علامہ طالب جوہری ۔عالم بے بدل

 

 

ہرزمانے میں کچھ بندگان خدا ایسے بھی پیدا ہوتے ہیں جن کے لئے سارا زمانہ سوچتا ہے ان کو کبھی نہیں مرنا چاہئے۔ لیکن کیا کریں اللہ کے دستور میں کوئ ردوبدل نہیں ہو سکتا ہےاور پھر اللہ نے ایک عالم بے بدل طالب جوہری کو اپنے پاس بلا لیا۔طالب جوہری 27 اگست 1939ء کو بھارت کی ریاست بہار کے شہر پٹنہ میں پیدا ہوئے۔ ابتدائی تعلیم اپنے والد سے حاصل کی اور اعلی مذہبی تعلیم کے لیے نجف اشرف عراق چلے گئے۔ وہاں آیت اللہ العظمی سید ابوالقاسم الخوئی کے زیر انتظام حوزہ میں داخلہ لیا۔طالب جوہری آیت اللہ شہید باقر الصدر کے شاگرد رہے۔ وہ آیت اللہ العظمی سید علی سیستانی کے ہم جماعت تھے۔ اگرچہ آیت اللہ سیستانی ان سے کچھ بڑے تھے۔ علامہ ذیشان حیدر جوادی بھی نجف میں ان کے ہم درس رہے -علامہ طالب جوہری کو نجف اشرف کے ممتاز عالم آیت اللہ سید عبداللہ شیرازی،آیت اللہ سید علی رفانی،آیت اللہ سید محمد بغدادی،آیت اللہ باقر الصدر نے فارغ التحصیل ہونے کی سند دی،وہ 1965 کو کراچی واپس آئے،پانچ سال جامعہ امامیہ کے پرنسپل رہے،گورنمنٹ کالج ناظم آباد کراچی میں اسلامیات کے لیکچرر مقرر ہوئے،انہیں حکومت نے ستارہ امتیاز سے بھی نوازا،انہوں نے تفسیر قرآن پر کئی کتابیں بھی تحریر کیں۔لامہ طالب جوہری اتحاد بین المسلمین کے بہت بڑے داعی تھے۔ انہوں نے ہمیشہ نسلی اور فرقہ ورانہ ہم آہنگی پر زور دیا۔

ان کے خطبات کا موضوع احکام اللہ کی پیروی، اتباع سنت رسول اور حب اہل بیت ہوا کرتا تھا۔ انہیں شیعہ اور سُنی مسالک میں ایک جیسا باوقار مقام حاصل رہا ہر دو انہیں عزت و احترام کی نگاہ سے دیکھتے اور ان کی تقاریر و تحاریر سے استفادہ کرتے ہیں۔عقلیات معاصر  علّامہ طالب جوہری کیونکہ اکثر اپنے مداحوں میں گھرے رہتے تھے لہٰذا کبھی کبھار وہ ان معمولات کو توڑ کر لانگ ڈرائیو یا پرندوں کے مشاہدے کے لیے نکل کھڑے ہوتے۔ کسی بھی دور دراز سڑک سے ہٹے ہوئے چارپائی ہوٹل پر بیٹھ کر بہت خوش ہوتے جہاں انھیں کوئی پہچاننے والا نہ ہو۔علامہ طالب جوہری علومِ قرانی پر بہترین دسترس  رکھتے ہی تھے مگر نہ خود زاہدِ خشک تھے نہ زاہدانِ خشک کی ہمراہی میں خوش رہتے تھے۔ان کی شرارت آمیز خوش دلی اور حسِ جمالیات ہمیشہ توانا و تر و تازہ رہی-لامہ طالب جوہری کو نجف اشرف کے ممتاز عالم آیت اللہ سید عبداللہ شیرازی،آیت اللہ سید علی رفانی،آیت اللہ سید محمد بغدادی،آیت اللہ باقر الصدر نے فارغ التحصیل ہونے کی سند دی،وہ 1965 کو کراچی واپس آئے،پانچ سال جامعہ امامیہ کے پرنسپل رہے،گورنمنٹ کالج ناظم آباد کراچی میں اسلامیات کے لیکچرر مقرہوئے،

انہیں حکومت نے ستارہ امتیاز سے بھی نوازا،انہوں نے تفسیر قرآن پر کئی کتابیں بھی تحریر کیں۔اسّی کے عشرے میں پی ٹی وی سے فہم القران کی طویل سیریز نشر ہوئی جس میں علامہ نہایت عام فہم اور زود ہضم انداز میں پیغامِ قران سمجھاتے تھے۔ شاعری کا آغاز انہوں نے آٹھ برس کی عمر سے کیا  تھا، اب تک علامہ نے خاصی تعداد میں غزلیں، قصیدے، سلام، نظمیں اور رباعیات کہی، 1968 میں علامہ نے وجود باری کے عنوان سے پہلا مرثیہ کہا،علامہ طالب جوہری اتحاد بین المسلمین کے بہت بڑے داعی تھے۔انہوں نے ہمیشہ نسلی اور فرقہ ورانہ ہم آہنگی پر زور دیا۔ان کے خطبات کا موضوع احکام اللہ کی پیروی، اتباع سنت رسول ص اور حب اہلبیت ع ہوا کرتا تھا۔ انہیں شیعہ اور سُنی مسالک میں ایک جیسا باوقار مقام حاصل رہا ہر دو انہیں عزت و احترام کی نگاہ سے دیکھتے اور ان کی تقاریر و تحاریر سے استفادہ کرتے ہیں ۔سنی مکتب فکر سے تعلق رکھنے والے بے شمار افراد یہ علامہ کے انتقال کے وقت سوشل میڈیا پر افسوس کا اظہار کرتے ہوئے یہ تسلیم کیا کہ وہ علامہ کو محرم میں سنا کرتے تھے۔بین المسالک ہم آہنگی کی اگر بات کی جائے تو بلا شبہ علامہ طالب جوہری کا بیان ایک شیعہ عالم ہونے کے باوجود سرکاری ٹی وی چینل پر طویل عرصے تک اس لیے چلتا رہا کیونکہ انہوں نے مسلک کی بنیاد پر تفریق اور فرقہ واریت پھیلانے کی کبھی کوشش نہیں کی بلکہ وہ بین المسالک ہم آہنگی کے علمبردار سمجھے جاتے تھے-ان کی پسندیدہ جگہ ا نکی لائبریری تھی جو ان کے گھر واقع انچولی سوسائٹی میں اوپر کی منزل پر تھی۔

 لائبریری کی ہزاروں کتابوں میں سے ہر کتاب علامہ کی انگلیاں پہچانتی تھیں چنانچہ انھیں کسی بھی ریفرینس کے لیے کوئی بھی کتاب نکالنے میں زیادہ سے زیادہ دو منٹ لگتے تھے۔ بقول محمد علی سید علامہ نے بلاشبہ ہزاروں مجالس پڑھیں مگر ہر مجلس کی تیاری وہ ایسے انہماک اور محنت سے کرتے گویا سپریم کورٹ میں آخری پیشی ہو۔لباس میں ان کی وضع داری تادم حیات قائم رہی سفید پاجامہ سیاہ اچکن اور سر پر عمامہ وہ نہائت نرم خو مزاج اور نکتہ سنج شخصیت کے مالک تھے وہ اپنی ایک ایک مجلس پر بہت توجّہ دیتے تھے انہوں قرانی اسلوب کو اپنی شبانہ روز زندگی  کا حصّہ بنا لیا تھا -اس کے بعد نو دس دن تک علامہ روزانہ کوئی ایک موضوع لے لیتے جیسے الحمد، رب العالمین، یوم الدین، نستعین وغیرہ۔ اور آدھا پونا گھنٹہ پرت در پرت سببِ نزول، ماخذ، تاریخی پس منظر اور منطق کے سہارے ایسے لے کر چلتے گویا بچے کو کہانی سنا رہے ہوں -عراق میں لگ بھگ ابتدائی دس برس حضرت قاسم الخوئی، باقر الصدر اور دیگر علمائے عظام کے آگے زانو تہہ کرنے، عربی و فارسی پر عمومی دسترس اور عرب و عجم کی تاریخ فہمی کا فیض تھا کہ علامہ کی مذہبی و غیر مذہبی گفتگو ادق مسائل کا احاطہ ضرور کرتی تھی مگر ان کی اجتہادیت مشکل پسندی اور علمیت کے مصنوعی دبدبے سے بالکل آزاد تھی۔ اسی لیے عام آدمی بھی بلا امتیازِ مسلک و نظریہ بلا دھڑک ان کی جانب کھنچتا تھا اور پورا پورا ابلاغی لطف کشید کرتا تھا۔علامہ طالب جوہری معروف خطیب ہونے کے ساتھ ساتھ اعلیٰ پائے کے شاعر بھی تھے،آٹھ برس کی عمر سے آپ نے شاعری کا آغاز کیا تھا،علامہ طالب جوہر نے یادگار غزلیں،قصیدے،سلام،نظمیں اور رباعیات کہی، 1968میں آپ نے وجود باری کے عنوان سے پہلا مرثیہ بھی کہا۔

علّامہ طالب جوہری کی وفات -عالمِ اسلام کی مشہور و معروف شخصیت، عالمِ دین اور مفسرِ قرآن علامہ طالب جوہری کے انتقال سے آج واقعۂ کربلا بیان کرنے کے ایک مدلل انداز اور ذکرِ اہلِ بیت کے ایک سنہرے باب کا اختتام ہوگیا۔اور  وہ اپنے کروڑوں مدّاحوں کو سوگوار چھوڑ کر خلد بریں کے سفر پر روانہ ہوگئے

