیٰ خیبرپختونخوا کا مالی امداد کا اعلان -وزراعلیٰ خیبرپختونخوا علی امین گنڈا پور نے حملے کا نوٹس لیتے ہوئے مذمت کی اور جاں بحق افراد کے لواحقین کے لئے مالی امداد کا بھی اعلان کیا۔

اپنے پیغام میں وزیر اعلیٰ کا کہنا تھا کہ کرم میں صورتحال کو بہتر بنانے کے لئے پہلے والے جرگے کو پھر سے فعال کیا جائے، اور صوبے میں تمام شاہراہوں کو محفوظ بنانے کے لئے پراونشل ہائی ویز پولیس کے قیام پر کام کیا جائے۔علی امین گنڈا پور کا کہنا تھا کہ علاقے میں امن وامان کو بہتر بنانے کے لئے حکومت پولیس اورمتعلقہ ادارے مل کرسنجیدہ کوششیں کر رہے ہیں، بے گناہ شہریوں کو نشانہ بنانا انتہائی افسوسناک اور قابل مذمت ہے، واقعے میں ملوث عناصر قانون کی گرفت سے بچ نہیں سکتے۔وزیر اعلیٰ نے قیمتی انسانی جانوں کے ضیاع پر اظہار افسوس اور سوگوار خاندانوں سے ہمدردی اور تعزیت کا اظہار کیا جبکہ جاں بحق افراد کی معفرت اور پسماندگان کے لئے صبر جمیل کی دعا کی۔انہوں نے صوبائی وزیر قانون ، متعلقہ ایم این اے، ایم پی اے اور چیف سیکرٹری پر مشتمل وفد کو فوری کرم کا دورہ کرنے اور وہاں کے حالات کا جائزہ لے کر رپورٹ پیش کرنے کی ہدایت بھی کی  

بہترین قائدانہ صلاحیتوں کی مالک ملکہ چاند بی بی

 

  مغلیہ دور   کےہندوستان میں مسلمانوں کے دور حکومت میں کئ ایسی خواتین کا ذکرملتا ہے جنہوں نے میدان جنگ میں  اپنی نڈر اورقائدانہ سلاحیتوں کی بدولت   اپنی فوجوں سے  کہیں بڑی فوجوں کو نہ صرف شکست دی بلکہ برسوں تک ان کے نام کا دبدبہ قائم رہا ۔ سولہویں صدی کی ایک ہندوستانی بہادراور زیرک مسلمان حکمران چاند بی بی کا نام بھی بڑے احترام سے لیا جاتا ہے جس کی جنگجویانہ صلاحیتوں نے مغل شہنشاہوں کے تخت و اقتدار کو چیلنج کردیااور مغل شہزادوں کو شکست سے دوچار کردیا تھا ۔ چاند بی بی کو اسلامی تعلیمات  پر مکمل عبور تھا ۔ چاند بی بی نے 1550 ءکو احمد نگر میں آنکھ کھولی۔ والد حسین نظام شاہ اوّل احمد نگر کے حکمراں تھے۔ 14 سال کی عمر میں اسکا بیاہ بیجا پور کے حکمراں علی عادل شاہ کے ساتھ اس ایما پر ہوا کہ احمد نگر اور بیجا پور کی پرانی دشمنی اور عداوت کو ختم کردیا جائے ۔بدلے کی اس شادی میں چاند بی بی کی شادی علی عادل شاہ سے اور چاند بی بی کے بھائی مرتضیٰ کی شادی  علی عادل شاہ کی بہن ہدیہ سلطان سے ہوئی۔علی احمد کے مطابق ان شادیوں سے احمد نگر اور بیجا پور میں پرانی دشمنی ختم ہوئی۔ چاند بی بی، علی عادل شاہ کی کئی مہموں میں ان کے ساتھ رہیں۔ وہ میدانِ جنگ کی سختیاں جھیلتیں، ان کے ساتھ شکار کھیلتیں اور ضرورت پڑنے پرانھیں مشورے دیتی اور ان کی ہمت بندھاتیں۔چاند بی بی کے والد نے اس کی سپاہیانہ تربیت کی تھی   -

اور اورنگ زیب کے بہمنی سلطنت کے خاتمہ کے بعد پانچ چھوٹی سلطنتیں وجود میں آئیں   ان میں احمد نگر اور بیجا پور  میں دشمنی    بہت بڑھ گئ تب ا  ن کے یہاں ایک بدلے کی شادی کر کے اس دشمنی کا خاتمہ کیا گیا  ۔ چاند بی بی، علی عادل شاہ کی کئی مہموں میں ان کے ساتھ رہیں۔ وہ میدانِ جنگ کی سختیاں جھیلتیں، ان کے ساتھ شکار کھیلتیں اور ضرورت پڑنے پر انھیں مشورے دیتی اور ان کی ہمت بندھاتیں۔ان ہی کے مشوروں اور کوششوں سے بیجا پور کے احمد نگر سے تعلقات اچھے رہے، سلطنت مضبوط ہوئی اور بغاوتیں ختم ہوئیں۔ایک مرتبہ علی عادل شاہ کو اپنے قتل کی سازش کی خبر ملی۔ چاند بی بی نے شوہر کو تسلی دی اور کہا کہ وہ رات کو ان کی حفاظت کریں گی۔ ایک رات اچانک بالا خانے پر کسی کے کودنے کی آواز آئی۔ چاند بی بی خود تلوار سونت کر تن تنہا بالا خانے پر چڑھ گئیں۔تلواریں لیے دونقاب پوش ان پر جھپٹے۔ پھرتی سے پیچھے ہٹ کر چاند بی بی نے تلوار کا ایسا بھر پور وار کیا کہ ایک وہیں ڈھیر ہوگیا۔ دوسرا آگے بڑھا تو اس کا بھی وہی حشر ہوا۔

شور سن کرعلی عادل شاہ جاگ اٹھےاور بھاگتے ہوئے اوپر آئے۔ انھوں نے یہ منظر دیکھا تو اپنی بہادر ملکہ کی تلوار چوم لی اور بولے ’چاند بیگم اگر تمام دنیا بھی میری دشمن ہو جائے تو آپ کے ہوتے ہوئے مجھے کوئی ڈر نہیں۔‘جب علی عادل شاہ نے وفات پائی تو چاند بی بی کی عمر 28 سال تھی مگرمورخین کہتے ہیں کہ وہ رزم و بزم کے تمام قواعد و فنون سے واقف تھیں۔اولاد نہ ہونے کے باعث، علی عادل شاہ کے قتل پرحکومت ان کے بھتیجے ابراہیم کو منتقل ہوئی جو تاریخ میں ابراہیم عادل شاہ ثانی کے لقب سے جانے گئے۔ مغلیہ فوج نے کئی بار احمد نگر کو فتح کرنے کی کوشش کی تھی مگر یہ چاند بی بی تھی جس نے اپنی ذہانت،دلیری اور ہمت سے مغلوں کو منہ توڑ جواب دیا۔چاند بی بی نے فن حرب اور سپہ گری اور گھڑ سواری کی سخت تربیت حاصل کی تھی ۔میدان جنگ میں وہ فوجیوں کے لباس میں ہوتی تھیں۔ ایسی جنگی چالیں چلتی اور بہادری و شجاعت کے ایسے جوہر دکھاتی کہ کہ بڑے بڑے جنگی سورما بھی خوفزدہ ہو کر پیچھ ہٹ جایا کرتے تھے 

 اکبر کی سلطنت میں احمد نگر شامل نہیں تھا۔ اکبر نے اس اہم قلعہ کو اپنی سلطنت میں شامل کرنے کیلئے شہزادہ مراد کی زیر قیادت بھاری لشکر کو احمد نگر کوچ کرنے کا حکم دیا۔ یہ 1595 کی بات ہے۔ جب شہزادہ مراد بڑے لشکر کے ساتھ احمد نگر پہنچا مگر چاند بی بی نے اس لشکر کا راستہ روک دیا اور ایسی جنگی چالیں چلیں کہ شہزادہ بے نیل ومرام واپس لوٹ گیا پھر دوسرے سال مغل شہزادہ دانیال کی سرکردگی میں مغلوں کی فوج احمد نگر کی تسخیر کیلئے پہنچی مگر اس بار بھی اس عظیم جنگجو خاتون نے مغل فوج کے چھکے چھڑا دےئے۔ اپنی شجاعت اور بہادری سے نہ صرف احمد نگر قلعہ کا کامیابی کے ساتھ دفاع کیا بلکہ مغل فوج کو بے مراد واپس کوچ کرنا پڑا۔آخر کار اکبر نے 1598ء کو لشکر کے ساتھ خود احمد نگر پہنچا۔ چاند بی بی نے مغل فوج کا بہادری کے ساتھ مقابلہ کیا اور احمد نگر قلعہ کی حفاظت کی۔ اس نے اکبر کو تگنی کا ناچ نچوادیاتھا ۔ اس قلعہ کی تسخیر کیلئے مغل فوج کے تمام جنگی منصوبے ناکام ہوتے دکھائی دے رہے تھے ۔

