تمنائے علی ع ''غازی عباس علمدار"ولادت مبارک

 

حضرت عباس   علدار  کی ولادت باسعادت چار شعبان المعظم 26ھ کو ہوئی۔ انھوں نے اس وقت تک آنکھ نہیں کھولی جب تک  آپ  کے بھائی   حضرت امام حسین علیہ السلام نے انھیں اپنے ہاتھوں میں نہیں لیا۔ بچپن ہی سے انھیں حضرت امام حسین علیہ السلام کے ساتھ بہت مودت محبت اور عقیدت تھی۔ علی بن ابی طالب نے اس عظیم الشان بچے کا نام عباس رکھا۔مولائے کائنات حضرت علی بن ابی طالب نے  غازی عباس کی تربیت و پرورش کے درمیان   فن سپہ گری، جنگی علوم، معنوی کمالات، مروجہ اسلامی علوم و معارف  پرخصوصی توجہ دی تھی   ۔ 14 سال کی معمولی عمر تک وہ ثانی حیدرؑ کہلانے لگے۔ عباس بن علی بچوں کی سرپرستی، کمزوروں اور لاچاروں کی خبر گيری، تلوار بازی اور مناجات و عبادت سے خاص شغف رکھتے تھے۔ ان کی تعلیم و تربیت خصو صاً کربلا کے لیے ہوئی تھی۔ لوگوں کی خبر گیری اور فلاح و بہبود کے لیے خاص طور پر مشہور تھے۔ اسی وجہ سے آپ کو باب الحوائج کا لقب حاصل ہوا۔ حضرت عباس کی نمایان ترین خصوصیت ”ایثار و وفاداری“ ہے جو ان کے روحانی کمال کی بہترین دلیل ہے۔ وہ اپنے بھائی امام حسین علیہ السلام کے عاشق و گرویدہ تھے اورسخت ترین حالات میں بھی ان کا ساتھ نہیں چھوڑا۔

 لفظ وفا ان کے نام کے ساتھ وابستہ ہو گیا ہے اور اسی لیے ان کا ایک لقب شہنشاہِ وفا ہے۔ آپ عرب اور بنو ہاشمؑ کے خوبصورت ترین ہستیوں میں سے تھے۔ اسی لیے آپ کو قمر بنی ہاشمؑ بھی کہا جاتا ہے۔آپ ایسے امام زادے ہیں جن کے لئے معصومین علیہم السلام کی جانب سے تقریبا 11 زیارتنامے وارد ہوئے ہیں جن میں سب سے زیادہ معروف وہ زیارت ہے جو فرزند رسول امام جعفر صادق علیہ السلام کی زبانی وارد ہوئی ہے۔ ’’السلام یا ایھا العبد الصالح المطیع للہ و لرسولہ‘‘امام جعفر صادق علیہ السلام آپ کی ذات والا صفات کے بارے میں فرماتے ہیں: کانَ عَمُّنَا العَبّاسُ بنُ عَلِیٍّ نافِذَ البَصیرَةِ صُلبَ الإیمانِ جاهَدَ مَعَ أبی عَبدِاللّه ِ و أبلی بَلاءً حَسَنا و مَضی شَهیدَا؛ ہمارے چچا عباس بن علی اعلیٰ بصیرت اور پختہ ایمان کے حامل تھے، جنہوں نے ابو عبد اللہ (امام حسین) کی رکاب میں جہاد کیا اور امتحان میں سرخرو ہوئے اور پھر شہادت پائی۔ (عمدة الطّالب ، ص 356  آپ نے سنہ ۶۱ ہجری میں فرزند رسول امام حسین علیہ السلام کے ہمراہ میدان کربلا میں دس محرم کو شہادت پائی۔وقتِ شہادت آپ کی عمر چونتیس سال بتائی جاتی ہے۔

آپ کے القاب میں سقہ، علمدار ، قمر بنی ہاشم اور عبد صالح زیادہ معروف ہیں۔ جناب ابوالفضل العباس علیہ السلا م    کی ولادت با سعادت 4 شعبان المعظم سنہ 26 ہجری کو مدینۂ منورہ میں ہوئی۔سنہ 61 ہجری میں روز عاشور امام حسین علیہ السلام کے  ہمراہ شہادت پائی۔آپ کی کل عمر 32 یا 34 برس بتائی جاتی ہے۔آپکے پدر بزرگوار امیر المومنین حضرت علی علیہ السلام   نے آپ  کا نام مبارک ’’عباس‘‘ خود پنے چچا عباس بن عبد المطلب کے نام پر رکھا۔آپ کے القاب میں قمر بنی ہاشم، باب الحوائج، سقا، علمدار کربلا اور عبد صابر زیادہ معروف ہیں۔امیرالمومنین علیہ السلام آپ کے بارے میں فرماتے ہیں: «اِنَّ وَلَدِی الْعَبّاس زَقَّ الْعِلْمَ زَقّاً» میرے فرزند عباس نے اس طریقے سے مجھ سے علم و دانش حاصل کیا جس طرح پرندے کا ایک بچہ اپنی ماں سے دانہ پانی حاصل کرتا ہے۔ (مقرّم، مقتل الحسین، بیروت، دارالکتاب، ص 169/ سیمای امام حسین ع، ص 182.)لقب ’’باب الحوائج‘‘ آپ کو امام حسن مجتبیٰ علیہ السلام کے زمانے میں اُس وقت ملا جب آپ کریم اہلبیت کے عطا کردہ تحائف، ہدایا اور اشیاء کو مستحق افراد کے درمیان تقسیم فرمایا کرتے تھے۔آپ کی ذات گرامی کی نمایاں ترین صفت اپنے امام کا مطیعِ محض ہونا ہے۔

 چاہے امام حسن مجتبیٰ علیہ السلام کی حیات طیبہ کا دور ہو یا اسکے بعد آپ کی شہادت کے موقع پر پیش آنے والے دردناک واقعات ہوں، سید الشہدا امام حسین علیہ السلام کی حیات طیبہ ہو یا پھر روز عاشور پیش آنے والے واقعات، آپ سراپا اطاعت تھے۔آپ کی ذات والا صفات امام حسین علیہ السلام کے لئے اُسی مقام کی حامل تھی جو رسول خدا صلی اللہ علیہ والہ و سلم کی ذات کے لئے امیرالمومنین علی علیہ السلام کی شخصیت حامل تھی۔امام حسین علیہ السلام کی نگاہ میں آپ بڑی قدر و منزلت کے حامل تھے، اس طرح کہ آپ جناب عباس علیہ السلام سے فرمایا کرتے تھے: بنفسی انت؛ یعنی میری جان تم پر قربان۔ اور آپ کی شہادت کے بعد فرمایا کہ ’’ألآن إنکسر ظھری یا أخی‘‘؛یعنی اے میرے بھائی اب میری کمر ٹوٹ گئی۔آپ ایسے امام زادے ہیں جن کے لئے معصومین علیہم السلام کی جانب سے تقریبا 11 زیارتنامے وارد ہوئے ہیں جن میں سب سے زیادہ معروف وہ زیارت ہے جو فرزند رسول امام جعفر صادق علیہ السلام کی زبانی وارد ہوئی ہے۔

 ’’السلام یا ایھا العبد الصالح المطیع للہ و لرسولہ‘‘امام جعفر صادق علیہ السلام آپ کی ذات والا صفات کے بارے میں فرماتے ہیں: کانَ عَمُّنَا العَبّاسُ بنُ عَلِیٍّ نافِذَ البَصیرَةِ صُلبَ الإیمانِ جاهَدَ مَعَ أبی عَبدِاللّه ِ و أبلی بَلاءً حَسَنا و مَضی شَهیدَا؛ ہمارے چچا عباس بن علی اعلیٰ بصیرت اور پختہ ایمان کے حامل تھے، جنہوں نے ابو عبد اللہ (امام حسین) کی رکاب میں جہاد کیا اور امتحان میں سرخرو ہوئے اور پھر شہادت پائی۔ (عمدة الطّالب ، ص 356 آپ نے سنہ ۶۱ ہجری میں فرزند رسول امام حسین علیہ السلام کے ہمراہ میدان کربلا میں دس محرم کو شہادت پائی۔وقتِ شہادت آپ کی عمر چونتیس سال بتائی جاتی ہے۔آپ کے القاب میں سقہ، علمدار ، قمر بنی ہاشم اور عبد صالح زیادہ معروف ہیں۔ابو الفرج اصفہانی اپنی کتاب مقاتل الطالبین میں تحریر کرتے ہیں: عباس بن علی ایک حسین و جمیل صورت کے مالک تھے اور جس وقت آپ گھوڑے پر سوار ہوتے تھے تو آپ کے قدمہائے مبارک زمین پر خط دیا کرتے تھے۔صاحب منتہی الارب کے مطابق  لفظ عباس در حقیقت صیغۂ مبالغہ ہے اور بے مثل و نظیر شجاعت و دلاوری کے باعث فرزند علی (ع) کو عباس کہا جاتا تھا جس کا مطلب ہوتا ہے کچھار میں بیٹھا ہوا شیر۔  واقعہ کربلا سے آشنا ہر شخص حضرت ابوالفضل العباس بن علی علیہما السلام کی ذات والا صفات کی بے نظیر قدر و منزلت، عظمت، شجاعت، جذبۂ اطاعت اور ایثار و فداکاری سے بخوبی واقف ہوتا ہے۔فرزند رسول سید الشہدا امام حسین علیہ السلام ارشاد فرماتے ہیں کہ جیسے اصحاب مجھے ملے ایسے نہ میرے نانا رسول خدا کو ملے نہ میرے بابا علی مرتضیٰ کو ملے۔شب عاشو راصحاب و انصار میں سب سے پہلے جس شخصیت نے اعلانِ وفاداری کیا وہ حضرت عباس علیہ السلام کی ذات والا صفات تھی۔

