عالم بے بدل علّامہ طالب جوہری

 

 

کچھ ہستیاں ہماری اس جیتی جاگتی دنیا میں ایسی بھی ہوتی جن کے لئے  دل چاہتا ہے کہ وہ ہمیشہ ہمارے درمیان رہیں لیکن بہر حال موت ہی زندگی کی سب سے بڑی حقیقت ہے جو یہاں آیا اسے جانا لازم ہے ،علم کا ٹھاٹھیں مارتا ہوا سمندر اکیاسی برس کی عمر میں دار فانی سے دار بقا ء کی جانب کوچ کر گیا

ان کی عالمانہ زندگی کا کچھ مختصر احوال

فخر ملّت'سرمایہ ء قوم 'عالم بے بدل علّا مہ طالب جوہری 27 اگست 1939ء کو بھارت کی ریاست بہارکے شہر پٹنہ میں پیدا ہوئے۔ ابتدائی تعلیم اس وقت کے دستور تعلیم کے مطابق  اپنے والد گرامی سے حاصل کی اور اعلی مذہبی تعلیم کے لیے نجف اشرف عراق چلے گئے۔ وہاں آیت اللہ العظمی سید ابوالقاسم الخوئی کے زیر انتظام حوزہ میں داخلہ لیا۔طالب جوہری آیت اللہ شہید باقر الصدر کے شاگرد رہے۔ وہ آیت اللہ العظمی سید علی سیستانی کے ہم جماعت تھے۔ اگرچہ آیت اللہ سیستانی ان سے کچھ بڑے تھے۔ علامہ ذیشان حیدر جوادی بھی نجف میں ان کے ہم درس رہے --ان روشن درس گاہوں میں علم دین کی شمع جلاتے ہوئے   آگے بڑھتے رہے

علامہ طالب جوہری کو نجف اشرف کے ممتاز عالم آیت اللہ سید عبداللہ شیرازی،آیت اللہ سید علی رفانی،آیت اللہ سید محمد بغدادی،آیت اللہ باقر الصدر نے فارغ التحصیل ہونے کی سند دی،وہ 1965 کو کراچی واپس آئے،پانچ سال جامعہ امامیہ کے پرنسپل رہے،گورنمنٹ کالج ناظم آباد کراچی میں اسلامیات کے لیکچرر مقرر ہوئے،انہیں حکومت نے ستارہ امتیاز سے بھی نوازا،انہوں نے تفسیر قرآن پر کئی کتابیں بھی تحریر کیں

علامہ طالب جوہری اتحاد بین المسلمین کے بہت بڑے داعی تھے۔ انہوں نے ہمیشہ نسلی اور فرقہ ورانہ ہم آہنگی پر زور دیا۔ان کے خطبات کا موضوع احکام اللہ کی پیروی، اتباع سنت رسول اور حب اہل بیت ہوا کرتا تھا۔ انہیں شیعہ اور سُنی مسالک میں ایک جیسا باوقار مقام حاصل رہا ہر دو انہیں عزت و احترام کی نگاہ سے دیکھتے اور ان کی تقاریر و تحاریر سے استفادہ کرتے ہیں۔

عقلیات معاصرعلامہ طالب جوہری کیونکہ اکثر اپنے مداحوں میں گھرے رہتے تھے لہٰذا کبھی کبھار وہ ان معمولات کو توڑ کر لانگ ڈرائیو یا پرندوں کے مشاہدے کے لیے نکل کھڑے ہوتے۔ کسی بھی دور دراز سڑک سے ہٹے ہوئے چارپائی ہوٹل پر بیٹھ کر بہت خوش ہوتے جہاں انھیں کوئی پہچاننے والا نہ ہو۔علامہ طالب جوہری علومِ قرانی پر بہترین دسترس  رکھتے ہی تھے مگر نہ خود زاہدِ خشک تھے نہ زاہدانِ خشک کی ہمراہی میں خوش رہتے تھے۔ان کی شرارت آمیز خوش دلی اور حسِ جمالیات ہمیشہ توانا و تر و تازہ رہی

علا مہ طالب جوہری کو نجف اشرف کے ممتاز عالم آیت اللہ سید عبداللہ  شیرازی،آیت اللہ سید علی رفانی،آیت اللہ سید محمد بغدادی،آیت اللہ باقر الصدر نے فارغ التحصیل ہونے کی سند دی،وہ 1965 کو کراچی واپس آئے،پانچ سال جامعہ امامیہ کے پرنسپل رہے،گورنمنٹ کالج ناظم آباد کراچی میں اسلامیات کے لیکچرر مقرر ہوئے،انہیں حکومت نے ستارہ امتیاز سے بھی نوازا،انہوں نے تفسیر قرآن پر کئی کتابیں بھی تحریر کیں۔اسّی کے عشرے میں پی ٹی وی سے فہم القران کی طویل سیریز نشر ہوئی جس میں علامہ نہایت عام فہم اور زود ہضم انداز میں پیغامِ قران سمجھاتے تھے۔

شاعری کا آغاز انہوں نے آٹھ برس کی عمر سے کیا  تھا، اب تک علامہ نے خاصی تعداد میں غزلیں، قصیدے، سلام، نظمیں اور رباعیات کہی، 1968 میں علامہ نے وجود باری کے عنوان سے پہلا مرثیہ کہا،علامہ طالب جوہری اتحاد بین المسلمین کے بہت بڑے داعی تھے۔انہوں نے ہمیشہ نسلی اور فرقہ ورانہ ہم آہنگی پر زور دیا۔ان کے خطبات کا موضوع احکام اللہ کی پیروی، اتباع سنت رسول ص اور حب اہلبیت ع ہوا کرتا تھا۔ انہیں شیعہ اور سُنی مسالک میں ایک جیسا باوقار مقام حاصل رہا ہر دو انہیں عزت و احترام کی نگاہ سے دیکھتے اور ان کی تقاریر و تحاریر سے استفادہ کرتے ہیں ۔سنی مکتب فکر سے تعلق رکھنے والے بے شمار افراد یہ علامہ کے انتقال کے وقت سوشل میڈیا پر افسوس کا اظہار کرتے ہوئے یہ تسلیم کیا کہ وہ علامہ کو محرم میں سنا کرتے تھے

بین المسالک ہم آہنگی کی اگر بات کی جائے تو بلا شبہ علامہ طالب جوہری کا بیان ایک شیعہ عالم ہونے کے باوجود سرکاری ٹی وی چینل پر طویل عرصے تک اس لیے چلتا رہا کیونکہ انہوں نے مسلک کی بنیاد پر تفریق اور فرقہ واریت پھیلانے کی کبھی کوشش نہیں کی بلکہ وہ بین المسالک ہم آہنگی کے علمبردار سمجھے جاتے تھے-وہ ایک عظیم سکالر تھے۔

 ان کی پسندیدہ جگہ ا نکی لائبریری تھی جو ان کے گھر واقع انچولی سوسائٹی میں اوپر کی منزل پر تھی۔ لائبریری کی ہزاروں کتابوں میں سے ہر کتاب علامہ کی انگلیاں پہچانتی تھیں چنانچہ انھیں کسی بھی ریفرینس کے لیے کوئی بھی کتاب نکالنے میں زیادہ سے زیادہ دو منٹ لگتے تھے۔

لباس میں وہ ہمیشہ سفید پاجامہ سیاہ اچکن پہنتے تھے جس کے ساتھ  سر پر عمامہ ہوتا تھا تھا 'یہی ان کی وضع داری کی علامت اور انکی عالی شان شخصیت کی پہچان تھی جو تادم حیات قائم رہی  -نرم خوئ اور نکتہ سنجی ان کے مزاج کا حصّہ تھی وہ اپنی ایک ایک مجلس پر بہت توجّہ دیتے تھے انہوں قرانی اسلوب کو اپنی شبانہ روز زندگی  کا حصّہ بنا لیا تھا  -