حسینی لنگر اور سبیل حسین

محرم الحرام کے مہینے میں شہدائے کربلا کی پیاس کی یاد میں مجالس اور جلوسوں کے راستوں میں سبیلیں لگائی جاتی ہیں، سبیل لگانے کا مقصد جہاں پیاسوں کی خدمت کرنا ہے وہیں لوگوں میں اس احساس کو بھی زندہ رکھنا ہے کہ میدان کربلا میں حضرت امام حسین اور ان کے ساتھیوں نے پیاسے جام شہادت نوش کیا، سبیل لگانے والوں کا کہنا تھا کہ وہ یاد کربلا میں لوگوں کو مشروبات پلاتے ہین اور ثواب حاصل کرتے ہیں،سبیلوں کے علاوہ محرم میں شہر بھر میں نیاز بھی بانٹی جاتی ہے،شہدائے کربلا کی یاد میں لگائی جانے والی سبیلوں میں پانی اور میٹھے مشروبات کے ساتھ ساتھ دودھ اور میوہ جات کا انتظام بھی کیا جاتا ہے اور ان سبیلوں کو خوبصورت طریقوں سے سجایا جاتا ہے۔

  گجرات میں شہدائے کربلا کو خراج عقیدت پیش کرنے کا منفرد انداز ،جہاں دودھ کی ایسی سبیل لگائی گئی ہے جہاں پر عزا داروں کوکھوئے اور عجوہ کھجور والا دودھ پلایاجا رہا ہے اس موقع پر سونے سے تیار کی جانے والے شہزادہ عون محمد سے منسوب تلوار کی زیارت بھی کروائی جا رہی ہے.یوں تو محرم الحرام میں ہر مسلمان شہدائے کربلا کو خراج عقیدت پیش کرتا ہے مگر گجرات میں ایک عقیدت مند پروفیسر شفیق حیدری کی طرف سے شہزادہ علی اکبر اور شہزادہ علی اصغر کے نام سے منسوب حسینی بادشاہی دودھ کی ایسی سبیل لگائی گئی ہے جہاں پر عزا داروں کو کھوئے اور عجوہ کھجور والا دودھ پلایا جا رہا ہے.

دودھ کی تقسیم کروڑوں روپے کی لاگت سے تیار کروائے جانے والے سونے کے برتنوں سے کی جا رہی ہے جی ٹی ایس چوک میں لگائی گئی اس سبیل پر دودھ پینے والوں کا رش لگا ہوا ہے اور لوگ عجوہ کھجور اور کھوئے سے تیار کیے جانے والا دودھ پی رہے ہیں سبیل کے منتظم شفیق حیدری کا کہنا ہے کہ میں نے کوشش کی ہے کہ امام حسین اور ان کے جانثاروں نے جتنی بڑی قربانی دی ان کو خراج عقیدت پیش کرنے کے لیے اتنی ہی شایان شان سبیل لگاﺅں.منتظمین کی طرف سے گزشتہ 9 سال سے محرم الحرام کی آٹھ. نو اور دس تاریخ کو لگائی جانے والی ا س سبیل پر روزانہ سینکڑوں من دودھ پلایا جاتا ہے. جبکہ ایک اور عزادار حسین کئ من گنّے کا شربت اپنے ہاتھوں سے مشین چلا کر عزاداروں کو تقسیم کرتے نظر آ رہیں ان کا کہنا ہے کوئ پابندی نہیں خود بھی پیو اور گھروالوں کے لئے بھی لے جاو -ماہ محرم الحرام جہاں اور بہت ساری روایات کا امین ہے وہیں اس مہینے میں نذر و نیاز کا بھی خصوصی اہتمام کیا جاتا ہے۔ ملک بھر کی طرح لاہور میں بھی بطور لنگر بہت ساری چیزیں بانٹنے کا رواج ہے۔

حسینی لنگر محرم میں -محرم الحرام کے مہینے میں شہدائے کربلا کی پیاس کی یاد میں مجالس اور جلوسوں کے راستوں میں سبیلیں لگائی جاتی ہیں، سبیل لگانے کا مقصد جہاں پیاسوں کی خدمت کرنا ہے وہیں لوگوں میں اس احساس کو بھی زندہ رکھنا ہے کہ میدان کربلا میں حضرت امام حسین اور ان کے ساتھیوں نے پیاسے جام شہادت نوش کیا، سبیل لگانے والوں کا کہنا تھا کہ وہ یاد کربلا میں لوگوں کو مشروبات پلاتے ہین اور ثواب حاصل کرتے ہیں،سبیلوں کے علاوہ محرم میں شہر بھر میں نیاز بھی بانٹی جاتی ہے،شہدائے کربلا کی یاد میں لگائی جانے والی سبیلوں میں پانی اور میٹھے مشروبات کے ساتھ ساتھ دودھ اور میوہ جات کا انتظام بھی کیا جاتا ہے اور ان سبیلوں کو خوبصورت طریقوں سے سجایا جاتا ہے۔ 

حق و باطل کے لئے مرنے جینے کا عملی مظاہرہ، واقعہ کربلا، نواسہ رسول اور شہدائے کربلا کی یاد میں نو اور دس محرم کو مجالس، جلوسوں کے ساتھ جگہ جگہ لنگر اور نیاز کی تقسیم کا سلسلہ بھی شروع رہتا ہے ، یہ سلسلہ اتنا ہی قدیم ہے جتنا قدیم مجالس اور جلوس کا اہتمام ہے۔پنجاب کے صوبائی دارالحکومت میں محرم الحرام کے پہلے دس دنوں یعنی عاشورہ میں  بریانی، نان حلیم، چکن قورمہ، مٹن اور حلوے کی دیگیں تیار کی جاتی ہیں، گلی محلوں اور شاہراہوں پر جا بجا پانی،، مشروبات اور دودھ کی سبیلیں بھی لگائی جاتی ہیں۔سیدالشہداء امام حسین کی یاد میں کئی سو سال سے جاری نذر و نیاز کے اس سلسلے میں صرف اہل تشیع ہی نہیں بلکہ تمام شہری بڑھ چڑھ کرحصہ لیتے ہیں۔لاہور شہر کے عزاداران کربلاء کہتے ہیں کہ لنگر حسینی تاقیامت جاری وساری رہے گا۔

 

 

پنجاب میں محرم کی مشہور گنے کے شربت کی سبیل حسین  -گزرتے زمانے سے یہ بات سمجھ آئی کہ پانی کی یہ سبیلیں اس امر کی عکاس ہیں کہ میدان کربلا کی تپتی ریت پر حضرت امام حسین خواتینِ قافلہ اور کم سن پیاسے بچے کس طرح بلکے ہوں گے۔ کس طرح پیاس سے گلے سوکھ کے کانٹے ہوئے ہوں گے۔ کیا کیا ظلم ہوا ہوگا۔ اور حلیم یا کسی بھی طرح کا کھانا تقسیم کرنے والے اس بھوک سے خلقِ خدا کو آزاد کرانا چاہتے ہیں جو میدانِ کربلا میں اہل بیت رسول کو بطورِ اذیت پہنچائی گئی

گھونگھٹ اٹھا لوں کہ گھونگھٹ نکالوں

 

 

گھونگھٹ اٹھا لوں کہ گھونگھٹ نکالوں سنہ انّیس سو ستّاون ،، یہ میرے بچپن کا دور تھا جب پاکستان میں بننے والی فلم سات لاکھ کے اس گانے نے کراچی کے گلی کوچوں میں دھوم مچا دی تھی مجھے بھی یہ گیت بہت پسند تھا میرے زہن کے شائد کسی گوشہ میں اب تک یہ گیت یقیناً محفوظ ہو گا جو اخبار میں شائع ہونے والی ایک خبر اور تصویر کو دیکھ کر جاگ گیا خبر کا عنوان ہے تھرپارکر کی خواتین ڈمپر ڈرائیورز، تصویر میں تھری لباس میں ملبوس لاتعداد لڑکیاں اپنے انٹرویو کی باری آ نے کے انتظار میں کھڑی ہیں –کچھ لڑ کیوں کے چہرے کھلے ہیں لیکن کسی 'کسی نے ماتھا چھپایاہوا ہے کچھ نے ابھی بھی جبکہ انٹرویو دینے آئ ہیں گھونگھٹ نکالا ہوا ہے-میں نے تھر کی عورت کا چہرہ کبھی بھی کھلا نہیں دیکھا نا ہی اس کو کبھی کوئ جدّت طراز معاشرے کی رکن کی حیثیت سے جانابس اس کو اپنی گو د میں بچّہ اٹھائے اور سر پر پانی سے بھرے کئ مٹکے رکھ کر ننگے پاوں جلتی ریت پر چلتے ہوئے زندگی کا بوجھ ڈھوتے ہوئے دیکھا ہے لیکن اس تصویر کو دیکھ کر میں حیران ہوں کہ گھونگھٹ کی اوٹ میں مٹکے اٹھانے والی عورت اپنے گھونگھٹ کی اوٹ سے ڈمپر ڈرائیونگ کس طرح کر سکے گی