زرا عمر رفتہ کو آواز دینا -میرے بچپن کی روداد زندگانی

  

لوٹ پیچھے کی طرف ائے گردِشِ ایّا م تو-اپنی کتاب زندگی شروع کرتے ہوئے  اپنی معلوم یاداشت میں اپنے بچپن کا بس ایک ہلکا سا وہ خاکہ محفوظ ہے جب میرے  والد کی بیماری کے سبب  انکی  ائر فورس کی سروس ختم ہوئ  اور پھر ہماری ائرفورس چھاؤ نی کی رہائش  سےبھی   ماورائ طاقتوں نے ہمیں بے دخل کروا کر ہی چھوڑا کیونکہ میرے چھ برس کے  بھائ جان ان طاقتوں کے نشانے پر آ چکے تھےپھر ہم سب کو  میرے والد اپنے ایک دوست حفیظ اللہ   صاحب کے گھر لے آئے  اور یہاں سے  ہمارا اگلا آزمائشی زندگی کا سفر شروع ہوا - مجھے اچھی طرح یاد ہے  جب  میرے   والدین نے لالوکھیت ڈاکخانے سے''اب اس مکان میں جاوداں سیمنٹ  ڈپو ہے '' لالوکھیت چار نمبر نقل مکانی کی تھی اس دور میں کراچی میں سائیکل رکشا کا رواج تھا اور میں بھی اسی سائیکل رکشا میں    اپنے بھائ جان کے ساتھ اپنے  والدین کے محسن بابو بھا ئ کے ساتھ ہاتھ رکشہ میں  بیٹھی  تھی میرا خیال ہے کہ بابو بھائ کی عمر اس وقت تیرہ یا چودہ برس ہوگی وہ اپنی بڑی بہن اور بہنوئ کے ساتھ رہتے تھےسائیکل رکشہ میں کئ چھوٹے بڑے موجود تھے اور جب سائیکل رکشہ نےچلنا شروع کیا تو مجھے محسوس ہوا کہ ہر گاڑی جیسے مجھے کچلنے کو بڑھی چلی آ رہی ہے میں رونے لگی تو بابو بھائ نے کہا تم اپنی آنکھین بند کر لواور پھر میں نے ڈر کے مارے تمام راستے اپنی آنکھین بند رکھّی تھیں -جب ہما را تنکوں سے بنا آشیانہ آ گیا تو بابو بھائ نےکہا سب بچّے اٹھ جائیں گھر آ گیا ہے

بابو بھائ نے ہمیں رکشہ سے اتارا اور رکشہ والے کو کرایہ دے کر ہم بچّو ں کو اندر لائے ، مجھے اپنے بچپن کے یہ دن بھلائے نہیں بھولے کیونکہ یہ دور بہت ہی نا آسودہ اور مشکل دور تھا اس دور کے خوف بھی عجیب تھے ،راتوں کوبھیڑیوں کے غول کے غول جھگیّوں کے آس پاس اپنی مکروہ آوازوں میں بولتے ہوئے اور غرّاتے ہوئے پھرتے تھے- اس پر گھر کے بڑوں نے یہ باور کروا دیا تھا کہ بھیڑئے بچّوں کو منہ میں دبا کر اٹھا لے جاتے ہیں ہمارے بڑوں نے ہمیں اس لئے ڈرایا تھا کہ ہم بچّے دن میں گھر سے باہر نہیں پھریں لیکن اس ڈرانے کا نتیجہ میرے اوپر یہ ہوا کہ میں راتوں کو ڈر کے مارے جاگنے لگی،مجھے  چھاؤنی  کی رہا ئش میں کبھی بھی ڈر یا خوف لاحق نہیں ہوا تھا لیکن لالوکھیت چار نمبر میں یہ خوف مستقل میرے زہن سے چپک گیا تھا کہ کسی رات کو بھیڑیا مجھے بھی سوتے میں اپنے منہ میں دبا کر چل دے گا اور یہ خوف مجھے ساری ساری رات جگائے رکھتا تھا ،لیکن زندگی کو بچّوں کی نفسیا ت کا یہ تجربہ بھی دے گیا کہ بچّے کی سوچوں کی دنیا صرف اپنی زات کے گرد ہی گھومتی ہے ،میں یہ کیوں نہیں سوچتی تھی کہ بھیڑیا میری چھوٹی بہن یا ننھے بھائ کو بھی تو لے جاسکتا ہے ڈر تھا تو بس اس بات کاکہ بھیڑیا مجھے لے جائے گااور پھر کھا جائے گا  -

بہر حال وہ کڑا وقت بھی آخر گزر ہی رہاتھا اور ابتدائ تعلیمی سفر بھی شروع ہو چکاتھا اس زمانے میں رواج تھا کہ بچّے کو پہلے گھر پر ہی تین یا چار جماعتیں پڑھائ جاتی تھیں پھر اسکول میں داخلہ ہوتا تھا ،یہ بچّے اور اس کے گھر والوں کے لئے ایک اعزاز کی بات تھی کہ وہ گھر سے اتنا سیکھ کر اسکول آیا ہے چنانچہ میری تعلیمی زندگی کی باگ ڈور حسب حال میری والدہ نے اپنے ہاتھ میں لے لی ،اب تختی کے ایک جانب وہ گہری کالی پنسل سےالف ب لکھتی تھی اور دوسری جانب ایک سے دس تک گنتی ہوتی تھی اور ان کے لکھے ہوئے پر برو کے قلم کو دوات میں ڈبو کر پھر اسے احتیاط سے نکال کر کہ سیاہی ادھر ادھر گرے نہیں-مجھے ان کی تحریر پر قلم سے لکھنا ہوتا تھا-میں اپنی پیاری ماں کے کہنے کے مطابق کام کر لیا کرتی تھی ،پھر تختی کی تحریر سوکھنے  کے لئے  کسی کھلی جگہ  رکھ  دینی ہوتی تھی جب میری امی جان گھر کے کام کاج سے فراغت پا لیتی تھیں تب ہم بہن بھائیوں کی  تختیاں چیک کرتی تھیں -اس چیکنگ کے بعد پھر ہم کو اپنی اپنی تختیوں کی دھلائ کر نی ہوتی تھی 'یعنی ملتانی مٹی کو ایک کاٹن کا  رومال لے کر  اپنی گیلی تختی پر آہستہ آ ہستہ رگڑ کر صاف کرکے دھونا اور  دوبارہ اس پر  ملتانی مٹی کا لیپ  کر کے  ا گلے وقت کے لئے تیار کرنا ہوتا تھا -

اس زمانے میں  بچوں کوپنسل   تیسری جماعت سے استعمال  کر نے کی  اجازت   ہوتی تھی  ،پڑھنے لکھنے کے علاوہ میرا اہم کام اپنے والدین کے گھر تین برس یا اس کچھ کم یا اس کچھ زیادہ کی مدّت پر آنے والے اپنے چھوٹے بھائیوں کی دیکھ بھال تھی اور اب میرے مشاغل میں ایک نئ مصروفیت یہ شامل ہوئ تھی کہ   جب  میرا لکھنے پڑھنے کا ٹائم پورا ہو تا تھا  تب میں اپنے گود کے بھائ کو اٹھا کر اپنے ان پڑوسیوں کے گھر چلی جاتی تھی جہاں جانے کی اجازت والدہ نے مجھے دی ہوئ تھی کیونکہ میں نے  اردو  بہت جلد پڑھنی سیکھ لی تھی اور وہ دو گھر ایسے تھے جہاں مجھے بچوں کی کہانیوں کی کتابیں پڑھنے کو مل  جاتی تھی  ان دو گھروں میں ایک امینہ آپا کے چھوٹے بھائ حسن بھائ تھے جو مجھ سے سال بھر بڑ ے تھے اور دوسرا گھر  سلیم 'اسلم کا تھا اس گھر کے سربراہ جنگ اخبار کے کاتب تھے جو بہت باریک قلم سے خبریں لکھا کرتے تھے -  ابھی میرا اسکول میں داخلہ نہیں ہواتھا اور میں تیسری کلاس کا کورس گھر پر پڑھ رہی تھی- کہ میری ایک پڑوسن نے جب میں ان کے گھر پہنچی مجھ سے کہا جاؤ اور اپنی امّی سے راشن کارڈ لے کر آؤ ہم دودھ لینے جارہے ہیں میں الٹے پیروں گھر آئ اور امّی جان سے کہا ،خالہ راشن کارڈ منگا رہی ہیں آ پ بھیّا کو دیکھ لیجئے میں خالہ کے ساتھ دودھ لینے جا رہی ہوں ،خالہ نے راشن کارڈ اپنے کپڑے سے بنے ہو ئے تھیلے میں رکھا اور مجھے ساتھ لیا اور گھر سے نکل کرحب ندی  کی سمت سفر کرتے ہوئے ناظم آباد کے علاقے میں ایک بنگلے پر پہنچیں 