وہ صرف شعیوں کے نہیں پوری قوم کے مبلّغ تھے -نفیس انسان ہونے کے ساتھ ساتھ خطابت کے ماہر تھے۔ وہ علم حاصل کرنے کا ذریعہ تھےعلامہ طالب جوہر نے یادگار غزلیں،قصیدے،سلام،نظمیں اور رباعیات کہی، 1968میں آپ نے وجود باری کے عنوان سے پہلا مرثیہ بھی کہا۔

عراق میں لگ بھگ ابتدائی دس برس انہوں نے چوٹی کے علماء کی تدرس سے فیض حاصل کیا -، وہ ایسے  بحر العلو م کی مانند تھے جس سے ہر کوئ اپنے فائدے کا علم حاصل کرتا تھا-

اور یہ  بے پناہ مقبول عام ہستی ہمارے درمیان سے دار فانی سے دار بقا ءکی جانب کوچ کر گئ  - ان کی وفات سےعلم کا ایک زرّیں  باب ختم ہوا۔ 

خدا رحمت کند ایں عاقان پاک طینت را

ہم تو ڈوبے ہیں صنم

 

 

 

 

 

 

 

 

 

کراچی کا ساحل پورے پاکستان کے لوگوں کے لئے بہت پر کشش حیثیت رکھتا ہے اور تمام سال کراچی میں کسی بھی مقصد کے لئے آنے والے لوگ اس کے

 نظارے کے لئے جاتے ضرور ہیں ،بالخصوص نوجوان ،یہ کہانی ایک ایسے ہی نوجوان کی کہانی ہے جس کو کراچی کے ساحل دیکھنے کی آرزو کراچی لے آئی ۔ ویسے

 توہرسمجھدار ماں کی کو شش ہوتی ہے کہ اس کی اولاد اس کی فرماںبردار ہو،لیکن لاکھ کوشش کے باوجود بھی کہیں نا کہیں  ماؤں سے قابل گرفت غلطیا ں ہو ہی

 جاتی ہیں یا ایسے نقصانات ہو جاتے ہیں جن کا زندگی کے آخری پل تک  مداوا نہیں ہو پاتا ہے،

کچھ برس پہلے کی بات ہے شائد پندرہ برس' کیونکہ میں اس وقت کراچی میں ہی تھی محلّے میں ایک طوفان سا اٹھا کہ کراچی کے کچھ نوجوان  کلفٹن پر ڈوب کر

 جاںبحق ہو گئے ہیں جن میں ہماری چیپل سن سٹی کا بھی ایک نوجوان شامل ہے ۔میں بھی سارے کام چھوڑ کر اس گھر کی جانب چل دی جہاں محلّے کی خواتین

 اکھٹّی ہو رہی تھیں،ماں کی حالت کیا تھی یہ بتانے کی ضرورت نہیں ہے،میّت مل چکی تھی لیکن آنے کا انتظار تھا ،اس بنا وقت اور اندوہنا ک موت کا سبب کیا ہوا

 اس کے بارے میں پتا چلا کہ پنجاب کے کسی شہر سے (میں شہر کا نام بھول گئ ہوں)نوجوان کا پھپھی زاد بھائ آیا اس نے اپنے کزن سے کہا کہ چلو کلفٹن  چلتے ہیں

 نوجوان نے کہا امّی نہیں جانے دیں گی پھپھی زاد نے کہا امّی سے کہنا قائداعظم کے مزار پر جائیں گے لیکن ہم جائیں گے کلفٹن نوجوان کو بھی کلفٹن جانے کی لالچ آئ اور پھر وہ کلفٹن آگئے ،پھپھی زاد نہانے پانی میں اتر گیا اور دوسرا کزن کلفٹن کی سنگی دیوار پر بیٹھ گیا

 کسی کو کیا معلوم تھا کہ اس شام سنگی دیوار پر جتنے نوجوان بیٹھےتھے سمندرکی صرف ایک بے رحم موج ان کو نگلنے کے لئے بے تاب ہے وہ سب سمندر میں

 نہانے والوں کودیکھتے ہوئے محو نظارہ تھے  کہ اچانک سمندر کے پانی میں جوار بھاٹا اٹھا دیوار پر بیٹھے ہوئے نوجوان اپنے دوستوں اور عزیزوں  کو پانی میں غرق

 ہوتے ، ڈوبتے دیکھ کر چیخنے لگے اور اسی لمحےجوار بھاٹے کی ایک اورلہر نے ان سب کو بھی سنگی دیوار سے یا تو نیچے پڑے پتّھروں پر پٹخ دیا یا اپنی بانہوں میں

 سمیٹ کر سمندر کی موت کے حوالے کر دیا ہمارے علاقے کے نوجوان کی موت سر پر پتھّر کی چوٹ کے باعث ہوئ جبکہ اس کے برابر میں بیٹھنے والے کئ

 نوجوان لہر کے ساتھ ہی بہہ گئے ۔

اس شام کراچی میں سوگ کا سماں تھا ،ان گنت نوجوانوں کے گھروں میں ان کے شام ڈھلے گھر آنے کا انتظار تھا کہ یا تو

 ایمبولینسز نے ان کی میّتیں ان کی دہلیزوں پر پہنچائیں یا پھر اپنے پیچھے اپنے پیاروں کوتمام عمرگھر کی دہلیزپرمحو

 انتظارکرکے ایک جاں گسل صدمے سے دوچار کر گئے

 میرے محلّے کے اس نوجوان کی موت کا اس کی امّی کو اس طرح پتا چلا کہ جب پنجاب سے بچّوں کی پھپھی کا فون آیا  کہ ابھی ابھی پاکستان ٹیلی وژن نے کراچی کے

 ساحل پرڈوبنے والوں کی خبر دی ہے کہ ساحل پر کئ میّتیں نکالی جاچکی ہیں جبکہ کئ  سمندربرد بھی ہوئیں جن کی تلاش کا کام جاری ہے۔

 اب جو نوجوان کی ماں نے ٹی وی کھولا تو اس کو اپنے لخت جگر کی لاش نظر آئ اور پھر اس سے آگے کیا تھا قارئین اپنے دل پر ہاتھ رکھ کر سوچیں وہ ہونہار

 نوجوان جس نے میٹرک میں پوزیشن لی تھی جس کو اپنے ماں باپ کا سہارا بنناتھا وہ

محض زرا سی دل لگی کی خاطر موت کی آغوش میں جا سویا تھا اور اس کے اس پھپھی زاد کی تو میّت بھی سمندر نگل گیا جو اج تک بازیاب نہیں ہو سکی اور یہ واقعہ

 تومیرے اپنے گھر کا ہے ،میرے بڑے صاحبزادے  کلاس ہفتم میں اور چھوٹےکلاس شّشم میں پڑھ رہے تھے،ایسے میں میری سسرال سے ایک قریبی

 نوجوان کزن لاہور سے آئے  اور انہوں نے

 میرے بچّوں سے کہا کہ چلو میرے کزن کے گھر چلتے ہیں دراصل لاہور سے آئے مہمان  کا پروگرام بھی کراچی کا

 سمندر دیکھنے کا تھا انہوں نے سوچا کہ یوں تو مجھ سے اجازت ملے گی نہیں تو کزن کا بہانہ کر کے مجھ سے اجازت لی میرے وہم و گمان میں بھی نہیں تھا کہ وہ میرے  بچّوں لے کر کلفٹن چلے جائیں گے مجھے تو بس یہ معلوم تھا کہ کزن کے گھر گئے ہیں

اور ہوا یوں کہ کلفٹن پہنچ کر ان میں جو نوجوان سب سے بڑی عمرکا تھا اس نے میرے چھوٹے صاحبزادے کو اپنے بازؤوں

   میں اٹھا لیا اور وہ پرانا جہاز جو ریت میں دھنسنے کے باعث ساحل پرکھڑا تھا اس کے قریب یہ کہ کر لے جانے لگا کہ تم کو جہاز پر پھینک دوں گا-