لیکن تھری لوگ فیصلہ کر چکے ہیں کہ وہ اپنی پسماندگی کو دور کرنے لئے اپنی عورتو ں سے بھی کام لیں گے جن کا انتخاب کوئلے کی کانوں میں کھدائی کرنے کے بعد مٹی سے بھرے ڈمپر لے جانے کے لیے کیا گیا ہے۔ مینا ان تیس امیدواروں میں شامل ہیں جن کوبطور ڈرا منتخب کیا گیا ہے پاکستان کے دیہی معاشرے میں پروفیشنل خواتین ڈرائیور بہت کم دیکھنے کو ملتی ہیں۔ ایسے میں تھرپارکر جیسے پسماندہ اور دوردراز علاقے میں خواتین کو ڈمپر جیسی بھاری بھرکم گاڑی چلانا اپنی جگہ غیرمعمولی بات ہے ۔ ایک سال کی تربیت کے بعد یہ خواتین اگلے مہینے سے باقاعدہ اپنے کام کا آغاز کریں گی۔ ایک تھری عورت نے پُر افسوس لہجے میں کہا کہ جب کبھی کسی پسماندہ علاقے سے خواتین اپنے مالی مسائل کے حل کے لیے گھر سے باہر قدم رکھتی ہیں تو سب سے پہلے اپنے گھر والے ہی مخالفت شروع کر دیتے ہیں -وہ بتاتی ہیں کہ میں نے ڈمپر ڈرائیور کی نوکری کے لیے درخواست دی۔ جب میرے بھائیوں کو پتہ چلا تو انھوں نے سخت مخالفت کی۔

 محلے والوں نے بھی مذاق اُڑایا ۔ خواتین کو بطور ڈمپر ڈرائیورز منتخب کرنے والی اینگرو کول مائننگ کمپنی کے سربراہ شمس الدین شیخ کا کہنا ہے کہ تھر کی خواتین محنت کش ہیں اور علاقے سے غربت دور کرنے کے لیے معاشرتی اور معاشی ترقی میں اہم کردار ادا کرنے کی صلاحیت رکھتی ہیں۔ یہی وجہ ہے کہ مائننگ کمپنی میں خواتین کی خدمات حاصل کرنے کا فیصلہ کیا گیا۔ انھوں نے مزید کہا کہ اس فیصلے سے قبل کئی حلقوں کی جانب سے اس سلسلے میں مخالفت بھی سامنے آئی۔ 'یہ سوال اٹھایا گیا کہ مردوں کی بڑی تعداد بےروزگار ہے ایسے میں خواتین کو ڈمپر ڈرائیونگ جیسے شعبے میں مردوں پر ترجیح کیوں دی جا رہی ہے؟' ڈمپر ڈرائیور بننے کی ایک اور خواہشمند خاتون نے بتایا: 'میں لوگوں کو یہ بتانا چاہتی ہوں کہ تھر کی عورت مضبوط ہے اس لیے میں نے ڈمپر چلانے کی نوکری کے لیے درخواست دی۔میں اور میرے گھر والے خوش ہیں کہ اب میں ڈمپر چلاؤں گی اور گھر والوں کے لیے کمائی کا وسیلہ بنوں گی۔

اور ہمارے گھر کی غربت کم ہو گی'میرے لئے گھر میں حالات موافق ہیں ڈمپر ڈرائیونگ کی پروگرام انچارج جہاں آرا نے بتایا کہ اِس مقصد کے لیے پورے تھر میں چار مختلف مقامات پر کیمپ لگائے گئے ہیں جن میں رجسٹریشن کے لیے آنے والی خواتین کی تعداد ان گنت تھی۔ انھی میں سے 90 خواتین کے ٹیسٹ اور انٹرویوز لینے کے بعد 30 خواتین کا انتخاب کیا گیا ہے۔ جہاں آرا کے مطابق: 'رجسٹریشن کے لیے آنے والی خواتین میں 60 سال تک کی خواتین بھی شامل تھیں تاہم وہ معمر ہونے کی وجہ سے وہ اہل نہیں تھیں۔ ایسی خواتین اپنے ساتھ اپنی بہو بیٹیوں کو بھی لائیں، کہ چلو ہم اپنی بہوؤں کے بچے سنبھال لیں گی لیکن اِن کے کام کرنے سے ہمارے گھر کے تمام افراد خوش ہوں گے۔'جہاں آرا نے مزید بتایا کہ اس وقت سارے تھرپارکر میں صرف ایک ایسی خاتون ہیں جنہیں کار چلانا آتی ہے-مائننگ کمپنی کے سربراہ شمس الدین کا کہنا ہے کہ ڈمپر ڈرائیونگ کے لیے منتخب ہونے والی خواتین کو باقاعدہ اس کام پر لگانے سے پہلے انھیں ایک سال کی ٹریننگ دی جائے گی۔یہ وہ خواتین ہیں جو ڈرائیونگ سے نا آشنا ہیں۔

زندگی میں کبھی گاڑی کی سیٹ پر نہیں بیٹھیں، ڈمپر ٹرک عام ٹرک کے مقابلے میں سائز میں دگنے اور وزن میں بھاری ہوتے ہیں صوبہ سندھ کے ضلع تھرپارکر کے مرکزی قصبے مٹھی کی رہائشی 25 سالہ چمپا پیلے رنگ کے ایک ڈمپر کے سامنے کھڑی ہیں۔ وہ ان 30 امیدواروں میں شامل ہیں جن کا انتخاب کوئلے کی کانوں میں کھدائی کرنے کے بعد مٹی سے بھرے ڈمپر لے جانے کے لیے کیا گیا ہےرانی کے ساتھ 30 دیگر خواتین ڈمپر ڈرائیورز بھی شامل ہیں۔ ایک سال کی تربیت کے بعد یہ خواتین اگلے مہینے سے باقاعدہ اپنے کام کا آغاز کریں گی۔رانی نے بی بی سی کو بتایا کہ جب کبھی کسی پسماندہ علاقے سے خواتین اپنے مالی مسائل کے حل کے لیے گھر سے باہر قدم رکھتی ہیں تو انھیں بعض اوقات اپنے ہی گھر والوں کی طرف سے مخالفت کا سامنا کرنا پڑتا ہے۔ خواتین کو بطور ڈمپر ڈرائیورز منتخب کرنے والی اینگرو کول مائننگ کمپنی کے سربراہ شمس الدین شیخ کہتے ہیں کہ تھر کی خواتین محنت کش ہیں اور علاقے سے غربت دور کرنے کے لیے معاشرتی اور معاشی ترقی میں اہم کردار ادا کرنے کی صلاحیت رکھتی ہیں۔ یہی وجہ ہے کہ مائننگ کمپنی میں خواتین کی خدمات حاصل کرنے کا فیصلہ کیا گیا۔ پاکستان میں پروفیشنل خواتین ڈرائیور بہت کم دیکھنے کو ملتی ہیں۔ ایسے میں تھرپارکر جیسے پسماندہ اور دوردراز علاقے میں خواتین کو ڈمپر جیسی بھاری بھرکم گاڑی چلانا اپنی جگہ غیرمعمولی بات ہے۔

دو محرم الحرام-آمد سرزمینِ کربلا

  

دو محرم الحرام-آمد  سرزمینِ کربلا امام عا لی  مقا م  حج موقو ف کر کے  مکہ مکرمہ سے عراق میں داخلے کے بعد جب  قافلے سمیت بطن عقبہ سے آگے شراف کی منزل پر پہنچے تو نوجوانوں کو پانی لینے کا حکم دیا اور آدھے دن تک چلتے رہے آپ کے اصحاب کو دور کوئی چیز نظر آئی تو انہوں نے تکبیر کہی انہیں لگا کھجور کے درخت ہیں وہ بہت خوش ہوئے امام علیہ السلام نے غور کرنے کا کہا تو انہوں نے کہا خدا کی قسم گھوڑوں کی گردنیں ہیں. لشکر کے آنے کا شُبہ ہوا تو آپ نے قافلے کا رُخ "ذوحم" نامی پہاڑ کی طرف کرنے کا حکم دیا تاکہ جنگ یا دفاع کی صورت آسانی ہو. السیدِ الشہدا مولا امام حسین علیہ السلام کا کربلا میں ورود بروز جمعرات 2 محرم الحرام 61 ہجری کو ہوا۔کاروانِ حسینی علیہ السلام غیر معروف راستہ سے کربلا آرہا تھا کہ عذیب الہجانات کے مقام پر حُر کو ابن زیاد ملعون کا خط پہنچا جس میں اس نے حُر کو ملامت کیا کہ تو امام حسین علیہ السلام سے کیوں نرمی کر رہا ہے ان پر سختی کیوں نہیں کرتا۔

اسکے بعد حُر نے سختی شروع کر دی۔کبھی کارواں کو روک دیتا اور کبھی کبھی چلنے کی اجازت دے دیتا۔یوں یہ کارواں بےآب و گیاہ بیابان میں پہنچ گیا حر نے کارواں اس وادی میں روک لیا۔جب خامسِ آلِ عبا علیہ السلام کا گھوڑا اس وادی میں پہنچا تو قدم آگے نہ بڑھایا، اگرچہ امام حسین علیہ السلام نے گھوڑے کو آگے چلنے کیلٸے ہانکا لیکن گھوڑا ایک قدم بھی نہ بڑھا۔ امام علیہ السلام نے گھوڑا تبدیل کیا تو وہ بھی آگے نہ بڑھا۔حتی کہ امام علیہ السلام نے 6 گھوڑے تبدیل کیے کسی نے بھی قدم آگے نہ بڑھاٸے۔مام علیہ السلام نے اصحاب سے پوچھا یہ کونسی سی زمین ہے؟عرض کیا: اسے کربلا کہتے ہیں۔اس وقت امام حسین علیہ السلام نے فرمایا:اللہ تعالی کی قسم کرب و بلا والی یہی زمین ہے جہاں دکھ اور مصیبتیں ہونگی۔اللہ تعالی کی قسم! ہمارے جوان یہی مارے جاٸینگے۔aللہ تعالی کی قسم! ہماری عورتيں یہی بیوہ ہونگی۔اللہ تعالی کی قسم! ہمارے چھوٹے چھوٹے بچوں کو یہیں ذبح کیا جاٸیگا۔اللہ تعالی کی قسم! ہماری حرمت اور تعظیم کا پردہ یہیں اترے گا۔پس میرے جواں مردو!اور شرفا کے وارثو! یہاں اتر آٶ کیونکہ یہی ہماری قبروں کا مقام ہے۔پھر امام حسین علیہ السلام گھوڑے سے اترے، جوں ہی امام علیہ السلام کے قدم اس زمینِ کربلا پر پڑے تو خاکِ کربلا کا رنگ زرد پڑ گیا اور کچھ غبار اڑا جو امام حسین علیہ السلام کے چہرہ مبارک پر اور بالوں میں بیٹھ گیا۔