وہاں لاتعداد مہاجر آئے تھے عورتوں کی قطار الگ تھی مردوں کی قطار الگ تھی راشن کارڈ پر تصدیق کر نے والون کا ایک الگ کاؤنٹر تھا ہر گھر کا صرف ایک ہی فرد اپنے راشن کارڈ پر حکومت کے مقرّر کردہ کوٹے کے مطابق ہی دودھ لے سکتا تھا اس کے لئے سب سے پہلے گھر کے افراد کا ندراج رجسٹر پر ہو رہا تھا اور اسی حساب کے مطابق دودھ کی مقدار دی جارہی تھی-دودھ لانے کا سلسلہ تقریباً سوا سال سے  کچھ اوپر چلتا رہا پھر میرا اسکول میں داخلہ ہو گیا جس کے سبب دودھ لانے کا سلسلہ موقوف ہو گیا ٍ-لیکن  اس چھوٹے سے سفر میں جس کے درمیان حب ندی آتی تھی  میں دیکھتی تھی ندی کے اس پار لاکھوں جھگیاں اور ندی کے اس پار خوبصورت نئے نئے بنگلے 'دراصل ناظم آباد ان دنوں نیا نیا آبا د ہورہاتھی  بہر حال میرے دل میں ایک  خیال کا کوندا لپکتا کاش میں کسی بنگلے میں اندر جا کر  چھپ جاوں پھر باہر واپس نا آؤں لیکن میرے اس  مفسد خیال  کو میری  اس نگراں خالہ   نے عملی جامہ پہننے کا موقع نہیں دیا 

کہاں سے شروع کہاں پہ ختم -ایمیزون جنگلات

     شمالی اور جنوبی امریکہ کے علاقوں کی طرف کا ایک غیرمعمولی بڑا جنگلاتی علاقہ ہے جو دریائے ایمیزون کو بھی عبور کرتا ہے اسی کو ایمیزون کا جنگل کہتے ہیں۔ ایمیزون  جنگل دنیا کے9 ممالک کی حدود میں واقع ہے۔ ان ممالک میں برازیل، فرانسیسی گیانا، ایکواڈور، گیانا، کولمبیا، ونزویلا، بولیویا، پیرو اور سرینام کے کچھ حصے شامل ہیں۔ ایمزون جنگل کا بہت بڑا حصہ برازیل میں واقع ہے جو پچاس فیصد سے زائد ہے۔ وسطیٰ ایمیزون میں درجہ حرارت 30ڈگری سینٹی گریڈ تک رہتا ہے جبکہ ایمیزون کے مغربی حصہ میں درجہ حرارت 25ڈگری سینٹی گریڈ تک رہتا ہے۔ وکی پیڈیا کے مطابق ایمیزون جنگل کا رقبہ2,510,000 مربع میل ہے جو کہ آسٹریلیا کے رقبہ کے تقریبا ًبرابر ہے۔ دنیا کی زندہ حیات کا نصف اسی جنگل میں پایا جاتا ہے ۔ ایمیزون جنگل کے بارے میں    انتہائی حیرت انگیز حقائق مختلف تحقیقی رپورٹوں کی روشنی میں سامنے آئے ہیں  ۔ ان کے مطابق ایمزون ایک یونانی لفظ ہے جس کا مطلب ’’لڑاکوجھگڑالو عورت‘‘ ہے۔ یہ جنگل ساڑھے پانچ کروڑ سال پرانا ہے۔ زمین کی20 فیصد آکسیجن اسی جنگل کے درخت اور پودے پیدا کرتے ہیں۔ دنیا کے چالیس فیصد جانور، پرند، چرند، حشرات العرض ایمزون میں پائے جاتے ہیں۔ کیڑے مکوڑوں کی25 لاکھ سے زائد اقسام، پرندوں کی1500 اور دریا، ندیوں میں مچھلیوں کی دو ہزار سے زائد اقسام یہاں پائی جاتی ہیں۔ ایسے زہریلے حشرات العرض یہاں پائے جاتے ہیں کہ کاٹ لینے کی صورت میں چند منٹوں میں انسان کی موت واقع ہو جاتی ہے۔ ایمیزون جنگل کی سب سے خوفناک بات وہاں کی جانورخور مکڑیاں ہیں جو اتنی بڑی اور طاقتور ہوتی ہیں کہ پرندوں کو موقع ملتے ہی دبوچ کر ہلاک کردیتی ہیں۔ جانوروں کو سورج کی دھوپ لینے کے لئے اونچے اونچے درختوں پر چڑھنا پڑھتا ہے۔ بندر خاص طور پر ایسا کرتے ہیں۔ وہاں 9 میٹر سے زائد لمبے سانپ تو عام پائے جاتے ہیں جو اپنی ہیبت اور شکل سے ہی جان لیوا دکھائی دیتے ہیں۔ 1922ء میں وکٹر ہائنٹس نامی پادری جب دریا ایمیزون کی طرف گیا تو اس نے دریا میں تیرتے ایسے سانپ کو دیکھا جس کی آنکھیں اتنی بڑی تھیں کہ بوٹ کی روشینیوں کی مانند لگتی تھیں۔

 ایمزون کے جنگل کو اگر قدرتی عجوبہ قرار دیا جائے تو کچھ غلط نہ ہوگا ۔ کیڑے مکوڑوں، پرندوں، چرندوں، جانوروں کی ایسی ہزاروں مخلوق موجود ہیں جن کو ابھی تک کوئی نام نہیں دیا جاسکا۔ ایمیزون کے جنگل میں آج بھی وحشی اور انسان خور قبائل موجود ہیں جو انسانوں کو کھاتے ہیں ۔ جنگل میں موجود ان قبائل کی تعداد400 بتائی جاتی ہے جن کی کل آبادی چالیس لاکھ سے زائد ہے۔ جب سورج پوری آب و تاب کے ساتھ چمک رہا ہو تو تب بھی ایمیزون کے جنگل کا بڑا حصہ اس قدر تاریکی میں ڈوبا ہوتا ہے کہ ٹارچ کے ساتھ آپ کو زمین دیکھنی پڑتی ہے۔ جنگل کے کچھ حصے اس قدر گھنے ہوتے ہیں کہ اگر ایک انسان جنگل کے ایک حصہ میں کھڑا ہو اور بارش شروع ہوجائے تو اس تک بارش کے قطرے دس سے پندرہ منٹ تک پہنچیں گے، ایمیزون کے جنگل بارے بہت کچھ جاننے کی کوششیں جاری ہیں اور بہت کچھ جانا بھی جاچکا ہے لیکن کل جنگل کے دس فیصد حصہ تک ہی رسائی ممکن ہوسکی ہے۔ ایمیزون جنگل کے بارے میں سائنس اور دیگر ذرائع کی تحقیق کے بعد جو اعدادو شمار اور حقائق منظر عام پر آئے ہیں اس سے اس جنگل کے خوفناک ہونے پر کسی قسم کا کوئی شبہ باقی نہیں رہتا ۔ اس علاقے کو ایمزونیا بھی کہا جاتا ہے۔

ایمیزون کے جنگلات میں درجنوں مہم جو گئے لیکن واپس نہیں لوٹے اور آج تک یہ پتہ نہیں چل سکا کہ ان کے ساتھ کیا ہوا۔ آیا وہ درندوں کے ہاتھ لگے یا انسان خور وحشی قبائلیوں کی خوراک بن گئے۔ 2009ء میں سی این این کی ایک خبر نے سنسنی پھیلا دی جس کے مطابق برازیل کے ایک قبیلہ ’’کولینا‘‘ نے ایک انیس سالہ نوجوان کو اغوا کیا اور اس کے ٹکڑے کرکے اس کا کھا لیاگیا۔ وہ قبیلہ پیرو کی سرحد کے قریب رہتاتھا ۔ مقامی پولیس لڑکے کے اہل خانہ کے ساتھ اندر ان تک پہنچی تو وہاں اس کی کھوپڑی کو لٹکا دیکھ کر ان کے اوسان خطا ہوگئے اور الٹے پاؤں واپس لوٹ گئے ۔ یہ بات قابل ذکر ہے کہ پولیس کو ایسے قبائل تک پہنچنے کی اجازت نہیں ہوتی۔ اسی طرح برازیل کا قانون بھی پولیس کو ایسے قبائلیوں تک پہنچنے کی اجازت نہیں دیتا ۔ پیرو ملک کے ایمیزون جنگل کے ایک علاقہ میں ایک دریا بہتا ہے جو اتنا گرم ہے کہ اندر گرنے والا منٹوں ہی میں پانی میں گھل جاتا ہے۔ ابلتے پانی کی بھاپ ہمیشہ دریا کے کناروں پر بہتی رہتی ہے۔ مقامی لوگ اس کو روحانی پانی مانتے ہوئے اس کے ارد گرد مختلف عبادتیں کرتے ہیں ۔ کہا جاتا ہے کہ ایمیزون کے جنگل میں اب بھی ایسے قبائل موجود ہیں جو جدید زندگی سے خود کو دور رکھتے ہیں 

یہ بات قابل ذکر ہے کہ پولیس کو ایسے قبائل تک پہنچنے کی اجازت نہیں ہوتی۔ اسی طرح برازیل کا قانون بھی پولیس کو ایسے قبائلیوں تک پہنچنے کی اجازت نہیں دیتا ۔ پیرو ملک کے ایمیزون جنگل کے ایک علاقہ میں ایک دریا بہتا ہے جو اتنا گرم ہے کہ اندر گرنے والا منٹوں ہی میں پانی میں گھل جاتا ہے۔ ابلتے پانی کی بھاپ ہمیشہ دریا کے کناروں پر بہتی رہتی ہے۔ مقامی لوگ اس کو روحانی پانی مانتے ہوئے اس کے ارد گرد مختلف عبادتیں کرتے ہیں ۔ کہا جاتا ہے کہ ایمیزون کے جنگل میں اب بھی ایسے قبائل موجود ہیں جو جدید زندگی سے خود کو دور رکھتے ہیں اور ماضی کی طرح اپنے آباؤ اجداد کی طرح رہنا پسند کرتے ہیں۔ اسی لئے وہ جنگل سے باہر کے لوگوں سے رابطہ کرنا بھی پسند نہیں کرتے۔ ایسے قبائل کی بڑی تعداد ایمیزون جنگل کے وسط میں رہتی ہے۔ سائنس دانوں کی تحقیق کے مطابق ایسے الگ تھلگ رہنے والے قبائل کی تعداد 50 ہے۔ ایمیزون جنگل میں 180 کے قریب مختلف زبانیں بولی جاتی ہیں۔ جون اور اگست کے مہینوں میں ایمیزون جنگل کے کچھ قبائل کوارپ نامی جشن مناتے ہیں۔ اس موقع پر ہر قبیلہ اپنے رواج کے مطابق رقص، کھانا اور رسومات پیش کرتا ہے۔ اجنبی صرف قبائل کے راہنماؤں کی اجازت سے ہی ان کو دیکھ سکتے ہیں ۔ ان قبائل کے آس پاس بڑی تعداد میں ایسے قبائل بھی آباد ہیں جن کا جدید دنیا سے رابطے ہیںایمیزون جنگل    پاکستان کے رقبے سے 16 گنا بڑا ہے۔ایمیزو