میرے صاحبزادے بتا رہے تھے کہ میں نے سخت مزاحمت کی اور ان کے ہاتھوں کی گرفت سے اپنے آپ کو چھڑا لیا لیکن وہ جہاز کے اتنے قریب پہنچ چکے تھے کہ جب میں ان کے ہاتھوں سے نکلا تو پانی میرے گلے تک تھا۔

جب شام ہوئ اور میرے شوہر گھر آئے اور ان کو معلوم ہوا کہ بچّے میری اجازت سے اپنے کزن کے ساتھ گئے ہیں تو انہوں نے مجھے تنبیہ کرتے ہوئے کہا کہ

 اس طرح اندھا اعتماد نقصان پہنچا سکتا ہے،پھر جب بچّے گھر واپس آئے اور انہوں نے پورا احوال سنایا تو مجھے خود بھی ہوش آیا کہ خالہ زاد ہوں یا پھوپھی زاد

 ہوں نو جوانی' نوجوانی ہوتی ہے اس لئے ان پر اندھا اعتماد نہیں کرنا چاہئے۔ آج بھی مجھے اس دن کا خیال آتا ہے تو ایک خوف کی لہر سی بدن میں گزر جاتی ہے

 کیونکہ جہاز جس جگہ کھڑا تھا وہاں سے ریت ہٹ گئ تھی اور ریت کی جگہ دلدل بن گئ تھی اب زرا سوچا جائے بظاہر نظر آنے والا پانی اپنے اندر دلدل لئے

 ہوئے تھا اور اس جگہ اکثر حادثات کی خبریں بھی آتی رہتی تھیں،اللہ پاک سب کی آل و اولاد کو اپنی امان میں رکھّے ۔ آمین

ایسے نا جانا دیس پرائے

ا بھی حال ہی میں انٹر نیٹ پر ایک  خبر پر ایک تحریر دیکھی جس میں ایک پاکستانی نوجوان' اپنے ترکی پہنچنے اور پھر ڈی پورٹ ہونے کی کہانی بتا رہا تھا کہ اب وہ ترکی جانے کے بجائے پاکستان  میں  

مر جانا پسند کرے گا وہ پاکستان سے ایک انسانی اسمگلر کے زریعہ یونان پہنچا اور وہاں سے ترکی 'لیکن ترکی کی چوکس سرحدی محافظوں کےہاتھوں پکڑا گیا اور ڈی پورٹ کر دیا گیا  یہ نیٹ ورک کیسے کام کر رہا ہے آئیے ایک جھلک دیکھتے ہیں

یونان میں انسانی اسمگلروں کا جو بائس رکنی گروہ پکڑا گیا ہے اس میں  چاراعلیٰ پولیس اہلکار بھی گینگ کا حصہ تھے اس بات کاانکشاف یونانی پولیس کے ترجمان خرستوس پارتھینس نے میڈیا بریفنگ کے دوران کیا۔یونانی پولیس کے ترجمان کے مطابق انسانی سمگلنگ میں ملوث گینگ کے بائیس ارکان کومختلف علاقہ جات سے حراست میں لیا گیا

گینگ کے سرکردہ پولیس اہلکاروں کاتعلق یونان کے علاقہ ایتھنز، ایورس،اورتھسلونیکی سے ہے جواپنے دیگر ساتھیوں کے ہمراہ غیر قانونی تارکین وطن کوترکی سے یونان لانے میں معاونت فراہم کرتے تھے اوران کومحفوظ مقامات پرمنتقل کرکے بھاری رقوم حاصل کرتے تھے۔

 ان  چارپولیس اہلکاروں کے علاوہ چودہ کاتعلق جارجیا سے ہے جبکہ باقی یونانی شہری ہیں اوران کے مزید چھ ساتھیوں کی تلاش جاری ہے جوان کے گینگ کے لیے کام کرتے ہیں اوریہ تمام یونانی شہری ہیں۔

اس خبر کے تناظر میں ،میں نے آج کی دنیا میں انسانی اسمگلنگ کے وسیع وعریض کینوس پر پھیلے ہوئے اس انتہائ آزاد کاروبار کے چند حقائق لکھنے کے لئے ارادہ کیا اور یہ ہمارے پاکستان کی انسانی اسمگلنگ کی چند خبریں ہیں ، سیالکوٹ  وفاقی تحقیقاتی ادارے کے حوالے سے ڈان اخبار لکھتا ہے کہ  چند روز قبل گوادر کے ساحل پر بحیرہ عرب میں ایک تارکین وطن کو مسقط لے جانے والی  کشتی سمندر میں  الٹنے سے گیارہ پاکستانی ڈوب کر ہلاک ہو گئے اس خبر کے منظر عام پر آنےکے بعد ایف آی اے نے پاکستان کے علاقے سیالکوٹ سے انسانی اسمگلنگ میں ملوث گروہ پکڑا ہے

خبر کے منظرعام پر آ جانے کے بعد جاں بحق ہونے والوں کے ورثاء نے حکومت سے  انسانی اسمگلروں کے خلاف کارروا ئ کا مطالبہ کیا ہئے

چنانچہ ایف آئ اے کی کارّوائ کے مطابق کچھ گرفتاریاں بھی عمل میں آئ ہیں ایف آئی اے حکام کا کہنا ہے کہ انہوں نے اسمگلروں کے گروہ  کے حاجی پورہ کے دفتر سے ان کے دو ساتھیوں یاسین اور طاہر عقیل اور سیالکوٹ کے مضافات سے سرغنہ محمد عارف کو گرفتار کر کے 17 پاسپورٹ اور ان کے قبضے سے مختلف لوگوں کی 22 شناختی کارڈ ز پربھی قبضہ کر لیا ہے.

انسانی اسمگلروں  کا مکروہ اور ناجائز دھندا کرکرنے والا یہ گروہ  پاسپورٹ پر لوگوں کی تصاویر کو تبدیل کرنے کے بعد  سادہ لوح بےروزگار نوجوانوں کو روزگار دینے کا جھانسا دیکراور لاکھوں روپے بٹور کر بیٹھا تھا .اس بد نصیب کشتی  کے ڈوبنے کےبعد صرف تین خوش قسمت نوجوان ہی بچائے جا سکے یہ تینوں  نوجوانوں پسرورتحصیل چونڈہ  ٹاؤن میں اپنے گھروں میں واپس  پہنچ گئےانہوں نے بتایا کہ انہوں نے مسقط جانے کے لئے فی کس چالیس ہزار روپئے ادا کئے تھے

اس مکروہ کاروبار کی ڈانڈیاں حکومت کے کارپردازوں کی ملی بھگت کے بغیر مضبوط ہو ہی نہیں سکتی ہیں ہر کچھ عرصے کے بعد تارکین وطن کے جاں بحق ہونے کی خبریں اخبارات کی زینت بنتی ہیں اور پھر حکومتی بیان آتا ہے اور پھر سب کھا پی کر سو جاتے ہیں

اسی طرح ایک  بحری جہازکے عملے کی ملی بھگت سے سولہ پاکستانی  ہم وطنوں کو باہر کی لالچ دے کربحری جہاز  پرسوار کروایا گیا اور پھر جہاز جب دور سمندر مین محو سفر ہوا تو ان بد نصیب مسافروں سے کہا گیا کہ اعلٰی  افسر راؤنڈ پر آرہا ہے تم سب پا نی کی ٹنکی میں چھپ جاؤ وہ سولہ کے سولہ پانی کی ٹنکی میں اتر گئے تو  پھر ٹنکی کا ڈھکنا لاک کر کے اس میں پانی چھوڑ دیا گیا اور سولہ گھروں کے چراغ اندھیری ٹنکی میں گل ہو گئے ،

یہ تو ابھی حال ہی کی بات ہے کہ کنٹینر میں دم گھٹ کر کتنے نوجوان ہلاک ہوئے جس کے لئے کہ دیا گیا کہ ایر کنڈیشنڈ نے کام چھوڑ دیا تھا