شہیدِ کربلا امام حسین علیہ السلام نے زمینِ کربلا کو 60 ہزار درہم میں اہلِ نینوی اور غاضریہ سے خریدا جو 4 میل مربع (ساڑھے 6 کلومیٹر) پر محیط تھی۔اس وحشت ناک وادی میں جناب سیدہ زینب علیہ السلام امام حسین علیہ السلام کی خدمت میں آٸیں اور عرض کیایہ وادی بہت وحشت ناک، دردناک اور ہولناک ہے جس وقت سے ہم یہاں اُترے ہیں میرے دل پر وحشت کا بوجھ زیادہ ہوتا جا رہا ہے۔امام علیہ السلام نے فرمایا.بہن!بابا کے زمانے میں بابا ، میں اور بھا                  ٸی حسن علیہ السلام جب صفین جا رہے تھے اور ایسی زمین سے عبور ہوا تو ہم یہاں اُترے اور آرام کیا۔بابا کچھ دیر سو  ٸے۔اچانک نیند سے جاگے اور گریہ کرنے لگے۔جب وجہ پوچھی تو بابا نے فرمایا,میں نے خواب دیکھا کہ اس وادی میں خون کا دریا ہے اور میرا بیٹا حسین علیہ السلام اس خونی دریا میں غوطے کھا رہا ہے اور استغاثہ کر رہا اور کوٸی اس کی مدد کو نہیں آرہا۔پھر بابا میری طرف دیکھا اور فرمایا,-اس ہولناک واقعے کے وقت تمہاری حالت کیا ہو گی اور کیا کرو گے؟میں نے عرض کیا:میں صبر کرونگا اور اللہ تعالی کی رضا پر راضی رہونگا۔ 

حضرت عبّاس علمدار اور حضرت علی اکبر کو خیام نصب کرنے کی ہدائت کی اور خود امام حسین علیہ السلام ایک طرف بیٹھ گۓ۔آپ علیہ السلام نے اپنے پروردگار سے مناجات کرتے ہو ۓ زمانے کی بےوفاٸ کا شکوہ یوں کیا:اے زمانے! تجھ پر تف ہے کہ تو بُرا دوست ہے، صبح اور شام میں حق کے طالبوں اور اپنے دوستوں کو قتل کر دیا ہے۔ پس تمام امور اللہ تعالی کے حوالے ہیں اور ہر زندہ اسکی طرف جانے والا ہے۔جب جناب زینب علیہ السلام نے یہ سُنا تو بھاٸی سے عرض کیا,بھاٸ ایسی باتیں تو وہ کرتا ہے جسے اپنے قتل کا یقین ہو جاۓ۔امام حسین علیہ السلام نے فرمایا,ہاں بہن! مجھے یقین ہے۔جناب زینب علیہ السلام نے عرض کیا,یہ کتنی بڑی مصیبت ہے کہ حسین علیہ السلام اپنی موت کی خبر مجھے دے رہے ہیں۔ بی بی کا یہ بیان سُنتے ہی خیام   میں گِریہ شروع ہوگیا-امام علیہ السلام نے فرمایا,یہ خیال کرنا کہ میرے دنیا سے جانے کے بعد گریباں چاک نہ کرنا اور ایسی کوٸ بات نہ کرنا جو اللہ تعالی کی ناراضگی کا باعث ہو-امام حسین علیہ السلام نے اپنے اصحاب کے سامنے ایک فصیح و بلیغ خطبہ دیا اور خطبہ کے بعد فرمایا

دنیا اس سے پہلے ایسی نہ تھی  ہم آخرت کو   باقی جانتے ہیں، لہذا ہم نے دنیا سے آنکھیں بند کر کے آخرت کو اختيار کر لیا ہے۔ورودِ کربلا کے بعد ابن زیاد ملعون نے امام حسین علیہ السلام کے نام خط لکھا.اے حسین علیہ السلام! ، مجھے یزید کا حکم ہے کہ میں اس وقت تک نرم بستر پر نہ سوٶں اور گندم کی روٹی نہ کھاٶں جب تک تمہیں قتل نہ کر لوں یا پھر تم یزید کی بیعت کر لو۔والسلام!قاصد نے جب جواب کا مطالبہ کیا تو امام حسین علیہ السلام نے فرمایا:اس قسم کا خط جواب کے قابل نہیں البتہ لکھنے والا عذاب خدا کا مستحق ہے۔قاصد نے ابن زیاد ملعون کو تمام حال سنایا۔ابن زیاد کو بہت غصہ آیا اور فوری طورپر عمر بن سعد سے کہا,کہ تمہیں لشکر دیا ہے جاٶ اور امام حسین علیہ السلام سے جنگ کرو۔کچھ دیر میں حُر بن یزید تمیمی ایک ھزار کے لشکر کے ساتھ آپہنچا. سخت گرمی کی وجہ سے اس کی اور لشکر اور جانوروں کی پیاس سے حالت بہت خَراب تھی.امام علیہ السلام نے جانوروں سمیت لشکر سیراب کرنے کا حُکم دیا پھر آپ نے خطبہ ارشاد فرمایا جس میں کوفیوں کو ان کے عہد و پیمان اور بھیجے گئے خطوط کے بارے میں پوچھا. امام علیہ السلام کے سوالوں پر سب خاموش رہے.

امام حسین علیہ السلام 2 محرم 61 ہجری قمری کو کربلا پہنچے اور کچھ دیر توقف کے بعد اپنے اصحاب اور اہل بیت کے سامنے یہ خطبہ ارشاد فرمایا:"اما بعد قد نزل بنا ما ترون من الأمر ، وإنّ الدنيا قد تغيّرت وتنكّرت ، وأدبر معروفها ، واستمرّت حتّى لم يبقَ منها إلاّ صبابة كصبابة الإناء ، وخسيس عيش كالمرعى الوبيل ، ألا ترون أنّ الحقّ لا يُعمل به ، وأنّ الباطل لا يُتناهى عنه ، ليرغب المؤمن في لقاء الله ، وإنّي لا أرى الموت إلاّ سعادة ، والحياة مع الظالمين إلاّ بَرَما الناسُ عبیدُ الدنیا و الدین لعق علی السنتهم یحوطونه مادرَّت معایشُهم فاذا مُحَّصوا بالبلاء قَلَّ الدَیّانون"امابعد، معاملات نے ہمارے ساتھ جو صورت اختیار کر لی ہے ، وہ آپ کے سامنے ہے۔ یقیناً دنیا نے رنگ بدل لیا ہے اور بہت بری شکل اختیار کر گئی ہے۔ اس کی بھلائیوں نے منھ پھیر لیا ہے اور نیکیاں ختم ہوگئی ہیں اور اب اس میں اتنی ہی اچھائیاں باقی رہ گئی ہیں جتنی کسی برتن کی تہہ میں باقی رہ جانے والا پانی۔ اب زندگی ایسی ہی ذلت آمیز اور پست ہوگئی ہے جیسا کہ کوئی سنگلاخ اور چٹیل میدان۔ آپ دیکھ رہے ہیں کہ حق پر عمل نہیں ہو رہا، اور کوئی باطل سے روکنے والا نہیں ہے۔ ان حالات میں مرد مومن کو چاہیے کہ وہ خدا سے ملنے کی آرزو کرے۔ میں جانبازی اور شجاعت کی موت کو ایک سعادت سمجھتا ہوں اور ظالموں کے ساتھ زندگی گزارنا میرے نزدیک ذلت اور حقارت ہے۔ لوگ دنیا کے غلام ہیں اور دین صرف ان کی زبانوں پر رہتا ہے ۔ یہ بس اس وقت تک دین کے حامی ہیں جب تک ان کی زندگی آرام اور آسائش سے گزرے، اور جب امتحان میں ڈالے جائیں تو دیندار بہت کم رہ جاتے ہیں۔"اور آپ کو کوفہ ابن زیاد لعین کے پاس لیجانے کو بضد رہے اسی بیچ ظہر و عصر کی نمازوں کے اوقات آئے.امام علیہ السلام نے حُر کو اپنے لشکر کو نماز پڑھانے کا کہا پر اس نے آپ کے پیچھے نماز پڑھنے کا اسِرار کیا امام علیہ السلام آگے بڑھے اور دونوں لشکروں کو نماز پڑھائی.