اس کے باوجود اکبر ڈٹا رہا اور اس کے خلاف چاند بی بی بھی عزم و حوصلہ کے ساتھ برابر ڈٹی رہیں۔محقیقین کے مطابق چاند بی بی کو عربی،فارسی،ترکی مراٹھی اور کنڑا پر زبردست عبور تھا۔ ستار بجانے میں اس کا کوئی ثانی نہیں تھا۔ مصوری ان کا پسندیدہ مشغلہ تھا۔ پھولوں کے خاکوں میں رنگ بھرنے میں انہیں ملکہ حاصل تھا۔بھارت میں چاند بی بی کو جرات و ہمت کی علامت سمجھا جاتا ہے    -ایک بار بہمنی سلطنت سے نکلی باقی تین سلطنتوں کی فوجوں نے احمدنگرپر اکٹھے حملہ کر دیا۔ جتنے دن محاصرہ رہا چاند بی بی برابر ایک مورچے سے دوسرے مورچے پر جاتی رہیں۔ ایک موقع پر جب شدید بارش تھی اورایک جگہ شگاف بھی پڑ گیا تھا، وہ حفاظت کے لیے بذاتِ خود کھڑی رہیں اور اپنی نگرانی میں شگاف بند کروایا۔   اس دوران یہ افواہ پھیلائی گئی کہ چاند بی بی نے مغل فوج سے مفاہمت کرلی ہے۔ یہ افواہ پھیلانے میں خود اس کے امراء اور وزراء ملوث تھے۔ آخر کار 1599ءکووہ منحوس گھڑی آگئی،جب چاند بی بی اپنے محل میں تھی،اس وقت اس کے سپاہیوں کے ایک دستہ نے محل پر دھاوا بولا اور چاند بی بی کو قتل کر دیا ۔ بتایا جاتا ہی کہ اس غدار گروپ کو قلعہ دار حمید خان کی تائید و حمایت حاصل تھی اس کی غداری اور سازش سے احمد نگر کا قلعہ مغلوں کی فوجوں کے ہاتھ چلا گیا مگر حقیقت میں مغل فوج نے اس قلعہ کو فتح نہیں کیا۔ - 

فرنگی محل جہاں عظیم درس گاہ مدرسہ نظامیہ نے پرورش پائ

فرنگی محل لکھنؤ میں چوک نامی آبادی کے وسط سے گزرتی وکٹوریہ روڈ کے مغرب میں واقع ایک تاریخی عمارت ہے، جسے ماضی میں ایک عظیم درسگاہ کا درجہ حاصل رہا ہے اور اس نے برصغیر کے مسلمان حلقوں میں گہرے نقوش چھوڑے ہیں۔غیر منقسم ہندوستان میں  یورپی اقوام کے لوگوں کو فرنگی کہتے تھے۔ چنانچہ اس عظیم الشان عمارت کا نام فرنگی محل اس لیے پڑا کیونکہ اس کےپہلے فرانسیسی تھے۔کہا جاتا ہے کہ  فرانس سے آنے والے ایک شخص نے اودھ  کی حکومت سے تجارتی اغراض سے ایک عمارت بنانے کی اجازت لی اور ایک بہت ہی  دیدہ زیب  عمارت بنا ئ ا س عمارت میں تین رہائشی   حصے تھے جن میں وہ اپنے ہی لوگوں کے ساتھ رہنے لگا خدا کی شان ہے کہ عمارت تو ایک فرانسسی آدمی نے بنائ لیکن اس سے استفادہ مسلمان قوم نے کیا  اور اس عمارت میں  عظیم درس گاہ مدرسہ نظامیہ نے پرورش پائ  تاریخی پس منظر-پھر یوں ہوا کہ کسی سبب سے ایک شاہی فرمان کے تحت حکومت کی طرف سے  اس عمارت کو  ضبط کر لیا گیا  اور غیر ملکی اپنے وطن واپس لوٹ گئے ۔

اسی زمانے بھارت کے صوبہ اترپردیش کے قصبے سہالی سے تعلق رکھنے والے مغل فرمانروا اورنگزیب عالمگیر کے وزیر مذہبی امور ملا قطب الدین سہالوی انصاری خاندانی دشمنی کے زیر اثر قتل ہو گئے۔ان کے بیٹوں نے سہالی کے نامساعد حالات کے پیش نظر بادشاہ وقت سے درخواست کی کہ انھیں لکھنؤ منتقل ہونے میں مدد دی جائے، چنانچہ اورنگزیب عالمگیر کے حکم پر چار عمارتوں پر مشتمل کمپلیکس فرنگی محل ملا قطب الدین سہالوی کے بیٹوں ملا اسعد سہالوی، ملا سعید سہالوی، ملا نظام الدین محمد سہالوی اور ملا رضا سہالوی بن ملا قطب الدین شہید کی تحویل میں دے دیا گیا۔ملا قطب الدین کی اولاد کے فرنگی محل میں منتقل ہونے کے بعد یہ عمارت اس خاندان کے لیے صرف ایک گھر نہیں رہی، بلکہ یہ علم و ثقافت کا ایک ایسا ادارہ بن گئی، جس  کا تابناک  عرصہ تین صدیوں پر محیط ہے۔ فرنگی محل اسلامی ثقافت اور روایات کے تحفظ اور ترویج میں اہم حصہ ادا کرتا آیا ہے۔ ملا نظام الدین نے   عمارت  میں  ایک ایسی مشہور دینی درسگاہ کی بنیاد رکھی، جس نے برصغیر میں کئی اہم علما پیدا کئے۔ملا نظام الدین نے مدرسہ نظامیہ قائم کیا، جس کا نصاب تعلیم بغداد کے مدرسہ نظامیہ سے مشابہ تھا۔

  عہدِ اورنگ زیب میں جب بارہ بنکی کے ایک قصبے کے عثمانی شیخ زادوں نے مناقشات کی بنا پر قصبہ سہالی کے ممتاز عالم اور صوفی بزرگ ملا قطب الدین انصاری کے مکان پر چڑھائی کر کے ان کو قتل کر دیا تھا تو اس برگزیدہ خاندان کے لیے اپنے علاقے میں قیام کرنا بہت دشوار ہو گیا تھا۔ملا صاحب کے صاحبزادے ملا سعید نے دکن جا کر اورنگ زیب کو جو اس وقت وہاں برسرکارزار تھا، ایک محضر پیش کیا تھا جس کو شرف قبول حاصل ہوا، بادشاہ نے یکے بعد دیگرے دو فرامین جاری کیے۔ پہلا فرمان ملا قطب الدین انصاری کے خونِ ناحق کا قصاص لینے سے متعلق تھا اور دوسرے فرمان میں ان کے خاندان کو لکھنؤ میں سکونت پذیر ہونے کی اجازت دی گئی تھی اور یہی چاروں مکانات موسومۂ فرنگی محل اقامت کے لیے مرحمت ہوئے تھے۔ بعد میں بعض اور ملحقہ عمارتیں شامل ہوتی گئیں، یہاں تک کہ ایک چھوٹا سا محلہ فرنگی محل کے نام سے آباد ہو گیا۔ یہ پورا علاقہ علمائے فرنگی محل کی اقامت رہا اور اسی دائرہ میں وہ مہتم بالشان درسگاہ قائم ہوئی تھی جس کے بانی ملا نظام الدین تھے۔

آپ کے دوسرے تین بھائی درس و تدریس میں کمال رکھتے تھے۔ ان کی مختلف شاخوں میں بعض جید عالم اور گراں قدر صوفی گزرے ہیں لیکن ملا نظام الدین کا نامِ نامی زندۂ جاوید ہے۔ آپ کی عمر اپنے والد مرحوم کی ہلاکت کے وقت صرف 14 برس تھی لیکن آپ اس وقت شرحِ ملا جامی ختم کر چکے تھے، دل میں ذوقِ علم اور سر میں تکمیل کا سودا تھا۔ آپ نے دیوا، بنارس اور جائس جا کر بڑے بڑے علما کے آگے زانوے ادب تہ کیا اور بالآخر لکھنؤ آ کر ملا غلام علی نقشبندی سے درس لے کر مدارج تکمیل پر فائز ہوئے۔ علم وفضل کی برکتوں نے آپ کے دل میں تصوف کا بھی ذوق پیدا کر دیا تھا۔ چنانچہ 40 برس کی عمر میں آپ نے شاہ عبدالرزاق بانسوی کے ہاتھ پر بیعت بھی کر لی تھی۔ تدریس کے ساتھ آپ کو فطری تعلق تھا۔ اسی صلاحیت کی بدولت آپ نے ایک ایسا نصابِ تعلیم مرتب کیا جو شہرۂ آفاق ہوا۔ آج بھی اس کی افادیت تسلیم ہے اور درس نظامیہ کے نام سے مشہور ہے۔ اس نصاب میں آپ نے صَرف و نحو، منطق و حکمت، فقہ و اصولِ فقہ، علمِ تفسیر و حدیث، علمِ کلام اور علمِ ریاضی سے متعلق مخصوص کتابیں شامل کر دی تھیں جن کی تعلیم بہترین و فضلا سے متعلق تھی۔

عہدِ آصف الدولہ میں جب انہوں نے لکھنؤ کو اپنا دارالحکومت بنایا، اس تعلیم گاہ کے مدرسین مسلم ممالک میں بڑی بڑی شہرتوں کے مالک ہو چکے تھے اور یہاں کے فارغ التحصیل طلبا برصغیر کے گوشے گوشے میں علم کی روشنی پھیلا رہے تھے۔ اودھ کے فرماں روا وسیع النظر تھے۔ پاس دار اور روادار تھے۔ علم دوست اور مخیر بھی تھے۔ فرنگی محل کی قدر شناسی کرتے ہوئے انہوں نے اس ادارے کے بیشتر علما کو مسند قضا و افتا پر مامور بھی کیا تھا۔ لیکن کسی مؤرخ یا واقعہ نگار کی زبانی یہ پتہ نہیں چلتا کہ اودھ کے کسی بادشاہ نے بھی فرنگی محل کی کبھی کوئی نمایاں سرپرستی کی ہو۔ اسی طرح دلی کے دربار مغلیہ سے بھی اورنگ زیب کے دو متذکرہ بالا فرامین کے بعد فرنگی محل کے حق میں کسی داد و دہش کا کوئی سراغ نہیں ملتا۔

لداخ خوبصورت اور زمینی حسن کا امتزاج

 