اقوام متحدّہ کے ترجمان کے مطابق ہتھیارون اور منشیات کی تجارت کے بعد تیسرے نمبر پر انسانی تجارت ہے-جبکہ زمینی حقائق کے علاوہ  سمندری سمگلنگ اپنے پورے عروج پر ہے اور  کم آمدنی والے ملکوں کے  لوگ بہتر طرز زندگی گزارنے کے لئے موت کی بھی پرواہ نہیں کرتے ہیں

اس وقت تمام دنیا میں بے روزگاری عفریت کی شکل اختیار کر رہی ہے اور ایسے میں جہاں نوجوانوں کوجہاں سبز باغ دکھائے جارہے ہوں وہ سوچے بغیر ادھرچل پڑتے ہیں جبکہ ان کے لئے یہ سبز باغ ایک سراب ہی نہیں بلکہ موت کا کنواں ثابت ہوتے ہیں اس لئے چار پیسے کم ہی سہی اپنے وطن میں رہ کر کچھ ناکچھ کرنے کا حوصلہ کریں تو دنیا میں اس مکروہ کاروبار کی بنیاد کمزور ہو سکتی ہے

   یونان میں انسانی اسمگلروں کا  بائس رکنی گروہ پکڑا گیا ہے اس میں  چاراعلیٰ پولیس اہلکار بھی گینگ کا حصہ تھے

درد شقیقہ کیوں ہوتا ہے

 

درد کہیں بھی ہو 'کیسا ہو ؟بس ہر انسان کے لئے مشکل پیدا کرتا ہے لیکن ابھی ہم جس درد کی بات کرنے جا رہے ہیں وہ عام درد نہیں ہے 'اس درد کو درد شقیقہ کہتے ہیں

کیا آپ درد شقیقہ سے واقف ہیں ؟ یہ عام سردرد سے مختلف ہوتا ہے جس کے دوران سر کے کسی ایک حصے یا آدھے سر میں شدید درد ہوتا ہے اور آنکھیں شدید روشنی برداشت نہیں کر پاتیں ۔ بعض اوقات سردردکےساتھ قے بھی ہونے لگتی ہیں ۔ اس کی بہت سی وجوہات ہو سکتی ہیں جن میں مناسب نیند نہ لینا  ، کھانے میں بے اعتدالی ،  شدید شور ،   زیادہ تر وقت تیز روشنی میں گزارنا اور کسی کھانے کی چیز سے الرجک ہونا وغیرہ شامل ہیں ۔ درد شقیقہ میں مبتلا مریض کو چاہیے کہ سب سے پہلے پرسکون ہونے کی کوشش کرے ۔ تمام روشنیاں بند کرکے اندھیرے میں لیٹ جائے اور آنکھوں پر پٹی باندھ لے ۔ بہتر یہ ہے کہ کسی دیوار کے پاس اس طرح لیٹیں کہ آپ اس دیوار پر ٹانگیں ٹکا کر اوپر لے جا سکیں ۔ کولہوں سے پاؤں کی ایڑی تک ٹانگیں دیوار کے ساتھ لگا لیں ۔  اپنے دونوں بازو اطراف میں ڈھیلے چھوڑ دیں ۔ اپنے دماغ کو بالکل خالی کرنے کی کوشش کریں اور ساتھ ساتھ گہرے سانس لیں ۔ ٹانگیں اوپر کی جانب کرنے سے دوران خون نیچے اور سر کی طرف آئے گا لہذا جتنی دیر باآسانی اس پوزیشن میں رک سکیں لیٹے رہیں ۔

 آپ خود محسوس کریں گے کہ آپ پہلے سے بہتر اور پرسکون ہوچکے ہیں ۔ درد شقیقہ کے دوران ایک بات کا خیال رکھیں

 کہ اپنا بلڈپریشر ضرور چیک کروائیں ۔ اگر آپ کا بلڈ پریشر ہائی رہتا ہے تو زیادہ دیر تک ٹانگیں اوپر کر کے نہ لیٹیں ۔ اس

 کے بجائے ایک گلاس پانی میں آدھا لیموں کا رس نچوڑ کر پی لیں ۔ اگر بلڈ پریشر کا مسئلہ نہ بھی ہو تو سر درد کے لئے یہ نسخہ استعمال کیا جاسکتا ہے ۔ اس کو جدید ایلوپیتھی اصطلاح میں میگرین Migraine بھی کہتے ہیں۔ بعض اوقات  یہ پورے سر میں ہوتا ہے مگر آدھے سر میں کم اور آدھے میں زیادہ ہوتا ہے۔ میگرین شدید نوعیت کا درد ہے جو مریض کو کسی کام کاج کا نہیں چھوڑتا۔ بھنوؤں کے اوپر اور ملحقہ حصے کا درد بھی میگرین ہی کی ایک قسم ہے۔

آدھے سر کا درد خون کی شریانوں کے بڑھے اور اعصاب سے کیمیائی مادوں کی ان شریانوں میں ملنے سے پیدا ہوتا ہے۔ اس کے دورے کے دوران ہوتا  یہ ہے کہ کنپٹی  کے مقام پر جلد کے نیچے رگ پھول  جاتی ہے۔ اسی کے نتیجے میں کچھ کیمیائی مادے پیدا ہوکر سوجن اور درد کے ذریعے رگ کو مزید پھلادیتے ہیں جس سے دفاع میں اعصابی نظام ، متلی ، پیٹ کی خرابی اور قے کا احساس پیدا کرتا ہے۔

علاوہ ازیں اس کی وجہ سے خوراک کے ہضم ہونے کا عمل بھی سست پڑجاتا ہے۔ دوران خون کے سست پڑنے سے ہاتھ اور پاؤں ٹھنڈے پڑسکتے ہیں اور  روشنی اور آواز کی حساسیت  میں اضافہ ہوسکتا ہے جسم کو ایک طرف کمزوری کا احساس بھی ہوسکتا ہے۔میگرین کی علامتوں میں سے ایک علامت  یہ بھی ہے کہ مریض کے سر کے پیچھے حصے میں درد ہوتا ہے۔ اس کی وجہ پرانا بلڈپریشر بھی ہوتا ہے اور یہ سر کا درد دورہ دار ہوتا ہے جو بالعموم دائیں یا بائیں جانب نصف سر میں ہوا کرتا ہے یا پھر طلوع آفتاب کے ساتھ شروع ہوتا ہے اور غروب آفتاب کے وقت ختم ہوجاتا ہے۔ کبھی سر شام شروع ہوکر رات پھر رہتا ہے اور صبح ٹھیک ہوجاتا ہے۔ دن کے دورے زیادہ تر پائے جاتے ہیں۔ یہ ایک ضدی مرض ہے۔ اس کا علاج چالیس سال سے پہلے کروالینا چاہیے ۔  چالیس سال کے بعد  یہ بہت زیادہ زور پکڑلیتا ہے اور بہت ہی مشکل سے جاتا ہے۔

آدھے سر کے درد کے لیے ڈاکٹر طرز زندگی بدلنے کی تجاویز دیتے ہیں۔ یوں تو  میگرین  یعنی آدھے سر کے درد سے ہر دوسرا شخص متاثر ہوتا ہے۔تاہم بہت کم لوگوں  کو علم ہے کہ دراصل یہ درد ہوتا کیوں ہے۔آدھے سر کا درد  ہوا اور ساتھ ساتھ دوسری ذمہ داریاں ہوں جیسے گھر کے کام آفس کے کام  ہوں تو کچھ لوگ درد کو کم کرنے کے لیے بدحواسی میں دھڑا دھڑ درد کو کم کرنے والی گولیوں کا استعمال شروع کردیتے ہیں تاکہ جلد سے جلد اپنی ذمہ داریاں پوری کرسکیں لیکن پریشانی اس وقت مزید بڑھ جاتی ہے جب بیک وقت درد کم کرنے والی دو یا دو سے زیادہ گولی کھانے پر بھی افاقہ نہ ہو۔