پھر آپ ان کی طرف متوجہ ہوئے اور خطبے کے ذریعے ان کے دلوں کو جنجھوڑا ان کو انہی کے بھیجے خطوط دکھائے حُر نے ان خطوط سے لاتعلقی دکھائی اور اپنی پچھلی بات یعنی ابن زیاد لعین کے حُکم کو دہرایا.امام علیہ السلام نے سخت لہجہ میں قافلے کو سوار ہو کر روانہ ہونے کا حکم دیا جس پر حُر نے اُن کا راستہ روکنے کی کوشش کی,آپ نے اسے کہا تیری ماں تیرے ماتم میں روئے جس پر حُر نے شرمندہ ہو کر کہا میں آپ کو ایسا کچھ نہیں بول سکتا. آپ نے پھر اس کا ارادہ پوچھا اور اس نے دیئے گئے حکم کو دوھرایا. یہ سلسلہ پورا دن جاری رہا حُر امام علیہ السلام سے جنگ نہیں چاہتا تھا اس لیے آپ کو مدینہ اور کوفہ کے علاوہ کسی تیسری جگہ جانے کو کہا.امام علیہ السلام قادسیہ اور عذیب سے بائیں طرف چلے, حُر کا لشکر ساتھ ساتھ چلتا رہا کہ انہوں نے کوفہ کی طرف سے چار سواروں کو اونٹوں پر آتے دیکھا وہ امام علیہ السلام سے آکر ملے اور انہیں کوفہ اور وہاں جمع ہونے والے لشکر کے حالات اور حضرت مسلم بن عقیل علیہ السلام اور ان کے انصار کے حالات سے آگاہ کیا.-قافلہ     قصر بنی مقاتل پہنچا امام علیہ السلام وہاں کچھ دیر رُکے رات کے پچھلے پہر امام علیہ السلام نے پانی لینے کا حکم دیا اور وہاں سے روانہ ہوئے صبح کے وقت اترے نماز ادا کی اور پھر سوار ہوئے آپ بائیں طرف جانا چاہتے تھے حُر نے راستہ روکا وہ امام علیہ السلام کو کوفہ لیجانا چاہتا تھا   

معجزاتی کُرتا -حضرت امام حسین علیہ السّلام

 

 

شروعات محرّم-روائت ہے کہ امام حسین علیہ السّلام نے روز عاشورہ جو کرتا زیب تن کیا ہوا تھا یہی کرتا حضرت جبرئیل امیں نے حضرت ابراہیم علیہ السّلام کو اس وقت پہنایا تھا جب نمرود نے آپ علیہ السّلام کو آگ میں پھینکنے کے لئے منجنیق میں ڈالا تھا حضرت ابراہیم علیہ السّلام اس وقت منجنیق کے گو پھن میں گھوم رہے تھے-اور اسی کرتے کے اعجاز سے آگ گل و گلزار ہو گئ تھی-پھر دوسری مرتبہ یہی کرتا حضرت یوسف علیہ السّلام کوحضرت جبرئیل امیں نے  اس وقت پہنایا تھا جب حضرت یوسف علیہ السّلام کو ان کے بھائیوں نے  کنوئیں میں پھینکا تھا-شہادت اما م حسین علیہ السّلام کے بعد یہ کرتا حضرت جبرئیل امیں عرش بریں پر لے کر چلے گئے اب یہ کرتامحرم کی چاند رات کو فرشتے بحکم پروردگار آسمان کے افقی کنارے پر آویزاں کر دیتے ہیں اورتمام کائنا ت غم حسین میں سوگوار ہو جاتی ہے

محرم کا مہینہ ہمارے سال کا اآغاز بھی ہے اور حزن و ملال کی ابتداء بھی ۔یہ مہینہ اپنے اندر جہاں‌بے تحاشہ غم و اندہ رکھتا ہے وہیں اس مہینہ میں ہزار ہا سبق بھی پوشیدہ ہیں ۔ اللہ اور اسکے نبی کی محبت کا جاوداں سبق بھی ہے اور اٰلِ رسول کی مظلومیت اور اُن پر کئے جانے والے ظلم کی انتہاء بھی ہے ہادئ دوجہاں حضرت محمّد مصطفٰے صلّی اللہ علیہ واٰلہ وسلّم کے بے حد چہیتے نواسے حضرت امام حسین علیہالسّلام نے کربلا آباد کرنے کے لئے مدینے کےچالیس گھروں کے دو سو افراد پر مشتمل بنوہاشم قبیلے کو ساتھ لیا جس میں سب سے ننّھے مسا فرعلی اصغر صرف سولہ دن کے تھےاس جنگ کا عروج 10 محرم الحرام 61ھ کو ہوا جب حق اور باطل ایک دوسرے کے آمنے سامنے آکر یوں جدا ہوئے جیسے دن اور رات کا فرق عیاں ہے۔ یہاں فتح و شکست کے معنیٰ بھی بدل گئے۔ ایسا عجب معرکہ ہوا کہ ہر قسم کا اسلحہ اپنی بھرپور قوت دکھا کر بھی شکستہ رہا اور بہتا ہوا لہو شمشیر پر غالب آگیا۔

یہ ایسی جنگ تھی جس کے بظاہر فاتحین اپنے مفتوحین کے سروں سے سجے پرچم اٹھا کر اپنی فتح کا اعلان کرنے چلے لیکن انہی مقدس سروں سے متعلق کچھ بے ردا عفت مآب ہستیوں نے فتح کا اصل معنیٰ سارے جہان کو کچھ اس انداز میں سمجھانا شروع کیا کہ دیگر مخلوقات کی مانند اب انسان بھی حقیقت سے آشنا ہوتا گیا۔ اور جس کو کربلا سمجھ میں آئ اس کی قسمت یاور رہی، وہ حسین علیہ السّلام  کا عزادار بنتا گیا، اسکی زندگی میں آنے والے تمام سال آغاز سے انجام تک غمِ حسینؑ کے سمندر سے متصل ہوتے گئےنام حسین علیہ السّلام  تو ھر دور میں حق و نجات کا ،نور اور اسلام کے پیامبر کا نام ھے ۔ حسین اور حسین علیہ اسلام کی حقانیت کی اس سے بڑي دلیل کیا ھوگی کہ صاحب تاج ومعراج ، وبراق ،شافع روز محشر نے فرمایا کہ اگر حسین نہ ھوتا تو میرا نسب نہ ھوتا اور اگر میں نہ ھوتا تو حسین کا نسب نہ ھوتا ، حسین مجھہ سے اور میں حسین سے ھوں۔امام حسین علیہ السلام نے زندگی و حیات، موت و شہادت، دنیا و آخرت، عزت و شرافت، ذلت و عظمت، آزادی و اسیری، شکست و فتح، طاقت و قدرت، سعادت و سیادت اور حق و باطل کے مفاہیم کو حقیقی معانی عطا کئے اور اپنے عمل و کردار سے ان کو تاریخ میں ہمیشہ کیلئے ثبت کر دیا۔

 تاریخ میں انسانیت کی ناکامی کی ایک بڑی وجہ مذکورہ مفاہیم کو سطحی اور بعض اوقات برعکس سمجھنا ہے۔زندگی و حیات کیا ہے؟، امام حسین علیہ السلام نے سخت ترین حالات میں بھی یہ کہ کر سوئے ہوئے ضمیروں کو جگانے کی کوشش کی ہے اور کہا ہے کہ ظلم اور ظالموں کے ساتھ زندگی ننگ و عار ہے۔ یعنی زندگی کا حقیقی مفہوم عزت و شرافت کے ساتھ آزاد رہنا ہے۔ امام حسین علیہ السلام اس ظاہری زندگی کو موت سے تعبیر کرتے ہیں جو ظلم کی حمایت اور ظالموں کے خلاف قیام سے عاری ہو۔ امام حسین علیہ السلام عزت و منزلت کو ظاہری اقتدار اور دنیوی طاقت میں محدود نہیں سمجھتے بلکہ وہ تلوار پر خون کی کامیابی اور آزادی و حریت کو عزت و منزلت سمجھتے ہیں۔آپ کے ہاں شکست و فتح کا تصور بھی یکسر مختلف ہے۔ آپ انسانوں کے لشکروں اور فوجی ساز و سامان کے ذریعے دشمن کے بدن کو ختم کر ” امام حسین علیہ السلام نے سخت ترین حالات میں بھی یہ کہہ کر سوئے ہوئے ضمیروں کو جگانے کی کوشش کی ہے اور کہا ہے کہ ظلم اور ظالموں کے ساتھ زندگی ننگ و عار ہے۔ “ فتح حاصل کرنے کو کامیابی نہیں سمجھتے بلکہ آپ قلب و ذہن کو شکست دے کر اور ان میں موجود باطل نظریات کو ختم کر کے ضمیر اور وجدان کی بیداری کو فتح اور کامیابی سمجھتے ہیں۔آپ کے ہاں آزادی اور اسیری کا مطلب انسانی بدن کی آزادی یا اسکا قید و بند میں ہونا نہیں ہے بلکہ آپ قلب و نظر کی آزادی اور حریت فکر کو حقیقی آزادی قرار دیتے ہیں جبکہ ظاہری طور پر آزاد ہونے کے باوجود فکری اور نظریاتی طور پر خودمختار نہ ہونے کو آزادی نہیں بلکہ اسیری سے تعبیر کرتے ہیں۔ 