،  لداخ پاکستان سے ملحقہ ہندوستان کے شمالی ترین مقام پر واقع ایک خطہ ہے۔ یہ خطہ شمال میں کونلون پہاڑوں اور جنوب میں ہمالیہ سے گھرا ہوا ہے اور اس کی آبادی ہندوستانی اور تبتی نژاد کا مرکب ہے۔ یہ علاقہ کشمیر کے سب سے کم گنجان آباد علاقوں میں سے ایک ہے۔ لیکن چینی حکومت نے 1960 کی دہائی میں اس خطے کو بلاک کر دیا۔ 1974 سے حکومت ہند لداخ میں سیاحت کی صنعت کو کامیابی سے بحال کرنے میں کامیاب رہی ہے۔ چونکہ لداخ ریاست جموں و کشمیر کا ایک حصہ ہے اور پاکستان کے ساتھ تنازعہ کا شکار ہے، اس لیے اس خطے میں ہندوستانی فوج کی موجودگی واضح ہے۔ لداخ کا قدیم ترین شہر اور اس ضلع کا مرکز لیہہ شہر ہے، جو آج جنوبی ایشیا کی چند باقی رہ جانے والی ہندو اور بدھ بستیوں میں سے ایک ہے۔ لداخ کی زیادہ تر جمعیت ہندو بدھ مت ہیں اور باقی جمعیت را اور شیعہ بارہویں امام بناتے ہیں۔لداخ کی تاریخ (بخش کرزم)۔چورٹن۔لداخ کے بہت سے حصوں میں پائے جانے والے نقش و نگار اس بات کی نشاندہی کرتے ہیں کہ یہ علاقہ نوع قدیم کے دور سے بنی نوع انسان کے ذریعہ آباد ہے - لداخ کے قدیم ترین باشندے ہند آریائی اور مون اور درد کے ایک گروہ کا مرکب تھے   جو کہ ہیروڈوٹس سمیت متعدد یونانی مورخین کی کتابوں میں موجود ہے۔ , Nerchus, Magasthenes, Pliny اور Ptolemy کے ساتھ ساتھ قدیم ہندوستانی پران میں مذکور جغرافیائی علاقے۔   پہلی صدی عیسوی میں لداخ کشان سلطنت کا حصہ تھا۔ دوسری صدی عیسوی میں کشمیر کے راستے بدھ مت لداخ پہنچا اور تب سے لداخ کے لوگوں کی اکثریت بون مذہب پر یقین رکھتی تھی۔ 7ویں صدی عیسوی میں ایک چینی بدھ مت سیاح ژوانگ ژانگ نے اس علاقے کی تفصیل دی تھی۔

8ویں صدی عیسوی میں لداخ چین اور تبت کے درمیان جنگ میں شامل تھا۔ چین اور تبت کے درمیان اس خطے کی خودمختاری کئی بار تبدیل ہوئی۔ سال 842 میں، نیاما گون نامی شاہی تبت کے نمائندوں میں سے ایک نے تبتی سلطنت میں افراتفری کے بعد لداخ کو ایک مستقل سرزمین کے طور پر لے لیا اور ایک مستقل لداخی خاندان قائم کیا۔ اس عرصے کے دوران لداخ میں تبتیوں کی خاصی آبادی تھی۔ یہ سلسلہ بدھ مت کے دوسرے وسیع پھیلاؤ کا باعث بنا اور شمال مغربی ہندوستان، خاص طور پر کشمیر سے، مختلف مذہبی نظریات کو بدھ مت میں متعارف کرایا۔ بدھ مت کا پہلا پھیلاؤ پہلے خود تبتیوں کے ذریعے ہوا۔13ویں صدی عیسوی میں، ایشیا میں اسلام کے پھیلاؤ کے ساتھ، لداخ اسلام کی تبلیغ کے لیے ایک خطہ بن گیا۔ شمالی ہند کی اسلامی ریاستیں تقریباً 1600 عیسوی تک لداخ پر حملہ آور تھیں۔ ان مہمات نے ایک طرف لداخ کی اندرونی حالت کو کمزور کیا اور دوسری طرف اسلام کے پھیلاؤ کا باعث بنا۔ 1470 عیسوی میں، شاہ بگن نے پادشاہ لیہ کو ختم کر دیا اور لداخ میں ایک مستقل اور جامع خاندان قائم کیا۔ اور اس کا نام "نمگیال" ہے جس کا مطلب ہے فاتح۔ڈوڈمان نامگیال کے بادشاہوں میں سے ایک شاہ تاشی (1555-1576) وسطی ایشیا سے حملہ آور قوموں کے لشکر کو کامیابی سے پسپا کرنے میں کامیاب رہا۔ جانشین، خاص طور پر سوانگ، لداخ کے علاقے کو نیپال کی سرحدوں تک پھیلانے میں کامیاب رہے۔ تاہم، لداخی سیاست دان کشور کی آزادی کو تھوڑی دیر کے لیے محفوظ رکھنے میں کامیاب رہے۔17ویں صدی میں، تبت اور بھوٹان کے درمیان لڑائی میں، لداخ کو بھوٹان کی طرف قرار دیا گیا اور تبت میں شدید مہمات ہوئیں۔ گورکن مسلمانوں کی بڑھتی ہوئی تعداد سے ہندوستان اور ہندوستان کی جنگ سہ رخی جنگ بن گئی۔ آج، اس جنگ کو تبت-لداخ-گورکانی جنگ کے نام سے جانا جاتا ہے، جو 1679 سے 1684 تک جاری رہی۔ کشمیری سیاست دانوں نے لداخی زنجیر کی حفاظت کی کوشش کی اور اس حمایت کو اس میں تعمیر ہونے والی مسجد کے تحفظ سے مشروط کر دیا۔ لداخ کے شاہ نے اسلام قبول کیا۔  جنگ 1684 میں تبت اور لداخ کے درمیان امن معاہدے پر ختم ہوئی۔ اس کی وجہ سے لداخ کی آزادی محدود ہو گئی۔ 1834 میں شمالی ہند کے سکھوں نے لداخ کو ان کے علاقے میں شامل کر لیا تھا۔ 1850 میں لداخیان میں سکھوں کے خلاف بغاوت شروع ہوئی۔ اسی وقت یورپیوں نے لداخ کی اہمیت اور اس کی خوبصورتی کو دریافت کیا۔ موراوین چرچ 1885 میں لداخ میں قائم کیا گیا تھا۔1947 میں ہندوستان کی آزادی کے بعد، مہاراجہ ہری سنگھ نے ابھی تک ہندوستان یا پاکستان میں شامل ہونے کا فیصلہ نہیں کیا تھا۔ پاک فوج نے لداخ پہنچ کر فوجی آپریشن شروع کر دیا۔ اس کے نتیجے میں ہندوستانی فوج نے بھی مداخلت کی اور بالآخر لداخ کو دراس اور کارگل جیسے دیگر علاقوں کے ساتھ ہندوستان کے دائرہ اختیار میں قرار دے دیا گیا۔ 1955 میں چینیوں نے ترکستان چین کے صوبے (سن کیانگ) اور تبت کے درمیان ایک رابطہ سڑک بنانا شروع کی جو اس خطے سے گزرتی تھی۔ پاکستان چین مشترکہ شاہراہ، جسے قرہ قرم ہائی وے بھی کہا جاتا ہے، نے اس علاقے کو عبور کی  

بلتستان میں تاریخ عزاداری حصہ دوئم

 بعد میں حیدر خان حیدر، مراد خان اماچہ، بوا عباس، بوا جوہر، اخوند خدایار، سلطان شاہ، حاتم خان حاتم، ظفر علی خان ظفر، بوا اسفندیار، راجہ محمد علی شاہ بیدل، اخو بعد میں حیدر خان حیدر، مراد خان اماچہ، بوا عباس، بوا جوہر، اخوند خدایار، سلطان شاہ، حاتم خان حاتم، ظفر علی خان ظفر، بوا اسفندیار، راجہ محمد علی شاہ بیدل، اخوند حسین، اخوند حسن، محمد علی خان واحد، بوا شجاع، غلام مہدی مرغوب سمیت بے شمار شعرا نے نوحوں سمیت دیگر کئی اصناف میں بلتی شاعری کے حسن میں اضافہ کیا ۔1948ء میں اہالیان بلتستان نے ڈوگرہ فوج سے آزادی حاصل کر لی تو اس دوران بلتیوں کی بڑی تعداد ہندوستان کے کئی شہروں سے ہجرت کر کے بلتستان آئی۔ ان میں سےبعض نے سکردو میں عَلم، تعزیے اور ذوالجناح کے ماتمی دستے نکالنے کا سلسلہ شروع کیا۔ اور بعض جوانوں نے 1951ء، 1952ء میں اردو نوحہ خوانی اور ماتم کا سلسلہ شروع کیا۔

 انہیں میں سے ایک موضع سکمیدان سے تعلق رکھنے والے جناب ذاکر علی جو ملک تھے جنہوں نے 1952ء میں محلہ سکمیدان میں باقاعدہ اردو نوحہ خوانی شروع کی انہوں نے دستہ آل عبا کے نام سے اردو ماتمی دستہ نکالنے کا سلسلہ شروع کیا۔ یوں بلتستان میں جلوسوں اور اردو نوحہ خوانی کا سلسلہ شروع ہو گیا۔ بلتستان میں جلوس عاشورا اور جلوس اسد کوترویج دینے اور پھیلانے میں علامہ سید علی الموسوی اعلی اللہ مقامہ نے نمایاں کردار ادا کیا ان سے پہلے صرف کھر گرونگ ،گنگوپی،سکمیدان،چھومیک اور سزگرکھور کے عوام ہی شرکت کرتے تھے۔ آج ماہ اسد میں ۲۵ سے زیادہ جلوس عزا نکالے جاتے ہیں۔شیعیان بلتستان نواسہ رسول مظلوم کربلا سید الشہداء حضرت ابا عبد اللہ الحسین علیہ السلام کا عزاداری بے حد عقیدت و احترام سے سال میں دو بار مناتے ہیں۔ایک ماہ محرم الحرام میں اور دوسرا شمسی ماہ اسد میں۔