کسی بھی مسئلے کا حل اس وقت تک نہیں نکل سکتا جب تک اس کی وجوہات کو نہ جان لیا جائے۔ طبی ماہرین کے مطابق آدھے سر کا درد اس وقت شروع ہوتا ہے جب دماغ میں غیر معمولی طور پر فعال خلیے  چہرے کے سہ شانی عصب   (trigeminal nerve) کو سگنل بھیج کر اس کو حرکت میں لاتے ہیں۔ نتیجتاً اس عصب کے فعال ہونے سے دماغ میں ایک خاص کیمیکل خارج ہونا شروع ہوجاتا ہے جس کو کیلسی ٹونن جین ریلیٹڈ پیٹائڈ calcitonin -gene related peptide

یا سی جی آر پی کہا جاتا ہے ۔ سی جی آر پی  دماغ کی شریانوں میں سوجن کا باعث بنتا ہے اور یوں مریض آدھے سر کے درد  میں مبتلا ہوجاتا ہے۔

آدھے سر کے درد کا تعلق بنیادی طور پر اعصاب سے ہے جو کہ عمر کے کسی بھی حصے میں لاحق ہوسکتا ہے یہ بچوں اور بڑوں دونوں میں پایا جاتا ہے۔ تاہم دیکھنے میں آیا ہے اس بیماری میں زیادہ تر خواتین متاثر ہوتی ہیں۔ چوں کہ یہ ایک اعصابی بیماری ہے لہٰذا اکثر مریضوں کو ان کی علامات کی بنیاد پر اعصاب کو پرسکون کرنے والی دوائیں دی جاتی ہیں۔

یہ بیماری دماغ میں ایک کیمیکل کے خارج ہونے کی وجہ سے پیدا ہوتی ہے تاہم عام طور پر ڈاکٹر اس کی مختلف وجوہات بیان کرتے ہیں۔ جیسے ذہنی دباؤ، ڈپریشن، بے سکونی، نیند کی کمی، کم بلڈ پریشر، نظر کی کمزوری، لینز پہننے سے آنکھوں  میں تھکن ، ذہنی تھکن، بعض پودوں سے الرجی اوربعض اوقات کیفین اور کھٹی خوراک اس کا باعث بن جاتی ہے۔ خواتین کی ماہواری کے دوران یا اس کے کچھ دن پہلے اکثر اوقات میگرین کا مسئلہ ہوجاتا ہے کیوں کہ اس کے دوران ہارمونل تبدیلیاں پیدا ہوتی ہیں۔یوں تو اس درد کو کم کرنے کے لیے بہت ساری ادویات ہیں مگر ان سے بھی ہر ایک کو فوراً فائدہ نہیں ہوتا  اور 48گھنٹے کے بعد یہ درد خود بخود  ختم ہوجاتا ہے

ہم تمھارے پاس تا قیامت آئیں گے-امام حسین علیہ السّلام

ہم تمھارے پاس تا قیامت آئیں گے

نحمد ہ ونصلّی علٰی رسولہ الکریم واٰلہ الطّیبین الطا ہرین ۃ

 برّصغیر اپک وہند میں سندھ کے علاقے کو یہ شرف حاصل رہا ہے کہ دین اسلام کی روشنی یہاں سے داخل ہوئ اور پھر پورے برّصغیر کو اس روشنی نے اپنی پاکیزہ کرنو ں سے منوّر کیا  اس کی ابتدااس طرح سے ہوئ کہ ساتویں صدی ہجری میں امام علی نقی علیہ اسّلام کی نسل سےایک بہت بڑے عالم و زاہد و متّقی صاحب کشف وکرامت بزرگ امیر سیّد محمّد مکّی ابن سیّد محمد شجاع 640 ء میں مشہد مقدّس سے تشریف لائے اورسنّت کے مطابق یہان کے حاکم سےزمین ۔خریدی اور اس زمین پر جا گزیں ہو گئے۔

یہان آپ نے مدرسہ اور  مسجد تعمیر کروائ اور اسی مدرسے اور مسجد سےتبلیغ دین اور ترویج اسلام و درس وتدریس کا سلسلہ شروع کیا ،ان کی رحلتکے بعد ان کے فرزندحضرت خطیب سید صدرالدّین نے بھی اپنے والد کی طرح درس وتدریس کا یہ سلسلہ قائم رکھّا ج خطیب سید صدرادّین کا جائے مدفن سکھّراور  روہڑی کے درمیان جزیرہ نما ء قلعہ بکھّر میں واقع ہے  سندھ کے علاقے میں تعزئیےداری و عزاداری کی ابتداء اسی شہر سے ہوئ اور یہ سلسلہ پھیلتا ہوا سندھ کے دیگر علاقوں میں پھیلا

اس وقت روہڑی شہر میں ماہ محرّم میں نکلنے والے تابوت کے لئے لے بتایا

جاتا ہے کہ 1000ھجری میں یہاں پر  حضرت سید محمّدامیر مکّی کی پشت سے ایک بچّےنے جنم لیا ،یہ بچّہ آگے چل کر اپنے اجداد کی مانند بزرگ ،ولی ثابت ہوامحمد شریف اپنی ابتدائ عمر سے ہی غم حسین علیہ ا لسّلام میں سوگوارواشکبار رہا کرتے تھے

اسی مودّت امام حسین علیہ السّلام میں ہونے کی بناء پر وہ ہر سال پیدل روضہ امام حسین علیہ اسّلام کی زیارت کو جایا کرتے تھے اورا س سفر میں ان کے کچھ خاص رفقاء بھی ساتھ ہوتے تھے ان رفقاء میں  ایک کھبّڑ فقیر بھی تھے جو ہمیشہ مور شاہ کے  ہمراہ پا پیادہ کربلا عازم سفر ہوا کرتے تھے-عاشقان امام کا یہ متبرّک سفر اسی طرح سے ہر سال عازم سفر ہوتا رہا اور بالآخر مور شاہ ضعیف العمرہوئے توروضہ ءاما م مظلوم علیہا لسّلام پر جاکر عرض گزار ہوئےکہ مولا اب اجازت دیجئے کہ میں یہیں کربلا میں تا حیات  قیام کروں اما م پاک علیہ السّلام نے فرمایا ،اے فرزند تم نےاپنی تمام عمر میری زیارت کے لئے وقف کر دی اب تم واپس اپنے شہر چلے جاؤاب ہم تمھارے پاس خود  آئیں گےاور تا قیامت آئیں گے

 یہ بشارت ملتے ہی سیّد مور شاہ نے خاک کربلا کو الوداعی بوسہ دیا اور

خوشی خوشی واپسی کے سفر کے لئے روانہ ہوئے تاکہ اپنے محبوب امام اور آقاکی میزبانی کا شرف حاصل کر سکیں روہڑی شہر پہنچ کر اپنی بشارت کا زکرپنے دوستوں ساتھیون ،بزرگوں اور سادات کو بھی سنایااور پھر بڑے اشتیاق سے محو انتظار ہوئےمور شاہ کی واپسی کے کچھ دنوں بعد ملک عراق کر بلا سےدو بزرگ حضرات مورشاہ کے پاس آئےاور انہوں  نے اپنا تعارف کرواتے ہوئ بتایا کہ ہم بنی اسد قبیلے کے افراد ہیں اور ہمارے پاس میدان کربلا سےلاشہائے شہداء کی کچھ متبرّک نشانیا ن موجود ہیں یہ تبرّکات ہمارے بزرگون کو  شہداء کی لاشوں کی تدفین کے وقت ملی تھیں ۔

  اور اب ہمیں حضرت امام حسین علیہ ا لسّلام کی جانب سے بشارت ہوئی ہے کہ ہم یہ امانتیں آپ کے سپرد کر دیں پھر بزرگوں نے  تابوت  کا نقشہ اور

امانتیں دیں اور کہا کہ اس تابوت  کا نقشہ وہ ہے جو قبیلہ بنی اسد کےلو گون

نے پہلی مرتبہ امام مظلوم کی قبر پر سائے کے لئے بنایا تھا پھر ان دونو ں

بزرگ حضرات نے کچھ عرصے روہڑی میں سیّد مور شاہ کے ہمراہ قیام کیا، اورتابوت  کربلا کے حوالے سے کچھ اور بھی راز ان کےگوش گزار کئے ،ان میں وقت اور دن کا تعین بھی تھا ان دو بزرگوں میں سےایک کا انتقال ہوگیا جن کا مدفن سید مورشاہ کے مزار کےبرابر مسجد عراق روہڑی میں  زیارت خاص و عام ہے۔