 یہاں 40,000 سے زیادہ پودوں کی اقسام، 1,300 پرندوں کی اقسام، 3,000 مچھلیوں کی اقسام، اور 430 سے زیادہ میملز کی اقسام موجود ہیں۔ ایمیزون میں دنیا کے سب سے خطرناک جانور بھی پائے جاتے ہیں جیسے ایناکونڈا، پائرانا مچھلی، اور جنگلی تیندوا۔ایمیزون جنگلات کو دنیا کے پھیپھڑے بھی کہا جاتا ہے کیونکہ یہ زمین کی کل آکسیجن کا تقریباً 20% پیدا کرتے ہیں۔ایمیزون جنگلات میں روزانہ تقریباً 200 سے 300 ملی میٹر بارش ہوتی ہے، جو ان جنگلات کو ہمیشہ سرسبز اور شاداب رکھتی ہے۔ ایمیزون جنگلات میں گولیتھ مینڈک  پائے جاتے ہے جو دنیا کی سب سے بڑی مینڈک ہے۔ اس کا وزن 3.3 کلوگرام تک ہوسکتا ہے۔ ایمیزون جنگلات میں دنیا کے سب سے بڑے ہوائی جاندار بھی پائے جاتے ہیں، جیسے ہارپی ایگل، جو اپنے بڑے پروں اور طاقتور پنجوں کے لئے مشہور ہے۔   ایمیزون جنگلات میں دنیا کا سب سے لمبا سانپ، گرین ایناکونڈا، پایا جاتا ہے۔ اس کی لمبائی 30 فٹ تک ہوسکتی ہے۔  ایمیزون جنگلات میں پایا جانے والا کیپوکھ درخت بہت بلند ہوتا ہے اور اس کی اونچائی 200 فٹ تک ہوسکتی ہے۔ جنگلات میں تقریباً 2.5 ملین کیڑوں کی اقسام پائی جاتی ہیں، جن میں سے بہت سی ابھی بھی نامعلوم ہی۔یہ  جنگل دنیا کے تقریباً 20% کاربن ڈائی آکسائیڈ کو جذب کرتا ہے، جو زمین کے موسمیاتی نظام میں اہم کردار ادا کرتا ہے۔

 

ولاد ت با سعادت بی بی زینب سلام اللہ علیہا

 

 ولاد ت با سعادت بی بی زینب سلام اللہ علیہا -سیّدلاصفیا ء خاتم الانبیاء تاجدار دوعالم حضرت رسول خدا محمّد مصطفٰے صلّی ا للہ علیہ واٰلہ وسلّم کی پیاری بیٹی جناب حضرت فاطمہ زہرا سلام اللہ علیہا کی آغوش مبارک میں گلستان نبوّت کی ایک تروتازہ کلی نے آنکھ کھولی تو آ پ سے دو برس بڑے بھائ اپنے والد گرامی حضرت امیرالمومنین کی انگلی تھام کر اپنی مادر گرامی کے حجرے میں آئے ،اور ننھی بہن کے ننّھے ملکوتی چہرے کو مسکرا کر دیکھا اور پھر اپنے پدر گرامی مولائے متّقیان کو دیکھ کر مسکرائے  اور سلطان اولیاء مولائے کائنات نے اپنی آنکھوں میں آئے ہوئے آنسو بی بی فاطمہ زہرا سلام اللہ علیہا سے چھپاتے ہوئے فرمایا کہ ,حضرت محمّد رسول اللہ صلّی اللہ علیہ واٰلہ وسلّم تشریف لے آئیں توبچّی کا نام بھی آپ ہی تجویز کریں گے جس طرح اپنے نواسوں کے نام حسن وحسین تجویز کئے تھےنبئ اکرم ہادئ معظّم صلّی اللہ علیہ واٰلہ وسلّم بی بی زینب کی ولاد ت کے وقت شہر مدینہ سے باہر حالتِ سفر تھے۔چنانچہ جب ہادئ دو جہاں  حضرت محمّد   صلّی اللہ علیہ واٰلہ وسلّم تین دن کے بعدسفرسے واپس تشریف لائے تو حسب عادت سب سے پہلے بی بی سیّدہ کےسلام اللہ علیہا کے  حجرے پر تشریف لائے جہاں جناب فاطمہ زہرا کی آغو ش مبارک میں ننّھی نواسی جلوہ افروز تھی

آپ نے وفورمحبّت و مسرّ ت سے بچّی کو آغوش نبوّت میں لیا اور جناب حسن وحسین علیہم السّلام کی مانند بچّی کےدہن مبارک کو اپنےپاکیزہ ومعطّر دہن مبارک سے آب وحی سےسرفراز کیا جناب رسالت مآ ب سرور کائنات حضرت محمّد صلّی اللہ علیہ واٰلہ وسلّم بچّی کو آغوش نبوّت میں  لئے ہوئے نگاہ اشتیاق سےننّھی نواسئ معصومہ کا چہرہ دیکھتے رہے جہاں بی بی خد یجتہ الکبریٰ کی عظمت و تقویٰ اور جناب سیّدہ سلام اللہ علیہاٰ کے چہرے کے نورانی عکس جھلملا رہے تھےوہیں آپ صلیّ اللہ علیہ واٰ لہ  وسلّم  کے وصی اور اللہ کے ولی مولا علی مرتضیٰ کا دبد بہ اور حشمت ہویدا تھی ننّھی نواسی کا ملکوتی چہرہ دیکھ کر حضور اکرم حضرت محمّد مصطفٰے صلّی اللہ علیہ واٰ لہ وسلّم کا چہرہء مبارک خوشی سے کھلا ہوا تھااور اسی وقت بی بی فاطمہ زہرا سلام اللہ علیہا اپنے محترم بابا جان سے مخاطب ہوئیں بابا جان ہم سب انتظار میں تھے کہ آپ تشریف لے آئیں تو بچّی کا نام تجویز کریں

 تاجدار دوعالم  صلّی اللہ علیہ واٰلہ وسلّم نے بی بی فاطمہ زہراسلام اللہ علیہا سے فرمایا کہ بیٹی میں اس معاملے میں اللہ کے حکم کا پابند ہوں جبرئیل امیں کے آنے پر ہی بچّی کا نام تجویز ہوسکے گا ،،اور پھر اسی وقت آپ کے رخ انور پر آثار وحی نمودار ہوئے اور آ پ صلّی اللہ علیہ وآلہ وسلّم نے بی بی فاطمہ زہرا کے سر پر ہاتھ  رکھّا اور مولائے کائنات کو اپنے قریب بلاکر فرمایا بارگاہ ربّ العالمین سے حضرت جبرئیلِ امیں بچّی  کا  نام ‘‘ زینب ‘‘  لے کر آئےہیں یہی نام وہاں لو ح محفوظ پر بھی کندہ ہےبیت الشّرف میں اس نام کو سب نے پسند فرمایا ،پھر رسالتماآب صلّی اللہ علیہ واٰلہ وسلّم نے نے اللہ تعالٰی کی بارگاہ میں دعاء کی اے تمام جہانوں کے سب سے بہترین مالک میں تیری حمد وثناء بیان کرتے ہوئے تجھ سے دعاء مانگتا ہوں کہ تو نے  جس طرح ہمارے بچّوں کو دین مبین کی حفاظت کا زریعہ قرادیا ہے اسی طرح اس بچّی کو بھی عزّت اور سعادتو ں سے بہرہ مند فرما ،میں تیرے کرم کا شکر گزار ہوں۔

اس دعائے شکرانہ میں جناب حضرت فاطمہ زہرا اور جناب حضرت علی مرتضٰی بھی شامل ہو ئےاور پھر گلستان رسالت کی یہ ترتازہ کلی ہوائے مہرو محبّت میں پروان چڑھنے لگی _وہ جس گھر میں آئ تھی یہ دنیا کا کوئ عام گھرانہ نہیں تھا یہ گھر بیت الشّرف کہلاتا تھا ،اس محترم گھر کے مکین اہل بیت کے لقب سے سرفراز کئےگئے تھے ،اس پاکیزہ و محترم گھرکے منّو ر و ہوائے بہشت سےمعطّر آنگن میں پیغا مبر بزرگ فرشتے حضرت جبرئیل امیں وحی پروردگارعالم عرش بریں سے لےکراترتے تھے اس میں اقامت پذیر نورانی ہستیوں پر ملائکہ اور خود اللہ  درود و سلام بھیجتے تھے اور پھر بوستان محمّد کی یہ ترو تازہ کلی جس کا نام زینب( یعنی اپنے والد کی مدد گار) پرورد گار عالم نے منتخب کر کے لوح محفوظ پر کندہ کر دیا تھا ، بیت الشّرف  کی پاکیزہ  فضاؤں  میں پروان چڑھنے لگی چادر کساء کے زیر سایہ اس گھر کے مکینوں سے زینب سلام اللہ علیہا نے نبوّت و امامت کے علوم کے خزینے اپنے دامن علم میں سمیٹے توآپ سلام اللہ علیہا کی زبان پر بھی اپنے باباجان علی مرتضیٰ علیہ اسّلام اور والدہ گرامی جناب سیّدہ سلام اللہ علیہا کی مانند اللہ کی حمد و ثناء ومناجا ت کے پھول کھلنے لگے