آپ نے کربلا کے میدان میں فتح و شکست اور عزت و شرافت کے جو معیار مقرر کئے ہیں اور اسکے جو حقیقی مظاہر سامنے لائے ہیں اس سے باآسانی اندازہ لگایا جا سکتا ہے کہ امام حسین علیہ السلام نے کربلا میں یزید اور یزیدیت کو ایسی شکست فاش دی کہ سینکڑوں سال گزرنے کے باوجود آج بھی کوئی اس ظاہری فاتح لشکر کے ساتھ شامل ہونے کو تیار نہیں جبکہ دوسری جانب آج بھی ہر باضمیر انسان “یا لیتنا کنا معکم فنفوز فوزاً عظیماً” کا نعرہ بلند کر رہا ہے اور اس ظاہری شکست خوردہ لشکر میں شامل ہو کر عظیم کامیابی پر فائز ہونے کیلئے بے چین ہے۔کربلا کے لق و دق صحرا میں حسینی لشکر کے تمام افراد کی شہادت اور اہل خانہ کی اسیری آج بھی کیوں نمونہ عمل بنی ہوئی ہے؟، اس سانحے میں ایسے کونسے عوامل تھے جو اسے ہر آنے والے زمانے میں روشن سے روشن تر کر رہے ہیں؟۔تاریخ میں ایسی ہزاروں بلکہ لاکھوں جنگیں ہوں گی جس میں ہزاروں نہیں بلکہ لاکھوں افراد لقمہ اجل بن گئے جبکہ کربلا میں صرف 72 افراد کی شہادت ہوئی۔ ان 72 افراد کی شہادت میں ایسا کونسا عامل پوشیدہ ہے کہ تاریخ کا ہر باضمیر انسان ان افراد کے ساتھ شامل ہونے کو اپنے لئے باعث فضیلت سمجھتا ہے اور ببانگ دہل یہ کہتا نظر آتا ہے:

 

انسان کو بیدار تو ہو لینے دو ہر قوم پکارے گی ہمارے ہیں حسین ۔

 

ہائے حسین علیہ السّلام

 

 

 

اظہار غم ایک فطری عمل ہے اسی طرح اظہار مسرت بھی عین فطرت ہے۔ اسلام چونکہ دین فطرت ہے اس لیے قرآن قریم میں متعددجگہ گریہ کے متعلق ذکر ہے  اور اس کا درجہ بلند بتایا گیا ہے۔اسی طرح رسول اکرم ﷺ انسان کامل تھے ان کی سیرت ہمارے لیے شمع ہدایت ہے اور طریق زندگی سنت۔آنحضرت نے بھی گریہ فرمایا ہے صرف یہی نہیں بلکہ دوسرے انبیا ء علیہم السلام جسیے حضرت آدم علیہ السلام ہابیل کی شہادت پر بہت روتے تھے اور اپنی اولاد کو وصیت فرماگئے تھے یہی معلول جاری رکھیں۔حضرت نوح علیہ السلام اس لیے روتے تھے کہ آپ نے اپنی قوم کے لیے بددعا کی تھی جس کی وجہ سے وہ ہلاک ہو گئی تھی، زیادہ نوحہ کرنے کے سبب آپکا لقب نوح ہو گیا۔یعنی زیادہ نوحہ کرنے والا، حضرت ابراہیم کے لیے قرآن کریم میں ارشاد ہے کہ وہ بہت حلیم اور آہ کرنے والے تھے۔ـ حضرت یعقوب  کا اپنے بیٹے کی جدائی پر گریہ کرنا:حضرت یوسف علیہ السّلام  کا پورا قصہ ایک غمگین داستان کی صورت میں اول سے آخر تک بیان ہو ہے۔ جب حسد کی آگ حضرت یوسف علیہ السّلام کے بھائیوں کے دلوں میں جل رہی تھی تو اپنے بھائی کو کنویں میں پھینک دیا اور پھٹی ہوئی قمیص کر خون لگا کر لے آئے۔ اس واقعے پر حضرت یعقوب علیہ السّلام کا متاثر ہو کر بیٹے کی جدائی پر صبح و شام گریہ کرنا حتی کہ خداوند حضرت یعقوب کی زبان سے ایسے بیان کر رہے ہیں:َقَالَ يَأَسَفَي عَلَي يُوسُفَ وَابْيَضَّتْ عَيْنَاهُ مِنَ الْحُزْنِ فَهُوَ كَظِيمٌ يوسف(6): 84کہا کہ ہائے افسوس بر یوسف اور حزن و غم کی وجہ سے انکی آنکھیں سفید ہو گئی وہ بہت صبر کرنے والے تھے۔

حضرت یعقوب علیہ السّلام   بیٹے کے غم میں حالانکہ وہ جانتے تھے کہ وہ زندہ ہے لیکن پھر بھی جدائی کی وجہ سے ان کی روح اذیت و غم میں تھی۔ اپنی روح کی تسکین کے لیے خداوند کی پناہ تلاش کرتے ہوئے کہتے ہیںقَالَ إِنَّمَآ أَشْكُواْ بَثِّي وَحُزْنِي إِلَي اللَّهِ وَأَعْلَمُ مِنَ اللَّهِ مَا لَاتَعْلَمُونَ.يوسفعلیہ السّلام  : 86.اپنی شکایت اور غم کو خداوند کی بار گاہ میں عرض کرتا ہوں اور جو کچھ خدا وند کی طرف سے جانتا ہوں تم لوگ نہیں جانت-اس دلیل قرآنی سے خداوند کے اولیاء پر گریہ و زاری اور ظالموں کی شکایت خداوند کی بارگاہ میں کرنا ثابت ہوتا ہے۔ اس کے علاوہ سیرت انبیاء کہ جو بعنوان دلیل محکم و قرآنی ہے، سے اصل عزاداری کا جائز و شرعی ہونا بھی ثابت ہو جاتا ہے۔ گريه حضرت يوسف علیہ السّلام- ابن عبّاس راوی ہیں  کہ:عند ما خل السجن، يبكي حتّي تبكي معه جدر البيوت وسقفها والأبواب.حضرت يوسف السّلام علیہ جب زندان میں تھے اور گریہ کرتے تھے تو زندان کے در و دیواربھی ان کے ساتھ گریہ کرتے تھے۔تفسير قرطبي، ج 9،

مام صادق عليه السلام سے نقل نقل ہوا ہے کہ :البكّائون خمسه، آدم، و يعقوب و... و أمّا يوسف فبكي علي يعقوب حتّي تأذّي به أهل السجن، وقالوا: إمّا أن تبكي نهاراً وتسكت الليل، وإمّا أن تبكي الليل وتسكت النهار، فصالحهم علي واحد منهما. واقعہ عاشورا کے شہداء کا غم منانا اور ان پر عزاداری کرنا، سنہ 61 ہجری کے اس واقعے کےفورا بعد آغاز ہوا جو ابھی تک جاری و ساری ہے-معصومینؑ کے دور میں عزاداری -واقعۂ عاشورا کے بعد امام علیہ السّلام  پر گریہ و زاری کرنے والی ہستیوں میں سب سے پہلے آپؑ کے فرزند امام زین العابدینؑ، آپؑ کی بہن زینب بنت علیؑ اور ام کلثوم تھیں۔ مقاتل کی کتابوں میں نقل ہوئی ہے کہ حضرت زینبؑ جب اسیری کے وقت اپنے بھائی کی لاش کے قریب سے گزری تو بھائی کی لاش پر ان الفاظ میں نوحہ کیا جس نے دوست اور دشمن سب کو رلا کر رکھ دیا:اے میرے نانا  صلیّ اللہ علیہ واٰ لہ وسلّم!  پر آسمان کے فرشتے سلام بھیجتے ہیں یہ صحرا کی گرم ریت پر پڑا ہوا لاشہ تیرے حسینؑ کا ہے۔ اے نانا تیری بیٹیاں اسیر ہو کر شام جارہی ہیں اور ان کے چہروں پر مصیبت کے گرد و غبار آن پڑا ہے۔ان کے علاوہ آپ  علیہ السّلام  کی بیٹیاں اور زوجۂ مکرمہ رباب بنت امرؤ القیس وغیرہ نے کربلا میں شہداء کے لاشوں پر  اور بعدازاں کوفہ  اور پھر شام  میں عزاداری او مرثیہ سرائی کا اہتمام کیا۔ یہاں تک کہ جب اسیران کربلا کا قافلہ شام میں وارد ہوا اور امام سجادؑ اور حضرت زینب(س) کے خطبوں سے جب لوگوں پر حقیقت عیاں ہوئی اور یزید اور اس کے کارندوں کے ظلم و ستم کا پتہ چلا -جب اسیران کربلا کا قافلہ شام سے لوٹ کر مدینہ پہنچے تو امام سجاد علیہ السّلام کے حکم پر بشیر بن جذلم نے اشعار کے ذریعے اہل مدینہ کو اہل بیتؑ کی آمد کی خبر دی تو اہل مدینہ نے اہل بیت کی مصیبت میں گریہ و زاری   کی۔ اسی طرح مدینے میں موجود اہل بیت کی خواتین نے عزاداری برپا کر کے مدینے میں سوگ منائیں جن میں زینب بنت عقیل ، ام البنین  اور رباب‌ شامل ہیں ۔