اور دوسرے بزرگ عراق کربلا روانہ ہو گئےیہ ساری امانتیں  اور احکامات

ملنے کے بعد جب پہلی مرتبہ محرّم الحرام کاآغاز ہوا تو سیّد مورشاہ نے

بتائے ہوئے طریقے اور نقشے کے مطابق ۹ محرّم الحرام کے دن اور۱۰ محرّم الحرام کی درمیانی رات کو تابوت بنانے کی تیّاری شروع کی گئ اورحکم امام کےمطابق علاقے کے مومنین کو دعوت بھیجی گئ کہ صبح نمازفجر سے پہلے تابوت  کربلا برامد ہوگااندر مسجد کربلا میں سیّد مورشاہ اپنے رازدار ساتھیوں کے ہمراہ پردے میں بحکم امام  تابوت کے کام میں مشغول رہے اور مسجد کے باہر مومنین تمام رات گرئہ و زاری کرتےرہےجس و قت تابوت کربلا کے برآمد ہونے کا وقت ہوا تو اسوقت تابوت  کے جلوس کے راستے کی تمام شمعیں گل کر دی گئیں اور یہ معجزانہ تابوت دروازے کے بجائے دیوار کے اوپر خو دبخود بلند ہوا  پھر نیچے آ یاجس کو سوگوارمومنین نے یا حسین یا حسین کی صدائین بلند کرتے ہوئے  اپنے کاندھوں پر اٹھا لی

جب تابو ت امام پاک آ گے بڑھ کر اسوقت کے باشرع عالم،مجتہد،،سیّد حیدر شا ہ حقّانی کے استانے کے نزدیک پہنچا تو ان کے کانوں میں یا حسین ،یا رسول کیصدائیں آنی شروع ہوئین تو وہ اپنی عبادت چھوڑ کر اپنے بیٹون سمیت باہرآئے اور تابوت میں حضرت امام حسین علیہ السّلام کی زیارت سےمشرّف ہوئےاورتابوت میں  اما مت کی تجلّی دیکھ کر والہانہ انداز مین اپنی عباء و قباء اتار دی اورتابوت پاک علیہ السّلام کو کاندھا دیا اور گریہ کنان ہو کرعرض گزار ہوئے یاامام پاک علیہ اسّلا م آپ میرے قریب سے گزر کر جا رہے ہیں میری دعوت قبول فرمائیں ،جس کے جواب میں امام حسین علیہ ا لسّلام  نے مورشاہ کی جانب اشارہ کیا اور فرمایا کہ ہم ان کے مہمان ہیں آپ ان سے رجوع کریں مورشاہ نے فرمایا ابھی ہماری کھبّڑ فقیر کی جانب روانگی ہے-

کھبّڑ فقیر کے آستانے منڈو کھبّڑ جلوس نے پہنچ کر نماز فجر ادا کی پھر مجلس امام حسین علیہ السّلام برپا ہوئ اور صبح کے وقت یہ جلوس حیدر شاہ حقّانی کی درگاہ پہنچا جہاں حیدر شاہ حقّانی اور ان کے رفقاء نے امام پاک کااستقبال کیا اور مجلس برپا کی دوپہر تک امام حسین علیہ السّلام حیدر شاہ حقّانی کے مہمان رہے پھر حیدر شاہ حقّانی کے آستانے پر مجلس برپا ہوئ اور مومنین کی مدارات کے بعد امام پاک علیہ السّلام کی کربلا روانگی کی رخصت کا مرثیہ خود حیدر شاہ حقّانی نے پڑھا اور پھر جلوس کی شکل میں تمام عزادار ٹھٹھ بازار پہنچے جہاں کربلا کے شہزادگان کے تابوت بھی امام پاک تابوت کے ہمراہ عازم سفر ہوئے اور پھر شاہی مسجد پہنچ کر حضرت رسول خدا کی خدمت میں سلامی دی گئ کیونکہ سیّد المرسلین کا موئے مبارک یہیں جلوہ گر ہے

شاہی مسجد سے پھر تابوت امام پاک علیہ السّلام کووچھوڑا کے میدان میں لایا گیا جہاں حضرت علی اکبر اور حضرت قاسم کے تابوت دوسری سمت کی جانب الگ کئے گئے یہ منظر بڑا ہی درد ناک ہوتا ہے اور اس مطلب ہوتا ہے کہ اب خاندان بنو ہاشم کا بچّہ بچّہ شہید ہوچکا ہے اور امام مظلوم یکہ و تنہا کربلا کے میدان میں شہید ہونے جارہے ہیں وچھوڑا کے اس میدان میں قیامت خیز گریہ ہوتا ہے  اور امام پاک کے تابوت کو روہڑی کی کربلا میدان میں زیارت خاص و عام کے لئے رکھّا جاتا ہے یہ معجزاتی تابوت پانچ سو سال سے اسی طرح برامد ہو رہا ہے اور ایک اندازے کے مطابق اس جلوس میں پچّیس لاکھ عزادار پورے پاکستان سے شرکت کرتے ہیں ،اس جلوس کے راستے میں جگہ 'جگہ شربت 'پانی کی سبیلیں ہوتی ہیں اور وافر مقدار میں تبرّک تقسیم کیا جاتا ہے اس معزاتی زیارت کے دیدار کے لئے پاکستان کے مختلف شہروں سے اسپیشل ٹرینیں چلائ جاتی ہیں

لبـــــــــــــــــــیک یـــــــــــــــــا حســـــــــــــــــــــین (ع)

گنگا میں کرونا اشنان

 

 گنگا میں کرونا اشنان

 ابھی دنیا کرونا کے ہلاکت  خیز نام  سے کچھ 'کچھ آشنا ہوئ تھی کوئ کہ رہا تھا کہ وبائیں آسمان سے اتر کر آسمان دنیا پر آتی ہیں اور پھر زمین پر اتر کر بڑے پیمانے پر ہلاکت پھیلاتی ہیں کوئ کہہ رہا تھا کرونا کا وائرس ہمارے ایک پڑوسی ملک میں بنایا گیا ہے غرض یہ کسی کی سمجھ میں ہی نہیں آ رہا تھا کہ دنیا میں ایسی بیماری بھی وارد ہو سکتی ہے جو لا دوا ہو ایسے میں مسی ساگا کی ایک نجی محفل میں علم جوتش پر کچھ عبور رکھنے والے ایک نوجوان سے اس کے گروپ کے کسی شخص نے سوال کیا تھا کہ یہ ظالم وباءدنیا سے کب تک چلی جائے گی اور پھر اس جوتش نے اپنے علم سے جواب دیا  تھا کہ میرے حساب میں دو کا ہندسہ آرہا ہے اور یہ دو کا ہندسہ دلیل کرتا ہے دو دن'دو ہفتہ 'دو مہینہ یا دو سال جوتشی نے کہا میرا علم اس سے آگے نہیں بتا سکتا ہے آس سے آ گے تم اپنے وجدان سے کام لو

محفل برخاست ہو نے کے سا تھ ہی اگلے چند دن میں لاک ڈاون شروع ہوگیا اوراب لاک ڈاون کو ڈیڑھ سال ہو چکا ہے اس عرصہ میں حکومتیں کہیں کی ہوں عجیب عجیب حالات دیکھنے میں آ رہے ہیں ہندوستان میں کرونا کے پھیلاو کا سبب بےچارے  تبلیغی لوگ بنے تو پاکستان میں زیارتوں پر جانے والے شیعہ بنے 'لیکن بات اگر الیکشن کی ہو  تو نا کراچی کے الیکشن پر کسی کو لاک ڈاون کی سختی یاد رہی نا ہی کسی اورسیاسی پارٹی کو