 ،بی بی زینب سلام اللہ علیہا نے ہوش سنبھالتے ہی اپنے بابا جان کو اور مادرگرامی کو  اور اپنے نانا جان حضرت محّمد صلّی اللہ علیہ واٰلہ وسلّم کو،فقرا و مساکین کو حاجتمندوں کی مدد کرتے ہوئے دیکھا تھا ،یہ وہ متبرّک ہستیاں تھیں جو اپنی بھوک کو سائل کی بھوک کے پس پشت رکھ دیتے تھے،کسی بھی سوال کرنے والے کے سوال کو سوالی کااعزاز بنا دیتے تھے مشورہ مانگنے والے کو صائب مشورہ دیتے تھے۔ہادیوں کے اس گھرانے کو کوئ دنیاوی معلّم تعلیم دینے نہیں آتا تھا ،یہاں تو بارگاہ ربّ العا لمین سے حضرت جبرئیل امیں علوم کےخزانے بزریعہ وحئ الٰہی لا کر بنفس نفیس دیتے تھے چنا نچہ انہی سماوی و لدنّی علوم سےبی بی زینب سلام اللہ علیہا کی شخصیت کو مولائے کائنات اور بی بی سیّدہ سلام اللہ علیہا نے سنوارااور سجایا ،آپ جیسے ،جیسے بڑی ہونے لگیں آپ کی زات میں بی بی سیّدہ سلام اللہ علیہا کی زات کے جوہر اس طرح نکھرنے لگے کہ آپ کو د یکھنے والی مدینے کی عورتو ں نے آپ کا لقب ہی ثانئ زہراسلام اللہ علیہا  رکھ دیا۔

جامع مسجد گوہر شاد ,علمی،سماجی اور ثقافتی سرگرمیوں کا مرکز مقدس

 

 

مسجد گوہرشاد حرم علی ابن موسیٰ رضا علیہ السلام کے جنوب میں واقع ہے جس کو شاہ رخ کی اہلیہ گوہرشاد بیگم کے حکم سے تعمیر کی گیا تھا۔ ٹائل کے کام کی خوبصورتی اور اس مسجد کے طرز تعمیر کی وجہ سے ، گوہر شاد مسجد تیموری دور میں ایرانی فن تعمیر کے شاہکاروں میں سے ایک ہے ۔ اور علی بن موسیٰ الرضا علیہ سلام کی قبر مطہر سے نزدیک ترین ہونے کی وجہ سے ، اسے ایران کی سب سے اہم اور معروف ترین مساجد میں سے ایک سمجھا جاتا ہے، اس لیے کچھ لوگ اسے ایران کی سب سے زیادہ سیاحتی مسجد سمجھتے ہیں۔مسجد گوہر شاد مرکزی معمار غالباً قوام الدین شیرازی تھے جو تیموری دور کے مشہور ترین معماروں میں سے ایک تھے ۔ اسے ایران کی سب سے اہم اور معروف ترین مساجد میں سے ایک سمجھا جاتا ہےبنیاد اور مقام یہ مسجد، رضوی مقبرے کے جنوب میں واقع ہے اور دارالسیاد اور دارالحفاظ کے حال سے متصل ہے۔ اس کا ایک صحن جس کا رقبہ 2800 مربع میٹر ہے اور اس کا بنیادی ڈھانچہ 9400 مربع میٹر ہے۔ مسجد کی عمارت میں 4 بڑے ایوان اور 7 شبستان شامل ہیں۔ ایوان مقصورہ کے پیچھے کا گنبد مسجد کے مختلف حصوں کو ایک منزلہ شبستان کے ذریعہ سے جوڑتا ہے۔ جنوبی ایوان کو ایوان مقصورہ کہا گیا ہے اور شمالی، دارالسیاد کے نام سے جانا جاتا ہے ۔ مشرقی ایوان کو اعتکاف اور مغربی کا نام شیخ بہاؤ الدین ہے۔ جنوبی ایوان کے رسم الخط متن کے مطابق یہ مسجد 821قمری/ 1418 عیسوی میں گوہر شاد بیگم کے حکم سے تعمیر کی گئی اور گذشتہ سالوں میں اس مسجد کو بہت سے نقصانات پہنچے ہیں ۔ گوہرشاد مسجد کی تعمیر  تقریباً 12 سال تک جاری رہی  گوہر شاد مسجد کا اندرونی حصہ ایرانی کاریگروں کے فن کا منہ بولتا ثبوت ہے-گوہر شاد مسجد ایران کے صوبہ خراسان کے شہر مشہد کی ایک معروف مسلم عبادت گاہ ہے۔ یہ مسجد تیموری سلطنت کے دوسرے فرمانروا شاہ رخ تیموری کی اہلیہ گوہر شاد کے حکم پر 1418ء میں تعمیر کی گئی اور اسے اس وقت کے معروف ماہر تعمیر غوام الدین شیرازی نے تعمیر کیا جو تیموری عہد کی کئی عظیم الشان تعمیرات کے معمار بھی ہیں۔ صفوی اور قاچار دور میں اس مسجد میں تزئین و آرائش کا کام بھی کیا گیا۔ مسجد میں 4 ایوان اور 50 ضرب 55 میٹر کا ایک وسیع صحن اور متعدد شبستان بھی ہیں۔ یہ مسجد 15 ویں صدی کی ایرانی تعمیرات کا اولین اور اب تک محفوظ شاہکار ہے۔ اس کے داخلی راستے میں سمرقندی انداز کی محراب در محراب ہیں جبکہ بلند مینار بھی اس کی شان و شوکت کو مزید بڑھاتے ہیں۔ ٹائل کے کام کی خوبصورتی اور اس مسجد کے طرز تعمیر کی وجہ سے ، گوہر شاد مسجد تیموری دور میں ایرانی فن تعمیر کے شاہکاروں میں سے ایک ہے ۔ اور علی بن موسیٰ الرضا علیہ سلام کی قبر مطہر سے نزدیک ترین ہونے کی وجہ سے ،، اس لیے کچھ لوگ اسے ایران کی سب سے زیادہ سیاحتی مسجد سمجھتے ہیں۔مسجدگوہرشاد کا نیلا فیروزی گنبد علی بن موسیٰ الرضا کے مزار کے گنبد سے متصل ہے۔ 

مقصورہ ایوان کا گنبد 1339 میں تعمیر نو کا کام ایرانی معماروں کے ذریعہ سے ، انجینئر عباس آفرندہ کی سرپرستی میں  شروع کیا گیا اور یہ 1341 میں مکمل ہوا۔ اور اسی زمانے میں ایوان کے اندر موجود چبوترے کے پتھروں کو تبدیل کر دیا گیا اور ایوان کے فرش کو سنگ مرمر کے پتھروں سے ڈھانپ دیا گیا اور 1345 شمسی میں گنبد کے ارد گرد کے حصوں کو خوبصورت ٹائلوں سے مزین کیا گیا۔ گوہرشاد کا نام خوبصورت ٹائلوں سے دو جگہوں پر لکھا گیا ہے : ایک چاندی کے دروازے کے اوپر جو دارالسیاد کی طرف جاتا ہے اور دوسرا ایوان مقصورہ پر، جو شہزادہ بائیسنقر کی خوبصورت تحریر کے ذریعہ لکھا ہوا ہے ۔ درمیانی حصے میں محمد رضا امامی کے نام کے نوشتہ جات ہیں ۔ اس مسجد کی تعمیر کا طریقہ چھار ایوان کی طرز کا ہے اور گذشتہ سالوں میں گنبد کی چار مرتبہ مرمت کی گئی ہے۔ اس عمارت کا طرز تعمیر تیموری طرز کا ہے اور اس کے معمار پروفیسر قوام الدین شیرازی کا نام ذکر کیا گیا ہے۔خصوصیات اور سجاوٹ-گوہرشاد مسجد ایک کلاسک مسجد ہے جو چار ایوان والی مساجد کی طرز پر بنائی گئی ہے۔ مسجد کا صحن تقریباً مربع شکل کا ہے اور چار بڑے تاریخی ایوان سے گھرا ہوا ہے اور ایوان کے درمیان فاصلے پر سات بڑے شبستان اور چھ داخلی اور خارجی دروازے ہیں۔مسجد کے صحن کی لمبائی تقریباً 56.13 میٹر اور چوڑائی 51.18 میٹر ہے اور کل رقبہ تقریباً 2873 مربع میٹر ہے۔ مسجد کے اطراف میں عالیشان اور اونچے ایوان ایک دوسرے کے متوازی بنائے گئے ہیں۔حرم امام رضا علیہ السلام کی مسجد گوہرشاد کے دینی مدرسہ کے طلباء،اساتذہ اورسربراہان کی آیت اللہ احمد مروی سے مسجد جامع گوہر شاد میں ملاقات ہوئی ،اس دوران آیت اللہ احمد مروی نے خراسان کی پوری تاریخ میں حرم امام رضا(ع) کی مسجد گوہرشاد کو طلباء کے بحث و مباحثے اور تعلقات عامہ کا مرکز قرار دیتے ہوئے کہا کہ مسجد گوہر شاد ثقافتی اور تہذیبی لحاظ سے خاص اہمیت کی حامل ہے ،یہ مسجد خراسان  کی پوری تاریخ میں بہت ساری علمی اور سماجی تبدیلیوں کا مرکز رہی ہے ، اپنے قیام  سے لے کر تا دم تحریر پوری تاریخ میں یہ مسجد علمائے کرام اور دانشوروں کے سماجی روابط کے لئے بھی ایک اہم مرکز تھی۔انہوں نے عصری سماجی اور سیاسی تبدیلیوں میں مسجد جامع گوہر شاد کے اہم کردارکو بیان کرتے ہوئے مسجد گوہر شاد کی علمی اور سماجی سرگرمیوں کے احیاء کے سلسلے میں رہبر معظم انقلاب اسلامی کی تاکیدات پر روشنی ڈالتے ہوئے کہا کہ انقلاب اسلامی سے پہلے بہت سارے علمائے کرام دینی دروس کی کلاسز کا انعقاد مسجد گوہر شاد میں کرتے تھے اور حتی مشہد مقدس کی اہم تقریبات بھی اسی مسجد میں منعقد ہوتی تھیں،ماضی میں مسجد گوہر شاد علمال کرنے کی ضرورت پر زور دیا۔