  بعض جگہوں پر لوگ اول سال سے ہی محرم کی مجالس کے لئے تبرکات کا انتظام کر رکھتے ہیں لوگ آٹا وغیرہ جدا کئے رکھ دیتے ہیں تاکہ کہیں ایسا نہ ہو کہ مجلس کے وقت یہ ختم ہوجائے اور ہم تبرک دینے سے محروم رہ جائے۔آداب عزاداری کے اعتبار سے بلتستان کو ایک خاص مقام حاصل ہےیہاں شروع میں آداب مجلس ایرانی طرز کے تھے، بعد میں ان میں کشمیری روایات بھی شامل ہو گئیں۔ مجلس کی ابتدا درج ذیل فارسی اشعار سے ہوتی ہےازما سلام برتن صد پارہ حسین بر ہمراہان کشتہ و آوارہ حسین- بر خفتگان ماریہ و رفتگان شام آن اختران ثابت وسیارہ حسین  ایں خدمت وصال برایشان قبول باد صلوٰۃ بر رسول و بر آل رسول بادبرآں دو دست دادہ براہِ وفائے دوست عباس ؑ تشنہ کام جگر پارہ حسین ؑجب نوحہ خوانی اور سینہ زنی اپنے عروج کو پہنچ جائے تومجلس کو ختم کروانے کی خاطر کوئی فارسی کے یہ کلام بلند آواز میں پڑھ لیتے ہیں۔

داد از قتل حسین ؑ بیداد از زہر حسینؑ  -یوں اس کلام کے ختم ہونے پر سینہ زنی تمام ہو جاتے ہیں اور دعاوزیارت ابا عبداللہ الحسین کے بعد مجلس ختم ہوجاتی ہے۔محرم کے مجالس کی تقسیم بندی بھی کچھ خاص انداز میں ہے تین محرم تک اصحاب امام عالی مقام کا ذکر کیا جاتا ہےچہار محرم کو حضرت مسلم ابن عقیل کی شہادت ،پانچ محرم کو طفلان مسلم کی شہادت، چھے محرم کو علی اصغر کی شہادت ،سات کو شہزادہ قاسم کی شہادت ، آٹھ محرم کو علی اکبر کی شہادت ،نویں محرم کو حضرت عباس کی شہادت اور دس محرم کو مظلوم کربلا نواسہ رسول امام حسین کی شہادت پرھی جاتی ہیں ۔نویں محرم کی رات مختلف امام بارگاہوں سے جلوس اور شبیہ علم برآمد ہوتی ہے جب کہ شب عاشور کو بھی تمام عزاخانوں میں مجالس منعقد کی جاتی ہیں اور بعد میں ماتمی جلوس برآمد کیے جاتے ہیں اور رات بھر ماتم کا سلسلہ جاری رہتا ہے-

 عاشور کی صبح سیاہ لباس میں ملبوس ہو کر امام بارگاہوں کا رُخ کرتے ہیں جہاں مجالس کے بعد تعزیہ، عَلم اور ذوالجناح کے جلوس نکالے جاتے ہیں اور جلوس کے ہمراہ نوحہ خوانی اور سینہ زنی کرتے ہوئے اپنے علاقے میں موجود مقدس مقام کی طرف روانہ ہوتے ہیں ۔جب نماز ظہر کا وقت آئے تو باجماعت نماز ادا کی جاتی ہے نماز کے فورا بعد دوبارہ جلوس کی صورت میں عزاداری کرتے ہوئے جاتے ہیں ۔جلوس کو اپنی منزل مقصود تک پہنچا کر دوبارہ شام غریبان منانے امام بارگاہوں کا رخ کرتے ہیں ۔جہاں انتہائی درد اور سوز کے ساتھ مرثیے اور مصائب پڑھے جاتے ہیں ۔اس طرح ایام عزاء کا اختتام ہوتا ہے

بلتستان میں تاریخ عزاداری-حصہ اول

 

بشکریہ 

بلتستان میں تاریخ عزاداری

تحریر: سید قمر عباس حسینی حسین آبادی

تلخیص (بلتی اسلامی ثقافت پاکستان)

بلتستان میں چودہویں صدی عیسوی سے قبل اسلام کا نام و نشان نہ تھا -لیکن چودہویں صدی کے بعد اسلام اس شان وشوکت سے پھیلا کہ اب یہاں علوی اورحسینی تہذیب و تمدن جا بجادکھائی دیتا ھے ۔یہاں اسلام تشیع کی صورت میں پھیلا ھے کیونکہ جنہوں یہاں نوراسلام کو پھیلایا وہ  نور ولایت محمد وآل محمد  سے منور تھے۔یہی وجہ ہے کہ صد ھا سال بعد بھی اس علاقے میں محبان اہلیبیت اطہار علیہم السلام کی اکثریت موجود ہیں جن کے دل محبت آل محمد سے سرشار ہیں ۔آل محمد کی محبت میں یہ لوگ اپنا جان مال سب کچھ قربان کرنے کے لیے تیار ہیں ۔جب بھی محرم کا چاند افق عالم پر نمودار ہوتا ہے بلتستان کے لوگ سیاہ لباس میں غم حسین منانے کے لیے تیار نظر آتے ہیں ان ایام میں کام کاج چھوڑ کر صرف سیدہ زہرا کو ان کے دلبند کا ماتم وپرستہ دیتے ھیں۔جس دن بلتستان میں پہلا مبلغ اسلام میر سید علی ہمدانی پہنچے اسی دن سے عزاداری کی ابتداء ہو چکیلیکن باقاعدہ آداب اسلامی کے ساتھ فرھنگ و تمدن اسلامی کو ملحوظ نظر رکھ کر انجام پانے والے عزاداری کی تاریخ کو اس سرزمین میں دیکھنا ہو تو ہمیں میرشمس الدین عراقی کے دور (1490ء سے 1515ء)کا مطالعہ کرنا ہوگا۔

جس عصر میں میر شمس تبلیغ دین اور ترویج مذہب تشیع کی خاطر آئےتویہاں مقپون بوخا کی حکومت تھی۔مقپون بوخا کا بیٹا شیر شاہ میر شمس الدین عراقی معتقد تھابعد میں 1515ء میں جب وہ خود برسر اقتدار آیا تو اس نے اسلامی رسومات کے فروغ اور اشاعت اسلام کے لیے خدمات انجام دینے والوں کی سرپرستی کرتے ہوئے حکومتی سطح پر انہیں پروٹوکول دئیے بہت سے علماکرام ،مبلغین دین اور ذاکرین کو مختلف علاقوں میں بھیجے تاکہ زیادہ سے زیادہ ترویج دین ہو سکے بہت سوں کو زمین بخش دئیے۔ان علما کرام کی کوششوں سے دیگر اسلامی آداب و رسوم کے ساتھ عزاداری بھی باقاعدگی سے شروع ھوئی۔بعد میں بلتستان کے معروف راجہ علی شیر خان انچن (1588ء تا 1625ء) کے دور میں رسمِ عزاداری اور فن شاعری کو بھی عروج ملنا شروع ہو گیا۔اس وقت عزاداری حکمرانوں کے درباروں میں ھوتی تھیں -اس حقیقت سے انکار نہیں کہ مذہب تشیع کی ترویج اور فرھنگ وتمدن شیعی کو بلتستان اور گردو نواح میں مرائج کرنے میں مقپون راجاوں نے بڑا اہم کردار ادا کیاھے ۔

جب سید حسین رضوی کشمیر سے تبلیغ دین کے لئے کھرمنگ پہنچے تو وہاں کے راجہ نے از خود استقبال کئےاور اس سید بزرگوار کے حکم پر راجہ نے پولوگراونڈ میں ہی عزا خانہ بنایا گیا جہاں اب بھی عزاداری ابا عبداللہ ہوتی ہیں۔امام بارگاہ پاک و ہند میں مذہبی رسومات انجام دینے کے جگے کا نام ہے اسی کو خانقاہ بھی کہتے ہیں جنوب ہندوستان میں اسے عاشور خانہ بھی کہتے ہیں ۔پہلی بار نواب صفدر جنگ نے ۱۷۵۴م میں دھلی میں ایک مکان عزاداری کی خاطر تعمیر کروایا جسے پاک و ہند کا اولین امام بارگاہ مانا جاتا ہے اس کے بعد آصف الدولہ کا امام باڑہ ۱۷۸۴ میں تعمیر ہوا جس کے بعد سے امام باڑ تعمیر کرنے کا سلسلہ شروع ہوا ۔داءرۃ المعارف بزرگ اسلامی،ص۱۳۶، جلد دھم۔]احمد شاہ مقپون کی دور حکومت 1840ء میں سکردو میں امام بارگاہ کلاں کے نام سے پہلی امام بارگاہ بنی جس کے بعد امام بارگاہ لسوپی اور امام بارگاہ کھرونگ تعمیر ہوئیں۔ امام بارگاہوں کی تعمیر کے ساتھ ہی باقاعدہ عزاداری کا سلسلہ شروع ہوا آج بلتستان کے ہر ہر علاقے میں امام بارگاہیں موجود ہیں جہاں لوگ اپنے علاقوں میں مسجد کو ضروری سمجھتے ہیں وہاں غم ابا عبداللہ الحسین منانے کے لئے عزاخانے کو بھی ضروری سمجھتے ہیں