ور پھر الیکشن ریلیوں میں دنیا نے دیکھا ہزاروں لوگ پٹے پڑے تھے الیکشن کی ریلیوں کو ابھی اپنا کرونا رنگ دکھانا تھا کہ ایسے میں کنبھ کا مذہبی میلہ آ گیا اور میلہ کے انعقاد کااعزاز جوتشیوں کے حصّہ میں آ یا اس میلہ کا کچھ انفرادی خصوصیات کچھ اس طرح سے ہیں--

اس میلے میں ہر سال لوگ اپنے گناہ دھونے کے لیے شریک ہوتے ہیں انڈیا میں ہندوؤں کے سالانہ کمبھ میلے میں شریک نو سرکردہ سادھوؤں سمیت ہزاروں کی تعداد میں ہندو عقیدت مند کورونا وائرس کی لپیٹ میں آ گئے ہیں اور 24 گھنٹوں میں اس وبا کے نئے مریضوں کی تعداد ایک لاکھ اسی ہزار سے تجاوز کر گئی ہے۔

دو ماہ تک جاری رہنے والے اس مذہبی اہمیت کے حامل کمبھ میلے میں منگل کے روز ملک بھر سے آئے 30 لاکھ کے قریب افراد نے شرکت کی۔ منگل اور بدھ کے دو دن اس میلے کے مقدس ترین دن تصور کیے جاتے ہیں۔ گنگا میں اشنان کرنا اس میلے کی مذہبی رسومات میں شامل ہے اور توقع ہے کہ بدھ کے روز بھی لاکھوں کی تعداد میں لوگ اس رسم میں حصہ لیں گے۔انڈیا میں منگل کو 184372 افراد اس مرض میں مبتلا ہوئے جو ایک دن میں اس مرض کا شکار ہونے والوں کا ایک ریکارڈ ہے۔ انڈیا میں بہت سے لوگ کمبھ میلے کی اجازت دینے پر حکومت پر تنقید بھی کر رہے ہیں۔حکام کا کہنا ہے کہ بدھ کے روز سہ پہر تک نو لاکھ لوگوں نے گنگا میں اشنان کیا جو اس میلے کا متبرک ترین دن سمجھا جاتا ہے۔--انڈیا کی ریاست اتراکھنڈ کے وزیر اعلیٰ ترتھ سنگھ روت نے کہا کہ 'وہ وزیر صحت کی طرف سے دی گئی تمام ہدایات پر سختی سے عملدر آمد کروا رہے ہیں۔'اُنھوں نے اے این آئی نیوز ایجنسی سے بات کرتے ہوئے کہا کہ گنگا کے پانیوں میں رحمت ہے لہٰذا کورونا وائرس نہیں ہو گا۔--

پولیس حکام کا کہنا ہے کہ وہ حفاظتی اقدامات پر عمل درآمد کروانے کی پوری کوشش کر رہے ہیں لیکن اتنی بڑی تعداد میں لوگوں کے اس میلے میں شرکت کرنے کی وجہ سے انھیں شدید دشواریوں کا سامنا ہے۔اس میلے کے شرکاء جب اپنا پاک پوتّر اشنان کر کے باہر آئَ تو چلتا پھرتا کرونا بم بن چکے تھے اور پھر تمام ہندوستان سے آئَے ہوئے یاتری مجسّم کرونا بم بن کر اپنے علاقوں کو لوٹ گئے

پھر بستیوں کی بستیاں ہلاکت خیزی کے دردناک مناظر پیش کرنے لگیں شمشان گھاٹوں میں مردے رکھنے کی جگہ نہیں رہی  چتائیں جلانے کے لئے جگہ کم پڑ گئ آگ کے لئے لکڑیوں کا بحران آ گیا اور پوری دنیا نے اس کرونا  بھونچال کے سبب انڈیا کے ساتھ برّی اور فضائ راستے بند کر دئے

کمبھ میلے کی نگرانی کرنے والے ہیلتھ آفیسر ڈاکٹر ارجن سنگر کا کہنا ہے کہ نو سرکردہ سادھوؤں کو بھی کورونا وائرس لگ گیا ہے۔حکومت پر اس میلے کی اجازت دینے کے فیصلے پر تنقید میں اضافہ ہوتا جا رہا ہےنریندر گری جو 14 ہندو گروپوں کی ایک تنظیم کے صدر ہیں وہ بھی کورونا وائرس سے متاثر ہو گئے ہیں۔انھیں ہردوار میں آل انڈیا انسٹیٹیوٹ آف میڈیکل سائنسز میں داخل کر دیا گیا ہے۔

اتر پردیش کے سابق وزیر اعلیٰ اکلیش یادیو کو بھی کورونا وائرس کا مرض ہو گیا ہے۔ انھوں نے بھی اتوار کو ہردوار کا دورہ کیا تھا جہاں انھوں نے کئی ہندو سادھوؤں سے ملاقات کی تھی۔اتر پردیش کے موجودہ وزیر اعلیٰ یوگی ادتیا ناتھ بھی کورونا وائرس کے مریضوں میں شامل ہیں حالانکہ وہ ابھی تک اس میلے سے دور رہے ہیں۔حکومت پر اس میلے کی اجازت دینے کے فیصلے پر تنقید میں اضافہ ہوتا جا رہا ہے۔ صحت کے حکام نے اس میلے کو منسوخ کرنے کا مشورہ دیا تھا لیکن نریندر مودی کی انتہا پسند حکومت نے یہ مشورہ یہ کہتے ہوئے ماننے سے انکار کر دیا کہ حفاظتی اقدامات پر عملدر آمد کو یقینی بنایا جائے گا۔

حکومت نے میلے سے قبل اعلان کیا تھا کہ صرف ان لوگوں کو میلے میں شریک ہونے کی اجازت دی جائے جن کے کورونا ٹیسٹ منفی ہوں گے اور سماجی فاصلوں پر سختی سے عمل کیا جائے گا۔لیکن میلے سے اطلاعات موصول ہو رہی ہیں کہ حکومت ان ضابطوں کی پابندی کروانے میں ناکام رہی ہے اور بہت سے لوگ ماسک پہنے بغیر اس میلے میں شرکت کر رہے ہیں۔

انڈیا میں اس وباء کی نے قیامت برپا کر رکھی ہے۔ اطلاعات کے مطابق ملک بھر میں کورونا وائرس کا شکار ہونے والوں کی بڑھتی ہوئی تعداد کی وجہ سے ہسپتالوں میں نئے مریضوں کو داخل کرنے کی گنجائش نہیں رہی ہے، جان بچانے والی ادویات اور آکسیجن کی بھی کمی ہو رہی ہے۔

انڈیا کی مغربی ریاست مہاراشٹرا جو اس وباء سے سب سے زیادہ متاثر ہوئی ہے وہاں منگل کی شام سے سخت پابندیاں لگا دی گئی ہیں۔مہاراشٹرا کے وزیر اعلیٰ اُدھو ٹھاکرے نے کہا ہے کہ ہنگامی سہولیات صرف اگلے 15 دن تک چل سکتی ہیں۔اُنھوں نے ایک پریس کانفرنس میں کہا کہ 'جنگ دوبارہ شروع ہو گئی ہے۔' ریاست میں منگل کو 60 ہزار لوگ اس وباء کا شکار ہوئے

یاد رہے کہ انڈیا کی حکومت نے سکھ یاتریوں کے کرتار پور جانے پر پابندی لگا رکھی ہے اور مسلمانوں کی تبلیغی جماعت کو بھی کورونا وائرس پھیلانے کے الزامات پر مقدمات کا سامنا کرنا پڑا ہےانڈیا میں کورونا وائرس کے مریضوں کو زندہ رکھنے کی جدوجہد جاری تو ہے لیکن میلہ اپنا کاری وار کرکے گزر گیا ہے-کورونا وائرس انڈیا میں متاثرین کی تعداد 20 لاکھ سے زیادہ، ہو چکی ہے