 حرم امام رضا علیہ السلام کی مسجد گوہرشاد کے دینی مدرسہ کے طلباء،اساتذہ اورسربراہان کی آیت اللہ احمد مروی سے مسجد جامع گوہر شاد میں ملاقات ہوئی ،اس دوران آیت اللہ احمد مروی نے خراسان کی پوری تاریخ میں حرم امام رضا(ع) کی مسجد گوہرشاد کو طلباء کے بحث و مباحثے اور تعلقات عامہ کا مرکز قرار دیتے ہوئے کہا کہ مسجد گوہر شاد ثقافتی اور تہذیبی لحاظ سے خاص اہمیت کی حامل ہے ،یہ مسجد خراسان  کی پوری تاریخ میں بہت ساری علمی اور سماجی تبدیلیوں کا مرکز رہی ہے ، اپنے قیام  سے لے کر تا دم تحریر پوری تاریخ میں یہ مسجد علمائے کرام اور دانشوروں کے سماجی روابط کے لئے بھی ایک اہم مرکز تھی۔انہوں نے عصری سماجی اور سیاسی تبدیلیوں میں مسجد جامع گوہر شاد کے اہم کردارکو بیان کرتے ہوئے مسجد گوہر شاد کی علمی اور سماجی سرگرمیوں کے احیاء کے سلسلے میں رہبر معظم انقلاب اسلامی کی تاکیدات پر روشنی ڈالتے ہوئے کہا کہ انقلاب اسلامی سے پہلے بہت سارے علمائے کرام دینی دروس کی کلاسز کا انعقاد مسجد گوہر شاد میں کرتے تھے اور حتی مشہد مقدس کی اہم تقریبات بھی اسی مسجد میں منعقد ہوتی تھیں،ماضی میں مسجد گوہر شاد علمائے کرام اور طلباء کے لئے عصری، سیاسی،مذہبی اور علمی مباحث کا مرکز تھی،اس مسجد میں علمی و مذہبی تقریبات و پروگراموں کے علاوہ کئی بار سیاسی و سماجی پروگراموں کا بھی انعقاد کیا جاتا تھا ان کا کہنا تھا کہ مسجد گوہر شاد کی ان سرگرمیوں کو دوبارہ احیاء کیا جائے ،مسجد گوہر شاد کو ایک علمی مدرسہ بنایا جائے اورلوگ اس مسجد میں طالب علموں کودیکھیں۔حوزہ علمیہ مشہد مقدس کی سپریم کونسل کے رکن نے اپنی بات کو جاری رکھتے ہوئے کہا کہ حجت خدا اور ولی خدا اور عالم آل محمد(ص) کے جوار میں علمی گفتگو اور بحث و مباحثہ ہونا چاہئے ،

حرم امام رضا علیہ السلام میں ایک دینی مدرسے کا وجود اور علمی بحث و مباحثہ کا ہونا ضروری ہے ہم اس موضوع پرتاکید کرتے ہیں تاکہ اس پر خصوصی توجہ دی جائےانہوں نے مسجد گوہر شاد کو مرقد مطہر امام رضا(ع) کے جوار میں ہونے کی وجہ سے منفرد خصوصیت کا حامل قرار دیتے ہوئے کہا کہ حرم امام رضا علیہ السلام ایک بابرکت جگہ ہے جہاں امام رضا(ع) کی روح حکم فرما ہے،جہاں انبیائے کرام،اولیاء اللہ اور صدیقین کی روحوں کی آمد و رفت رہتی ہے ،زائرین اس مقدس مقام پر حاضر ہو کر بہت ساری برکات سے فیض یاب ہوتے ہیں اوراپنے ایمان اور بندگی کو مضبوط بناتے ہیں ، اس ملکوتی بارگاہ کی روحانی فضا کی قداست انسان کوبالاترین کمالات تک پہنچاتی ہے اس لئے طلباء اس مسجد میں علمی بحث و مباحثہ کے ذریعہ اس کی برکات سے مسفید ہو سکتے ہیں ،اس ملکوتی فضا کی نورانیت؛ مطالب کو بہتر سمجھنے میں بہت زیادہ مؤثر ہے ۔

آیت اللہ مروی نے حرم امام رضا علیہ السلام کی مقدس اور بابرکت فضا کو طلاب اور لوگوں کے لئے تحصیل علم کا مرکز قرار دینے پر تاکید کی اور دینی مدارس کا شہروں کے مرکز میں تعمیر کرنے کا فلسفہ اور تاریخ بیان کرتے ہوئے کہا کہ پوری تاریخ میں دینی مدارس کوبازاروں،چوراہوں اور شہر کے مرکزی راستوں پر تعمیر کیا جاتا تھا اور اس کی ایک اہم وجہ یہ تھی کہ دینی طلباء اپنی تعلیم کے آغاز سے ہی مختلف طبقے کے افراد کے ساتھ رابطے میں رہتے اور ان سے مختلف مہارتیں سیکھتے،حرم امام رضا علیہ السلام بھی طلاب اورمختلف طبقے کے افراد کے ساتھ رابطہ کا بہترین ذریعہ ہے جہاں پر طلباء بہت ساری مہارتیں سیکھ سکتے ہیں۔آستان قدس رضوی کے متولی نے کہا کہ علمی نشستوں کا انعقاد اور شرعی سوالات کے جوابات ایسے بہترین مواقع ہیں جن میں طلباء کا عوام کے ساتھ براہ راست رابطہ رہتا ہے طلباء لوگوں کے سوالات اور مشکلات سے آگاہ رہتے ہیں اور وہ اعتراضات کے جوابات بہترین انداز میں دے سکتے ہیں۔اس اجلاس کے آغاز میں گوہر شاد مدرسے کے متعدد اساتذہ اور طلباء نے مدرسہ کی علمی سطح کو مضبوط بنانے اور اس کی دیگر سرگرمیوں کے حوالے سےاپنے اپنے خیالات کا اظہار کیا اور تجاویز پیش کیں۔،اس مسجد میں علمی و مذہبی تقریبات و پروگراموں کے علاوہ کئی بار سیاسی و سماجی پروگراموں کا بھی انعقاد کیا جاتا تھا ان کا کہنا تھا کہ مسجد گوہر شاد کی ان سرگرمیوں کو دوبارہ احیاء کیا جائے ،مسجد گوہر شاد کو ایک علمی مدرسہ بنایا جائے اورلوگ اس مسجد میں طالب علموں کودیکھیں۔حوزہ علمیہ مشہد مقدس کی سپریم کونسل کے رکن نے اپنی بات کو جاری رکھتے ہوئے کہا کہ حجت خدا اور ولی خدا اور عالم آل محمد(ص) کے جوار میں علمی گفتگو اور بحث و مباحثہ ہونا چاہئے

میں نے یہ مضمون دو ایرانی ویب سائٹس کی مدد سے تیا کیا ہے

ترقی کی راہ پر گامزن 'آج کا ایران

  ایران  اس روئے زمین پر ہزاروں سال پرانی اپنی ایک الگ شناخت رکھتا ہے  اور اپنی اسی  شناخت کو دنیا بھر میں  پروموٹ کرنے کی کو ششوں میں  اپنی بہترین صلاحیتوں کو کام میں لا رہا ہے -ایران میں  سیاحت کے  ادارے نے  خطے اور دنیا میں ایران کی پوزیشن کو بہتر بنانے کیلئے مختلف اقدامات کئے ہیں ، تاکہ ایران کو اسے خطے میں ہیلتھ ٹورازم کا مرکز بنایا جاسکے۔ دوسری طرف ہیلتھ ٹورازم میں ایران کی طرف توجہ اس بات کو بھی ثابت کر رہی ہے کہ سامراجی طاقتوں کی تمام تر پابندیوں کے باوجود ایران نے صحت کے شعبے میں قابل قدر ترقی کی ہے۔ یاد رہے کہ سیاحوں کے علاوہ زائرین کی ایک بڑی تعداد ایران کے مذہبی مقامات کی زیارت کیلئے ایران آتی ہے۔ اس سلسلے میں  ڈاکٹر راشد عباس نقوی    رقمطراز ہیں  کہ ورلڈ ٹریول اینڈ ٹورازم کونسل نے 2023ء میں ایران کی سیاحت کی صنعت میں 21 فیصد اضافے کا اعلان کیا اور کہا ہے کہ عراقیوں کے بعد ایران میں داخل ہونے والے سیاحوں میں ترک سیاح دوسرے نمبر پر ہیں۔ ورلڈ ٹریول اینڈ ٹورازم کونسل کی رپورٹ کے مطابق ایران کی سیاحتی صنعت میں کورونا کی وبا کے تھمنے کے بعد گذشتہ تین سالوں میں بالترتیب 40، 39 اور 21 فیصد اضافہ ہوا ہے اور یہ پیش گوئی کی گئی ہے کہ 2024ء میں ایران کی سیاحت کی صنعت میں 12.1 فیصد اضافہ ہوگا۔