امام باقر علیہ السّلام اور امام صاد ق علیہ السّلام کے دور امامت میں کمیت اسدی  اور امام رضاکے دور امامت میں دعبل خزاعی نامور شیعہ مرثیہ گو شعراء میں سے تھے جنہوں نے امام حسین علیہ السّلام کی شان میں مرثیہ خوانی کی ہے -ریان بن شبیب کہتے ہیں: میں پہلی محرم کو امام رضا کی خدمت میں حاضر ہوا۔  فرمایا: اے ابن شبیب! بیشک محرم وہ مہینہ ہے کہ دور جاہلیت کے لوگ بھی اس مہینہ کے احترام میں قتل و غارت کو حرام جانتے تھے، لیکن اس امت نے نہ اس مہینہ کا احترام کیا اور نہ اپنے نبی صلیّ اللہ علیہ واٰ لہ وسلّم  کی حرمت کا خیال رکھا۔ انہوں نے اس مہینے میں پیغمبر اکرم  کی اولاد کو قتل کیا اور ان کی خواتین کو اسیر بنایا اور ان کے مال کو لوٹا۔ خدا کبھی بھی ان کے اس گناہ کو نہیں بخشے گااے ابن شبیب: اگر کسی چیز کے لئے گریہ کرنا چاہو، تو حسین ابن علی ابن ابی طالب علیہ السّلام کے لئے گریہ کرو کہ انہیں اس طرح ذبح کیا گیا جیسے بھیڑ کو کیا جاتا ہے اور اں کے اہل بیت میں سے اٹھارہ افراد کو شہید کیا گیا، جن کی روئے زمیں پر کوئی مثال نہیں تھی۔ ان کے قتل پر ساتوں زمین و آسماں نے گریہ کیا. امام  علیہ السّلام کی نصرت کے لئے چار ہزار فرشتے زمین پر اترے انہوں نے امام کو مقتول پایا۔ اس وقت سے یہ فرشتے آپ علیہ السّلام  کی قبر پر پریشان اور خاک آلود ہیں اور قائم آل محمد (عج) کے ظہور تک اسی حالت میں ہوں گے ظہور کے وقت یہ ان کے انصار میں سے ہوں گے اور ان کا نعرہ ہوگا’’یالثارات الحسین‘‘

اے ابن شبیب ! میرے بابا نے اپنے بابا امام موسی کاظم علیہ السّلام سے اور انہوں نے اپنے جد امجد امام محمد باقر علیہ السّلام سے سنا ہے کہ: میرے جد امام حسین علیہ السّلام  کے قتل پر آسمان سے خون اور سرخ مٹی کی بارش ہوئی۔اے ابن شبیب! اگر تم حسین علیہ السّلام  پر اتنا گریہ و زاری کرو یہاں تک کہ تمہارے اشک رخسار تک پہنچ جائیں تو خداوند متعال تمہارے تمام گناہوں کو بخش دے گا چاہے وہ چھوٹے ہوں یا بڑے، کم ہوں یا زیادہ۔اے ابن شبیب ! اگر تم چاہتے ہو کہ خدا سے اس عالم میں ملاقات کرو کہ تمہارے ذمہ کوئی گناہ نہ رہے تو حسین علیہ السّلام   کی زیارت کرو۔اے ابن شبیب ! اگر چاہتے ہو کہ جنت میں پیغمبر اکرم صلی اللہ علیہ واٰ لہ وسلّم  کے ساتھ بنے ہوئے حجروں میں رہو، تو حسین علیہ السّلام  کے قاتلوں پر لعنت بھیجو۔اے ابن شبیب! اگر چاہتے ہو ےتمہیں امام حسین علیہ السّلام   کے ہمراہ شہید ہونے والے اصحاب کا ثواب ملے تو جب بھی حسین علیہ السّلام  کی یاد آئے، کہو ’’يا ليتني كنت معهم فافوز فوزا عظيما‘‘ (کاش! میں ان کے ساتھ ہوتا اور عظیم درجہ شہادت پر فائز ہوتا۔اے ابن شبیب! اگر ہمارے ساتھ جنت کے بلند درجوں میں رہنا چاہتے ہو، تو ہمارے غم میں مغموم ہونا اور ہماری خوشی میں شاد و خوشحال۔ اور تم پر ہماری ولایت واجب ہے کیونکہ اگر کوئی شخص پتھر سے بھی محبت اختیار کرے گا ، اللہ اسے اسی پتھر کے ساتھ روز قیامت محشور کرے گا

عرق گلاب کے فوائد

 عرق گلاب کے فوائد

گلاب  کا پھول  یہ انتہائی خوبصورت، خوشبودار پھول ہوتا ہے۔  جلد کے لیے اس پھول کا عرق جادؤئی کام کرتا ہےعرق گلاب آپ کی جلد کے لیے بہت مفید ہوتا ہے۔ یہ جلد کی دیکھ بھال کا ایک لاجواب جزو بھی ہے جو جلد کی پرو اور سکون بخش خصوصیات کے لیے جانا جاتا ہے۔ قدیم زمانے سے، ہی عرق گلاب  ایک مقبول خوبصورتی والا جزو رہا ہے. ہمارے یہاں زیادہ تر خواتین کو صابن سے کپڑے اور برتن دھونے کی وجہ سے ہاتھوں کی خشکی کا سامنا کرنا پڑتا ہے، یہ خشکی کافی الجھن کا باعث بن سکتی ہے، اس لیے اس سے چھٹکارا پانا ضروری ہوتا ہے۔ہاتھوں کی خشکی کے لیے ایک لوش بنا لیں، لوشن بنانے کے لیے چار چمچ گلیسرین اور لیموں کا رس اور آٹھ چمچ عرق گلاب مکس کر لیں۔ اس مکسچر کو کسی بوتل میں محفوظ کر لیں۔ ہر بار برتن اور کپڑے دھونے کے بعد اس لوشن کو اپنے ہاتھوں پر لگا لیں۔ اس کے علاوہ نیل پالش کے مسلسل استعمال کی وجہ سے ناخنوں کا رنگ خراب ہو جاتا ہے، ناخنوں کی قدرتی رنگت وآپس لانے کے لیے عرق گلاب اور لیموں کے رس کو مکس کر کے ان پر لگائیں۔دن بھر کام کرنے یا کمپیوٹر سکرین پر بیٹھنے کی وجہ سے آنکھوں کی جلن اور سوزش کا سامنا کرنا پڑ سکتا ہے۔ آنکھوں کی سوزش اور جلن سے بچنے کے لیے رات کے وقت روئی کو عرق گلاب میں بھگو کر آنکھوں پر لگائیں۔ اس سے آپ کو آنکھوں کو فوری طور پر سکون ملے گا۔عرق گلاب  خوبصورتی کی مصنوعات میں بہت اہمیت، آرام دہ اور پرسکون خصوصیات کی وجہ سے شامل کیا جاتا ہے۔ اس میں جراثیم کش خصوصیات بھی موجود ہوتی ہیں اور جلد کو چمکدار بنانے کے لیے اکثر استعمال کیا جاتا ہے۔ 

عرق گلاب جلد کو ہائیڈریشن فراہم کرتا ہے جو کہ اس کے بہترین فوائد میں سے ایک ہے۔ آپ کی جلد فوری طور پر پر سکون، نرم اور تازہ محسوس کرے گی۔ آپ اسے براہ راست استعمال کر سکتے ہیں یا اسے اپنے چہرے کے ماسک، کریم یا لوشن کے ساتھ ملا کر اپنی جلد میں اضافی نمی ڈال سکتے ہیں۔رق گلاب  جلد کو صحت مند چمک دیتا ہے اور ہائیڈریشن میں مدد کرتا ہے۔ تازگی محسوس کرنے کے لیے، اپنی موئسچرائزنگ کریم میں تھوڑی مقدار میں گلاب کا پانی ملا کر اپنے چہرے پر لگائیں۔ موئسچرائزر آسانی سے جلد میں داخل ہو جائے گا، اسے اندر سے ہائیڈریٹ کر دے گا۔جلد کی ٹوننگ جلد کی دیکھ بھال میں ایک اہم قدم ہوتی ہے۔ ٹونر جلد سے تیل، گندگی اور مردہ جلد کے خلیات کو دور کرتا ہے۔ عرق گلاب  آپ کی جلد کے لیے بہترین ٹونر کا کام کرتا ہے۔ یہ سوراخوں کو کھولتا ہے اور پی ایچ لیول کو بھی متوازن کرتا ہے۔ یہ جلد پر تیل وائٹ ہیڈز، بلیک ہیڈز اور ایکنی کا باعث بنتا ہے۔ عرق گلاب ایسے مسائل کو کم کرنے میں مدد کرتا ہے۔ات کوعرق  گلاب کے پانی کا ایک چھینٹا جلد کو تازگی بخشتا ہے۔ رات کے وقت جلد قدرتی طور پر خود کو ٹھیک کرتی ہے۔عرق  گلاب  جلد کو تروتازہ کرنے میں مدد کرتا ہے۔ صبح کے وقت، آپ کی جلد ہمیشہ کی طرح خوبصورت اور چمکدار نظر آتی ہے۔ گلاب کی پنکھڑیوں میں بہت سے اینٹی آکسیڈنٹس موجود ہوتے ہیں۔ وہ جلد کے خلیوں کو نقصان سے بچانے میں مدد کرتے ہیں۔ ایک تحقیق کے مطابق یہ اینٹی آکسیڈنٹس لپڈز کے آکسیڈیشن کو روکتے ہیں جو خلیات کو نقصان سے بچاتے ہیں۔