 کوئی سوچ بھی نہیں سکتا تھا اتنا بھیانک منظر ہوگا’,انڈیا میں وبا سے اموات کے باعث دن رات جلتی چتاؤں کے مناظرکتنے ہولناک ہو سکتے ہیں  --

مرنے والوں کے اقربا سکتے میں ہیں مرنے والے  ایک شخص کے ساتھ صرف اس کی بیوہ اپنا دو برس کا بچّہ سنبھالے ہوئے تھی کرونا کے سبب تمام اقربا چتاء کی رسم پر بھی نہیں آئے تھے اللہ دنیا پر رحم کر دے

 

 

ارے بھاڑ میں ڈالو ایسی سسرال کو

ارے بھاڑ میں ڈالو ایسی سسرال کو

اس کہانی کی یہ ابتداء تھی کہ ان دنوں کراچی میں انڈین فلموں کا زور ہونے کے سبب کراچی میں شادی کے اُ مّید

 وارنوجوان شادیوں کے لئے لڑکیاں نہیں بلکہ اپنی دلہن کے روپ میں لڑکی نہیں مادھوری ڈکشٹ اور جوہی چا ولہ جیسی

 لڑکیاں ڈھونڈتے تھے میرا چونکہ ٹیوشن سینٹر چلتا تھا اس لئے اکثر خواتین اپنے گھریلو مسائل کے سلسلے میں بھی آجایا

 کرتی تھیں جن کے مسائل میں حتّی المقدور حل کر دیا کرتی تھی ایسے میں ایک خاتون سے میری شناسائ ہوئ جنہوں

 نے مجھ سے اپنی چھوٹی بہن کو ملوایا اور کہا بجّو یہ میری بہن ہے ہائ اسکول ٹیچر ہے اس کا کوئ اچھّا رشتہ دیکھئے

میں نے دیکھا لڑ کی جس کا رنگ کالے رنگ سے بہت قریب تھا قد درمیانہ سے بھی کچھ کم تھا جسامت میں بھی کوئ

 کشش نہیں تھی عمر بتیس تینتیس کے ہندسہ کوچھوچکی تھی اور وہ اپنے بھائ بھابی اور ماں  کے ساتھ رہتی تھی باپ کا انتقال ہو چکا تھا

اللہ کی رحمت جوش میں آ گئ اور کراچی کی ایک مضافاتی بستی کے ایک ایسے گھر سے اس کا رشتہ 

اس کی اپنی بہن نے ڈھونڈ لیا جن کو جاب والی بہو چاہئے تھِی تاکہ گھر میں بیٹے کا گھر بھی آباد ہوجائے اور بہومالی سہارا بھی دینے والی ہو

لڑکی کی بڑی بہن نے بتایا کہ لڑکا خوبرو اور خوبصورت ہے ،بہر حال شادی ہو گئ ،، شادی کی اگلی صبح لڑکی کی سسرال میں

 ایک رسم یہ تھی کہ دلہن جب میکہ جائے گی اور اس کے پہننے کے کپڑے نکالے جائیں گے تو صندوق یا سوٹ کیس میں

 جو جوڑا پہلے رکھّا ہو گا وہ لڑکے کی بہن کا ہو گا یعنی نند کا' اس سے نیچے جو جوڑا ہو گا وہ دلہن پہنے گی

لہٰذہ شادی کی اگلی صبح جب لڑکی کو میکہ بھِجنے کا وقت آیا اور کپڑوں کے لئے اس کا سوٹ کیس کھولا گیا

تو لڑکی کے جہیز کی سب سے قیمتی ساری سب کپڑوں سے اوپر رکھّی تھی وہ اٹھا کر لڑکی کی نند کو دی گئ

 اور لڑکی اپنے میکہ سے آئے ہوئے لوگوں کے ساتھ چلی گئ میکہ جا کر اس نے اپنی بہن کو ساری کی بابت بتایا

تو لڑکی کی بہن کو غصّہ آ گیا اور اس نے کہا کہ وہ ساری واپس لے کر کوئ دوسرا جوڑا دے دو

اب دولہا جب لڑکی کو لینے سسرال پہنچا تو لڑکی نے اس سے کہا کہ مجھے میری ساری واپس چاہئے

لڑکا اپنے گھر والوںکا مزاج جانتا ہوگا اس نے لڑکی سے کہا میں تم کو ویسی ہی ساری دلوا دوں گا لیکن لڑکی نے اپنا موڈ

 خراب کر لیا اور اس سے اگلے روز ولیمہ میں لڑکی کے میکہ اورسسرال کے درمیان ایک ساری نے تناو کی کیفیت پی

 کر دی تھی کیونکہ لڑکی کی بڑی بہن کا کہنا تھا کہ ابھی اگر ساری چھوڑ دی تو ساری عمر ہر بات پر سسرال والے اپنی ہی

 مرضی چلائیں گے یہی وہ پوائنٹ تھا جب لڑکی کی ازدواجی زندگی میں پہلی دراڑ پڑ گئ لڑکی کا شوہر بھی

جو شادی کی رات بہت خوش تھا وہ ولیمے میں بلکل خاموش تھا وہ ولیمے کی تقریب میں لڑکی کے پاس بھی نہیں آیا تھا

تقریب کے ختم پر لوگ کہ سن کر تصویریں بنوانے لائے تھے

،،ساری لڑکی کو واپس نہیں دی گئ اور سسرال والوں نے کہ دیا ہم اپنی رسموں ریتوں کو خراب نہیں کریں گے پھر

 ہی مہینوں میں سننے میں آگیا کہ لڑکی خلع لے کرمیکہ آ کر بیٹھ گئ ہے -اور پھرکچھ مہینوں بعد اس نے ایک بچّی کو جنم دیا

 بچّی اپنے باپ کی طرح سرخ و سفید رنگت کی تھی پیدائش کے اگلے روز ہی لڑکی کی بہن نے کہا تم اس بلا کو کہاں لئے

 پھرو گی باپ کے پاس بھجواو جس کی اولاد ہے وہ جانے قارئین یقین جانئے کہ ایسے واقعات دل پر کتنی گہری ضرب

 لگاتے ہیں جن کے پس منظر میں معصوم پھول اور کلیاں مسلتے جاتے ہیں

تو جب وہ بیٹی کسی کے ہاتھ بچّی کی ددھیال بھجوائ  لیکن دروازہ کھولے بغیر اندر سے جواب آ گیا  ہمارا  اس سے کوئ رشتہ

 نہیں ہے اسے جہاں سےلائے ہو وہیں واپس کر دو اس طرح وہ ننھّی کلی پھر واپس ماں کے پاس آئ

 اب جب میری اُس لڑکی سے ملاقات ہوئ تو وہ ایک شادی کی تقریب تھی لڑکی رنجیدہ و سوگوار تھی اس کی بیٹی اب

 ڈھائ سال کی خوبصورت گڑیا لگ رہی تھی  اور پھر لڑکی  بار بار کہتے سنی گئ کہ لڑکی کو سسرال کی شکائتیں میکہ میں نہیں

 کرنی چاہئے پھر کچھ ہی دن ہوئے تھے کہ بوڑھی ماں اچانک ہی سوتے میں خدا کےگھر چلی گئ ،ماں کے چالیسویں تک تو

 گھر میں خاموشی رہی لیکن چالیسویں کے فوراً بعد ایک دن اسے دونوں بھائیوں نے نیچے کی منزل پر بلا کر کہا کہ اب ہمارا

 اس گھر میں گزارا مشکل ہو رہا ہے اس لئے گھر بیچا جاءئے گا ااس لئَے ہمارے ساتھ رہنا ہے تو اپنا پیسہ بھی مکان

 خریدنے میں لگانا ہے اور وہ ایک گھر میں  اوپر کی چھت پر بنے ایک کمرے میں کرایہ پر آ گئ کمرے کی چھت ٹین کی تھی

 اور ترکہ کا پیسہ اس نے بنک میں جمع کر دیا تاکہ مشکل وقت میں کام آسکے،

فیصلہ قارئین  کریں گے کس نے کہاں غلطی کی جو ایک بسا بسایا گھر اجڑ گیا