 اس وقت  بلتستان کی سرزمین پر کوئی محلہ ایسا نہیں جہاں محرم اور صفر میں عزاداری نہ ہوتی ہو ۔لوگ امام بارگاہوں کے علاوہ اپنے گھروں میں بھی عزاداری کرتے ہیں کبھی ایسا بھی ہوتا ہے کہ تمام رات باری باری لوگوں کے گھروں میں جا کر سیدہ زہرا کو ان کے لال حسین کا پرسہ دیتے ہیں ۔اہل بلتستان کے رگوں میں خون حسینی دوڑ رہا ہے یہ لوگ نام حسین پر سب کچھ فدا کرنے کو اپنے لیے باعث افتخار سمجھتے ہیں ۔عقیدت کی انتہا یہ ہے کہ بعض اہل معرفت لوگ سال بھر میں ہر روز نماز صبح کے بعد ایک مرثیہ پڑھ کرکربلا والوں پر چند قطرے آنسو بھاتے ہیں ۔نہ صرف مرد حضرات ایسا کرتے ہیں بلکہ بعض خواتین کا بھی یہی روش رہتا ھے۔ڈوگروں کا 108 سالہ دور بلتستان والوں کے لیے ایک سیاہ ترین دور تھا لیکن عزاداری کے حوالے سے ڈوگرہ حکمرانوں نے بھی خصوصی سہولیات فراہم کیں۔ جب جلوسِ عزا امام بارگاہ کلاں کے نزدیک پہنچتا تھا تو ڈوگرہ فوج کا ایک خصوصی دستہ تعزیہ اور عَلم کو سلامی پیش کرتا تھا اور جلوس کے اختتام تک احتراماً اپنی سنگینوں کو سرنگوں رکھتا تھا۔

جب بلتستان میں آزادی کی تحریک چلی تو کربلا کی روایت بلتی شاعری میں پھولی پھلی، 1840ء میں بلتستان کے حکمرانوں سے حکومت چھین لی گئیں اور ہر قسم کے مظالم ان پر ڈھائے گئے اور تو اور اپنے ساتھ ہونے والے مظالم پر گلہ شکوہ یا احتجاج کرنے کو بھی ناقابل معافی جرم قرار دیا گیاتو یہاں کے لوگوں نے مرثیہ اہل بیت کے ذریعے اپنے دکھوں کا مداوا شروع کئےیوں مرثیہ نگاری کو فروغ ملا ۔بلتستان میں مرثیہ نگاری کو اوج کمال تک پہنچانے میں بلتستان کے آخری حکمران کے جلاوطن شہزادے حسین علی خان محب اور محمد علی خان ذاکر کا نام آتا ہےان دو ہستیوں کے علاوہ لطف علی خان عاشق، ملک حیدر بیدل اور امیر حیدر مخلص نے کشمیر میں قید اور نظر بندی کے دوران بے مثال شاعری تخلیق کی۔ محب اور ذاکر کو آج بھی بلتستان میں رثائی ادب کے حوالے سے انیس اور دبیر کا درجہ حاصل ہے۔ ان شعرا نے دیگر موضوعات کے علاوہ خصوصی طور پر بلتی ادب کے دامن کو نوحہ، مرثیہ اور منقبت کی دولت سے مالا مال کر دیا۔ 

فری لانسرز-پاکستان میں زرمبادلہ کی ترسیل کا زیعہ-پارٹ-2

 

 اآج کے اس دور میں ہر شخص گھر سے یا دنیا کے کسی بھی کونے میں بیٹھ کر کام کرنا چاہتا ہے اور جو لوگ جاب کررہے ہیں وہ فری لانسنگ ٹرینر بننا چاہتے ہیں، اپنی معلومات لوگو ں سے شیئر کرنا چاہتے ہیں ۔ یہ گھر میں رہنے والی خواتین کے لیے بہت اچھا پلٹ فارم ہے اور بہت ساری خواتین فری لانسنگ کر بھی رہی ہیں۔جن بچوں کو گیمز اور اینی میشن میں دل چسپی ہے وہ بھی مستقبل میں فری لانسنگ کی طر ف راغب ہوں گے۔ پاکستا میں صرف اس حوالے سے آگاہی کی کمی ہے ،جس دن یہ کمی دور ہوجائے گی، اُس دن دیکھیے گا۔ پاکستان فری لانسنگ میں چوتھے سے دوسرے یا   پہلے نمبر پر آ جائے گا  -اون لائن  کام کی خواہش رکھنے والے  کسی بھی ڈیجیٹل ورکر  کے لئے   بے شمار پلیٹ فارمز موجود ہیں جیسے  اپ ورک ،فائور ،فری لانسرز ڈاٹ کوم ،لنکڈان ،ٹاپ ٹیل اور دیگر بین الاقوامی پلٹ فارمز    جو اون لائن  صارف کو  متعدد پر وجیکٹس دیتے ہیں اور ان کی رہنمائ بھی کرتے ہیں جیسے  ان تمام پلٹ فارمز پر کس طرح اکائونٹ بنانا ہے اس کی ویڈیوز بھی ویب سائٹ پر موجود ہیں۔

 ویب سائٹ پر رجسٹرڈ ہونے کے بعدجس فیلڈ میں آپ مہارت رکھتے ہیں اس بارے میں بتائیں، پورٹ فولیو دکھائیں اور گھنٹے کے حساب سے ڈالرز میں اپنے چارجز بتائیں۔سب سے خاص بات یہ ہے کہ اس میں آپ کس ایک پلٹ فارم تک محدود نہیں رہتے بلکہ ایک ساتھ کئی پلٹ فارمز پر کام کرسکتے ہیں ۔بعدازاں آپ اپنی مہارت اور کام کو دنیا بھر میں سیل کرتے ہیں ،پھر یہ دیکھیں کہ اور کون سی ویب سائٹس ہیں جہاں پر آپ کام کرسکتے ہیں۔ بین الاقوامی پلٹ فارمز کے بعد آپ یہ دیکھیں کہ پاکستان میں کون سے پلٹ فارمز ہیں جن پر آپ کام کرسکتے ہیں۔ جب آپ قومی اور بین الاقوامی دونوں پلٹ فارمز پر کام کرتے ہیں تو اس طرح آپ کا پورٹ فولیومزید بہتر بن جاتا ہے۔

فری لانسنگ کام کرنے کا ایک اسمارٹ طریقہ ہے۔اس میں ایک پلٹ فارم تک محدود رہنے میں ایک نقصان یہ ہوتا ہے بعض مرتبہ وہاں سے کچھ دنوں تک کام نہیں ملتا تو فری لانسرز مایوس ہوجاتے ہیں اور پھر وہ فری لانسنگ چھوڑ دیتے ہیں۔ اسی لیے زیادہ تر فری لانسرز ایک سے زیادہ پلٹ فارمز پر کام کرتے ہیں۔ فری لانسنگ صبح سے شام والی جاب نہیں ہے ،آپ اپناکام دنیا کے کسی بھی کونے میں بیٹھ کریا کسی بھی وقت اپنی مرضی سے کرسکتے ہیں ۔پاکستان میں فری لانسنگ کی شرح کے حوالے سے انہوں نے بتایا کہ اس وقت تقریباً 1 ملین لوگ فری لانسنگ کررہے ہیں۔خوش آئند بات یہ ہے کہ پاکستان کی فری لانسنگ دنیا بھر میں چوتھے نمبر پر ہے۔ یہ بہت بڑی بات ہے کہ ہمارے نوجوانوں کا ٹیلنٹ فری لانسنگ کی مد میں چوتھے نمبر پر ہے۔ یہ چیز ملک کی معیشت کو بہتر بنانے میں اہم کردار ادا کرتی ہے، کیوں کہ جتنا زیادہ لوگ فری لانسنگ کریں گے اتنی زیادہ ترسیل ہوگی اور ملک کی معیشت میں مزید بہتر ی آتی جائے گی۔اس ضمن میں پاکستان فری لانسرز ایسوسی ایشن نےایچ ای سی سے منظور شدہ جامعات کی ایک فہرست تیار کی ہے اور ان جامعات کے ساتھ ایم او یو پر دستخط کرانے شروع کردیئے ہیں۔ 

گزشتہ سال سے پورے پاکستان میں مختلف جامعات میں فری لانسنگ کے حوالے سے بغیر کسی معاوضہ کے سیشز کرانے کا انعقاد بھی کردیا ہے اور اب تک بیس سے زائد جامعات میں سیشنز کراچکے ہیں۔یہ کام شروع کرنے کا مقصد ان طالبات کو خود اعتماد بنانا اور دورانِ تعلیم یہ بتانا ہے کہ فری لانسنگ ہوتی کیا ہے۔ہم کوئی کورس نہیں کراتے صرف آگاہی فراہم کرتے ہیں۔ اس سے فائدہ یہ ہوگا کہ جب یہ طالبات یونیورسٹی سے فارِغ التحصیل ہوگے تو وہ اپنے، اپنے شعبوں میں مہارت رکھتے ہوں گےاور اُس میں فری لانسنگ باآسانی کرسکتے ہیں۔ اور جو پہلے سے فری لانسنگ کررہے ہیں ان کے لیول کو دیکھتے ہوئے مہار ت میں اضافہ کرنے کی کوشش کررہے ہیں ۔مثال کے طور پر اگر کوئی 100 ڈالر کما رہا ہے تو ہم اس کو وہ طریقہ بتاتے ہیں، جس کے ذریعےوہ ہزار ڈالر کما سکیں۔آرٹیفیشل انٹیلی جنس ،چیٹ جی پی ٹی ،میشن لرننگ ،سائبرسیکیورٹی اورروبوٹکس سے متعلق آگاہی فراہم کریں ،تاکہ وہ اپنی آمدنی میں اضافہ کرسکیں۔ ایک اہم بات یہ ہے کہ جیسے جیسے نت نئی ٹیکنالوجیز متعارف ہورہی ہیں اس کے ساتھ فری لانسرز کو اپنی مہارت کو اپ ڈیٹ کرناضروری ہے،