جیسا کہ ہم جانتے ہیں  عرق  گلاب  جلد سے اضافی تیل اور گندگی کو دور کرتا ہے، اس سے مہاسوں کے امکانات کم ہوجاتے ہیں۔ جیسا کہ اس میں اینٹی بیکٹیریل خصوصیات ہیں، یہ پمپلز کو بننے سے روکتا ہے۔ اپنی جلد کی دیکھ بھال کے معمولات میں گلاب کے پانی کے اسپرے کو شامل کرنا آپ کو اس دنیا میں لے جائے گا جہاں پمپلز موجود نہیں ہیں۔۔خشک جلد سب سے بدترین جلد ہوتی ہے۔ یہ آپ کی جلد کو پھیکا اور بے جان بنادیتی ہے۔ اپنی کھوئی ہوئی چمک واپس لانے کے لیے خشک جلد کے لیے عرق گلاب کا استعمال کریں۔ آپ کو فوری فرق نظر آئے گا۔ اس میں ہائیڈریٹنگ خصوصیات موجود ہوتی ہیں جو اسے پیاسی جلد کے لیے بہت اچھا ثابت ہوتا ہے۔۔جلد کی جھریاں آپ کو مدد کے لیے پکار سکتی ہیں۔ لیکن ہمیں یہ نہیں بھولنا چاہیے کہ بڑھاپا سب سے فطری عمل ہے، ہم اس سے بچ نہیں سکتے، لیکن ہم عمر کو اچھے طریقے سے بڑھانے کی کوشش کر سکتے ہیں۔ بڑھتی ہوئی جلد پر عرق گلاب کا استعمال اینٹی ایجنگ خصوصیات فراہم کرتا ہے۔آ پ کے چہرے پرجھریاں اس وقت ظاہر ہو سکتی ہیں جب آپ کی جلد لچک کھو دیتی ہے یا سورج کو پہنچنے والے نقصان کی وجہ سے اس کی حالت خراب ہوجاتی ہے۔ اسے اکثر بیوٹی پروڈکٹس میں شامل کیا جاتا ہے تاکہ بڑھاپے کو روکنے والی خصوصیات فراہم کی جا سکیں۔ اضافی فوائد کے لیے آپ اپنے گلاب کے پانی کے اسپرے میں تھوڑا سا وٹامن ای کا تیل بھی شامل کر سکتے ہیں۔۔ہماری جلد پر چھید بہت قدرتی ہوتے ہیں۔ وہ بہت سے لوگوں کو خوفناک لگ سکتے ہیں لیکن یہ بہت عام ہوتے ہیں۔ تاہم، اگر نظر انداز کیا جائے تو، زیادہ تیل اور گندگی کی وجہ سے ان کا سائز بڑھ سکتا ہے۔ چھید نظر آنے لگتے ہیں اور جلد کی عمر بڑھنے میں مدد کرتے ہیں۔ چھیدوں کی ظاہری شکل کو کم کرنے اور ان کو کھولنے کے لیے عرق گلاب  بہت موثر ثابت ہوتا ہے۔ اس کا استعمال صبح اور شام آپ کی جلد کو وہ چمک دے گا جس کی اسے ضرورت ہوتی ہے۔

جلد کو ٹائٹ کرنے کے لیے عرق گلاب  کا استعمال۔پھیکی اور ڈھیلی جلد ایک عام مسئلہ ہے۔ کولیجن کی پیداوار میں کمی کی وجہ سے ہماری جلد وقت کے ساتھ ساتھ اپنی لچک کھو دیتی ہے۔ یہ آپ کی جلد کو میلا اور پھیکا لگنے کا سبب بھی بنتا ہے۔ گلاب کے پانی کو یا تو سپرے کے طور پر استعمال کریں یا کھوئی ہوئی چمک دوبارہ حاصل کرنے کے لیے اسے اپنے موئسچرائزر میں شامل کریں۔ اضافی فوائد کے لیے اسے مٹی کے ماسک اور دیگر ہائیڈریٹنگ ماسک میں بھی شامل کیا جا سکتا ہے۔ ماہرین  جلد بڑھاپے کو روکنے کے لئے خاص ہدائت کرتے ہیں گلاب اور عرق گلاب سے بنی ہوئی چیزوں کو مردانہ کمزوری کا علاج بھی سمجھا جاتا ہے۔ عرق گلاب کے استعمال سے جنسی خواہشات میں اضافہ کیا جا سکتا ہے۔ پرانے زمانے سے اس کو بہت سے جنسی مسائل کے علاج کے لیے استعمال کیا جا رہا ہے۔کھانے کا ایک چمچہ پانی یا شربت میں ایک مرتبہ استعمال کافی ہوتا ہے۔۔گلاب کا عرق جلد کے کئی مسائل کو حل کرتا ہے، یہ وٹامن سی، آئرن، کیلشیئم ،وٹامن اے اور وٹامن ای سے بھر پور ہوتی ہیں، اس عرق کے کچھ ایسے فوائد بھی ہیں جن کے بارے مین بہت کم لوگ واقف ہیں۔عرق گلاب جلد کی قدرتی نمی کو برقرار رکھتا ہے، اسے بطور ٹونر استعمال کرنے سے جلد ہائیڈریٹ رہتی ہے اور کئی مسائل سے محفوظ رہتی ہے۔ یہ جلد کو خشکی سے بچا کر جھریوں سے تحفظ فراہم کرتا ہے۔چھائیاں جلد کا سب سے عام مسئلہ ہے اور عرق گلاب اس مسئلے کا سب سے مؤثر علاج ہے، اس مقصد کے لیے 2 چمچ بیسن میں چٹکی بھر ہلدی اور تھوڑاسا عرق گلاب ملا کر استعمال کریں اور خشک ہونے پر دھولیں، اس طرح چھائیوں سے نجات مل جائے گی۔فی زمانہ لوگوں کی اکثریت دن کا زیادہ وقت اسکرین کے سامنے گزارتی ہے جس سے آنکھوں کے کئی مسائل جنم لینے لگتے ہیں، اس کا بہترین حل عرق گلاب ہے، روئی کو عرق گلاب میں بھگو کر آنکھوں پر رکھنے سے سکون اور راحت کا احساس ہوتا ہے۔عرق گلاب کو چہرے کو دلکشی بڑھانے کے لیے بہترین تصور کیا جاتا ہے، چہرے کی رنگت نکھارنے کے لیے ایک چمچ ملتانی مٹی، لیموں کا رس، اور 2 چمچ عرق گلاب لے کر فیس ماسک تیار کریں اور اسے چہرے پر لگائیں، خشک ہونے پر ٹھنڈے پانی سے دھو لیں۔ گلاب کا عرق صرف خوبصورتی کو نکھارنے کے لئے ہی استعمال نہیں ہوتا بلکہ اس کے کئی طبی فوائد ہیں جو سنت میں ہمیں پہلے ہی بتا چکی ہے لیکنا ب سائنس بھی اس بات کا اعتراف کر رہی ہے۔ گلاب کا عر ق ہم نے چہرے کی خوبصورتی اور جلد کی ہر قسم کی پریشانی کو ختم کرنےکے لئے استعمال کیا ہے لیکن آج ہم آپ کو بتانے جا رہے ہیں گلاب کے عرق سے جگر کے مسائل کا علاج کیسے ممکن؟

  گلاب کا عرق اینٹی بیکٹریل، اینٹی انفلامیٹری اور وٹامن سی سے بھرپور ہوتا ہے۔ اس میں جگر اور گردوں کی صفائی کرنے والے عناصر کثیر مقدار میں پائے جاتے ہیں یہی وجہ ہے کہ جب عرقِ گلاب چہرے پر استعمال کیا جاتا ہے تو وہ نہ صرف چہرے کی شادابی کا کام کرتا ہے بلکہ جلد کے اندرونی ٹشوز میں جا کر ان تمام رکاوٹوں کو اور جلد کی پرتوں کی گندگیوں کو دور کرتا ہے جو گردے یا جگر کی وجہ سے نمودار ہوتی ہیں۔  اس میں وٹامن اے، سی، ای اور فلوئیڈز پائے جاتے ہیں جو کسی بھی قسم کے انفیکشنز اور جراثیموں کو ختم کرنے میں کارآمد ہیں۔٭ جگر میں خرابی کی ایک علامت جسم میں خون کی کمی بھی ہے اور اس کمی کو دور کرنے کے لئے استعمال کی جانے والی ادویات میں گلاب کا عرق اور اس کی پتیوں کا پاؤڈر شامل ہوتا ہے تاکہ وہ مزید ریڈ سیلز کو پیدا کریں۔ گلاب کا عرق دن میں کسی بھی وقت آدھا گلاس پینا آپ کی اندرونی اور بیرونی صحت کے لئے فائدے مند ہے۔ جسم میں ورم کا زیادہ ہونا جگر کی خرابی کی ایک عام علامت ہے اس تکلیف میں بھی گلاب کا عرق آپ کو نہ صرف ورم کو کم کرنے میں مدد دے گا بلکہ ورم کی وجہ سے جلد کے خراب ٹشوز کو بھی بھرنے کی کوشش کرے گا۔  اگر آپ جگر کی تکلیف میں اس کو استعمال کرنا چاہتے ہیں تو روزانہ نہارمنہ چار چمچ گلاب کا عرق پی لیں اور آدھے گھنٹے بعد ناشتہ کریں۔ لیکن اگر آپ کو شوگر ہے تو دن میں کھانے کے بعد استعمال کریں، نہارمنہ پینے سے گریز کریں۔٭ گلاب کا عرق پینے سے اگر گلے میں خراش محسوس کریں یا پھر آپ اس کے ذائقے کو برداشت نہ کر پائیں تو پتیوں کو چبا کر کھالیں یہ بھی یکساں مفید ہے۔ یومیہ خوراک دو'دو چمچ روزانہ صبح دوپہر شام استعمال کیجئے اور اپنی صحت کو خوبصورتی اور توانائ کا خزانہ فراہم کیجئے