 غیر ملکی سیاح ایران کے تاریخی اور سیاحتی مقامات کو خصوصی طور پر پسند کرتے ہیں۔ ورلڈ ٹریول اینڈ ٹورازم کونسل نے سیاحت کی صنعت کو فروغ دینے کے لیے ایرانی حکومت کے اقدامات کو سراہتے ہوئے اعلان کیا کہ عراقی اور ترک شہری جو ایران میں غیر ملکی سیاحوں کا بالترتیب 37 اور 11 فیصد ہیں، جمہوریہ آذربائیجان، پاکستان اور لبنان بالترتیب اگلے نمبر پر ہیں۔تاریخی یادگاریں، ایران کی شان اور قدیم تاریخ کی علامت ہیں۔ دس لاکھ تاریخی اور ثقافتی آثار، ہزاروں قومی ثقافتی ورثوں کی موجودگی اور 23 عالمی آثار کی رجسٹریشن نے ایران کو دنیا کے دس بڑے سیاحتی ممالک کے طور پر متعارف کرایا ہے، جس کی وجہ سے سیاحت کی صنعت کی ترقی پر ایران کی خصوصی توجہ ہے۔ دنیا میں ثقافتی مشترکات کے علاوہ سیاحتی سفارت کاری کو مضبوط بنانا ایرانی حکام کی ترجیح رہا ہے، جس کی وجہ سے حالیہ برسوں میں خطے کے ممالک سے لاکھوں سیاحوں نے ایران کا سفر کیا۔ یہ ایسے عالم میں ہے کہ سیاحت کی صنعت کی آمدنی ایران کی کل آمدنی کا 4.7 فیصد ہے اور اس شعبے میں 1.6 ملین سے زیادہ لوگ سرگرم ہیں۔

 دوسری طرف گذشتہ سال ایران نے مختلف ممالک بالخصوص خطے سے تقریباً 1.2 ملین افراد کو ہیلتھ ٹورازم کی وجہ سے ایران آنے کے مواقع فراہم کئے۔ اس سے ایران نے ایک ارب ڈالر سے زیادہ کی کمائی کی۔خطے کے سیاح ایران کی سستی طبی خدمات کا خیرمقدم کرتے ہیں۔ عراق، افغانستان، پاکستان، عمان، بحرین، آرمینیا، تاجکستان اور خلیج فارس کے جنوبی ساحلوں کے ممالک کے شہریوں نے ہیلتھ ٹورازم کے لیے سب سے زیادہ ایران کا دورہ کیا۔ درحقیقت ایران آنے والے تمام سیاحوں میں سے 20% بیماری اور صحت کے علاج کے مقصد سے سفر کرتے ہیں اور امید کی جاتی ہے کہ حکام کی کوششوں سے ایران کا ہیلتھ ٹورازم کا شعبہ آنے والے سالوں میں مزید ترقی کرے گا۔ اس سلسلے میں عالمی سیاحتی تنظیم کے سکریٹری جنرل زوراب پولولیکاشویلی کا کہنا ہے: اسلامی جمہوریہ سیاحت بالخصوص ہیلتھ ٹورازم کے میدان میں بہت اچھی صلاحیتوں کا حامل ہے اور درجنوں ممالک کے ساتھ ویزوں کے حوالے سے ایرانی حکومت کا اقدام بہت اہم ہے۔

 ا صفہان کے لئے تو دنیا میں مشہور مقولہ رہا ہے اصفہان  'نصف جہان  'یہ  انتہائ  خوبصورت شہر ایران کے مرکز میں واقع  ہے، خاص طرز تعمیر، قابل دید اور دل کو موہ لینے والے ثقافتی مقامات کی وجہ دنیا بھر سے سیر و سیاحت کے دلدادہ افراد  یہاں کشاں 'کشاں  چلے آتے ہیں-اس شہر میں موجود 6 ہزار سے زائد چھوٹے بڑے تاریخی مقامات ہیں جن کی تاریخ   ہزاروں سال پر پھیلی ہوئی ہے۔2005ء میں اصفہان کو اسلامی ممالک کے ثقافتی دارالحکومت کے طور پر منتخب کیا گیا۔اصفہان میں موجود اکثر آثار قدیمہ صفوی عہد سے متعلق ہیں اور اس شہر کے اہم سیاحتی مقامات بھی نہر "زائندہ" کے کنارے آباد ہیں۔ نہر زائندہ، اصفہان شہر کے بیچوں بیج بہتی ہے اگرچہ اس نہر میں پانی کی سطح گزشتہ سالوں کی طرح بلند نہیں لیکن بہار کے موسم اور نوروز کے وقت جو اصفہان کی سیر کا بہترین موقع ہے نہر زائندہ میں پانی چھوڑے جانے سے اس کی رونق بے حد بڑھ جاتی ہے۔اصفہان میں موجود شاندار تاریخی مقامات، منفرد اورخوبصورت دستکاری، خاص دیسی میٹھائیاں، اور یہاں کے مہمان نواز لوگ، اپنے اندر قدرتی طور پر ایسی کشش رکھتے ہیں کہ ہرموسم سیاحت کے شوقین افراد ان کا مشاہدہ کرنے کے لئے دور دراز کے سفر اختیار کرتے ہیں۔

اصفہان میں دستکاری کی مصنوعات نہ صرف اندرون ملک خاصی مشہور ہیں بلکہ بیرون ملک بھی ان کی مانگ ہے۔  کاری Kalamkari"، "خاتم کاری Khatam-kari"، "ترمہ Termeh" اور ہاتھ سے بٌنے ہوئے قالین، اصفہان کی دستکاری مصنوعات میں سے چند ہیں جو لوگ خاص طور پر غیر ملکی سیاح، ان کو خریدنے کیلئے نقش جہان اسکوائر یا اصفہان کے قدیم بازار میں جا سکتے ہیں۔اس کے علاوہ اصفہان میں مزیدار میٹھایاں، تیار کی جاتی ہیں جو اس شہر کی خاص سوغات ہیں اور ان میں سے "پولکی Poolaki" اور "گز Gaz" کا نام لیا جا سکتا ہے۔گز ایک قسم کی میٹھائی ہے جس کے بنانے کی ترکیب میں پستہ، زعفران اور گلاب کے استعمال کی وجہ اسے کھانے سے آپ کے ذائقہ میں منفرد تبدیلی آئے گی۔اصفہان کے پکوان بھی یہاں کے عوام اور مقامات کے تنوع کی عکاسی کرتے ہیں جن میں "بریانی Biryani" کا نام لیا جا سکتا ہے جو گوشت سے پکا کر روٹی کیساتھ کھایا جاتا ہے۔اصفہان میں روایتی بازار اور چائے خانے جو قدیم تہذیب کے طرز تعمیر کے مثالی نمونہ ہیں اور اس کے علاوہ اس شہر میں موجود جدید شاپنگ سینٹر اور دیگر تفریحی مقامات، اس کو سیاحوں کیلئے اور زیادہ پر کشش بناتا ہے۔اصفہان شہر سے نکل کر تھوڑا آگے صحرا کی خوبصورتی کو دیکھ سکتے ہیں؛ وہ صحرا جس کا آسماں اندھیری رات میں چمکتے اور روشن تاروں سے بھرا ہوا ہے اور دن کی روشنی میں ایک خوبصورت سینڈی لینڈ ہے۔ایران کی سیاحت کی ترقی میں ایک بڑا عنصر سائنس و ٹیکنالوجی کی راہ میں ایران کی تیز رفتار حرکت اور طبی مراکز میں جدید آلات کی فراہمی ہے۔ اسی طرح طبی خدمات کے اخراجات کے لحاظ سے دوسرے ممالک کے مقابلے میں ایران کی مسابقت کو خطے کے ممالک بالخصوص ہیلتھ ٹورازم کی جانب پسندیدگی کی اہم وجوہات قرار دیا جا سکتا ہے۔ ایران کے اعلیٰ معیار اور بین الاقوامی طبی معیارات نے دوسرے ممالک کی توجہ اپنی طرف مبذول کرائی ہے اور ہیلتھ ٹورازم  کے میدان میں ایک پرکشش پلیٹ فارم کو تشکیل دیا ہے، کیونکہ یہ صنعت اہم اور مسابقتی ہے اور اس کے ذریعے ہیلتھ ٹورازم کو فروغ دیا جا سکتا ہے۔ایران کی سیاحت کا ادارہ خطے اور دنیا میں ایران کی پوزیشن کو بہتر بنانے کے لئے مختلف اقدامات انجام دے رہا ہے، تاکہ ایران کو اسے خطے میں ہیلتھ ٹورازم  کا مرکز بنایا جاسکے۔ 

شب معراج -سوئے منتہیٰ وہ چلے نبی'' ص''

  

  واقعہ معراج  اپنے دامن میں ہم مسلمانوں  کے لئے  بے شمار  پیغامات کا سبق دیتا نظر آتا ہے ،اس واقعہ سے حاصل ہونے والے چند اسباق سطورِ ذیل میں پیش کئے جاتے ہیں تاکہ نگاہِ عبرت رکھنے والے اہلِ ایمان ان سے فائدہ اٹھائیں:طائف میں کفار اور مکہ میں ستانے والے مشرکین پر اس واقعہ کے ذریعہ واضح کردیاگیا کہ تم نے نبی صلی اللہ علیہ وآلہ وسلم پر زمین کے دروازے بند کردئیے تو اللہ نے ان کے لئے آسمان کے دروازے کھول دئیے۔ تم نے نبی صلی اللہ علیہ وآلہ وسلم کی امامت واقتدا  کو قبول نہ کیا تو اللہ آپ صلی اللہ علیہ وآلہ وسلم سے انبیا علہیم السلام کی امامت کروائی اور سب نے آپ صلی اللہ علیہ وآلہ وسلم کی اقتدا کی، تم نے آپ صلی اللہ علیہ وآلہ وسلم سے مقاطعہ کیا  تو آسمان والے نے آپ صلی اللہ علیہ وآلہ وسلم کا استقبال کیا۔آپ اس  دین حق کے  داعی تھے جو اللہ کریم نے آپ پر بذریعہ وحی (بزریعہ حضرت جبرئیل امیں )آپ پر اتارا تھا جس کو کفار نے رد کر دیا تھا اور آپ کے قتل کرنے کے درپئے ہو گئے تھے  -لیکن آ پ ثابت قدم رہے تو اللہ تعالی نے ایک رات میں  کا ئنات کی ساری طاقتوں کو   آپ  صلی اللہ علیہ وآلہ وسلم کے لئے مسخر کردیا،