۔ایک بات یہ ہے کہ جیسے جیسے ٹیکنالوجیز متعارف ہورہی ہیں تو لوگوں کے ٹاسک بھی بدل رہے ہیں اور جو لوگ اپنی مہارت میں تبدیلی نہیں لاتے یا تو وہ اتنا ہی کما رہے ہوتے ہیں یا پھر وہ یہ کام ہی چھوڑ دیتے ہیں۔کیا آرٹیفیشل انٹیلی جنس کے آنے سے فری لانسنگ متاثر ہوئی ہے ؟اس سوا ل کے جواب میں ان کا کہنا ہے کہ آرٹیفیشل انٹیلی جنس بھی ایک انسان نے ہی بنائی ہے اور کیا پتا مستقبل میں ہم چیٹ جی پی ٹی 4 سے ہی چیٹ جی پی ٹی 5 بنانے کا کہیں۔ میرے خیال سے یہ سب فری لانسرز کے لیے کافی مدد گار ثابت ہورہا ہے ۔لوگ اس سے کافی استفادہ کررہے ہیں، ان کام جلدی ہورہا ہے۔ہم اے آئی سے مدد تو لے سکتے ہیں لیکن ایک جو انسان کے لکھنے کا انداز ہوتا ہے وہ توخود ہی لایا جائے گا۔ مستقبل میں لوگوں کا رجحان فری لانسنگ کی طرف مزید بڑھے گا ؟اس بارے میں ان کا کہنا ہے کہ میرے خیال سےآنے والے وقتوں میں نہ صرف پاکستان میں بلکہ پوری دنیا میں بڑی تعداد میں لوگ فری لانسنگ کی طرف آئیں گے۔

او ور ایج لڑکیاں اور حوادث زمانہ

 

کراچی کے علاقے  شیریں جناح   میں کار سے لڑکی کی لاش اور ایک شخص بیہوشی کی حالت میں پایا گیا۔پولیس کے مطابق ڈیفنس فیز ٹو میں واقع ایک گیراج میں کھڑی کار سے لڑکی لاش ملی جبکہ کار میں کاشف نامی شخص بھی بیہوشی کی حالت میں پایا گیا۔پولیس کا بتانا ہے کہ متوفیہ کی شناخت جویریہ کے نام سے ہوئی جبکہ کاشف اس کا بہنوئی ہے۔پولیس سرجن کے مطابق پوسٹ مارٹم میں موت کی وجہ سامنے نہیں آسکی ہے اس لیے موت کی وجہ جاننے کیلئے لاش کے نمونے حاصل کرلیے گئے ہیں ایس پی کلفٹن ماجدہ پروین کے مطابق ابتدائی تفتیش میں پولیس کو کار سے کوئی نشہ آور چیز نہیں ملی، بظاہر یہی لگتا ہے کہ واقعہ بند کار میں کاربن مونوآکسائیڈ بھرنے کے باعث پیش آیا۔ان کا کہنا تھا کہ پوسٹ مارٹم کے بعد لڑکی کی لاش ورثا کے حوالے کردی گئی ہے، لڑکی کے اہل خانہ نے قانونی کارروائی سے انکار کردیا ہے تاہم گیراج کو سیل کردیا ہے، واقعے کی مزید تحقیقات جاری ہیں۔  ھبتایا جاتا ہے کہ ۲۹ سالہ جویریہ کے اپنے بہنوء کاشف سے قریبی تعلقات تھے اور جویریہ کی بہن اپنے شوہر سے جھگڑا بھی کر چکی تھی لیکن وہ دونوں اپنی روش سے باز نہیں آ رہے تھے -وقوعہ والے دن صبح جویریہ نے اپنے والد سے کہا کہ  اسے اس کا بہنوئ کاشف لینے آ رہا ہے اور وہ جم جا رہی ہے -اس کے بعد یہ حادثہ پیش آیا 

اور یہ کراچی کے بعد  گوجرانوالہ میں پیش آنے والے حادثے کی خبر - گوجرانوالہ(آئی این پی )گوجرانوالہ میں کار سے نوجوان لڑکے لڑکی کی لاش برآمد ہوئی جسے پولیس نے تحویل میں لے کر ہسپتال منتقل کردیا۔ پولیس کے مطابق افسوسناک واقعہ تھانہ سبزی منڈی کے علاقے علامہ اقبال روڈ پر پیش آیا۔پولیس کا کہنا ہے کہ متوفی نوجوان عاصم اور لڑکی آپس میں دوست ہیں، کار ایک بند گیراج میں کھڑی تھی جہاں دم گھٹنے سے کار کے اندر ہی دونوں جاں بحق ہو گئے۔ پولیس کے مطابق عاصم کے کزن نے گیراج کھولا تو کار میں لاشیں دیکھ کر پولیس کو اطلاع دی، پولیس نے جائے وقوعہ سے شواہد جمع کر لیے اور واقعہ کی تفتیش جاری ہے۔ پولیس کے مطابق ابتدائی تحقیقات میں یہ بات سامنے آئی ہے کہ گاڑی میں گیس لکیج کے باعث دم گھٹنے سے دونوں کی موت واقع ہوئی ہے-

-کئی ناسمجھ والدین بچی کی اعلیٰ تعلیم کی خاطر اچھے رشتے سے ہاتھ دھو بیٹھتے ہیں۔ جب بیٹی کئی سال بعد اعلیٰ تعلیم مکمل کر لیتی ہے تو پھر خواہش ہوتی ہے کہ تعلیمی لحاظ سے رشتہ اس کے برابر کا ہو ۔ خوش قسمت ہیں وہ جن کو فوراً رشتہ مل جائے ورنہ ایسے رشتے کے انتظار میں تعلیم کے بعد مزید کئی سال بیت جاتے ہیں۔ کئی بچیوں کو آپ نے اسی انتظار میں جوانی ڈھلتے ہوئے بھی دیکھا ہوگا۔ بلکہ بعض تو کنواری ہی پوری زندگی گزار دیتی ہیں۔ بندہ ایسے ماں باپ سے پوچھے کہ بچی کو اس قدر اعلیٰ تعلیم دلانے کا کیا فائدہ پہنچا۔ ۔ اعلیٰ تعلیم کے خلاف تو میں  بھی نہیں مگر جس تعلیم کی خاطر اچھے رشتے سے ہاتھ دھونا پڑیں تو یہ کوئی سمجھداری والا سودا نہیں۔اور پھر ۲۹ سالہ جویریہ کی کہانی ہو یا ۳۷ سالہ سارہ انعام جیسی اعلیِ تعلیمیافتہ لڑکی کی کہانی ہو جس نے  سوشل میڈیا کے زریعہ گھر و الوں سے چھپ کر ایک مجرمانہ زہینیت رکھنے والے مرد سے شادی کی اور بہت ہولناک انجام سے دو چار ہوئ

سارہ انعام  ایک مفکر تھی ذہین اور نرم گفتار ۔ وہ اپنا فارغ وقت نان فکشن کتابوں کو پڑھنے میں گزارتی تھیں-سارہ انعام پاکستان کے دار الحکومت اسلام آباد میں مبینہ طور پر اپنے شوہر کے ہاتھوں قتل ہونے والی ایک اعلیٰ تعلیم یافتہ اور باصلاحیت  پُرکشش شخصیت کی حامل ایک بے ضرر انسان تھیں   مگر اُن کے شوہر نے اسلام آباد کے علاقے چک شہزاد میں واقع فارم ہاؤس پر مبینہ طور پر انھیں بہیمانہ طریقے سے قتل کر دیا تھا۔ اُن کے شوہر اور اس کیس کے مرکزی ملزم شاہنواز فی الحال جسمانی ریمانڈ پر پولیس کی تحویل میں ہیں -سارہ انعام نے کینیڈا کی یونیورسٹی آف واٹر لو سے سنہ 2007ء میں آرٹس اور اکنامکس میں ماسٹرز کی ڈگری حاصل کی تھی۔ یونیورسٹی آف واٹر لو کو دنیا بھر میں اکنامکس کی تعلیم کے لیے بہترین تعلیمی اداروں میں سمجھا جاتا ہے۔ تعلیم مکمل ہونے کے بعد سارہ نے اپنی پیشہ ورانہ زندگی کا آغاز جونیئر ایویلیوئیشن افسر کی حیثیت سے کینیڈا ہی سے کیا تھا  سنہ 2010ء میں انھوں نے ابوظہبی میں بزنس کنسلٹینسی کی کمپنی ’ڈیلوئیٹ‘ میں شمولیت اختیار کر لی جہاں وہ چار سال تک بحیثیت کنسلٹنٹ اور بعد ازاں سینیئر کنسلٹنٹ خدمات سر انجام دیتی رہیں۔ اس نوکری کے بعد انھوں نے ابوظہبی کے ادارے ’ایجوکیشن اینڈ نالج‘ میں شمولیت اختیار کی۔عمر کے اس حصے میں اب وہ اپنی فیملی لائف شروع کرنا چاہتی تھی اوراکثر اپنی دوستوں میں کہتی  تھی کہ وہ   چا ہتی ہے کہ اُن کو بھی کوئی بہت محبت دے   اور  ان کے  پاس ان کےاپنے دوست بچے ہوں  'مگر وائے افسوس کہ اعلیٰ تعلیم ان کی عمر کے سنہری دور کو کھا گئ  تو سوشل میڈیا پر ایک مجرم میسر آ گیا ۔

فر ی لانسرز پاکستان میں زر مبادلہ کی ترسیل کا زریعہ-پارٹ 1

 پاکستان بنے ہوئے  کچھ  برس گزرے تھے اور  میرا داخلہ اسکول میں ہو چکاتھا لیکن میرا اسکول ہمارے گھر سے  تقریباً پچاس منٹ کی دوری پر تھا جہاں میں پیدل جایا کرتی تھی  اس پیدل سفر میں میرا مشاہدہ یہ تھا کہ لوگوں نے اپنے چھوٹے چھوٹے گھروں میں بھی روزگار کا بندوبست کیا ہوا تھا مثلاً ایک گھر میں بہت سے لڑکے اور مرد حضرات دو رویہ بیٹھے سیاہ  چمڑے کی کتابوں میں زور زور سے ان کو ہتھوڑے سے کوٹ رہے ہوتے تھے جب میری جستجو نے مجھے مجبور کیا کہ میں دیکھوں کہ آخر یہ کیاکوٹتے  ہیں تو میں نے باہر سے کھڑے ہو کر پوچھا یہ آپ لوگ کیا کرتے ہیں ایک آدمی نے جواب دیا بیٹی یہاں پر چاندی اور سونے کے  ورق بنائے جاتے ہیں  -اب باری تھی دوسرے مکان کی اس کا دروازہ بھی کھلا ہوتا تھا کیونکہ بجلی تو آئ نہیں تھی -اس گھر میں لاتعداد لوگ بیڑی کے پتے کاٹ کاٹ کر اس میں تمباکو بھر بھر کر پیک پیک کرتے تھے  یہ کام بھی منظم طریقے سے ہوتا تھا-ایک گھر میں جولاہے کا کاروبار تھا اسی کے قریب ایک گھر میں بیرونی حصے میں ہوٹل کھول لیا گیا تھا -

اور اب جدید زمانے میں یہ  تمام کاروبار فری لانسنگ سے وابستہ ہو چکا ہے    -فری ی لانسنگ گھر بیٹھے  پیسہ کمانے کا طریقہ-ٹیکنالوجی کی زبان میں فری لانسنگ سے مراد انٹرنیٹ پر کسی بھی ملک میں موجود ایک فرد یا کمپنی کے لیے کام کے عوض پیسے وصول کرناہے۔ پاکستان میں لوگ انٹرنیٹ کے ذریعے کئی طریقوں سے پیسے کما سکتے ہیں اور ماشاللہ کما رہے ہیں ۔ اس حوالے سے ایک طریقہ ای کامرس یعنی آن لائن کاروبار ہے جب کہ دوسرا طریقہ کونٹینٹ یعنی ایسا مواد لکھنا، تصاویر یا ویڈیوز بنانا جو لوگوں میں مقبولیت حاصل کر سکے۔ اسی طرح فری لانسنگ ایک تیسرا ذریعہ ہے جو پاکستان کے نوجوانوں میں تیزی سے پذیرائی حاصل کر رہا ہے۔اس کا سب سے بڑا فائدہ یہ ہے کہ اس کے لیے لوگوں کو کسی دفتر جانے کی ضرورت نہیں پڑتی بلکہ وہ ور چوئلی کام کرسکتے ہیں ۔ دنیا بھر میں بے روزگار، تعلیم یافتہ اور باہنر افراد کے لیے آمدنی کا ایک اہم ذریعہ اور نوجوانوں کی ایک بڑی تعداد کا ترجیحی پیشہ بنتا جارہا ہے۔دیگر ممالک کے مقابلوں میں پاکستان میں فری لانسنگ تیزی سے فروغ پارہا ہے۔ ایک رپورٹ کے مطابق ،پاکستان میں 1 لاکھ 50 ہزار سے زائد افراد فری لانسنگ کررہے ہیں ،جس سے وہ ملکی معیشت میں ایک ارب ڈالر کا حصہ ڈال رہے ہیں۔ اس طرح عالمی سطح پر اوسطاً سب سے زیادہ فری لانسنگ کرنے والے ملکوں میں پاکستان چوتھے نمبر پر ہے۔

پاکستان سمیت پوری دنیا میں ویب ڈیزائننگ پر سب سے زیادہ کام کیا جاتاہے۔ اس کے بعد گرافک ڈیزائن اور پھر رائٹنگ کا نمبر آتا ہے۔ فری لانسنگ بہترین مہارتوں، اخلاقیات اور ڈسپلن کا تقاضا کرتی ہے۔ بعض لوگوں کو یقین ہے کہ اس سے زیادہ پیسے کمائے جاسکتے ہیں۔ فری لانسنگ ایک ایسا راستہ ہے، جس پر چل کر آپ اپنی نئی کمپنی قائم کرسکتے ہیں اور اپنے کام سے اچھا خاصا معاوضہ حاصل کرسکتے ہیں۔ لیکن ایک اچھا فری لانسر بننے کے لیے آپ کا منظم، ایماندار اور پیشہ ورانہ سوچ کا حامل ہونا ضروری ہے۔ پاکستان میں فر ی لانسنگ کی شرح کیا ہے ،اس کی بنیادی چیزیں کیا ہیں اور پاکستان میں فری لانسرز کو کن مسائل کا سامنا کرنا پڑتا ہے؟ہمارا کلائنٹ کم ہو رہا ہے، ٹھیک ہے ہمیں تو نقصان ہے ہی لیکن یہ پیسا ملک میں آ رہا تھا، یہاں لوگوں کا روزگار لگا ہوا ہے، اصل نقصان تو حکومت کا ہے۔‘یہ بات پاکستان کے شہر لاہور میں مقیم ایک فری لانسر مہتاب نے انٹرنیٹ کے باعث اپنے شعبے سے منسلک مسائل کے بارے میں بات کرتے ہوئے کہی۔پاکستان میں گذشتہ چند ہفتوں سے جہاں بھی جائیں ایک شکایت تو ضرور سننے کو ملتی ہے، اور وہ یہ کہ ’واٹس ایپ نہیں چل رہا‘، ’انٹرنیٹ بہت سلو ہو گیا ہے۔‘ملک میں اگر آپ اپنے فون سے کسی کو خصوصاً موبائل ڈیٹا استعمال کرتے ہوئے واٹس ایپ کے ذریعے وائس نوٹ یا کوئی تصویر بھیجنے کی کوشش کریں، تو عین ممکن ہے کہ یہ اگلے صارف تک پہنچے ہی نہیں یا اگر آپ وصول کرنے والے ہوں تو یہ ڈاؤن لوڈ ہی نہ ہو

 اس بارے میں پاکستان فری لانسرز ایسوسی ایشن کے سی ای او، طفیل احمد سے گفتگو کی ،جس کی تفصیل نذر قارئین ہے۔طفیل احمد نے اپنی گفتگو کا آغاز کرتے ہوئے بتایا کہ سب سے پہلے ہمیں یہ سمجھنے کی ضرورت ہے کہ فری لانسنگ کیا ہے ؟ فری لانسنگ میں آپ کسی ایک ادارے یا شخص کے ساتھ منسلک نہیں ہوتے بلکہ آپ ٹاسک کے ساتھ منسلک ہوتے ہیں یعنی کوئی بھی ٹاسک یا پروجیکٹ جو آپ کو محدود مدت میں کرنا ہو وہ فری لانسنگ کہلاتا ہے۔کون سے پلان لینے ہیں، کن پروجیکٹ پر کام کرنا ہے،اپنی اسٹریٹیجیز خود بناتے ہیں۔ سب سے اہم بات فری لانسرز کو ڈالرز میں پیسے ملتے ہیں ،کیوں کہ 99.9 فی صد کام بیرون ممالک سے چلتا ہے تو اسی لیے پرائز ریٹ بھی کافی مختلف ہوتے ہیں ۔ انڈیپینڈٹ ہونا ،اپنے کام کا فیصلہ خود کرنا ،اپنی مرضی سے کام کرنا ،اپنے لیے کام خود تلاش کرنا۔فری لانسنگ بہت بڑا شعبہ ہے یہ کوئی ایک کام یا نوکری نہیں ہے۔جب کسی فیلڈ میں آپ فری لانسر بن جاتے ہیں، آپ کی ایک شناخت بن جاتی ہے تو گھنٹوں کے حساب سے آپ کا ایک ریٹ فکس ہوجاتا ہے۔ جب اس کو پاکستانی کرنسی میں چینج کیا جاتا ہے تو وہ اچھے خاصے پیسے بنتے ہیں۔ فری لانسنگ کے بنیادی نکا ت کیا ہیں؟ اس حوالے سے طفیل احمد کا کہنا ہے کہ فری لانسنگ کے کچھ اسٹیپس ہوتے ہیں ،سب سے پہلے تو اپنی کاؤنسلنگ خود کریں یا کسی ایکسپرٹ سےکروائیں کہ آپ کس چیزمیں مہارت رکھتے ہیں۔