  ستائیسویں شب  ماہ رجب کو اللہ پاک نے  اپنے محبوب   اور  پیارے نبی حضرت محمد صلی اللہ علیہ و آلہ وسلم کو معراج کا شرف عطا کیا ۔اگرچہ اس واقعہ کے زمان کے بارے میں کئی روایات موجود ہیں لیکن محققین کی تحقیق کے مطابق یہ واقعہ ہجرت سے تین سال قبل پیش آیا،یعنی دسویں سالِ بعثت کو۔ اس کی دلیل یہ ہے کہ شیعہ سنی علما کا اتفاق ہے کہ نماز جناب ابو طالبؑ کی وفات کے بعد یعنی بعثت کے دسویں سال  واجب ہوگئ تو پانچ وقت کی نماز اسی معراج کی رات امت پہ واجب ہو گئی تھی۔منقول ہے کہ اس دن کفار نے آپ صلی اللہ علیہ و آلہ وسلم کو بہت ستایا تو آپ صلی اللہ علیہ و آلہ وسلم اپنی چچازاد بہن ام ہانی کے گھر تشریف لے گئے اور وہاں آرام فرمانے لگے۔ ادھر اللہ کے حکم سے حضرت جبرئیل پچاس ہزار فرشتوں کی برات اور براق لے کر نبی آخرالزماں صلی اللہ علیہ و آلہ وسلم کی خدمت میں حاضر ہوئے اور عرض کیا:اے اللہ کے رسول! آپ کا رب آپ سے ملاقات چاہتا ہےقرآن کریم میں سورہ بنی اسرائیل کی پہلی آیت میں ارشادِ خداوندی ہے کہ  وہ (ذات) پاک ہے جو ایک رات اپنے بندے کو مسجد الحرام یعنی (خانہ کعبہ) سے مسجد اقصیٰ (یعنی بیت المقدس) تک جس کے اردگرد ہم نے برکتیں رکھی ہیں -

لے گیا تاکہ ہم اسے اپنی (قدرت کی) نشانیاں دکھائیں۔ بے شک وہ سننے والا (اور) دیکھنے والا ہے۔   مسجدِ اقصیٰ کے قریب قبہ معراج ، جہاں سے سفرِ معراج کی ابتدا ہوئی -معراج کمالِ معجزاتِ مصطفی صلی اللہ علیہ وآلہ وسلم ہے۔ یہ وہ عظیم خارقِ عادت واقعہ ہے جس نے تسخیرِ کائنات کے مقفّل دروازوں کو کھولنے کی اِبتداء کی۔ اِنسان نے آگے چل کر تحقیق و جستجو کے بند دروا زوں پر دستک دی اور خلاء میں پیچیدہ راستوں کی تلاش کا فریضہ سر انجام دیا۔ رات کے مختصر سے وقفے میں جب اللہ ربّ العزّت حضور رحمتِ عالم صلی اللہ علیہ وآلہ وسلم کو مسجدِ حرام سے نہ صرف مسجد اقصیٰ تک بلکہ جملہ سماوِی کائنات کی بے اَنت وُسعتوں کے اُس پار ’’قَابَ قَوْسَيْنِ‘‘ اور ’’أَوْ أَدْنَى‘‘ کے مقاماتِ بلند تک لے گیا اور آپ مدّتوں وہاں قیام کے بعد اُسی قلیل مدّتی زمینی ساعت میں اِس زمین پر دوبارہ جلوہ اَفروز بھی ہو گئے۔سفر معراج کا سلسلہ شروع ہونے والا تھا نبی رحمت کی بارگاہ میں براق حاضر کیا گیا جس پر حضور کو سوار ہونا تھا، مگراللہ   کے پیارے محبوب نے کچھ توقف فرمایا۔جبرئیل امین نے اس پس و پیش کی وجہ دریافت کی تو آپ نے ارشاد فرمایا:مجھ پر تو اللہ رب العزت کی اس قدر نوازشات ہیں، مگر روز قیامت میری امت کا کیا ہو گا؟ میری امت پل صراط سے کیسے گذرے گی؟ اسی وقت اللہ تعالٰی کی طرف سے بشارت دی گئی :اے محبوب! آپ امت کی فکر نہ کیجیے، ہم آپ کی امت کو پل صراط سے اس طرح گزار دیں گے کہ اسے خبر بھی نہیں ہو گی۔

اس واضح بشارت کے بعد سر کار دو عالم براق پر سوار ہو گئے۔ جبرئیل امین نے رکاب تھامی، میکائیل نے لگام پکڑی، اسرافیل نے زین سنبھالی جس کے ساتھ ہی پچاس ہزار فرشتوں کے سلام کی صدا سے آسمان گونج اٹھے۔حدیث میں آیا ہے۔براق کی تیز رفتاری کا یہ عالم تھا کہ جہاں تک نظر کی حد تھی، وہاں وہ قدم رکھتا تھا۔براق کا سفر اس قدر تیزی کے ساتھ ہوا جس تک انسان کی عقل پہنچ ہی نہیں سکتی۔ ایسا لگتا تھا ہر طرف موسم بہار آگیا ہے۔ چاروں طرف نور ہی نور پھیلتا چلا گیا۔اس سفر کے دوران آپ صلی اللہ علیہ و آلہ وسلم مکہ سے مسجد اقصیٰ گئے اور وہاں تمام انبیائے کرام کی نماز کی امامت فرمائی۔ پھر آپ صلی اللہ علیہ و آلہ وسلم آسمانوں میں اللہ تعالٰی سے ملاقات کرنے تشریف لے گئے۔ وہاں اللہ تعالٰی نے آپ صلی اللہ علیہ و آلہ وسلم کو جنت اور دوزخ دکھایا۔ وہاں آپ کی ملاقات مختلف انبیائے کرام سے بھی ہوئی۔ اسی سفر میں نماز بھی فرض ہوئی۔معراج جسمانی اور روحانی ایک اختلافی مسئلہ رہا ہے مگر احادیثِ صحیحہ اور تفاسیر ِ معتبرہ اس بات کی نشان دہی کرتی ہیں کہ معراج جسمانی تھی   -

سفرِمعراج کے پہلے مرحلے پر سفر جاری تھا کہ حضور رحمت عالم صلی اللہ علیہ وآلہ وسلم کا گذر حضرت موسیٰ علیہ السلام کی قبرِ انور کے قریب سے ہوا۔ آپ صلی اللہ علیہ وآلہ وسلم نے دیکھا کہ وہ اپنی قبرِ انور میں کھڑے نماز ادا کر رہے تھےانبیا صف بہ صف آپ صلی اللہ علیہ وآلہ وسلم کے استقبال کے لیے کھڑے تھے۔جب یہ مقدس قافلہ بیت المقدس پہنچا تو بابِ محمد، آپ صلی اللہ علیہ وآلہ وسلم کے استقبال کے لیے کھلا تھا۔ جبرئیل امین علیہ السلام نے اپنی انگلی سے دروازے کے قریب موجود ایک پتھر میں سوراخ کیا اور براق کو اس سے باندھ دیا۔ پھر آپ صلی اللہ علیہ وآلہ وسلم بیت المقدس میں داخل ہوئے تو تمام انبیائے کرام علیہم السلام آپ صلی اللہ علیہ وآلہ وسلم کی تعظیم، اِکرام اور اِحترام میں منتظر تھے۔ انھیں حضور صلی اللہ علیہ وآلہ وسلم کی امامت میں نماز پڑھنے کا شرف حاصل ہوا۔انبیا حضور صلی اللہ علیہ وآلہ وسلم کی اقتداء میں نماز ادا کر کے ادب و احترامِ مصطفیٰ صلی اللہ علیہ وآلہ وسلم سے مشرف ہو چکے تو آسمانی سفر کا آغاز ہوا، اس لیے کہ ہر زمینی عظمت حضور صلی اللہ علیہ وآلہ وسلم کے قدموں کا بوسہ لے چکی تھی۔ پہلے آسمان پر پہنچ کر آسمان کے دروازے پر دستک دی گئی۔ بوّاب پہلے سے منتظر تھا۔ آواز آئی : کون ہے؟۔۔۔ جبرئیل امین نے جواب دیا : میں جبرئیل ہوں۔۔ ۔۔ آواز آئی : آپ کے ساتھ کون ہے؟۔۔۔ جواب دیا : یہ محمد صلی اللہ علیہ وآلہ وسلم ہیں۔ آج کی رات انھیں آسمانوں پر پزیرائی بخشی جائے گی۔ آسمان کا دروازہ کھل گیا اور پوچھنے والے نے حضور صلی اللہ علیہ وآلہ وسلم کی بارگاہِ بیکس پناہ میں سلام عرض کرنے کی سعادت حاصل کی۔ مرحبا یا سیدی یا مرشدی مرحبا! 

گوگل کی مدد سے تیار کی گئ تحریر ہے