بعدازاں یہ دیکھیں کہ آپ کس چیز میں اچھے ہیں یا کس چیز میں آپ کا تجربہ ہے اور آپ وہ کرنا بھی چاہتے ہیں۔ مثلا ً :ا گر کوئی لکھنے میں اچھا ہے تو وہ لکھاری کے لحاظ سے اپنی کاؤنسلنگ کریں۔ اگر کوئی بولنے میں اچھا ہے یا آواز اچھی ہے تو وہ وائس اوور آرٹسٹ کے طو ر پر اپنی کا ؤنسلنگ کروائیں۔کسی کی آرٹ اچھی ہے تو وہ اس طرف جائے ،اگر کسی میں مارکیٹنگ کرنے کا ہنر ہے تو اس شعبے میں فری لانسنگ کرسکتا ہے۔ غرض یہ کہ آپ مختلف شعبوں میں اپنی مہارت کے مطابق فری لانسنگ کرسکتے ہیں۔سب سے پہلا اسٹیپ تو یہ ہے کہ اپنی کاؤنسلنگ کرکے یا کروا کر اپنے شعبے کا انتخاب کریں ۔ضروری نہیں ہے کہ آپ کسی ایک چیز کا ہی انتخاب کریں بلکہ اپنی مہارت کے مطابق بیک وقت کئی شعبوں میں آپ کام کرسکتے ہیں۔دوسرے اسٹیپ میں یہ دیکھا جاتا ہے، جس چیزمیں آپ مہارت رکھتے ہیں جو صلاحیت آپ کے پاس موجود ہے، اُس کا پورٹ فولیو بناہوا ہے ۔چاہے آپ شعبے میں نئے ہوں یا کئی سال سے کام کررہے ہوں، اپنا پورٹ فولیو لازمی بنائیں۔تیسرے اسٹیپ میں آپ جس فیلڈ میں مہارت رکھتے ہیں ،اس میں پرو فائلنگ کریں ۔ویڈیو ایڈیٹر ،گرافک ڈیزائنر،وائس اوور آرٹسٹ ،اردو رائٹر ،انگلش رائٹر اور اینیمیٹر جس میں بھی آپ ایکسپرٹ ہیں۔ اس کے مطابق پر وفائل بنا ئیں۔ یہ سب کرنے کے بعد چوتھے اسٹیپ میں آپ کو یہ دیکھنا ہے کہ ان صلاحیتوں کو کہاں، کہاں استعمال کیا جاسکتا ہے تو اس کے لیے بہت ساری ویب سائٹس موجود ہیں جہاں پر آپ رجسٹرڈ ہو نے کے بعد اکائونٹ بنا سکتے ہیں۔

مثال کے طور پر اپ ورک ،فائور ،فری لانسرز ڈاٹ کوم ،لنکڈان ،ٹاپ ٹیل اور دیگر بین الاقوامی پلٹ فارمز موجود ہیں جو آپ کو متعدد پر وجیکٹس دیتے ہیں۔ ان تمام پلٹ فارمز پر کس طرح اکائونٹ بنانا ہے اس کی ویڈیوز بھی ویب سائٹ پر موجود ہیں۔ ویب سائٹ پر رجسٹرڈ ہونے کے بعدجس فیلڈ میں آپ مہارت رکھتے ہیں اس بارے میں بتائیں، پورٹ فولیو دکھائیں اور گھنٹے کے حساب سے ڈالرز میں اپنے چارجز بتائیں۔سب سے خاص بات یہ ہے کہ اس میں آپ کس ایک پلٹ فارم تک محدود نہیں رہتے بلکہ ایک ساتھ کئی پلٹ فارمز پر کام کرسکتے ہیں ۔بعدازاں آپ اپنی مہارت اور کام کو دنیا بھر میں سیل کرتے ہیں ،پھر یہ دیکھیں کہ اور کون سی ویب سائٹس ہیں جہاں پر آپ کام کرسکتے ہیں۔ بین الاقوامی پلٹ فارمز کے بعد آپ یہ دیکھیں کہ پاکستان میں کون سے پلٹ فارمز ہیں جن پر آپ کام کرسکتے ہیں۔ جب آپ قومی اور بین الاقوامی دونوں پلٹ فارمز پر کام کرتے ہیں تو اس طرح آپ کا پورٹ فولیومزید بہتر بن جاتا ہے۔ فری لانسنگ کام کرنے کا ایک اسمارٹ طریقہ ہے۔اس میں ایک پلٹ فارم تک محدود رہنے میں ایک نقصان یہ ہوتا ہے بعض مرتبہ وہاں سے کچھ دنوں تک کام نہیں ملتا تو فری لانسرز مایوس ہوجاتے ہیں اور پھر وہ فری لانسنگ چھوڑ دیتے ہیں۔ اسی لیے زیادہ تر فری لانسرز ایک سے زیادہ پلٹ فارمز پر کام کرتے ہیں۔ فری لانسنگ صبح سے شام والی جاب نہیں ہے ،آپ اپناکام دنیا کے کسی بھی کونے میں بیٹھ کریا کسی بھی وقت اپنی مرضی سے کرسکتے ہیں ۔پاکستان میں فری لانسنگ کی شرح کے حوالے سے انہوں نے بتایا کہ اس وقت تقریباً 1 ملین لوگ فری لانسنگ کررہے ہیں۔خوش آئند بات یہ ہے کہ پاکستان کی فری لانسنگ دنیا بھر میں چوتھے نمبر پر ہے۔ یہ بہت بڑی بات ہے کہ ہمارے نوجوانوں کا ٹیلنٹ فری لانسنگ کی مد میں چوتھے نمبر پر ہے۔ یہ چیز ملک کی معیشت کو بہتر بنانے میں اہم کردار ادا کرتی ہے، کیوں کہ جتنا زیادہ لوگ فری لانسنگ کریں گے اتنی زیادہ ترسیل ہوگی اور ملک کی معیشت میں مزید بہتر ی آتی جائے گی۔اس ضمن میں پاکستان فری لانسرز ایسوسی ایشن نےایچ ای سی سے منظور شدہ جامعات کی ایک فہرست تیار کی ہے اور ان جامعات کے ساتھ ایم او یو پر دستخط کرانے شروع کردیئے ہیں۔ گزشتہ سال سے پورے پاکستان میں مختلف جامعات میں فری لانسنگ کے حوالے سے بغیر کسی معاوضہ کے سیشز کرانے کا انعقاد بھی کردیا ہے اور اب تک بیس سے زائد جامعات میں سیشنز کراچکے ہیں۔یہ کام شروع کرنے کا مقصد ان طالبات کو خود اعتماد بنانا اور دورانِ تعلیم یہ بتانا ہے کہ فری لانسنگ ہوتی کیا ہے۔ہم کوئی کورس نہیں کراتے صرف آگاہی فراہم کرتے ہیں۔ اس سے فائدہ یہ ہوگا کہ جب یہ طالبات یونیورسٹی سے فارِغ التحصیل ہوگے تو وہ اپنے، اپنے شعبوں میں مہارت رکھتے ہوں گےاور اُس میں فری لانسنگ باآسانی کرسکتے ہیں۔ اور جو پہلے سے فری لانسنگ کررہے ہیں ان کے لیول کو دیکھتے ہوئے مہار ت میں اضافہ کرنے کی کوشش کررہے ہیں ۔مثال کے طور پر اگر کوئی 100 ڈالر کما رہا ہے تو ہم اس کو وہ طریقہ بتاتے ہیں، جس کے ذریعےوہ ہزار ڈالر کما سکیں۔آرٹیفیشل انٹیلی جنس ،چیٹ جی پی ٹی ،میشن لرننگ ،سائبرسیکیورٹی اورروبوٹکس سے متعلق آگاہی فراہم کریں ،تاکہ وہ اپنی آمدنی میں اضافہ کرسکیں۔ ایک اہم بات یہ ہے کہ جیسے جیسے نت نئی ٹیکنالوجیز متعارف ہورہی ہیں اس کے ساتھ فری لانسرز کو اپنی مہارت کو اپ ڈیٹ کرناضروری ہے، تا کہ ان کے کام میں تبدیلی آئی اوراس سے آمدنی میں بھی فرق پڑے گا۔ایک بات یہ ہے کہ جیسے جیسے ٹیکنالوجیز متعارف ہورہی ہیں تو لوگوں کے ٹاسک بھی بدل رہے ہیں اور جو لوگ اپنی مہارت میں تبدیلی نہیں لاتے یا تو وہ اتنا ہی کما رہے ہوتے ہیں یا پھر وہ یہ کام ہی چھوڑ دیتے ہیں۔کیا آرٹیفیشل انٹیلی جنس کے آنے سے فری لانسنگ متاثر ہوئی ہے ؟اس سوا ل کے جواب میں ان کا کہنا ہے کہ آرٹیفیشل انٹیلی جنس بھی ایک انسان نے ہی بنائی ہے اور کیا پتا مستقبل میں ہم چیٹ جی پی ٹی 4 سے ہی چیٹ جی پی ٹی 5 بنانے کا کہیں۔ میرے خیال سے یہ سب فری لانسرز کے لیے کافی مدد گار ثابت ہورہا ہے ۔لوگ اس سے کافی استفادہ کررہے ہیں، ان کام جلدی ہورہا ہے۔ہم اے آئی سے مدد تو لے سکتے ہیں لیکن ایک جو انسان کے لکھنے کا انداز ہوتا ہے وہ توخود ہی لایا جائے گا۔ مستقبل میں لوگوں کا رجحان فری لانسنگ کی طرف مزید بڑھے گا ؟اس بارے میں ان کا کہنا ہے کہ میرے خیال سےآنے والے وقتوں میں نہ صرف پاکستان میں بلکہ پوری دنیا میں بڑی تعداد میں لوگ فری لانسنگ کی طرف آئیں گے۔ اس دور میں ہر شخص گھر سے یا دنیا کے کسی بھی کونے میں بیٹھ کر کام کرنا چاہتا ہے اور جو لوگ جاب کررہے ہیں وہ فری لانسنگ ٹرینر بننا چاہتے ہیں، اپنی معلومات لوگو ں سے شیئر کرنا چاہتے ہیں ۔ یہ گھر میں رہنے والی خواتین کے لیے بہت اچھا پلٹ فارم ہے اور بہت ساری خواتین فری لانسنگ کر بھی رہی ہیں۔جن بچوں کو گیمز اور اینی میشن میں دل چسپی ہے وہ بھی مستقبل میں فری لانسنگ کی طر ف راغب ہوں گے۔ پاکستا میں صرف اس حوالے سے آگاہی کی کمی ہے ،جس دن یہ کمی دور ہوجائے گی، اُس دن دیکھیے گا۔ پاکستان فری لانسنگ میں چوتھے سے دوسرے یا تیسرے نمبر پر آجائے گا اور اس سے ملک بھی ترقی کرسکتا ہے۔